容記 (已結業)

今日打完波黎海防道街市食lunch, 例牌黎返呢間食左好多年既「容記」，佢lunch個常餐都幾無敵正👍🏻 $40 / 個常餐 ，包火腿奄列配牛油麵包/多士，豬扒 / 雞翼配麵，跟野飲。就算轉多士都無額外加錢。.佢個炸雞翼/豬扒真心好食，首先佢係會分碟上，咁就唔會俾個湯浸淋個炸豬排/雞翼。炸野要好食離不開個醃料，雖則唔知道佢係乜嘢配料醃製，但無論咬口同味道都好好味😋.唯一美中不足係街市冇冷氣🤣夏天真係頂到熱都問題不大既🤣…查看更多

唔知大家知唔知道尖沙咀海防道熟食中心重開咗呢，呢度係我以前返工成日都會黎既地方，係回憶呀💕嚟到果然真係唔同晒，相比以前企理好多同埋好乾淨，我特別喜歡呢種感覺😊今日嚟到已經下午茶時間，一定要食番嗰常餐，呢度嘅炸豬扒出名係好食😋入口肉質鬆軟、內脆外嫩，同時食到肉鮮味😊配埋火腿奄列，勁大份，識落仲好有蛋汁👍仲有牛油方包，真係完美嘅下午茶☕️嗌咗熱奶茶，茶香奶滑😻果然係茶餐廳嘅茶底最好飲😋朋友嗌咗炸雞翼常餐，佢話個炸雞翼炸得好出色😜南乳味相當濃烈😜順帶一提呢度嘅麵底又幾好食喎，雖然唔係出前一丁，但係又唔係大光麵，正😚嗌左杯茶底好正嘅凍檸茶😜…查看更多

今天朋友介紹了一間在尖沙咀的隱世人情味茶記，海防道進入，熟食中心行到最後一間容記🌸🌸千萬不要被前面的店混淆攔截❤️不同一般的茶記，這一間的老闆在八十年代已開始做茶餐廳，每一種食物每一杯飲品都是用心炮製的。我去到的時候已經看到門庭若市，知道外賣更有八折，很多附近寫字樓的打工仔幫襯🤤想想早餐一份30多元如果外賣再有八折的話只是20多元，在香港可以在哪裏找呢！知道這裡的豬扒是最有名的，便叫了一碟雜扒飯，常餐雪菜米和奄列豬扒果然名不虛傳，超級入味彈牙，相比起連鎖色的什麼厚切，這裡才是真正厚大🤤🤤雪菜/炸菜跟坊間其他茶記完全不同，沒有罐頭般的死咸味！一問之下才知道是老闆娘每一早自己清洗自自己醃製一桶桶備用，再加上少少辣椒十分惹味❤️❤️必試雪菜令你一試難忘👍常餐的奄列有很濃郁的蛋香，原來整個熟食市場是沒有餐廳做奄列的只有容記😋再吃上雞翼，奄製得十分濃郁鮮味，看到容記的廚房十分乾淨企理，一桶桶雞翼在清洗浸泡，難怪一丁點雪味也沒有👍👍👍也看到員工很努力的清洗每一種食材，所以客人們也吃得十分放心朋友是資深的咖啡精，很喜歡在不同的地方喝咖啡☕️也說這裏的咖啡十分香滑呢！想必一早一定有很多上班族來一杯提神❤️…查看更多

已經好耐冇去熟食中心，難得今日上晝得閒，就約咗個朋友一齊去搵啲地道嘅香港特式食物，最後喺尖沙咀臨時熟食中心搵到呢間風評幾好嘅容記港式茶餐廳。因為舖位近室外位置，通風做得比較好，就算熟食中心冇冷氣依然覺得夠涼爽唔會焗。落雨嘅時候老闆娘都好好人，即刻喺窗口位幫手貼塊塑膠簾畀我擋雨。第一次嚟唔知有咩好食，老闆就大力推介豬扒，話呢度嘅蔥油同豉油係自家煮嘅，有特別調製，所以啲豬扒食落好香，鹹中帶甜，兩種味道非常和諧唔會打交。隻煎蛋都煮得啱啱好，戳落去啲蛋黃慢慢流出嚟嘅畫面非常療癒，半生熟嘅蛋黃撈飯都一流。容記呢間小店雖然位置比較難搵，不過$48有呢個質素真係非常好，值得encore～左：豬扒煎雙蛋飯 右：什扒飯…查看更多

今朝係尖沙咀💼做完嘢，同埋同事們一齊來翻新咗嘅海防道臨時熟食小販市場🧐食 lunch～呢度翻新咗之後🤩企理咗好多👍！一入門口見到👀呢間好旺埸，就即刻🪑坐低咗，雖然依家係☀️夏天，不過有風扇💨吹住都唔會話好熱。呢個常餐有火腿🐖奄烈、牛油🧈方包、米粉同埋炸🐖豬扒好豐富，連埋凍奶茶🧋都只係💰42蚊！啲嘢食上枱仲熱焫焫，出緊煙🤤，碟炸豬扒份量十足，重點係好🤩鬆化，而且肉質好嫩滑 juicy，好食過出面啲茶餐廳炸🐖豬扒多多聲！至於個火腿🐖奄烈入面都幾多火腿，而且中心仲係半熟蛋🤩，質感好香滑！呢位同事話好窮😂所以揀咗💰32蚊嘅炸雞🍗中翼配米粉🍜，雞翼炸🔥得好香，入面肉都仲鮮嫩👍，而且個米粉勁大碗🥣，超級飽。同事話個凍奶茶🧋都好香滑，不過佢唔記得叫少甜🙈。我揀咗呢個伙記極力推介嘅🐷豬扒煎🍳雙蛋飯🍚，豬扒質素似乎好穩定，同同事個常餐嘅🐖豬扒一樣咁好味😋！但重點係🤤佢配咗勁多蔥油😍連埋煎雙蛋🍳啲蛋黃汁撈飯一齊食😋一流！總結來講，呢度啲嘢食水準唔錯👍有驚喜🤤，而且💰價格相宜大件夾抵食😋，我覺得炸🔥豬扒一定係必食推介！…查看更多

去尖沙咀睇戲前嚟依到搵啲嘢食，事前無做功課，依個熟食中心唔太清楚有咩出名，邊行間間都出嚟拉客，最後被熱情嘅容記姐姐推介食豬扒包，無乜心水下就即管坐低試試。最後揀咗食豬扒麵。姐姐提議加啲蔥油喺豬扒上，又問要唔要加沙嗲汁喺麵上面，姐姐非常好招呼，又叫我哋轉檯坐近出口涼啲，又坐低同我哋傾偈。啲豬扒同麵係分開上，豬扒已剪開，方便食，啲豬扒夠晒入味，厚薄又適中，姐姐真係無介紹錯，不過可惜無冷氣，真係邊食邊流汗。…查看更多

Staycation興起，經常住係尖沙咀，已經係第四次到訪海旁道熟食中心容記唔係被介紹果啲，但由於第一次去非常多人，機緣巧合之下去左呢間買左外賣豬扒雙蛋飯同埋德記牛丸，豬扒雙蛋飯非常不錯！好有印象！之後去左第二、三次，將出名既都試過哂，個人覺得容記最有記憶點，第四次黎就去左食番豬扒雙蛋飯，同埋豬扒包，兩個餐連飲品，加埋都係$88，對比其他店，都相對平啲個雙蛋真係不得了，蛋汁配豬扒加飯，一流，豬扒包無影相，但唔會油淋淋，豬扒調味又好，有機會會再食過…查看更多

今日中午行過尖沙咀， 唔想食咁貴既午餐，發現原來熟食中心裝修完後，有又平又好食既餐廳，環境仲係好乾淨。係容記坐低左，老闆娘強烈推薦佢地既炸豬扒，就叫左「雞翼豬扒飯」。塊豬扒好有驚喜，真係好好食，炸完 又香又脆，又好入味，味道一流👍🏻👍🏻👍🏻👍🏻同以前食過既炸豬扒非常唔同！老闆娘非常熱情，同佢傾計知道，原來佢地豬扒係秘制的，怪唔之得味道同其他餐廳既咁唔同啦。 下次係尖沙咀都會特登再過黎，試下其他菜式！ 😋😋😋…查看更多

海傍道熟食檔重開後第一次幫襯。 原本是想幫襯對面的一檔，但太多人等候又肚餓，加上“容記“ 的貨記非常勤力叫客，於是幫襯了第一次的 “豬扒蛋飯”。食物到面前……有四塊豬扒，兩隻 煎雞蛋 ，深色嘅豉油汁，望落去好好味。 食落原來真的好好味，豬扒 入味，肉質不覺粗鞋 ， 濃郁 的豉油汁， 非常討好，不太甜也不太鹹。 為咗不要浪費食物我把整碟食曬 。走之前我同夥記講話不要放四塊豬扒，兩塊己足夠， 食唔曬會浪費 。他們的回答是，有些做勞動工作的人， 食量是比較大。 我理解到啦。還有一很貼心。就是他們埋嚟問你要不要加薑蓉呀。自此之後， 每當我去尖沙咀而 時間容許，我都會幫襯衫“豬扒蛋飯“ 我歡喜的味道。雖然是在天橋底的熟食檔，因為位置近 公園仔的 側邊 所以 空氣不會侷促， 只是夏天沒有冷氣。後記 ……他們星期日休息，我試過摸門釘。…查看更多

做保險關係要四圍走，久而久之鐘意食地道嘢，因為食得出味道嚟，乜嘢味？咁就個個唔同啦，你係要人情味道、佢係要色香味道、而我係夠入味😆疫情關係應該唔止我一個好耐無寫過食評啦，今年開始唔用John Cool寫食評啦，因為⋯⋯個人理由😁由海防道熟食市場重開後好多時7:30就過嚟食早餐，坦白講以前未裝修真係訂唔順因為整個環境太熱，著住西裝食完就會濕晒，現時雖然只有大風扇但環境通風好多，容記仲要貼近大門，所以係我中午速食首選😎每月一號都係準備當月工作重要日子，所以中午又嚟速食！食評 : 奶收醬多🥢🥢🥢奶茶 🥢🥢🥢🥢🥢豬扒包 🥢🥢🥢🥢🥢豬扒蛋飯 🥢🥢🥢🥢🥢雞扒蛋飯 🥢🥢🥢豬扒麵 🥢🥢🥢🥢特別一提～每次水準都一樣👍🏻其他未試過，期待大家分享…查看更多