影片
营业时间
今日营业
07:30 - 00:00
星期一至日
07:30 - 00:00
以上资料只供参考，请与餐厅确认详情
农历年，亲友相聚。订了二围枱，系全包宴。估计是结婚饮宴类近的菜色，包啤酒汽水茶芥加一。 在细小的圆枱迫迫狭狭地用餐，美其名曰：大家可以互相亲近啰！乳猪件 乳猪跟海蜇排列整齐，乳猪唔热但食得方便。波士顿龙虾伊面 下层的伊面最受欢迎，剩下波士顿龙虾＜伊人独憔悴＞。炒蚌片 蚌片好脆口，蜜豆清甜。发财蚝豉 农历新年好意头菜，要发财好市。虾肉烩燕窝 燕窝本无味，全赖＜好似鱼翅＞味道的汤底。圆润饱满的虾肉脆卜卜，感觉不到虾肉纤维，心照！菇菌类菜心 菜心鲜甜无苦味，多款菇类拖油后，仍带著菇菌类的香气。蒸沙巴 呎寸大，肉厚，所以中骨位是刚熟，鱼肉是刚刚好离骨。富园一品鸡 鸡肉已腌制有底味，鸡皮薄脆。还有淀粉质系列的炒饭 ＆ 寿包 蒸糕 这个糕不太甜，软绵绵，自己吞了几件呢！今晚菜色，是否这个＜龙虾虎班乳猪全包宴＞呢？
继续阅读
冬至一家人谂住算啦唔煮啦，出街食餐饭，订咗枱8:00 ，之前𠮶日已经订定话要两只片皮鸭，结果又去到等枱一直系灾难性等候，明明我个名喺前边个list但又比后边熟客先，咁我订枱嚟做咩呢？结果我地企到8:35先至有位，已经系最后一个等枱嘅人！都算啦，我忍！订完片皮鸭，同我讲冇晒货，真系火都嚟！又算啦，我忍！啲服务员个态度真系串到x街，点菜嘅时候，问多一句，真系一句，佢竟然’疾‘我家姐，激到佢都爆粗，我地都忍住到气，唔同你嘈！呢啲都算啦，但系我真系忍受唔到你啲杯杯碟碟筷子真系好邋遢，上面黐住啲食物残渣，只只都油淋淋，唔你一只，系只只都系咁，究竟发生咩事？ 啲菜又好搞笑地出奇地细碟，好似尾围唔够菜都唔够煮俾人食咁。我只可以讲本身想留港消费，但系真系唔系讲笑，今时今日咁嘅态度咁嘅质素咁嘅服务，点搞呀？最后我哋只可以个个都话算啦唔好发脾气，冬至快乐，一定一定一定一定一定冇下次！
继续阅读
话说朋友食过话唔错、好坐街坊酒楼我有哂心理准备首先赞食物质表唔错 价钱亦合理但一讲到配件就唔得：1. 早上打电话想留枱，接电话人话唔使，大把枱，晚上到步想坐窗边，资客话问有无留枱，话有人留咗枱，明显比熟客客2. 叫极无人写𩠌，一个明明系隔离当听唔到、一个、一个应咗但转头又挂住做其他嘢，终于要我企起身大叫有无人写先至有个经理物体埋嚟，仲话同事可能睇唔到🙄3. 成间酒楼都有烟味，可能有包厢，房内有人食烟，食完一身都系烟味🚬4. 碗碟摸上手油的，洗完要用纸巾再抹5. 枱布成挞黑色油迹，唔明点解可以照用今时今日有晚市已经好好，服务配套咁嘅水平真系点叫人接受？今次后唔会再有帮衬
继续阅读
唔系特别好味啦，咁就楼上就食过几次咁呀试吓呢间应该就唔会再嚟食嘅，咁因为啲味道呢都真系好一般同埋好偏油啦，味道就系一般偏唔好食啦卖相又唔系特别靓，简直系浪费咗今次嘅quota雪山叉烧包都冇琴日食𠮶间咁好味（无影睇单）都几失望嘅见到咁多人嚟食以为好味啦，点知原来系唔好味第一下就黎左椰汁马豆糕甜品先⋯⋯唔觉得特别好食（正常啰）都几甜跟住就嚟呢个烧味两𩠌嘅烧肉切鸡饭（少𩠌）鸡包仔婆婆叫既（算系咁多最正常既食物）个XO酱肠粉呢就劲少啰呢个茄子酿鱼肉就真系好油啰不过就都唔使排队嘅系佐敦荟埋单$223
继续阅读
刚好赶及下午茶截单前入座，因为伙记开始预备晚市，几个伙记忙紧执拾唔得闲应人，系理解的，想拎支笔画点心纸，笔已经收起晒，唯有走到柜台问收银借，佢话「你无笔，我哩度点会有笔」🙄佢态度好影响对酒楼的观感。最后揾咗几张枱面一支笔都揾唔到，无奈地问咗另一位睇紧马报的茶客借笔。叫咗5笼点心，全部热辣辣上枱，质素及味道很好。可惜伙记们唔太友善，客人举手，几个待应望到，但拧转头扮看不见，如果佢唔系负责哩部分，亦可以帮忙通知负责同事过嚟，真系完全没有服务可言，怪不得港人都走晒返大陆饮茶食饭，留港消费还要看别人面色食饭😥
继续阅读