寬記麵家

营业中

休息中

長洲必食寬記麵家😋。每次入⛴️長洲都要來食水鮫、水魷、雲吞麵🥟🍜，再加枝啤酒🍻，三五知已食下傾下人生一樂也😊。呢間麵店已光顧了十多年，老闆娘好親切友善，價錢💰大眾化。推介有機會一定要試下👍🏻。

趁秋高氣爽，又有太陽又有點風，想戶外走走，就想起去長洲行吓。坐快船大概35分鐘就到長洲。都有一段時間沒有入長洲，見到地圖有個地方叫小長城，就去看看吧。回程時大概下午2:30左右，行咗去橫街見到寬記麵家就試試吧！叫咗牛雜麵，墨魚丸米粉及兩支樽裝可樂。牛雜麵有驚喜，麵底沒有鹼水味，面都好彈牙，配合牛雜好味道，略嫌個湯底鹹咗少少。墨魚丸米粉，米粉亦都好爽及份量都算多，墨魚丸就覺得鹹咗少少。另外加分嘅地方就係兩碗麵都熱辣辣奉上。整體粉麵都唔錯，下次嚟長洲可以再試試這間店。樽裝可樂配粉麵，懷舊一番。地方乾淨整潔。服務都唔錯，入嚟D客人都叫佢慢慢睇之後才落單。

今日返長洲，最主要係睇牙醫，點解山長水遠返長洲睇牙醫? 因為係香港搵唔到好牙醫之餘，長洲牙醫性價比高，咁咪唔攪咁多嘢，快快BOOK 位快快睇! 牙痛嘛!一直都肚餓但又食唔到嘢，俾我食鮑蔘翅肚都無福消受，女友小熊又嗌肚餓，睇完醫生之後於是乎過去寬記食碗河粉先，魚蛋水餃都怕食唔到，寄望佢地D牛筋炆得夠冧啦，小熊點咗碗豬手河.寄望無失望，牛筋冧得不得了，雖然睇完牙醫但唔係馬上好返哂，牙肉仍然有腫痛要慢愎消散，但都食到牛筋，十個讚!豬手當然無牛筋咁冧，但勉勉強強都食到一舊半舊，皮同肉質都好入味.湯底一試難忘啦...... 二十年前都係哩個味，最特別係湯底有強烈大地魚味，獨一無二所以一飲就知，二十年前嘅青春可愛令仔回憶返哂嚟!唯一可惜係性價比唔高，河粉份量細咗D.疫情前幫襯開嘅西醫同跌打到依家都相繼退休，最開心係哩位長洲牙醫仍然行醫，如果佢都退休都唔知去邊到睇醫生.

#寬記麵家 (長洲)，食客少遊客，因為位於內街，較隱蔽，主要本地人食。雲吞，蝦爽，有地魚味。水餃有木耳，蝦，但食唔出筍絲，呢樣一定係 #昌興 完勝。但麵好爽，有油香，湯底係傳統味道。女師傅煮麵，一流！過年冇加價，給人一種實事求是的感覺！長洲大新街29號地下B號舖

本來想找 #陳通記，#偉記，但海邊風大，行左入內街。誰知道誤打誤撞，見到 #寬記麵家 (長洲)。肚腩河，肚腩都入味，有口感，牛腩唔韌，大舊都好易咬開。河粉滑，浸湯唔會易爛，阿仔大啖係好食指標。長洲大新街29號地下B號舖

心情麻麻，一個人獨遊長洲，志在周圍行下散吓心星期六，三點左右入到黎長洲，本來想去食火車頭米線，但係入邊已經坐滿人出面亦有人等位。所以再周圍睇吓，反正一個人食乜都冇所謂。經過七五九條小巷仔就見到呢間麵家，望入去見到有個女人包緊雲吞，地方乾乾淨淨，見到有啲街坊喺入邊食麵。反正食乜冇所謂插入去試吓叫咗碗牛雜雲吞河，其實佢哋牛雜只有牛筋牛膀牛肚，睇相都見到質素係唔錯嘅，牛筋好淋牛膀好味，雲吞味道亦都唔錯，鮮蝦係彈牙係河粉普普通通大路嘢唔轉滑。單併$30一碗，雙併$41，算好抵食我見到有啲街坊食完之後。仲會外賣雲吞撈麵返屋企比屋企人食。