富園海鮮酒家

营业中

休息中

飲茶拎飛是常識吧！但你錯啦！呢間酒樓走在最前線！！！前到我跟唔到😂😂拎飛唔等於有位！拎飛只係叫你坐喺人哋未走嘅枱 等你幫手迫人走！坐到同枱食客鬧你 啲職員都唔會幫手！只會捉住你隻手 帶你四圍走！大佬啊！疫情啊！唔好咁癲啦！同枱又冇戴口罩！職員又捉你隻手/手臂！要唔要嚟食？自己諗！老實講 嘢食係唔錯但未食已經受哂氣 飽咗！

The service is quite good, esp we come together with four people, cause of the social distancing ban, only two can sit in the same table, the waitress arranged two separate tables for us lollll, but the good manager(woman) helps to arrange one table for us with separate paper, and we can sit much closer thanksChicken feet ribs rice is our number one choice but I'd say the rice is a bit moist, will be better if a bit drier and harder haaa, overall the taste is nice and ribs are niceee and yummShr

周末来到佐敦，决定在这里喝茶。十分鸡冻！老好的 70 年代场面重出江湖。坐满人，都是司奶与阿伯，疫情下当然不允许坐得太密集，不然这里应该爆瀉的。门口有个阿姐派号码票安排座位。晚娘口面呼呼喝喝，咁仲唔系七十年代？看清楚点心纸，原来超平。真的，冇死错人，一切都有因果。人太多。没食物前，坚持戴口罩。点心味道没问题。咁多司奶捧场，断估都知一定得！餐厅是有点混乱。服务是求其左 D, 不过没什么所谓啦，香港人习惯晒。所以说，很有七十年代感觉。我们的集体回忆呀！

第一次上去食，5個人諗住攞飛，店員就唔使，叫我自己入去搵位，咁搵左一陣終於等到張4人枱坐底，就突然叫我起身，話要攞飛，要攞飛又唔早講？搞到我係裏面行尼行去，之後又話以為我地兩個人，兩個人先可以自己搵位，又話可能佢行開左同事唔清楚，總之一萬個藉口都係佢唔知，真係不知所謂，以後都唔會幫襯🤬🤬🤬最後上左樓上食。

大家食飯有冇試過一個鐘頭 都上唔到一個餸 呢間富園就係 我未試過食一餐飯咁勞氣 呢間酒樓既職員只會不停耍你 叫你耐心等候 呢D叫乜野態度 不知所謂 點好食 都唔會有人幫襯 我放長眼睇你幾時收皮

早上11點經過心血來潮去飲茶，第一次黎依間飲，坐低叫左茶職員開張單，單內夾住點心紙，叫完嘢食，後發現同台別人點心紙有張黃色，我就在台上一本簿打開才發現一張7-12點心孖寶紙，我馬上去櫃台反映。叫來經理，經理講你自己無睇台有咩，你叫左野改唔到。依加仲有依種服務態度！第一次見開點心卡，優惠點心紙唔係連點心卡一齊放，仲要理直氣壯講你自己唔睇台面野！你有心就放係台號牌度啦！仲有心拎本簿夾係入邊！一星都俾多！！

今日出開佐敦當然要搵阿媽飲茶啦,11:45去到酒樓估唔到疫情下都幾乎無位,侍應生相當細心同我講要入單快啲入~原來12:00前入單點心可以當早茶計,於是我就快速地點了蘆筍鮮蝦餃,鮮蝦腸粉,煎三色糕,鴨腳扎,章魚肉餅飯,鴨腳扎宜家好少酒樓有得食阿媽又鍾意食,鴨腳扎入邊有好大舊芋頭整得好好味,蘆筍蝦餃好大隻蝦好味,三色糕係羅白糕年糕馬蹄糕~馬蹄糕同年糕都唔太甜低讚,唔掛得我媽經常話去富園飲茶啦真心好食,埋單重覺得超值兩個人五碟野都係九十元

幫襯酒席之後送了幾張燒鵝卷！之後去食啦！去到就話冇！咁張卷用來做乜，蝕唔起可以送雞、鴨！半隻都得，唔好騙人，不知所謂，唔好幫襯，以後唔會再幫襯，通街酒樓、睇呢間幾時收檔！小喇叭……

時間過得真的很快，不知不覺和大專的同窗們已相識了近20年 ! 我們原本的五個人，也變成了8大5小的13人。這天就一行7大4小，到佐敦飯聚，預賀相遇20週年。同窗選佐敦富園，主要是位置方便，且食物亦大眾化口味。點了幾款小菜、1窩燉湯，幾款點心，閒話一番，就過了一個愉快的晚上。螺頭黑蒜燉湯 – 是連著蒸魚的孖寶菜之一，所以只是4-5位用的小窩湯，不過也足夠我們11人每人一小碗。湯很足料，赤肉、黑蒜和螺頭一大碟，湯也鮮甜。清蒸海斑 – 不足一斤的海斑蒸得剛好，肉很滑，就是鱗去得不夠乾淨，影響了食味西蘭花珊瑚帶子 – 份量足，西蘭花切得較細，吃起來也方便金銀蛋莧菜 - 莧菜算是嫩，但整道菜比很淡北菇紅燒豆腐 – 部份豆腐爛和炸黑了，影響賣相。但豆腐頗嫩，蠔油汁也滋味燒腩仔 – 是五層肉，皮很脆，五層肉一點也不肥膩，而且有微微五香味又不過鹹，味道不錯炒米粉 – 炒得很有鑊氣，米粉爽滑，有蝦仁、魷魚等配料藜麥炒飯 – 飯粒粒分明，但有些硬，藜麥不多，配料只有少量蝦仁同迷你帶子粒和菜粒，味道也清淡 生煎包 – 包很鬆軟，但餡料的肉較甜，吃時覺得有些奇怪馬拉糕 – 原個上碟，熱辣辣又鬆軟，如果可以切得

今日要去佐敦附近做野，到中午時候周圍都係人，茶餐廳都要排隊，見到佐敦薈商場上面有幾間酒樓咁就上去飲茶啦！午飯時間有特惠點心同行政午餐，咁梗係揀特惠點心啦！搞笑酒樓阿姐推介我晚市有龍蝦虎班燕窩套餐好抵吃。唔食套餐，晚市散叫都好抵食架。我心諗而家哩餐我都未搞掂，咁快諗下餐。哈哈菜遠牛肉炒河 $29.8平日食飯真係抵啲，一大碟牛河都唔使30蚊點咗個花旗參湯蟹仔蝦餃。湯幾香有花旗參味，蝦肉爽彈牙。點埋一籠點心拼盤就夠晒飽了。

琴日一行十二人去呢間酒樓食飯第一味菜乳豬已經唔得 成隻乳豬好凍服務員重一路上菜一路講野 噴晒口水落啲餸到之後香蔥蒸蓉蒸鮑魚完全冇味道 明明檯面放到冇晒位 服務員都可以唔幫手要我地自己騰空位置比佢上菜可以讚嘅係個雲吞雞湯幾入味同足料條魚蒸得滑唔老西芹蝦球同西蘭花魷魚一般般最後冇炒飯變左生煎包生煎包會當住你面係你面前煎呢個第一次見但係服務態度真係唔掂 食到一肚火之前團年飯都試過係到食重要坐電梯隔離 正正係出入位好多人行過唔會再黎呢度食飯

喜歡吃蝦餃的人, 來這富園海鮮酒家不錯,這店有多款蝦餃選擇,比較特別的參湯蝦餃,我是不吃人參湯的,但是這裡做得不錯,我成碗可渴了,味道可接受,水晶蝦餃有也很正常,露筍蝦餃就比蘆筍味道 遮蓋了,鮮蝦腐皮卷超油,每一口都有很多油,而鳳爪和腸粉都很正常味道,而那個得獎的雪山叉燒包 比較甜,但特別,我還是喜歡正宗的叉燒包, 至於紅油抄手,做得比較懶,只是將用湯烚好的水餃,在面頭加一點麻辣醬,沒有用麻辣湯煮過, 張打邊爐自己加麻辣醬一樣。

明明講明提早落訂時，半席都可以燒雞轉做燒鵝，到食飯時先話冇講過。侍應黑面，完全冇基本待客應有態度。食物質素平平，部分食物到上枱時已凍。未試過食餐飯要咁勞氣，冇下次。

今日放假同屋企人黎左呢間茶樓食下午茶。佢特價點心唔算多，不過就幾抵食。可惜我地得4個人，冇得叫多幾樣點心食。有一個$3.8嘅花旗參湯蝦餃王，一人限叫一盅，一盅一隻。 佢花旗參味唔算濃，都幾開胃，可以一試。四川紅油炒手 - 一碟六隻只係15蚊 抵食👍👍雪山叉燒包-我最鐘意既點心，軟綿綿，新鮮出爐就最好味。 不過一落枱大家掛住食 唔記得影相😝😝😝仲叫左潮州蒸粉果，南瓜煎堆仔，香煎蘿蔔糕，炒欖角排骨蒸腸粉，陳皮牛肉球，秘醬金錢肚.......食飽飽4個人埋單$190!

中秋節正日嘅家庭飯局。之前已經一早訂咗位(預早10日), 座位安排唔算差。我哋雖然食一個1988蚊嘅平價套餐(全包宴), 但係各方面都算過得去, 比預期好。而且無因為節日另外加價, 值得一讚!呢個套餐平時都有得食, 喺佐敦區嚟講, 算好抵食。各項菜式都ok, 唯獨是個炒飯就唔係幾好食。我哋嘅座位可以望到廚房嘅運作, 確實非常非常忙碌。所以稍有甩漏, 我哋都可以原諒及接受。樓面忙過不停, 算係運作暢順, 服務周到。食物份量充足, 個個食到捧住個肚走。今次我都唔講太多, 大家睇下啲相, 就知道我冇講大話。龍蝦伊麵係主角, 最好味, 份量又足夠, 有三隻龍蝦。