密密食

营业中

休息中

前日(1-6-2024 Sat)同老公喺荃灣食完晏後,佢要搵專業marker筆,行完荃灣返轉頭,佢決定唔出旺角搵喇,咁買定菜返屋企煮啦,佢話唔買,買三餸飯食算,於是嚟呢間買,我哋嚟到時又要揀啦,今次我哋揀兩個$32.00嘅兩餸飯:1. 窩筍肉餅飯睇見有好多飯，都有一碗滿滿，係成座山咁多 ;肉餅係煎，都有1.5厘米左右厚，口感唔會好乾，有少少 肥豬肉嘅口感;萵筍就有啲木耳西芹同肉片，西芹有渣。3.5分2. 蒜蓉菜心白菜西檸雞飯菜係正常冇問題，西檸雞依然好味，但已經唔脆。5分𠲖o家睇返上次2023年12月31日刊登嘅食評https://www.openrice.com/zh/hongkong/review/%E5%A5%BD%E5%91%B3%E5%85%A9%E9%A4%B8%E9%A3%AF-e5215736,原來加咗價.

24-12-2023 (Sun )傍晚,同亞姨買完被後買外賣返屋企食,原本打算去綠楊嘅唐記包點買,但亞姨話唔行上去喇,睇呢頭有冇兩餸飯,我答有,呢間.於是行嚟睇.兩餸同三餸飯嘅價錢就依然係$30.00同$35.00.亞姨先揀兩餸飯,佢揀咗豆角同鹹蛋黃蒸肉餅,我就揀三餸飯,要冬瓜豆卜,爸爸鍾意嘅南乳豬手同西檸雞.店員問要唔要冇味道嘅蓮藕湯?我問幾錢一碗?佢答$5.00一碗.亞姨答唔要,我就要兩碗啦.拎到返屋企就開餐喇,冬瓜豆卜味道清淡;豆角正常冇問題;西檸雞酸甜得宜,好味;南乳豬手夠腍同唔太鹹;鹹蛋黃蒸肉餅好鬆軟,好味.而個湯呢?有好多料,係冇味精,但好淡,淡到唔係咁好飲.上次食評係2022年11月8日刊登嘅呢篇: https://www.openrice.com/zh/hongkong/review/%E9%82%AA%E6%83%A1%E8%B1%AC%E8%85%A9%E7%89%87-e4606545

細細間唔顯眼，有次經過買來試吓，啲餸好好食，仲好多款餸，有時又會有啲新餸，好難會食厭👍🏻，啲姐姐好似驚你唔夠食會裝勁多餸俾你😂超好，2個餸嘅飯只係30元，又低又好食，值得推薦！

大前日(5-10-2022 Sat)晏晝,同老公返到荃灣要買餸,唔買返屋企煮,先喺食神廚房買咗半隻海南雞同油飯,但冇菜,於是又走嚟呢間買,嚟到睇吓,仍然有好多種選擇,我哋要$40.00嘅淨餸兩個,揀咗油麥菜同沙葛.到晚飯時間就開動,兩個菜口感同味道都正常,不過同樣加咗薄切嘅豬腩片,但又幾好食.上次食評係2022年10月21日刊登嘅呢篇: https://www.openrice.com/zh/hongkong/review/%E8%A1%97%E5%9D%8A%E5%B0%8F%E8%8F%9C-e4586153

15-10-2022 (Sat)晏晝,同老公由旺角返嚟,要買即食餸返屋企喇,我哋嚟呢間開咗一段時間嘅呢間買,佢嘅一餸飯賣$30.00,兩餸飯賣$35.00,淨兩餸賣$40.00.我哋唔要飯只買餸,睇見都有唔少選擇,我原本揀西芹沙葛同鯧魚,店員話鯧魚一條計,要$30.00.咁我要西芹沙葛同豬紅加一條鯧魚,共$70.00.開飯喇,瘀黑色嘅豬紅口感較實但滑嘅,而佢嘅調味係有少少辣,惹味.味道:4分西芹沙葛,原來都有雲耳,冬菇,西芹同沙葛都正常爽口.味道:5分鯧魚本身鮮甜亦冇蒸過龍.味道:5分