密密燒

营业中

休息中

天文台話打風，咁一於去一間睇到戶外既餐廳食串燒啦。坐係窗邊打算一路睇下風一路食。侍應會問你係咪第一次嚟。如果搭係第一次嚟嘅話佢會好詳細咁介紹啲嘢嘅用法，同埋介紹俾你知啲調味料係用嚟做乜。佢呢個任叫任燒係唔會漏單嘅，所以千祈唔好好似出邊啲放題咁樣叫，預佢會嚟少幾樣咁。喺呢間餐廳係冇發生嘅。所以千祈唔好叫得太多。我地主要都係食牛同埋羊，質素都相當唔錯，總括嚟講所有嘅項目都質素穩定，冇邊樣野特別好食，但係都冇邊樣野特別難食。我就覺得啲調味料嘅選擇太少同埋質素麻麻地，孜然粉已經受潮，好難先倒到出嚟。香味都好一般。我哋住喺呢間餐廳附近，有諗過返屋企拎啲調味料過嚟。好彩佢本身啲肉嘅質素都唔算差，如果啲肉嘅質素差，啲調味料又咁樣，就真係唔使食。食完之後將啲串燒嘅簽掉入個筒就可以，都幾環保。

第一次黎食...野食就普通啦....但最差係呢度食到有隻昆蟲...經理可以當冇事發生....話說同位女性員工講舊肉有隻昆蟲...佢拎起左睇2睇就拎去比個更高級睇...但唔知佢地講乜..但連一句sorry...一句交代都冇....到我埋左單...叫果位女侍應過黎...同佢講你地唔係連句對唔住都唔講呀....佢之後（哦）左一聲就算數...未試過食野食到咁谷氣...已經冇打算叫佢比任何折扣...已經特登埋左單先搵佢...連佢對唔住都唔講聲...真係食到一肚火...我地3個人食左20串左右就發生昆蟲事件...即時冇再食....唔會再有下次做左會員咁多年都冇留過食評...第一次咁嬲...希望個老細睇到呢篇野..可以改善一下d員工基本禮貌付上一張相

$238 一位沒有加一，2 小時半任吃！ 如果男生的話很抵食...大部份都是肉類而且肉類質素幾好不會差，因為新開感覺上都比較清潔衛生。非常適合朋友聚會，不會太嘈！ 會推介朋友去...都比較full ,需要預先訂位

一串兩串三串四串⋯你又食串我又食串！咁多串串，呢度咪就係俾大家密密燒串燒🤩其實早排都發現到呢間位於長沙灣嘅串燒舖，但一直未有機會食到，今次終於去試試啦～舖頭都算多位，最正就係有得任飲任食，連酒都有得飲🍻仲要幫你吉埋先正啊ma，今舖真係可以密密燒啦！牛肉部位都幾多元化，牛肩胛、西冷、牛板腱、牛肋腩同牛舌都有。除左牛、豬、雞，佢連魚、羊、鴨、蔬菜都有。當然唔少得丸、腸啦～佢嘅雞翼同雞軟骨真係好出色！自助式懶人燒烤，乾淨企理，觀塘同長沙灣都有分店，$238一個人，我覺得係幾特別嘅，不過如果有埋海鮮就perfect池，可以一試過下癮～ $238/人

晚晚都坐爆人，今次終於早啲嚟食👍我哋兩個第一次嚟，店員好細心咁介紹，包括菜式，餐具，飲品，用具方法。鋪頭係用online web落單，一目了然，菜式主要分為肉類，蔬果、丸，款式唔算多。值得一提，燒野食部機幾好玩，識自動轉😂 不過啲間隔有啲密，所以我哋每一串之間會隔多一隔😯點咗3輪，總共食咗40幾串（雖然有10幾串都係蔬果）。肉類✅分為牛、豬、雞、鴨、羊，同魚。今次只係食咗牛、豬、雞、鴨😯西冷PS、雞翼、雞髀肉都好食👍豬腩仔就麻麻地，過份油膩，其他就普普通通建議唔好燒太耐，如果唔係肉汁會冇晒非常乾、柴。想味道更豐富可以試吓點啲調味粉。店內除咗飲品，仲有水提供，建議食肉後可以配幾啖凍水，減低油膩感。蔬果✅因為部份肉類較乾，所以要食啲蔬果感覺fresh啲個人覺得菠蘿同埋聖女茄 幾適合日式甜番薯都好好食👍👍👍丸類✅普普通通飲品✅種類唔算多，多數都係道地嘅總括而言，味道不錯，價錢亦可接受溫馨提示，個爐都幾熱，一邊燒 塊面覺得好熱

呢間鋪頭我一開始都唔知有佢存在亦都有個朋友住呢一頭佢話俾我聽呢一間幾好食我就去咗試，不過238一位都有少少貴呀，所以我total都係食咗兩次咁大把就唔再食囉。其實佢嘅質素都非常之高㗎，有選擇唔多啦但係個食物嘅質素係非常之高，佢都有牛羊豬雞蔬菜等等嘅嘢可以揀嘅，佢偶有安格斯牛俾你揀，我第一次去嘅時候有個職員好細心呀，佢會介紹晒所有野比你聽咁你識用個爐，啲嘢食嚟到嘅時候佢就會話俾你聽每一寸係咩黎，唔似放題咁佢放低左你都唔知係咩黎！順帶一提因為我好晏先去食，食到差唔多最後一個走，我見到啲員工好努力咁樣去抹個爐頭，證明都應該幾乾淨，大家去支持下啦

新開在我家附近，晚餐時段二人行去試試，二佰幾蚊任食任飲。原來係轉轉懶人燒烤！省卻平時食燒烤要左反右反，這裡的爐均會自轉，你只需將串燒放上爐，塗抹醬汁，靜心等待自然有美味到口。新店開張，無特別優惠。不過整晚店員店主均會不定時拿出點餐紙上未有的食材或醬料，逐枱邀請品嚐。結賬時會問你對食物的意見，食客的意見被重視，對方又願意正面回應，真係好難得同時令人感動的。用紙下單後，店員會將一串串的食材放在下列的架上多款食材中，老公最欣賞大啡菇和豬腩肉，大啡菇很是多汁。而我欣賞的食材......太多了。基本上，只要你正常地認真燒，食材樣樣都好食！建議可以試試豆卜、蒜頭、秋葵，幾有驚喜。我和老公的戰績

我好鐘意食燒烤，記得東京街個頭開左間新嘅舖，記得個時行過仲裝修緊，仲話下次開張一定要黎食添。出面大大個牌寫住個價錢，$238唔駛加一，2個半鐘頭任燒。當時大約8點左右，都見幾多人燒緊，都擔心冇Book位情況下有冇得入座，幸好店員都安排到位置俾我地。年輕員工介紹我地點樣放燒烤串，又詳細介紹每款調味料，而且仲有個位置俾我地放私人物品，好貼心呀～有個自拍神器俾人自拍？下面個層係放燒烤串，上層可以放已燒好嘅。左：辣椒粉；　中：孜然粉；　右：海鹽三隻調味料都好配合Ｄ肉串，所以我食個時三樣都落下食品種類都算多，牛都有5款，真係岩晒d食肉獸。食物黎到時，有個架放住d生嘅串燒，店員都會講下邊款還邊款，因為有時自己點左乜都唔記得～因為我地得2個人，所以燒個時可以分開一d，容易熟。有時太多會比較難轉動同難熟。店員話依個泰式海鮮汁想俾大家試下，真係好配ｄ肉類。食完又有個筒裝住Ｄ鐵簽。我以為食物會好難熟，但係唔會喎，好似雞翼咁我都係燒左十分鐘左右就熟（當然雞翼係分開左一半），牛肉嘅質素都好好，唔嚡，牛舌都燒耐Ｄ。另外豬頸肉，菠蘿，雞軟骨都好好食，我地總共order左兩次，上菜都好快手。野飲係另一個櫃，有可樂，

密密燒，一聽呢個名就覺得好吸引，於是就決定黎食個痛快價錢黎講$238唔使加一，係合理既👍🏻一坐低，店員就好親切好有禮貌咁介紹個爐點用，介紹台上既三種調味料及一個汁醬等等，呢一個服務非常好👍🏻串燒種類唔算特別多，但係款式都應有盡有！牛肉黎講，牛肩胛係比較淋身，一下可以咬開，大約7成熟就好好食牛舌係以一粒粒出品，有咬口，個人黎講我比較喜歡薄切一片片的牛舌雞翼係預先𠝹開左，咁放上去燒都比較容易，再配上海鹽，一流呀雞軟骨自己燒都係第一次，都好易控制，呢個加辣粉好好食多春魚係我最愛，燒到少少燶好香口好食去到中段店員仲比左兩串未推出既五花腩肉我地試，呢個真係好好食，希望可以快啲正式推出蔬菜類既雞脾菇同大啡菇都好好食，好有菇既香味，呢一個配上店舖自家汁醬最好食飲品方面有大約10款不同飲品，最特別之處仲有自家制豆漿，味道唔算好甜，配串燒一流！

同好友很久無聚，屋企附近開咗間新嘢，原來呢間嘢觀塘已經有分店，近日在這裏開咗，上網見觀塘店啲食評話食串串燒，即時約老友出動試下先。可能新開，隔日訂位都有位，收費$238/位唔使加一，可以食3個半鐘夠哂時間食，同任飲任食。本來訂咗7點，但6點半去到，第一檯入座，入到去啲服務員好有禮貌，開爐後好細心介紹有啲乜嘢食，有什麼調味粉，教客人點樣燒嘢食。一盤一盤串燒自動轉動，串燒燒得好均勻。戰績都唔錯整體來說，串燒啲肉質唔錯，串燒係原味，燒好後再搽上自家燒肉醬，食時可放辣椒粉、鹽同我最鍾意孜然粉。飲嘢都係大路罐裝飲品，但佢哋個自家豆漿有熱有凍，最正係唔係好甜。這間有得回頭。