富園海鮮酒家

营业中

休息中

行開佐敦見係下午茶時段就嘗試去搵酒樓食嘢因為好想食燒鵝瀨咁我就前後行咗四間茶樓，望吓佢哋下午茶嘅點心紙四間入邊最後尾揀咗呢一間因為價錢上都係最平燒鵝瀨加多一個指定點心，只係38.8 真係超級抵茶餐廳都做唔到呢個價錢難怪喺門口就見到個茶樓都係人我哋都係要搭枱咁樣食食物上我都覺得幾好食起碼啲嘢係熱食，同埋唔會覺得係一堆粉漿我哋同樓面嗰個阿姨講話好抵阿姨話係呢幾年以來，第一次拼燒鵝瀨之前都係切雞瀨咁我真係幾好彩

農曆年，親友相聚。訂了二圍枱，係全包宴。估計是結婚飲宴類近的菜色，包啤酒汽水茶芥加一。 在細小的圓枱迫迫狹狹地用餐，美其名曰：大家可以互相親近囉！乳豬件 乳豬跟海蜇排列整齊，乳豬唔熱但食得方便。波士頓龍蝦伊麵 下層的伊麵最受歡迎，剩下波士頓龍蝦＜伊人獨憔悴＞。炒蚌片 蚌片好脆口，蜜豆清甜。發財蠔豉 農曆新年好意頭菜，要發財好市。蝦肉燴燕窩 燕窩本無味，全賴＜好似魚翅＞味道的湯底。圓潤飽滿的蝦肉脆卜卜，感覺不到蝦肉纖維，心照！菇菌類菜心 菜心鮮甜無苦味，多款菇類拖油後，仍帶著菇菌類的香氣。蒸沙巴 呎寸大，肉厚，所以中骨位是剛熟，魚肉是剛剛好離骨。富園一品雞 雞肉已醃製有底味，雞皮薄脆。還有澱粉質系列的炒飯 ＆ 壽包 蒸糕 這個糕不太甜，軟綿綿，自己吞了几件呢！今晚菜色，是否這個＜龍蝦虎班乳豬全包宴＞呢？

冬至一家人諗住算啦唔煮啦，出街食餐飯，訂咗枱8:00 ，之前嗰日已經訂定話要兩隻片皮鴨，結果又去到等枱一直係災難性等候，明明我個名喺前邊個list但又比後邊熟客先，咁我訂枱嚟做咩呢？結果我地企到8:35先至有位，已經係最後一個等枱嘅人！都算啦，我忍！訂完片皮鴨，同我講冇晒貨，真係火都嚟！又算啦，我忍！啲服務員個態度真係串到x街，點菜嘅時候，問多一句，真係一句，佢竟然’疾‘我家姐，激到佢都爆粗，我地都忍住到氣，唔同你嘈！呢啲都算啦，但係我真係忍受唔到你啲杯杯碟碟筷子真係好邋遢，上面黐住啲食物殘渣，隻隻都油淋淋，唔你一隻，係隻隻都係咁，究竟發生咩事？ 啲菜又好搞笑地出奇地細碟，好似尾圍唔夠菜都唔夠煮俾人食咁。我只可以講本身想留港消費，但係真係唔係講笑，今時今日咁嘅態度咁嘅質素咁嘅服務，點搞呀？最後我哋只可以個個都話算啦唔好發脾氣，冬至快樂，一定一定一定一定一定冇下次！

話說朋友食過話唔錯、好坐街坊酒樓我有哂心理準備首先讚食物質表唔錯 價錢亦合理但一講到配件就唔得：1. 早上打電話想留枱，接電話人話唔使，大把枱，晚上到步想坐窗邊，資客話問有無留枱，話有人留咗枱，明顯比熟客客2. 叫極無人寫餸，一個明明係隔離當聽唔到、一個、一個應咗但轉頭又掛住做其他嘢，終於要我企起身大叫有無人寫先至有個經理物體埋嚟，仲話同事可能睇唔到🙄3. 成間酒樓都有煙味，可能有包廂，房內有人食煙，食完一身都係煙味🚬4. 碗碟摸上手油的，洗完要用紙巾再抹5. 枱布成撻黑色油蹟，唔明點解可以照用今時今日有晚市已經好好，服務配套咁嘅水平真係點叫人接受？今次後唔會再有幫襯

唔係特別好味啦，咁就樓上就食過幾次咁呀試吓呢間應該就唔會再嚟食嘅，咁因為啲味道呢都真係好一般同埋好偏油啦，味道就係一般偏唔好食啦賣相又唔係特別靚，簡直係浪費咗今次嘅quota雪山叉燒包都冇琴日食嗰間咁好味（無影睇單）都幾失望嘅見到咁多人嚟食以為好味啦，點知原來係唔好味第一下就黎左椰汁馬豆糕甜品先⋯⋯唔覺得特別好食（正常囉）都幾甜跟住就嚟呢個燒味兩餸嘅燒肉切雞飯（少餸）雞包仔婆婆叫既（算係咁多最正常既食物）個XO醬腸粉呢就勁少囉呢個茄子釀魚肉就真係好油囉不過就都唔使排隊嘅係佐敦薈埋單$223

剛好趕及下午茶截單前入座，因為伙記開始預備晚市，幾個伙記忙緊執拾唔得閒應人，係理解的，想拎支筆畫點心紙，筆已經收起晒，唯有走到櫃檯問收銀借，佢話「你無筆，我哩度點會有筆」🙄佢態度好影響對酒樓的觀感。最後搵咗幾張枱面一支筆都搵唔到，無奈地問咗另一位睇緊馬報的茶客借筆。叫咗5籠點心，全部熱辣辣上枱，質素及味道很好。可惜伙記們唔太友善，客人舉手，幾個待應望到，但擰轉頭扮看不見，如果佢唔係負責哩部分，亦可以幫忙通知負責同事過嚟，真係完全沒有服務可言，怪不得港人都走晒返大陸飲茶食飯，留港消費還要看別人面色食飯😥

佐敦周圍都好多酒樓，這一天家人話試下呢間飲茶。原來這裡要搭台，由於大家都肚餓，所以都沒所謂吧！我們點了一個「蝦米煎腸粉」、「山竹牛肉球」，「金錢肚」，「鮮竹卷」，「炸雲吞」、「鮮蝦菜苗餃」和一客「奶黃流沙包」。煎腸粉都煎得香，山竹牛肉球都正常，金錢肚（牛肚）都好入味，好「林」，牛肚好食！不過，芋頭畧嫌不夠粉，口感欠奉。鮮竹卷正常。炸雲吞有驚超，蝦肉比例算多，皮都炸得香脆，酸汁都好味！鮮蝦菜苗餃的菜都多，但如果再”林” d會更好！最後的「流心奶黃飽」卻叫人失望😞完全「不流」，不算好多「蛋黃」，味道還可以。整體算一般。入內感覺似街坊酒樓的感覺！

上星期一家人去飲茶，可能富園轉咗做旅行團餐，人手不足，侍應異常煩忙，我理解！想加熱水沖茶，等咗好耐都無人理，算啦！自己攞埋個水壺去茶水部搵人幫手加，不幸地遇上紅髮大媽待應，倒番轉話我唔坐返去自己位等人沖，仲話咁多人唔搵搵佢！首先都無人理我，因為坐係死角位，連叫點心都係自己攞張點心紙出去搵侍應；第二係佢剛剛企咗係茶水位，唔係我特登揀嚟煩佢！結論：我只係想同家人開開心心飲餐茶啫，以後唔會再嚟！要去既朋友，睇路喇！

行到佐敦道同彌敦道呢個位，搵嘢食就唔係好難，附近都有好多出名食店，不過我就唔鍾意食到又趕又逼，加上我又唔係遊客，無謂同人爭位，所以就去咗間就手，係正路口既佐敦薈裡面，揀咗間唔太起眼嘅酒樓，叫啲下午茶特價野慢慢自在食。燒賣正常舊式酒樓大小，不過咬開就知佢唔用絞碎肉，而係手刴豬肉，所以特別有咬口，味道略咸。雖然蝦細但反而好有蝦味。初時入去間酒樓舊舊地暗暗地，又望落唔太乾淨，一心只係坐耐啲對食物唔太有要求，唔打唔撞食到好嘢。至於腸粉同春卷，就不過不失，蝦腸皮做得唔錯，夠香夠滑，不過就無乜蝦。春卷就用左蝦膠去做，呢個就唔係好啱我口味。鳳爪排骨飯啲排骨就夠晒入味，而且最重要無鹼水味，去到呢度，我估點心師傅應該都係啲老師傅，先做到呢啲味道。呢個基本野做齊，蒜蓉炒過啲料先至釀，都係咸左少少。至於環境就唔好太在意，而且非繁忙時間都多人，要同人撘枱，而且人手不足處理時間要多少少，不過呢個價錢，又有咁嘅質素，算係咁啦。

The price here is relatively lower comparing with cha liu nearby, though the space is pretty crowded, every table simply connects with each other Rice roll with shrimps having thick layer, a big shrimps insidesShrimps waton with choy sum, choy sum sweet and fresh, five watons tastes good with chewy wood ear slicesPork Ribs Rice with chicken feets seem below the standard, the rice is not well cookedSiu Mai with quail eggs is okay, with some chicken meat and small shrimps insidesSatay honeycomb tr

今次係第二次嚟，上次係食晚飯，靜嘅，唔太多人，地方望落亦都唔覺太舒適，所以都係抱住是但試吓啦，無抱好大寄望，加上啲伙記麻麻地醒目，所以好有保留⋯⋯點知，食完覺得大部份嘢食都好食喎😳兼幾實惠😙👍🏼所以就有第二次了，今次係食晏，未到正午，上到去已經坐滿晒人，要等位。今次有食點心，有食炒飯，有食小菜，樣樣都幾好，以下跟喜好排位😄👍🏼釀虎皮尖椒，真係好鬼好食，連啲甜甜地嘅豉油都好好味😋呢個小炒皇係encore ，材料好豐富，估到同無預計嘅都有，有鮮帶子，鮮蝦同蝦乾，有啲似蚌又似吊片嘅嘢，菜甫切長條，韮菜花都好好味，可以話係出色。另一驚喜之作係個炒飯，雞粒螺粒炒飯，砂煱上，好乾身，好香。呢碟豬仔腳，一降落响枱面時，有啲唔開胃，啲色水麻麻，有一隻半隻直頭無上過色，但食落口竟然有好夠味，同埋焾度剛剛好😄係正嘅。七色炸豆腐，勝在熱辣辣，唔係好吸引我，唔係佢嘅錯，係我唔特別好，但佢做得係好嘅，內裏豆腐係滑溜溜的，同枱嘅係嫌佢份量太少。呢個點心拼盤，我個人認為個馬拉糕最好食，燒賣喳過蝦餃，其他幾樣無食無comment，但同枱話隻素餃👍🏼乳鴿我無食，同枱話唔夠熱，皮唔夠脆，我點只不過係見有人鍾意食，38蚊又

本應落班嗰陣時，嗌咗八個餸第八個餸係馬拉糕，我哋食第二輪即係8:30，但係佢話廚房要放工，最後馬拉糕佢唔蒸，團年飯剩係得七個餸，裏面廚房原本話9:30收工，但係而家9:10就收工，但係喺最尾，起碼都有個叉燒做第八個餸，都算OK，但係佢中途，你嗰啲餸全部都係錯嘅，喺隔籬枱嘅，衛生好唔ok，地下都係嗰啲食物殘渣，服務非常差，你最後買單嗰陣時，仲要計埋我哋冇食過嘅馬拉糕，但係單上面就係寫住得七個餸，連最尾條數都唔啱，千祈唔好嚟！

要食酒樓嘢，唔好黎呢度。因為只有無限受氣 粗聲粗氣。如果你將要求降做大牌檔，大牌檔服務、大牌檔食物質素（其實我都幾鍾意食大牌檔），一切就還好。出奇地係少數服務態度出名差，但仍然有唔少人食嘅「酒樓」。或者佢唔應該叫酒樓……

1.防疫意識不足，强迫顧客與陌生人同臺用餐，且拒絕提供隔板。2.詢問員工是否能提供隔板，以減低感染風險時態度極爲惡劣。3.沒有解釋公司是否有防疫設備提供，更表示怕感染就不要外出，不吃就別佔位置等言論。4.拒絕提供姓名作顧客意見反映，表示經理同意她們的言論！總括來説，不管食物的味道和性價比有多高，更何況還未嘗試， 套用華仔嘅廣告「今時今日咁嘅服務態度唔夠㗎！」，沒有顧客願意「貼錢買難受」。1. Poor sense of epidemic prevention, forcing customers to share a table  with strangers and refusing to provide a partition.2. The attitude of the staff was extremely awful when we were asked if they could provide a partition to reduce the risk of infection.3. Did not explain whether the company had epi

抓住暑假的尾巴帶上小朋友去九龍公園走走.快到晚餐時間小朋友玩累了.小肚子也餓啦.準備在附近吃晚餐.走出九龍公園沿著彌敦道走到佐敦薈經過breadtalk 買了面包.爸爸隨口一句不如就在上面酒樓吃.搭電梯上去富園海鮮酒家（吃晚飯咯）點了龍蝦伊麵.帶子.一只片鴨.一碟星州炒米.一碟翠瓜炒牛柳粒.一家四口👨‍👩‍👧‍👦點的有多了.吃不完。我最喜歡吃帶子.自己吃了3隻😍😍😍.老公一般晚上很少吃飯.吃了兩小碗的星州炒米説味道不錯.米粉干爽.