富臨漁港 (已結業)

放半日AL諗住一個人去飲茶，去開圖書館記起越秀有兩間酒樓，諗住富臨出名啲就揀左富臨去到一點幾冇咩人，但硬係要你同人搭枱都算，個位成日有人經過郁到張凳，特別係有個侍應阿叔，好心咁嘅位就唔好安排人坐1)叫左龍井，沖左幾次都係成杯茶葉碎2)花枝炸雲吞唔覺係花枝，只係一小小小小塊魚肉3)蒸排骨冇幾多舊，都係用芋頭托起嘅假像4)食食下有好大陣天拿水味，持續左10分鐘，啲staff只係吹水話好大陣味，完全冇諗過去處理5)1點20分落單，差唔多2點先上第一樣，蘿蔔絲酥餅仲係凍嘅，唔係即炸又拖住唔上菜6) 重點！！ 食到我背脊骨落啲野上齊之後有個阿叔行埋黎話叫野食多，要收2個茶位！ 呢間野完全有問題，一個人黎食飲一杯茶憑咩收2個茶位，叫得多唔多係我自己嘅事，食晒定打包只要我照比錢就得！而且落單嗰陣冇講過有呢樣野，幾蚊都要濫收費用？以為我好恰？而且一直被人監視，睇你有冇呃茶錢真係未見過有間野係咁，blacklist冇下次

今晚收工同同事去酒樓食晚飯慶祝下就到既中秋節富臨既晚飯經濟又實惠，而且款式幾多蠔皇八頭鮑魚扣金錢雖然呢個一隻鮑魚加冬菇28蚊都唔使，不過就好有質素 大大隻鮑魚，炆得好林，冬菇好入味 絕對係抵食之選海參花菇玉掌煲海參份量都幾多，而且大條又爽口 醬汁嘅調味啱啱好，冬菇鵝掌都好好味金銀菜燉白肺好多材料嘅燉湯 清甜潤喉， 而且湯渣仲有小小味，點埋豉油食又係一道菜油鹽水浸肥蜆依碟肥蜆真係夠肥夠大隻， 最緊要係洗得乾淨冇沙，蜆肉爽甜，碟底仲有好多粉絲我最like!!黑椒頂級牛仔骨呢度菜嘅份量相對較輸蝕，不過味道都係唔錯的牛肉夠嫩，加埋黑椒醬汁炒，味道啱啱好送飯一流生煎菜肉包外面脆，裏面熱辣辣，而且肉餡鮮甜

我地嗰日食左6樣菜，分別係蠔皇鮑魚、金銀菜燉湯、海參花菇煲、鐵板雙蔥爆牛肉、菜肉包、黑椒牛仔骨，基本上全部都喺水準之上!首先隻八頭鮑魚真係毫不欺場，有BB仔手掌咁大，而且好淋好入味! 個菜湯都好飲，D湯渣都唔會話好老食唔到。不過講到嗰日最受大家歡迎嘅，絕對係鐵板雙蔥爆牛肉，我地嗌之前都猶疑左陣因為驚D牛肉會好鞋食唔到，試過好多酒樓都係食一舊吐一舊，但反而呢個煮得幾軟，唔會話咬得好辛苦，D雙蔥都煮得好惹味，拎黎送飯一流。呢幾樣餸誠意推介! 而其他其實都唔錯，大家可以按口味自己揀，都唔會中伏，可以放心幫襯!

好耐冇去酒樓食飯喇～咁就黎中秋節，就book 左枱同全家人去富臨食喇～其實我一直對酒樓食飯都有d 抗拒，因為d 野唔係好啱食，而且就得老人家又就唔到d 細既...不過算啦，始終中秋都係主要想同老人家食下飯啫～一開始就點左蠔皇八頭鮑。一黎到見到熱辣辣香噴噴真係胃口大增！食落個飽魚唔知點解冇左乾鮑果陣味，取而代之既竟然係少少鮮味！！廚師究竟點整架可唔可以教一教我？？之後係白銀菜白肺湯，都幾好味，有媽咪味～XD之後就鐵板雙蔥爆手切鮮牛。好好食！一d 都唔難咬！好嫩口！完全意料之外！就咁撈飯都食到兩碗！仲有個生煎飽！煎到好香口，上菜時都仲係脆口架！我爸爸話最好食係呢味哈哈！食飽飽埋單都係100蚊一個左右，又要好食！下次再黎！

同朋友相約食晚飯聚餐，同順便交旅行小手信，朋友話約係新浦崗嘅越秀廣場食小菜，其實我同老公無乜所謂，二來有車到就他們也可。原來有好野怪之得啦！ $26.8 一份 無花無價，四個人一人一份超爽呀，香港地竟然有這麼筍野！一鍋熱黎辣辣香噴噴4份嘅蠔皇扣鮑魚大花菇 嘩 隻鮑魚都算有份量，味道濃郁張口咬落有彈牙兼膠質重，食到鮑魚鮮味，花菇超厚身入味！海參花菇鵝掌煲 小塘菜多過主角，海參最健康無膽固醇又味美，滑嘟嘟爽爽地好正，花菇亦十份入味，鵝掌大大隻啱晒我地，尤其是掌心嘅膠質軟寢。滋潤之選在家整又太多繁復工序，所以係酒樓飲湯，會選金銀菜燉白肺湯啦！ 足料先飲啖湯超甜，連湯料也可食埋！ 清澈無油份黑椒頂級牛仔骨非常惹味牛仔骨香，咬口兼肉味濃，配走過油薯仔洋蔥特別好味。油鹽水浸肥蜆d 蜆大大隻而蜆肉超大肥美甘甜味鮮！油鹽水煮令蜆好似係海洋中，保留到蜆本身鮮味！生煎菜肉包最愛肉汁豐富嘅金黃生煎包，煎到個包兩邊都金黃香脆，包皮夠薄咬落去要小心燙嘴，菜肉餡料還保留水份。

平時大時大節都係去茶樓食晚飯 今次就嚟中秋節 所以我哋都諗住搵一間茶樓食 媽咪唔想行咁遠就諗住搵間近近地方便啲嘅 我就提議話去富臨食 通常生煎菜肉包都係要喺上海菜先有得食但估唔到茶樓都有所以我哋就叫左一碟 真心唔會輸蝕過上海餐廳 熱辣辣又多汁 皮又唔會太厚都係$38都幾抵食 之後我哋就叫咗個鐵雙蔥包手設鮮牛肉 呢個拎嚟撈飯真係一流 牛肉嫩而軟 都幾啱小朋友食 見到八頭鮑魚都係$27一位到 我哋就叫左一人一隻嚟食 飲埋個冬瓜盅真係飽晒

好耐冇一家人一起食飯 趁老豆就黎生日 於是約齊人去富臨食dinner 6點鐘食頭圍冇咩人唔使等位 細佬最愛就係海皇燉冬瓜盅 所以一坐低就叫左 冬瓜盅好足料 每人飲左兩三碗 食埋d冬瓜其實已經都好飽 之後我哋仲叫咗個蠔皇八頭鮑魚扣金錢 一人一隻當賀一賀老豆生日 入面仲有冬菇幾濃味 然後叫左媽咪最愛食嘅海參花鼓肉掌煲 可以養下顏 我哋叫左個豉汁蒸白鱔 雖然係細細條但都好好味 係略嫌有少少泥味 不過算啦一家人食晚飯最好就係去茶樓食 坐得舒服之餘又可以傾下計

中午因同親友食,點了是晚上的貴菜單比較能見人體面, 其實得1圍半個MAMAGER又話唔方便起菜迫我硬要2圍比更多錢,我已經有點不滿,不過算當令人食多D份量豐富D食物差能沒話說個燒腩肉完全脆,個皮明顯係潮曬, 放了好久賣不出的!!!個肉又唔香好難食,有陣”叔味”個湯都係唔足料似飲生粉水西芥炒蝦, 個茨汁又鹹又油,我直頭要用菜沖走先食到菜,是但炒又偏鹹!咕嚕肉扒, 豬扒好Q肥肉質又乾又難又難咬開!!!而個汁同樣是甜到死又油笠笠, 相信是同一個廚弄出來魚就唯一叫正常的雞連雪味都未解,肉質又係非常鞋食, 食落叫食得出雪味炒飯都係好油唔係一粒粒爽口架!!!!

地氊污糟、開台枱布唔打算換只係掃走上手台面嘅野落地就算、杯碟完全有上手食過嘅殘渣、茶壼爛嘅又漏水、冷氣房有陣霉味、上點心又漏豉油.....平又點？完全冇下次冇以後

今日同屋企人黎到新蒲崗食下午茶下午茶時段比較平所以就選左呢個時間飲茶嚟到都好多人要等大概半個小時先至有得坐叫咗福建炒飯炒飯仲有叉燒包都好好食味道唔錯但環境開心就一般

話說今日星期五同屋企人嚟飲個下午茶，揾左好耐位，有位佢又唔俾坐，話只係午市先俾坐，但係出面爆哂棚。之後我同佢講我地5個人，佢指左一張枱俾我地，點知張枱上面嘅天花板會跌啲膠粒落嚟算！我地繼續等，揾到張大枱，之後我地等左10分鐘先有人嚟收碗碟走。之後叫佢收埋張枱布，佢就好無禮貌咁話等陣先得唔得。真係 㷫烚烚。 之後嗌嘢食，又要等多半個鐘先嚟到。 野食又唔好食又凍。 一個二個都等出糧嘅。 態度極度惡劣。 完全唔建議嚟食

今日同男朋友成家人一齊去飲茶，一行五個人，叫左好多碟點心。食左煎腸粉，唔夠脆，味道好普通。之後重食左隻鳳爪，唔係好入味。另外，叫左一碟蠔油菜芯，上咗枱食咗幾條菜之後突然發現有隻有腳既生物，望真啲原來係大強！即刻影相同叫傳菜員黎，傳菜員講咗一句唔好意思就想收咗碟菜，我地就阻止咗同埋叫部長黎，部長道歉咗話會取消個菜。由於伯母佢地唔想搞大件事所以我地冇call食環。最後喺收銀處我地表明如果有咩唔舒服會保留追究權利，店長就道歉同減咗四個茶位錢，亦都話如果有唔舒服佢地會負責。我打出黎唔係錢既問題，係衛生問題！其實食肆有曱甴可以理解，但寧畀人知莫畀人見！總之大家以後去食小心啲！PS: 唔該openrice cs唔好再叫我打返食評先俾登，我見到條屍真係食唔落野

以前食開都覺得可以，不過不失坐得舒服，點知尋晚再去食時，叫親碟碟都極咸，又多油，全部過水先叫做食得落，最神奇連碟燒腩仔都勁咸好似用鹽“葉“過咁, 以後都唔會再去。

挺欣賞富臨的食物品質，但不常吃。這次來到新蒲崗分店，為與家人喝下午茶找座位。我先坐下，看看餐單，只看到下午茶優惠點心紙和其他正餐餐牌，便好奇地詢問侍應，但他們不理睬或態度令人感到藐視，使人不滿意。及後，家人來到，點了不同的食品，試了多款點心，有叉燒包、南瓜煎堆、糊椒豬肚湯、紅棗糕、香芒糯米卷。其中，令人覺得出色的有鬆化軟綿不膩的南瓜煎堆、香甜柔軟冰涼的香芒糯米卷和香濃熱騰騰的叉燒包。糊椒豬肚湯糊椒味香，豬肚易吃不韌；紅棗糕微黏亦軟，也算不錯。食品有質素，但個人認為服務需改善。

大年初五, 約咗家族中嘅長輩拜年, 為方面老人家出入, 約咗喺佢屋企附近飲茶 ^^ 等咗五分鐘左右就可以入座, 算係不錯!我哋點咗以下點心:點心嘅質素大致上中規中矩, 當中嘅蜂巢帶子盒 & 鮮蝦菜苗餃較為出色 ^^ 蜂巢入面除咗有芋頭蓉之外, 芋頭蓉入面仲包住啲咖喱肉碎, 層次豐富, 外脆內軟, 口感一流!! 菜苗餃嘅皮做到水晶一樣, 晶瑩剔透, 內餡嘅鮮蝦亦好新鮮, 配上鮮嫩嘅菜苗, 美味可口 ^^如果下次再約長輩飲茶, 我諗我都會再揀呢度嘅!!