影片
放半日AL谂住一个人去饮茶，去开图书馆记起越秀有两间酒楼，谂住富临出名啲就拣左富临去到一点几冇咩人，但硬系要你同人搭枱都算，个位成日有人经过郁到张凳，特别系有个侍应阿叔，好心咁嘅位就唔好安排人坐1)叫左龙井，冲左几次都系成杯茶叶碎2)花枝炸云吞唔觉系花枝，只系一小小小小块鱼肉3)蒸排骨冇几多旧，都系用芋头托起嘅假像4)食食下有好大阵天拿水味，持续左10分钟，啲staff只系吹水话好大阵味，完全冇谂过去处理5)1点20分落单，差唔多2点先上第一样，萝卜丝酥饼仲系冻嘅，唔系即炸又拖住唔上菜6) 重点！！ 食到我背脊骨落啲野上齐之后有个阿叔行埋黎话叫野食多，要收2个茶位！ 呢间野完全有问题，一个人黎食饮一杯茶凭咩收2个茶位，叫得多唔多系我自己嘅事，食晒定打包只要我照比钱就得！而且落单𠮶阵冇讲过有呢样野，几蚊都要滥收费用？以为我好恰？而且一直被人监视，睇你有冇呃茶钱真系未见过有间野系咁，blacklist冇下次
继续阅读
今晚收工同同事去酒楼食晚饭庆祝下就到既中秋节富临既晚饭经济又实惠，而且款式几多蚝皇八头鲍鱼扣金钱虽然呢个一只鲍鱼加冬菇28蚊都唔使，不过就好有质素 大大只鲍鱼，炆得好林，冬菇好入味 绝对系抵食之选海参花菇玉掌煲海参份量都几多，而且大条又爽口 酱汁嘅调味啱啱好，冬菇鹅掌都好好味金银菜炖白肺好多材料嘅炖汤 清甜润喉， 而且汤渣仲有小小味，点埋豉油食又系一道菜油盐水浸肥蚬依碟肥蚬真系够肥够大只， 最紧要系洗得干净冇沙，蚬肉爽甜，碟底仲有好多粉丝我最like!!黑椒顶级牛仔骨呢度菜嘅份量相对较输蚀，不过味道都系唔错的牛肉够嫩，加埋黑椒酱汁炒，味道啱啱好送饭一流生煎菜肉包外面脆，里面热辣辣，而且肉馅鲜甜
继续阅读
我地𠮶日食左6样菜，分别系蚝皇鲍鱼、金银菜炖汤、海参花菇煲、铁板双葱爆牛肉、菜肉包、黑椒牛仔骨，基本上全部都喺水准之上!首先只八头鲍鱼真系毫不欺场，有BB仔手掌咁大，而且好淋好入味! 个菜汤都好饮，D汤渣都唔会话好老食唔到。不过讲到𠮶日最受大家欢迎嘅，绝对系铁板双葱爆牛肉，我地嗌之前都犹疑左阵因为惊D牛肉会好鞋食唔到，试过好多酒楼都系食一旧吐一旧，但反而呢个煮得几软，唔会话咬得好辛苦，D双葱都煮得好惹味，拎黎送饭一流。呢几样𩠌诚意推介! 而其他其实都唔错，大家可以按口味自己拣，都唔会中伏，可以放心帮衬!
继续阅读
好耐冇去酒楼食饭喇～咁就黎中秋节，就book 左枱同全家人去富临食喇～其实我一直对酒楼食饭都有d 抗拒，因为d 野唔系好啱食，而且就得老人家又就唔到d 细既...不过算啦，始终中秋都系主要想同老人家食下饭啫～一开始就点左蚝皇八头鲍。一黎到见到热辣辣香喷喷真系胃口大增！食落个饱鱼唔知点解冇左干鲍果阵味，取而代之既竟然系少少鲜味！！厨师究竟点整架可唔可以教一教我？？之后系白银菜白肺汤，都几好味，有妈咪味～XD之后就铁板双葱爆手切鲜牛。好好食！一d 都唔难咬！好嫩口！完全意料之外！就咁捞饭都食到两碗！仲有个生煎饱！煎到好香口，上菜时都仲系脆口架！我爸爸话最好食系呢味哈哈！食饱饱埋单都系100蚊一个左右，又要好食！下次再黎！
继续阅读
同朋友相约食晚饭聚餐，同顺便交旅行小手信，朋友话约系新浦岗嘅越秀广场食小菜，其实我同老公无乜所谓，二来有车到就他们也可。原来有好野怪之得啦！ $26.8 一份 无花无价，四个人一人一份超爽呀，香港地竟然有这么笋野！一锅热黎辣辣香喷喷4份嘅蚝皇扣鲍鱼大花菇 哗 只鲍鱼都算有份量，味道浓郁张口咬落有弹牙兼胶质重，食到鲍鱼鲜味，花菇超厚身入味！海参花菇鹅掌煲 小塘菜多过主角，海参最健康无胆固醇又味美，滑嘟嘟爽爽地好正，花菇亦十份入味，鹅掌大大只啱晒我地，尤其是掌心嘅胶质软寝。滋润之选在家整又太多繁复工序，所以系酒楼饮汤，会选金银菜炖白肺汤啦！ 足料先饮啖汤超甜，连汤料也可食埋！ 清澈无油份黑椒顶级牛仔骨非常惹味牛仔骨香，咬口兼肉味浓，配走过油薯仔洋葱特别好味。油盐水浸肥蚬d 蚬大大只而蚬肉超大肥美甘甜味鲜！油盐水煮令蚬好似系海洋中，保留到蚬本身鲜味！生煎菜肉包最爱肉汁丰富嘅金黄生煎包，煎到个包两边都金黄香脆，包皮够薄咬落去要小心烫嘴，菜肉馅料还保留水份。
继续阅读