富大燒味茶餐廳 (已結業)

今日系红磡做完野附近揾间茶餐厅医下肚，忽然间想到去返细个住呢头成日帮衬食早餐嘅街坊茶餐厅，富大，估唔到咁多年仲喺度，但就转哂新餐牌，见到好多新颖嘅特色野食，有别于一般茶记，当然要试吓！叫左份咖央火腿西多，一个冬阴功猪部队锅，个部队锅一上到黎新鲜滚热辣，仲要好香！成锅红当当嘅面上边铺满叉烧同猪肉丸，猪肉丸口感弹牙，冬阴功汤底够香够酸但唔会太辣，份量好足，一个人差啲食唔晒！估佢唔到，一间茶记有啲咁新颖既食物，而且味道好有惊喜，必试！仲好食过我之前在曼谷出差一间排哂长龙声称系网红店既部队锅。咖央火腿西多卖相非常吸引，炸至黄金香脆嘅包皮，一切落去中间流出香甜嘅糖浆，夹住热辣辣嘅火腿同厚厚嘅牛油，极之邪恶！口感香脆，蛋味香浓，夹杂咖央酱，简直系完美嘅搭配～加埋咸火腿味道出奇地夹！•冬阴功猪部队锅 （💎 总评分：9/10）•咖央火腿西多士 （💎 总评分：9.5/10）…查看更多

红磡广场除咗有一个不知所谓嘅牙医，原来重有哩间好唔掂嘅茶记！帮衬富大唯一嘅原因，有吉位，但原来... 有吉位系有原因嘅.... 中伏啦！首先叫佢抺吓张枱d姐姐都唔多愿意，点咗个票米班腩红肠饭，一个常餐五香肉丁米+火腿奄列，五香肉丁少得可怜，火腿奄列好似煮好放凉成个钟咁样，睇见真系无哂胃口。粟米芡汁水汪汪毫无美味可言，如果加个橙，即刻感觉自己好似食紧碟皇家饭！我已经重口话，重要整杯过甜嘅柠檬茶。下次同边个有仇一定推介佢去富大。…查看更多

是天下雨不想跑太远！顺眼见就进来吃的一家！店内好像满多烧腊！睇清餐厅个名叫做富大烧味茶餐厅！正正 11点就有人在点餐了！所以我才会顺便进来吃！最近吃过的烧味都不错！全部以纯卖烧味为主！这家烧味店卖的食物种类还真不少！除了烧味还有小菜、炒饭、河粉、捞面、炒面等等本来想食干炒牛河的！老实说普通庶民例如我随便走入茶餐厅都吃到干炒牛河！随时吃到一嘴油！考虑到这点最后还是点了好久没吃的干炒牛肉面换换口味！落单等大概五分钟就有得食！牛肉口感满好的且份量非常慷慨！肉质带点软又有点弹很好咀嚼生面不算太油，面质保持软硬度！每条都挂酱油！酱油不咸稍甜一些！面不是一旧旧的！功夫到家能炒得到很松散！适量的洋葱够哂香口！不过闻的镬气比较不强！是那种大火快炒的味道没那么明显！整体来说还不错！食物水准可以, 但服务和态度就麻麻！时段已经少人, 但坐落一会！都系无人理会我！加上举了手数次才能落到单！…查看更多

个日早左起身，谂住食个靓早餐先返工。叫左个沙嗲牛+雪菜肉丝米粉食，点知食到一半，系堆雪菜肉丝到见到只曱甴！！！！极度呕心！！有一截手指尾咁大只，完整无缺！！好彩我一向都有整散啲雪菜肉丝黎食嘅习惯，如果唔系，呢只曱由已经比我咬碎晒仲吞埋落肚叫个阿姐埋黎，问佢呢只咩黎！呆一呆，讲句唔好意思，就话帮我换左佢。大佬，你第2碗野咪又系个堆野到"笔"出黎！我话唔洗啦，之后佢就咁走左。冷静番小小，行出去埋单，佢仲好意思想收我钱，跟住我开口问佢，咁张单点，佢er一阵就话，咁你有饮野，就收你饮野钱，$16蚊，唔系$18先岩，你个杯系冻饮！！！ok, 个餐先系个$29，碗面咁唔干净有曱甴，仲好意思同我计系咪冻饮，我当豪比佢！点知返到上公司，即刻肚泻......事后已报食环署。呢间野永远都唔会再帮衬！！！！…查看更多

普通街坊茶餐厅，台椅密麻麻、卡位又细张，坐得好唔舒服又劲迫夹，幸好姐姐、婶婶、叔叔们服务尚算殷勤啫。暴饮暴食左七日，仲未停到口，要花多一点时间调整一下，食埋个饭先讲，冲呀！成个月无食靓烧味饭咯，食多餐先操啦！要食饱饱先有力操架麻，努力做运动就是为了能够食更多珍馐百味，正呀。条街焗炉一样，连我自己都觉得溶溶地，路过望到居然有卡位㖞，是鬼但即刻冲入黎，跟住阿姐不停比压力要我落单，最紧要快，唔谂喇。炸鸡髀，香气扑鼻、皮香肉嫩、肉质结实带弹，够晒满足啦，热腾腾好味道 ﹗切鸡髀叉烧饭，多谢 $48 蚊，合理价钱。就算选择多都系谂唔到食咩好，是但又烧味啦，富大烧味有保证无甩拖。正呀！切鸡髀好好味，完全无位比我弹 ﹗切鸡髀肉白雪雪又嫩嫩滑，每一口都充满弹性，无话硬实实。薄薄鸡皮黏著鸡肉，甘香不油腻，肉汁疯狂而湿润，鸡味香浓又香甜，气味芬芳又清新，闻得到的美味 ﹗蜜汁叉烧热辣辣，质地够软棉又 juicy，不会硬掘掘、不会干争争，猪味浓厚，甜中带点燋香，实在好食 ﹗惹味葱油撞上甜豉油再捞白饭，大大味塞入口，极度滋味，好食到手都震！美味叉烧躺在葱油甜豉油白饭上连埋嫩滑鸡肉同吃，百般味道反质感在舌头上打滚，融合得天衣无缝，坚系无得顶呀 ﹗叉烧非常香甜软腍松软，肉汁微渗，真系好好食，边位仲有燋香味道！切鸡髀烧鸭饭加煎蛋，𩠌仲多过饭，$50 蚊大大碟，抵食到烂，哗哈哈！煎蛋加 $5 蚊好合理，一只鸡蛋系街市都要 $3 蚊只，试过尖沙咀茶记加只蛋收我十蚊，离晒谱架，您以为我大陆黎架咩 ﹗卖相有点可怕㖞，求其堆埋一齐就出货，感觉非常凌乱，知否好影响食欲架呢！唯有我亲手执返靓仔，整整齐齐、企企理理影张遗照啦。丰满的荷包蛋异常吸引，胀卜卜又肥嘟嘟，可爱非常，使人想入非非 ﹗流心蛋黄暖笠笠、软软棉棉、黏黏滑滑，浆住您的双唇，紧紧包著您的舌头 ﹗甘甜无比的蛋汁混上豉油葱油白饭，不用半点肉、不用半点𩠌，净系依只蛋已经消灭左半碟饭喇 ﹗简单但又最好味既就系热辣辣煎蛋捞饭，正正正呀！好食到想咆吼呢 ﹗好少可叫普通烧鸭，而唔叫烧鸭髀食呢，突然想食下鸭胸之麻，而且富大是没有烧鹅供应的啊 ﹗肉质不过不失啦，啖啖肉无揾笨，唔会斩晒头头尾尾或背脊，够老实。味道系有点偏咸，跟饭同吃都唔系太呛，还算合格。切鸡髀烧肉饭，到依一刻先发现，原来富大最出名系烧肉啰，我系红磡打滚左十年，捐窿捐隙揾食都从未听过，果真孤陋寡闻啊 ﹗难怪有个个冲住黎要食烧肉啦，有几次我想食都已经卖晒喇。烧肉仲好食过上水陈六记所谓既招牌碳烧五层楼啦，好食百倍呀 ﹗层次分明的烧肉，最上层香脆无比，黏著薄薄甘香油脂，不肥不腻牵著甜美多汁又软棉的瘦肉，最后就是结实的咸肉。味道环环紧扣，美味可口无得弹 ﹗无论如何配搭豉油葱油饭都极好食，香喷喷越食越精神、越食越起劲，真系停不了啊 ﹗油鸡髀熏蹄饭，白切鸡有点闷吧，人生要多点色彩，出黎啦 ﹗豉油鸡髀 ﹗好很怕油鸡浸得太咸太呛，而且我一向都唔多咸得，幸好富大未算重手，轻轻淡淡的豉油香恰到好处，温柔不粗暴，咸中带甜，味道宜人。浸过豉油的鸡皮较脆口又更有弹性，鸡肉亦微得结实但不失嫩滑，不负众望，有一定水准。我喜欢熏蹄配烧味有个好重要既原因，淋上甜醋非常提神醒脑又开胃呢，不过甜醋既品质、味道都好紧要，如果系外购独立包装既就差好远喇，只酸不香不甜。熏蹄外皮够胶又够爽弹，不肥腻配上猪味浓郁瘦肉，不错不错。净食点都有点寡，夹著油鸡髀肉捞埋豉油葱油饭齐齐食，即时产生化学作用，美味极致，好食到拍案叫绝。香喷喷的葱油切得幼细，香味更能发挥得淋漓尽至，跟烧味甜豉油饭简直绝配。回想当年对葱油百般抗拒又反胃，真系走宝呀 ﹗切鸡髀熏蹄饭，好好好味啊 ﹗我喜欢熏蹄配烧味有个好重要既原因，淋上甜醋非常提神醒脑又开胃呢，不过甜醋既品质、味道都好紧要，如果系外购独立包装既就差好远喇，只酸不香不甜。熏蹄外皮够胶又够爽弹，不肥腻配上猪味浓郁瘦肉，不错不错。净食点都有点寡，夹著切鸡髀肉捞埋豉油葱油饭齐齐食，即时产生化学作用，美味极致，好食到拍案叫绝。烧鸭髀烧肉饭，鸭髀比鹅髀细一半有多，不过比起鹅少油少肥膏，不过鹅肉紧致幼嫩好多，肉味更浓，肉汁更劲，味道更香，所以贵好多啰。烧鸭髀皮香肉嫩，鸭皮烧得非常干爽唔油腻，坚香喷喷 ﹗包著嫩肉一啜入口，鸭肉味浓又甜美可口，鸭油甘甜不腻，饭粒又干爽、葱油又香口，当然大满足啦 ﹗顶级烧肉劲好味，脆皮劲香！香菇牛肉炆伊面走葱走芽菜走韮黄，唔理有定无，梗系走左先算，费事拣死我啦。全部走晒舒服晒，可以安心地大啖大啖地将伊面扫入口，依个感觉真系坚爽呀 ﹗伊面弹弹的，洽得刚好唔会太腍，有点赵口，生抽老抽味浓又香喷喷，不过咸又不呛不浊，炒得镬气迫人，食得津津有味，不过有一半伊面碎晒，要用羹食啰。干炒浓味牛肉鸡髀菇伊面，都带点湿润，牛肉腍滑、菇爽弹，蛮满意的，好味。黑椒牛柳丝炒意粉，中式炒意比叉我用，想拣走芽菜、洋葱、韮黄、青葱都几困难㖞，全部我都唔食架。实在太赶时间，求其爬晒入口算数，近年开始顶得住股草腥味唔会反胃，免强吞得到入口。估唔到有师傅有料到㖞，炒得劲有镬气，白烟飘飘，香气扑鼻。意粉好弹牙，牛柳丝咽咽韧韧，黑椒味浓又够辣，混埋大量香菜味道满意，而且不太油腻。咖哩牛扒意粉，咖哩够香又够辣正㖞，特别开胃，食得津津有味 ﹗炸牛扒质感有趣，微微脆口，虽然略咸，还可以的。意粉刚刚好，挂著大量咖哩入口，湿润美味，大力啜啜啜啜，消失得无影无踪。…查看更多