容龍海鮮酒家

营业中

休息中

假日去通常都滿晒，次次都係去三聖村買料，招牌菜芝士焗龍蝦或大蝦，同出邊芝士汁打獻唔同，係將蝦開邊，上鋪滿芝士焗至乾身，似西式做法，香口好多，只此一家。辣酒煮花螺幾辣架，有爐'慶'著，愈食愈辣。附送海鮮料煲湯，幾鮮甜，不過時間關係火候爭d。糯米蒸蟹差唔多檯檯有，有人話全香港最好食，係幾入味，另外可蒸絛老虎班、炒蟶子，象拔蚌邊爐或刺身都得，唔知點解無哂貴妃蚌好耐。加埋飯、汽水、菜、加一，加工費大約等於買料錢，唔算好平但幾好食。

例牌菜有煙倉魚連沙律(必食),蒜蓉蝦糯飯(可選其他如蟹) ,芝士焗龍蝦(可選龍蝦仔開邊焗或大龍蝦切件伊麵底,推介龍蝦仔開邊因為少D 地方有得食),咕嚕肉(肉淋少肥,小粉,酸甜適中,正!)生斑湯(料多少味精),可到附近之三聖村自選海鮮帶到酒樓.貼士係週末或假期必先訂位, 沒有便後果自負!