富利美食 (已結業)

平時星期日經過, 見佢休息, 今日都係諗住行去幫襯入面果間, 但見呢間有開又有位, 價錢又一樣, 於是試下............雖然大家價錢係一樣, 但種類同份量都好似多d, 就分別叫咗2個唔同款式的早餐........... 雪菜肉絲麵雪菜唔多, 但肉絲仲少, 得幾條仔, d麵就係最平果d散裝麵, 麻麻地好食 牛油包+煎蛋+火腿+腸仔通常出面係油包拼多1-2樣, 佢竟然3拼, 如果唔3拼的話, 可以選擇三文治............腸仔1條+煎蛋1隻+腿1/4片+方包半份, 其實都比人地多, 而且火腿係有煎過, 好多係懶得煎, 所以算係好抵食 凍奶茶唔錯, 都係一般餐廳應有的味道 厚多士+焗豆+芝士奄列 厚多士好香好脆好鬆 焗豆竟然有整返熱, 食過咁多間早餐有焗豆, 全部都係直接罐頭倒出嚟, 唔凍唔熱咁, 佢呢度幫你整返熱, 好食好多 芝士奄列熱辣辣, 雖然唔係好多芝士, 但每一啖都可以拉出芝士............. 熱朱古力好濃味, 夠料

已少去愉翠食晏, 今日難得出動, 乜都冇開, 去了富利.都唔係乜都有, 冇丸類, 本想叫魚旦米, 但冇, 所以叫了雲吞麵.24蚊包飲野, 都有5粒雲吞, 係冇蝦的肉味多... 麵ok 喇. 唔太鹼, 只加少許醋便行.湯底冇味... (食了不少日本拉麵, 蹤壞左....)凍o 茶OK.服務正常, 祝大家新年快樂.

作為愉翠的常客竟冇o黎呢邊今日行過, 見有呢間冇食過, 點都要一試~叫了個午餐, 係班腩;另外, 朋友叫了個越式走地沙薑雞飯.班腩係即叫即弄的, 剛炸起, 好熱, 皮脆, 正!飯也香, 淋, 好食.朋友的雞係略瘦的, 真的越南入口?味唔算韌, 33蚊 也ok.會再來的.