富山居 (裝修中)

哩日嚟開大埔醒起之前bookmark咗想下試哩間日式料理～正好可以嚟食個晏，哩到午市都幾多選擇下，壽司、冷熱麵食、定食等等，選擇困難睇到睇都花埋😵‍💫經典沙丹厚切豬扒飯配日本珍珠炒飯 $56推薦程度 🌟🌟🌟🌟上菜肥到咁大兜都真喺嚇咗一跳，塊豬扒大可以冚哂啲飯！厚切豬扒煎得都嫩滑，大件夾抵食～吉爆埋面頭隻太陽蛋撈飯食一流！十勝厚切吉列豬扒飯配洋風咖喱汁 $56推薦程度 🌟🌟🌟🌟 🌟本身哩款可以揀番配咖喱/滑蛋，本身好中意食日式嗰種甜咖喱所以就嗌咗咖喱，一啲都冇失望，咖喱都好濃郁好啱配飯！吉列豬扒同樣都又大又厚，炸粉唔厚，而且冇炸過火，一啲都唔柴～

🐙八爪魚刺身🐙5️⃣片薄切，切片見到肉質非常之雪白❄️感覺食材本身都新鮮，味道較為清淡，但口感清脆彈牙，出奇地有嚼勁，亦都有少許肉汁既感覺。食落一啲都唔會似擦子膠🐟油甘魚刺身🐟💛 💛💛💛💛💛💛💛💛🤍4️⃣片厚切，油甘魚油花分布均勻四散，入口甘香，油分豐滿。魚味都好濃郁細膩，甘甜清香，魚肉幼滑之餘又結實，滑嫩而且感受到有大量膠質，口感好有彈性🦀蟹子沙律🥗💛💛💛💛💛💛💛💛🤍🤍一盤堆砌成山咁既沙律，最頂係滿滿既蟹籽，青瓜絲爽脆新鮮，加埋蟹柳絲同沙律醬👍🏻每啖都好似有汁湧出黎咁，再加埋咬爆蟹籽個種爽脆整體而言呢到食物質素良好，價錢都幾實惠，係性價比之選🌟

近期大愛就喺位於大元街市美食廣場嘅呢間富山居💕呢間裝修超級有日本既氛圍，門口重有棵好大嘅植物裝飾🌸鋪頭空間感好大，基本上都喺卡位沙發位，坐得非常舒服😌加上啲和式啲嘅吊燈同掛飾，真喺可以呃下自己去咗日本🤣平時嚟最常食就喺板燒雞扒香蔥醬油撈麵（💲50） 佢地啲雞扒真喺唔講得笑，又大又厚，啖啖肉！重點喺佢厚得嚟唔會又乾又嚡，喺軟嫩嫁！我中意雞扒塊皮燒到脆脆地，油脂唔會太多，唔會過分油膩😋啲蔥油極香，比得又大方，連埋啲甜甜地嘅醬油撈埋麵一齊食超級幸福😌我覺得重好食過出面啲港式茶餐廳蔥油乜乜💯

上個禮拜應朋友邀請試試大補新來的日本餐廳，一收工便趕過去。餐廳地址都唔難搵，係大元街美食廣場，搭完扶手電梯後，行一兩分鐘便見到餐廳。店內空間寬敞整潔，服務員態度都好好。菜品的質素都不錯，價格也合理。最難忘的是餐廳的芝士烤生蠔。各位去到一定要試，非常好味！其次是大蝦天婦羅粉，以＄68一份的價錢來說已經超嗮水準，蝦肉飽滿，麵衣很薄，唔係出面普通餐廳咬落去係厚厚ge麵粉。雞軟骨好大粒好有咬口！鐘意食雞軟骨的人推薦試螃籽沙拉都十分推薦試啊！好清爽，口感都好豐富

哩日放飯同同事黎咗美食廣場哩間日本野都食，午餐選擇好多價錢都幾親民😊我嗌咗戈十勝厚切豬扒香蔥醬油撈麵，十分滿分我比九點九九分🥳塊豬扒又大又厚，大過我塊面😳雖然佢好大塊，但係一啲都唔乾柴，切開都仲見啲色好粉嫩，咬落都唔會太要牙力😬成份餐入面最得我歡心就係個麵底😍哩到用既係粗麵，唔會煮過龍淋到一夾就斷，有少少嚼口又掛到汁😋哩戈啲醬汁帶甜連埋啲蔥油一齊雖然好邪惡，但係世界級享受，美中不足係我覺得蔥油可以再大方啲啲🤣🤣🤣哩到食物質素真係好唔錯，價錢又唔貴，凍飲加八蚊，埋單都係六十左右，性價比真心唔錯🥳

朋友介紹帶我黎到美食廣場入面既呢間日式料理，好似都唔會開業咗好耐，裝修仲好新下。呢到設計有營造到係日本洋食居酒屋🌸既感覺，光鮮企理仲擺咗啲植物💐既裝飾，睇得出花咗唔少心機係呢方面😳其實我地黎都係搵個地方可以傾下計，就冇叫到主食類既野，我地分別嗌咗幾款刺身小食咁🐟刺身方面推薦油甘魚、三文魚，魚生片色澤紋路分布均勻，肉厚肥嫩，魚肉細緻鮮甜！三文魚比較肥美重油脂感而油甘魚口感就獨特清爽🦪芝士焗天火蠔，芝士咸香加埋肥美既蠔肉，一啖ko一隻🤪🥗蟹子沙律份量都足，好多蟹子係頂頂，青瓜爽脆同朋友黎傾下計都係個唔錯既選擇坐得舒服食物質素又唔錯

呢間大元邨美食平台新開嘅富山居，已經食過幾次。早餐水準keep到之餘，價錢合理，CP值頗高。十勝豬扒包豬扒巨型得黎又juicy、厚切口感一流，份量十足。唔會煎到太乾而鞋口，豬仔包焗得鬆軟，入面有洋蔥，同少許燒汁、黑胡椒，整體十分惹味，口感豐富羅勒蕃茄通粉+牧場吐司+炒蛋湯底濃郁夠哂味，食到粒粒蕃茄，仲帶有羅勒嘅香草味牧場吐司，類似丹麥酥嘅吐司，偏向酥軟而非酥脆，食落會好香牛油味炒蛋則略嫌份量較少同埋炒得好散

今日去開大埔搵朋友，我竟然睇錯咗時間提早咗好多到達，唯有自己去食啲嘢先啦🤦🏻‍♀️點不知竟然比我遇到一間咁好食嘅日式餐廳。老實的說真係好耐好耐冇去過日本🇯🇵了，今日嚟到呢間餐廳感覺上好有日本風味，除咗餐廳嘅裝修係用咗原本風，再配置其他裝飾品感覺真係好似去咗啲日本小型特色餐廳咁🙆🏻‍♀️今日就叫左個十勝厚切豬扒香蔥醬油撈麵，唔係講笑啊，呢度嘅豬扒竟然仲大過我隻手長。仲要真係後設唔講得少啊下😳豬扒有少量嘅脂肪位，食落又香又juicy😍，就算係厚切肉質都唔會太難咬開，反而仲幾嬌嫩添👍🏻而個香蔥醬油撈麵味道就剛剛好唔會太鹹，撈得小少濕，岩哂我啊😆

最近心頭好喺哩間位於大元街市嘅富山居🏮差唔多一個星期都嚟到兩三次㗎🫣哩到嘅午市好抵食，通常懶得諗就會過嚟食🤣今次夜晚嚟，人流相對冇日頭咁旺，咁靜啲都坐得舒服啲😌晚市就會更加似番間日本居酒屋🇯🇵因為純粹想坐下傾下計，今次淨喺嗌咗少少嘢食⭕️吞拿魚刺身色澤鮮艷，用上赤身，魚肉香味濃厚，肉質厚實有嚼勁，好似條吞拿魚喺把口入面游緊水咁👻⭕️串燒拼盤拼盤入面包咗有雞軟骨，雞翼，京蔥雞串，蘆筍牛肉串同冬菇🈵燒過嘅京蔥一啲都唔辣，非常清甜，配上嫩滑嘅雞肉無得頂💯冬菇同蘆筍都非常新鮮，燒完軟嫩多汁🤤雞翼同雞軟骨都水準以上香口惹味😈

難得閒日放假留係屋企，又唔想自動郁手煮嘢食，於是乎係附近覓下食～同母上大人入咗呢間日整嘢食個晏😌呢到裝修都幾有日本feel~卡位好闊落，坐得都幾舒服😌單論環境感覺已經相當良好💕食物方面選擇都幾多下，我地見呢到好似主打都食十勝豬(？)，所以我地不約而同都揀咗蔥油豬扒👻碳燒厚切豬扒飯配韓國餐肉蛋，醬汁要咗秘製蔥油汁✨唔知有冇人同我一樣都中意食韓國餐食多啲🧐韓國既好似係會扎實啲有嚼口有肉既感覺啲😈另外就係十勝厚切豬扒香蔥醬油撈麵，兩份餐既豬扒都真係又大又原，煎到啱啱好肉嫩有咬口唔霉💕蔥油係神來之筆，撈埋一齊簡直係絕配🔥

偶然發現這家裝修非常有心思的日式餐廳，久別兩年都沒有出國旅行，忽然想念日本，於是便內進感受一下日式氛圍✨三文魚三文魚紋路清晰分明，外觀光澤鮮美，質感嫩滑，滿滿油脂香充斥整個口腔🧡✨吞拿魚赤身色澤紅潤，肉質結實有咬口，魚肉味濃郁，非常適合喜歡魚香的小伙伴🧡✨石窩牛肉飯上桌時店員細心提醒小心容器邊滾燙🫶牛肉香嫩，味道濃郁甜口，撒上炸蒜蔥花增添香氣✨石窩飯最靈魂之處一定是飯焦，石窩夠熱，到最後有不少飯焦🔥✨芝士焗蠔一份三隻大大隻，蠔肉肥厚滑溜，鮮甜不會腥臭，加上滿滿芝士咸香爆滿🥴

這天經過『富山居』店外，淺色木質招牌，搭配上大大隻紅色書法字，成功吸引到我的目光😌午市時段，店內人頭湧湧，服務員忙得不可開交，但仍然態度親和有禮🙌🏻菜單選擇種類繁多，腦海裏天人交戰了好一會兒，最終決定享用「秘製蔥油汁碳燒厚切豬扒飯配脆皮腸」($52)，轉飲凍奶茶無糖（+$8）:豬肉嫩滑多汁，口感厚實富彈性。外面煎得酥脆，帶陣陣油香。豬扒骨頭佔很小比例，每一口都要香噴噴的嫩肉🫶🏻秘製蔥油汁味道帶甜，蔥蒜味非常香口，整體不會過於油膩，搭配軟硬適中的香米，不知不覺就清盤了😈奶茶紅茶底香濃，奶香夠，茶和奶的比例恰到好處，無糖亦不會苦澀💕

📍 富山居🔺十勝厚切豬扒依家鋪頭做緊優惠，有份餐牌係扒類食物黎，只要點咗戈份餐牌上面既野，然後社交平台讚好就可以用$1加購價加配板燒蒜香牛油燒龍蝦半隻🤑依到本身就系出名豬扒，佢地既豬扒煎到外表帶輕微焦脆感，肉質鬆軟有嚼勁，聽講系用日本水果去醃製，難怪咁彈牙仲自帶甜味😈依隻1蚊既龍蝦都唔系求其貨色，蝦肉肥美帶甜味，蒜香味十足，彈牙又啖啖肉，相當抵食👻🔺芝士焗天火蠔大大隻既生蠔🦪上面鋪上滿滿既芝士，加埋白汁好夾好好味😋每隻生蠔蠔肉都香滑飽滿，蠔味濃又甜，一啲都唔腥又冇雪味❣️

哩日嚟到大元街市美食廣場嘅哩間富山居居酒屋🏮餐修有格調，座位都幾舒適😌定價親民，用料新鮮，食物質素都唔錯💜🌟八爪魚（5切）八爪魚本身味道清淡，口感爽脆彈牙，越嚼越多汁嘅感覺😬🌟吞拿魚（4切）赤身位置，油脂相對黎講比較少🤏肉質鮮嫩又結實，帶濃郁嘅魚味🌟帶子（6切）肉身非常之豐厚，好有彈性，味道方面相當鮮甜💕🌟甘蝦（5本）肉質厚爽，睇落晶瑩通透✨彈性喺恰到好處，味道甘甜🌟石鍋牛肉飯除咗刺身都嗌咗個熱食，石鍋飯上枱嘅時候仲熱辣辣，撈勻嗰陣嗞嗞聲🔥牛肉煮到好軟，非常夠味，甜咸平衡💕最到最尾仲有飯焦💯

今期最抵食嘅餐廳莫過於大埔呢間富山居，呢間餐廳以日式和風做主題，門口有好多裝飾都幾別緻架😆佢哋門口仲有一棵好大棵嘅許願樹添💖😏點解我話佢好抵食？🤩因為我今日叫左十勝厚切豬扒，餐廳職員話我知原來係佢哋嘅社交平台專頁讚好就可以以至扺價格$1黎換取一份板燒蒜香牛油燒龍蝦半隻🦞你話係唔係好抵食呢🤭除咗抵食佢哋仲稱得上係好好食😋首先佢哋嘅豬扒真係好大塊大過我嘅手掌一倍😳仲要係厚切😍多肉之餘仲好Juicy👅一口咬下，先是誘人的酥脆聲，伴隨着澎湃的肉汁，滋味無比。龍蝦肉爽脆彈牙，飄著陣陣的蒜香同牛油味，香濃中又帶點邪惡😏