富園冰室

营业中

休息中

今日和老婆往We Go Mall富園冰室食晚餐,冰鎮咕嚕肉, 脆皮鹹朱手、蒜蓉炒菜心和凍lemon tea。冰鎮咕嚕肉賣相吸引, 大大碟,色彩繽紛, 咕嚕肉食落香脆有肉味, 配上咕嚕肉汁食落開胃, 配菜有沙律菜, 蜜桃、藍莓、珍珠、波羅、紅椒和青椒, 沙律菜,紅椒和青椒食落新鮮爽口；蜜桃、藍莓和波羅食落甜度適中醒胃；而珍珠食落香甜, 整份冰鎮咕嚕肉賣相吸引, 份量十足, 食落開胃；脆皮鹹朱手食落香脆惹味, 朱手食落有油花、肥而不膩, 配上甜酸醬食落醒胃惹味, 個人認為如果朱手切得細件一點和去走筋位, 口感更佳；蒜蓉炒菜心新鮮爽口, 配上蒜蓉食落美味；最後凍Lemon Tea茶味香濃,Lemon 甜酸度適中；冰室食物美味, 賣相吸引, 有鑊氣,份量十足, 適合情侶和三五知己聚會好地方。

喺馬鞍山搵一間好味又抵食嘅茶餐廳好難，估唔到喺wegomall 度搵到,呢度啲小菜好有特色而且份量大，價錢又合理，賣相都好精美。最有特色嘅係冰鎮咕嚕肉，大大碟，大大件的咕嚕肉係冰堆上，伴著色彩繽紛的雜果及彩椒、還有一粒一粒有果汁味的透明珠子，好特別。金牌牛腩亦很好味，牛腩可以配飯或麵或獨立一個例牌，全日供應。雞煲有三款，我地叫左胡椒豬肚雞煲，胡椒唔太跨張，雞煲更可以當火鍋一樣，另加其他配料落去。晚市還有二人餐，兩個餸加兩碗飯，還有湯或飲品，都是$百多元（忘記了實際價錢）。餐廳內的員工上菜效率迅速，有問必答，服務態度良好。

自從馬鞍山呢個商場開幕左之後，搵嘢食都多咗好多選擇，呢個商場已食肆為主，今日就試吓地下呢間茶餐廳，平時晚市好多人排隊，試吓究竟龍與鳳餐牌今日想食小菜，小菜嘅價錢並不包括白飯同飲品，白飯每碗$8，飲品半價。小菜選擇都唔少，雞豬牛海鮮同煲仔小菜，各適其適蜜桃咕嚕肉$62今晚叫咕嚕肉，冇叫生炒骨，貪佢啖啖肉，同埋鍾意蜜桃配搭。每件咕嚕肉都經油炸，外層超脆，更能夠鎖死肉汁。值得一讚嘅係，這一碟咕嚕肉，分量絕對唔少，似乎夠份量係呢一間餐廳嘅賣點沙嗲通菜炒牛肉通菜炒完仍然青綠，咬入口爽脆，第一次食配上沙嗲醬，味道原來可以好夾，牛肉煮得夠林，入口唔會死死實實，沙嗲配牛肉，係絕配價錢唔貴，服務正正常常，食物味道好，份量足

本人住附近，食過呢間好幾次，都覺得高質！食過牛腩牛肚河，嗌餸食飯都好好食可能我食過好多難食嘅茶餐廳好多茶餐廳煲嘅飯通常都一pat pat爛哂，一係就感覺擺咗好耐，但呢一間嘅飯到粒粒分明，Feel到飯香出哂名美食沙漠嘅馬鞍山終於多一間正野～係屋企肚餓如果想食茶記第一時間諗起呢間！

有新嘢! 你試下啦 。我覺得佢嘅醉雞鍋唔錯，仲 可以加餸菜 ，好似打邊爐咁。羊腩煲，麻辣雞煲又係好似打邊爐咁;赞!環境又乾淨企理，服務又快，畀錢又快乜都快。 有一點唔鍾意嘅就係， 佢哋用埋啲 膠杯，膠碗 嚟裝熱嘢，真係唔係咁好囉。膠杯，膠碗 又唔係BPA Free

馬鞍山新開嘅商場WeGo Mall開咗好多間食肆。放假過嚟睇吓，一入門口呢間茶餐廳咋排晒長龍。見到餐廳入邊好多人叫牛雜麵，個牛雜師傅手都冇停過。我就叫咗一碗牛腩加牛雜河。上菜都好快同埋好大碗！啲牛腩真係好好味，好林，入口即溶。佢啲牛雜葉得好入味，好香嘅五香味。個湯底好鮮甜又唔會太鹹啱啱好飲落冇咩味精。呢間牛雜真係好好食。叫咗一杯奶茶唔會太甜濃濃嘅茶味好滑。一大碗麵加個嘢飲$50其實都算馬鞍山入邊好抵㗎啦！

之前新開張人山人海，食左兩次都麻麻地，不過可能新開廚房未熟習，所以無再試。過左咁耐，相信應該磨合好，所以今日再試幫襯 lunch 。12點鐘都坐唔滿人，都可能唔係好預兆。常餐香茅豬扒配餐肉煎蛋。竟然隻煎蛋係全凍，都唔知煎左幾耐！塊午餐肉唔薄，不過都只係少少暖。個香茅豬扒來錯左沙嗲牛，同嬸嬸講要換。佢第一句竟然係「唔係我落單」！唔係你落單係咪等於唔可以叫你換？後來有位後生既男侍應跟進，問我介唔介意食沙嗲牛，解決問題之外亦有禮貌。塊豬扒都okay既，亦都終於有熱食，屬正常茶餐廳水準。希望日後「所有」食物都係熱既！

馬鞍山新地標 We Go Mall 樓高六層，餐廳選擇也不算少，不過 G/F 餐廳絕對會佔盡地理優勢。「富園冰室」鄰近巴士站，一下車就會看見，而且冰室對香港人來說或多或少也會有情意結。冰室給人感覺一定不是一般茶餐廳，新潮帶一點傳統，傳統又帶一點新潮，傳統和新潮兩者結合。選了「富園冰室」下午茶「生炒福建飯」，一開始以為是福建炒飯，原來同想像中不一樣。不過意外地覺得「生炒福建飯」其實很不錯，「富園冰室」廚房所炒既飯非常之有鑊氣。最喜出望外「生炒福建飯」材料有翠玉瓜切粒，感覺上整個「生炒福建飯」好味同時又健康。

可能因為肚餓嘅關係，嗌左個蛋白叉燒粒炒飯都幾好食。份量一人前都ok40元左右價錢尚算合理！而且我係著重食環境，新開冰室當然坐得舒服d d，同埋望下窗外一大片空間一路寫低呢篇然後聽到隔離枱話牛肚好食，不過下次先試啦！

屋企附近既新商場開張，打算過黎睇下有咩食啦，一入門口就有呢間茶餐廳，感覺環境唔錯人又多就應該冇問題啦。入到去坐低，點左碗牛腩河，又係例牌先飲啖湯，味精重左少少，不過都唔錯，牛腩都幾多下，整體還可以。

開張人潮過後的星期六晚上，一定要試一試這間的晚餐。😋瑞士汁乾炒牛河，不太油，份量適中！七味炸豆腐，比我想像中的有點兒辣，一家四口份量有點多。蔥油雞，賣相好，份量0k，不肥，咸度適中！👍🏻每個員工的服務及態度都非常好。👏🏻👏🏻👏🏻只是BB椅的數目不太足夠，要等一會才能有！😅

有時懶唔想煮午餐，唯有叫外賣。新商場新茶餐廳，午市繁忙時間只有外賣自取，打電話去話20分鐘有得攞。我同老公叫咗兩樣嘢分享。去到餐廳好準時已經包好兩盒嘢，兩對筷子，兩隻匙羹。西式炒飯($52+$1外賣盒)。好足料，啖啖都有餸。有蕃茄粒，蛋花，腸仔粒，火腿粒，仲有蝦。炒得乾身，唔會太咸。份量大，一個女仔會食唔曬。食到底唔會有一層油，讚(橙色係我張枱墊)干炒豬扒炒公仔麵($52+$1外賣盒)。同樣唔馬虎，有芽菜，韮黃，洋蔥，蔥，蛋絲，同埋五舊豬扒。麵炒得乾身唔會太油。加豉油炒所以比較咸，豬扒炸過偏肥膩。總結係，佢無茶餐廳大忌重油鹽糖，可以再去幫襯~

由於附近無咩其他野食，繁忙時間暫時都幾好生意，經常要等候入座。喺呢間食過幾次早餐，一次晚餐，環境座位大致舒適，近水吧位置地下較污糟，唔坐近嗰邊都ok。今次講返最近一次食早餐，食左個牛扒配腸仔煎蛋，老婆就叫豬扒餐。件牛扒好大陣雪味，要用難食黎形容。腸仔ok, 煎蛋好普通（一般連鎖快餐煎得較好）。杯奶茶幾好。個別職員態度不夠友善，落單時我講完一樣諗住等佢寫好先講，佢就不斷用粗聲粗氣講「跟住呢！？」。好實講，佢可能無心，但聽嗰個好似受緊氣咁囉。要加強培訓。最後最重要係無咩選擇，早餐得A-E，另外有三文治餐（約$30）同全日早餐（較貴，好似約$55-$60）。連最基本冰室供養的多士餐、麥皮餐都無，要知道而家好多人追求健康，唔再鐘意食咁多煙肉火腿腸仔肉丁架啦！另外，希望佢啲牛腩、雲吞麵嗰啲可以早啲開啦（尤其星期六、假期）。而家成10點先供應，食早餐又少左選擇。呢頭少食肆，靠哂你架啦富園！

以前一直喺太和食開，可惜早排結業，但聽聞老闆會喺馬𩣑山再開，所以過來試下裝修變得高級左, 但價錢仍然係咁大眾化，而食物款式都變得比以前精緻今次食左佢地的下午茶，味道不錯炸肶+ 薯條，雞肶炸得啱啱好杯紅豆冰幾好飲