影片
嗌左个三𩠌汤饭，鱼同肉一齐嗌都唔洗额外加钱，仲有几条菜送，都系$46。黎到见好大兜𩠌，碗饭都好大碗，个饭其实都食唔晒。味道就同屋企煮差唔多，餐牌写无味精味精又真系唔系几食得出味精性价比高，好抵食！
继续阅读
呢间野，食过好几次，食物质素好，汤清甜，白饭煮得好好，重有无限供应辣椒同豉油。论味道论价钱，绝对系优质。佢既猪骨同鲮鱼肉都做得好好，新鲜。加钱要既什就一般切得太细。如果用黎煲汤出味的话味道系几甜既，但食既话就切得太碎。奈何一家成功既食店总会有管理因素窒碍佢既发展。此店侍应态度其差。如果个侍应系老板，就系九记级数。有时好无奈见到一啲食物质素好既店会输起员工管理上面。不单愧对食客，重愧对左认真做食物的厨房员工。
继续阅读
呢间舖头系我无意间发现嘅一间小店🥰结果食完返寻味，有几次收工都特登过嚟食🤤🤤🤤呢度日头夜晚嘅汤饭都一样价钱，可以拣3个𩠌，另外仲包一款菜类，平时见开嘅多数都系黄芽白、芥菜、白菜仔苋菜果啲，都几多款拣！咁样有菜有肉有汤有饭都只系44蚊～至于其他𩠌菜，都有几十款选择，我通常叫开呢度嘅招牌咸猪骨，成日都食到忍唔住要用手食先得够过瘾😂另外我通常配开嘅仲有粉肠猪肚鲩鱼，豆腐同埋手打鲮鱼肉😘 呢啲都系我真心推介俾大家拣嘅𩠌👍🏻👍🏻👍🏻呢度汤底冇乜味精食完都唔会口渴🤣重点系食材新鲜，因为成日夜晚去食饭好多嘢都会卖晒～证明佢唔会要过多嘅食材留返第二日卖，抵赞！
继续阅读
呢间嘢真系又贵又差，服务态度恶劣，而且时间等好耐，蒸鱼饭喺深水埗区来讲，等于食晚餐嘅价钱如果呢个价钱有好多选择，真系唔使拣佢，待应好似老冯唔使做咁样，咁细间铺，连俾杯水你都话要自助，而且态度非常恶劣真系唔使食佢！
继续阅读
平时呢间舖头我一星期都会帮衬一次，贪佢有清水汤底嘢食清淡，不过佢哋厨房极度混乱， 10次落单有九次都会执漏执错（真系冇夸张到）好简单一样清水汤底猪润，佢会变咗猪骨汤底加生肠，我同个侍应讲返，佢换过碗俾我，但都仲错，喺厨房有个着黑色衫嘅男人会嬲爆爆咁走出嚟，大大声声咁问我：「又边度错啊？」差在未讲粗口，成间餐厅静晒，咁我同佢讲返，佢一言不发就拎返入厨房，态度极度凶恶😨佢之前已经有前科，今日更加离谱，我叫咗个清水汤底，两份鸡柳，冬瓜，娃娃菜，牛肉，鲩鱼汤饭，佢个侍应同我讲繁忙时间冇得叫清水汤底，虽然呢啲咁基本嘅嘢都提供唔到仲叫自己汤饭王，咁我都算。兜嘢嚟到，例牌都系错，首先冬瓜一眼已经睇到漏咗，两份鸡柳疑似变咗一份鸡柳，因为平时食开一份嘅鸡柳嘅份量同今日食两份鸡柳嘅份量系一样的。大佬，你漏得冬瓜，我怀疑你鸡柳会唔会漏都好正常啫，我就问吓个阿姐「呢度系一份鸡柳定两份鸡柳啊？」阿姐即刻着咗，起晒钢咁话「啲鸡柳俾啲菜遮住啫」我平心静气咁话「但系平时我叫一份鸡柳又系咁多，两份鸡柳又系咁多？」阿姐继续发癫「喂你咪乱讲啊，我而家就入去厨房问吓」然后佢就大大声声好似做show咁喺成间餐厅面前问佢里面个同事「个客问呢度一份鸡柳定两份鸡柳㖞？」跟住里面个女员工就话「明明就系两份，我啱啱执咗两份」跟住厨房个男人又嬲爆爆咁冲出嚟，拎住碗嘢，问成间餐厅，嬲到爆炸咁问「系边个话碗嘢有问题啊？」争在未拎菜刀，全间餐厅静咗，我唔讲我以为我犯咗啲乜嘢弥天大错，要我公众认错咁，咁我咪直接同佢讲「你漏咗冬瓜」佢望一望碗嘢，拎返入去，大大声咁讲「个客话漏咗冬瓜，而家加返埋落去咪得啰」然后佢就拎厨房啱啱递出嚟碗冬瓜，一野倒落去我碗嘢度，好似发晦气咁，「咁又话咩鸡柳一份两份啊？」跟住𠮶几个侍应好笑，好似做戏咁，阿姐「佢话少咗份鸡柳呀嘛」另外女侍应「明明就两份鸡柳」阿姐捧返碗加咗冬瓜嘅汤饭俾我嘅时候，仲要发脾气，唔系放上我张枱，而系抛上我张枱，碗热辣辣嘅汤饭仲要喺我面前枱面跣咗吓，真心O咗嘴，碗汤饭咁热辣辣，你咁样简直想攞人命，好彩你冇渌亲我，如果唔系我一定会报警。呢度就系价值$16（两份加𩠌）嘅两份鸡柳，谭仔一份都多过佢啦下话（？）我就当你成本贵咗，份量细咗，但你冬瓜的确漏咗，一句唔好意思都冇。你班侍应都可以平心正气解释返呢度真系两份鸡柳，成班侍应厨房佬过个食咗火药咁真系好似唔优做咁，当正啲客系乞丐，系犯人，要靠你施舍先有得开饭咁。未食饭已经成肚气。其实佢份量缩咗水已经唔系第一日嘅事，三个月前叫鲩鱼有三旧宜家得两旧，我都算。坦白讲，佢个价钱喺深水埗，唔使食你啦，一个蒸鲩鱼饭收$70 ，喺湾仔光鲜茶餐厅都系收$65咋，你呢度深水埗咋，间铺头都冇人哋湾仔茶餐厅一半咁大呀，坐有坐得屈质，又要承担佢整错嘅风险嘥晒啲时间，仲要受气，真系唔会再帮衬啰，环顾四周，原来帮衬开嘅都系深水埗基层啲阿伯阿婶，唔怪得班侍应咁恶啦。
继续阅读