富大燒味茶餐廳 (已結業)

紅磡廣場除咗有一個不知所謂嘅牙醫，原來重有哩間好唔掂嘅茶記！
幫襯富大唯一嘅原因，有吉位，但原來... 有吉位係有原因嘅.... 中伏啦！
首先叫佢抺吓張枱d姐姐都唔多願意，點咗個票米班腩紅腸飯，一個常餐五香肉丁米+火腿奄列，五香肉丁少得可憐，火腿奄列好似煮好放涼成個鐘咁樣，睇見真係無哂胃口。
粟米芡汁水汪汪毫無美味可言，如果加個橙，即刻感覺自己好似食緊碟皇家飯！
我已經重口話，重要整杯過甜嘅檸檬茶。
下次同邊個有仇一定推介佢去富大。