影片
营业时间
今日营业
18:00 - 23:30
星期一至日
18:00 - 23:30
以上资料只供参考，请与餐厅确认详情
食家推介
第一次同朋友去边度食，一入去老板不停介绍我地食d咩，我最钟意食牛，虾，同埋番薯..超好食..完全系唔需要再加调味料都已经够哂味，最估唔到既系我地挂住系到倾计都冇留意到d野食就黎浓，老板好细心居然比佢发现到🤣..见到食得就同我地讲..真心系香港第一次见甘好既老板..其次再讲个环境，虽然系细少少，但个感觉好舒服，好有人情味既感觉，下一次会再黎…Ps:食完嘢搭车返屋企发现漏咗啲嘢喺𠮶度，老板居然等我哋返去攞完先收工🤭🤭
继续阅读
呢间嘢其实本身系唔错，灯光嘅光暗度，座位啊都几好，细舖嚟讲唔算太迫，环境各方面系唔错嘅，嘢食方便就强烈建议早啲拎出嚟解冻，因为试过嗌咗𠮶样嘢拎到过嚟，仲有啲冰喺面头，呢个感觉真系唔太好，事前功夫如果可以早啲准备，成件事就会唔同晒。thanks
继续阅读
真系好少写食评，但系今次真系一肚气唔可以唔写，唔想再有下一个受害者受害！平时都钟意上下大陆消费，去深圳食吓串烧，今次谂住留港支持吓本地嘅小店，之前见IG出𠮶啲片推介呢间，book mark咗呢间串烧，男朋友早几日就带咗我去食。先唔讲间舖头一啲都唔近地铁站，要行上观塘嘅山上边，沿途非常多企街。。都唔紧要嘅。。我哋一心都系谂住嚟支持吓本地嘅小店，去到望入去舖头环境极度昏暗，连灯都唔开多盏😑去到系用QR code点嘢食，食物选择好少！饮品先系最大最大嘅伏，全部都系不知名嘅饮品，非常cheap !!只啤酒饮到我哋劲唔舒服（食完第二日我地相继病倒。。）嘢食全部都系冇味㗎，最好食系𠮶个台湾肠，我$250一位嘅价钱过嚟食台湾肠？ ？ ？ ？牛肉完全冇牛味，超级超级韧，直程系咬完都吞唔到落去。。所有嘢食都系冇味㗎。。佢𠮶啲调料同埋烧汁都系冇味㗎，总括嚟讲。。我文笔唔好。。就系一个字难食！非常难食！我同男朋友都一致认为就算免费请我哋再去都一定唔会再食！！一次贴钱买难受嘅经历，希望大家可以睇到我呢个食评避开呢一间咁嘅餐厅！！
继续阅读
第一次去摸左门钉，之后就book左位食😅💵任食串烧放题，$250/1人，冇加一餐厅格局有四至六人枱，都有啲二人位，适合唔同场合。入到去职员好快介绍左点用部串烧机。串烧系手机落单，饮品就出水吧自助，饮品种类选择都算多，最正系唔同嘅冷泡茶🤓。🍖串烧就正常选择，牛，鸡，猪（大推），羊，鸭，海鲜，肠同丸，菜选择就偏少。串烧本身就冇预先调味，而餐厅有提供烧烤酱，孜然粉等等。肉类水准都不错，不过当然质素就冇出面串烧店𠮶啲咁好架啦，无论系肉质定火候。望住啲串烧转下转下咁，系几有趣嘅体验。仲可以食住瓜子（免费嘅）同朋友吹水，二百五十唔加一黎讲都算抵食，推荐大家试下！🙌🏻🙌🏻
继续阅读
友人话想试试这间串烧店，地点较难揾，最好在观塘地铁站出口行过去，会近d。餐厅灯光有d暗炎，可能想营造气氛。我地用QR code点餐，食物选择有点少，特别是蔬菜类。我们选了圣女茄，但是十分不新鲜，有点流水感觉，味道是怪怪的。另外，秋葵也是怪味，不新鲜，接近烂的状况。另外，肉类方面都可以，鸡翼不错，朋友说猪颈肉烧得脆脆的，不错。丸类也是不太满意，也是有点变质味道。但是菠萝是用罐头的，所以不错，够甜。豆卜是唯一推介的，烧后十分脆，正！
继续阅读