家後2.0

营业中

休息中

餃子控嘅我成日都周圍搵好味餃子，依間亦係我第一次食就愛上嘅餃子店，平時我通常都去總店食，唔知分店又有冇分別呢🤩我同屋企人叫咗個手工餃子套餐，揀左要是日新款煎餃子同煎洋蔥豬肉餃，配是日住家麵類係烏冬，而冷盤小食係菠菜，飲品係烏龍茶，烏冬份量比想像中大碗，入口好煙靭又順滑，食得出係手打烏冬，質感一啲都唔粉，湯底係昆布鰹魚湯，清得黎唔會太過淡，味道啱啱好。本人最鍾意煎洋蔥豬肉餃，外皮煎得非常之香脆，個皮夠晒薄，咬一啖洋蔥豬肉嘅湯汁湧出嚟，食到好甜又濃郁，超好食！而是日新款煎餃子係泰式冬陰功味，酸得來又辣辣地幾開胃另外我哋叫咗灼雲耳椰菜豬肉餃同韭菜豬肉餃，水餃皮一樣非常滑又夠薄身，食落口唔會一團粉咁，雲耳椰菜入邊有少少薑，軟熟又彈口嘅感覺，不得不讚韭菜豬肉餃入邊嘅韭菜好香，食完都仲有韭菜嘅香喺口腔中徘徊，如果灼餃嚟講我個人非常推薦要韭菜餃嚟到點可以唔食佢哋嘅招牌熱賣紅燒豬手，炆得非常濃郁入味，同埋已經係炆到好軟熟，一咬啲骨已經好容易碎，豬手骨膠原同肉嘅比例好平均，唔會淨係食到豬皮咁膩😍跟餐嘅凍豆漿唔會太甜，都幾好飲最後又點少得佢哋舖頭最熱賣出名嘅巴斯克蛋糕，我去到已經得返咖啡味，之前食過原味已

睇過食評，知道呢度啲巴斯克蛋糕仲好食過餃子，主要係想嚟試蛋糕，點知8點左右嚟到仲要大排長龍，起碼等咗5-6枱，20+分鐘先入得 入到去先知蛋糕賣晒 都算，餃子都有興趣試吓，但佢啲餃子44蚊得8隻，我雙拼仲要+2蚊，叫咗椰菜同菠菜，喺我等到咁餓嘅情況下都仍然覺得相當普通，唔明點解可以開到兩間鋪，大排長龍。重點係 煎餃煎到燶晒，食落口一陣燶底味，體驗好差，唔建議大家大熱天時排咁耐隊食又貴又普通又唔飽嘅餃子。第一次喺openrice寫食評，真係非常失望，希望大家唔好中伏

家後開左2.0，新店環境好舒服呀！我地叫左3份煎餃一份湯餃，個人鍾意煎餃多啲，皮薄，煎得香脆之餘又唔油！👍🏻小籠包豬肉餃煎餃限定！好有驚喜！就算煎左咬落去都勁juicy!麻辣白菜餃鍾意食辣既要點呢個啦！比較濃味，辣辣地好過癮！洋蔥豬肉餃充滿洋蔥既香味，平時好抗拒食洋蔥既我都覺得好正🤭！韭菜豬肉餃湯餃包一碗是日燉湯，皮薄而且餡多！最後一定一定要食呢到既巴斯克芝士蛋糕！我哋七點幾嚟到已經賣晒啲特別味🥹，得返原味，但都一樣咁好食！🥹千祈唔可以錯過！

（煎）洋蔥豬肉餃+小籠包豬肉餃 +日式套餐 煎餃隻隻煎得金黃香脆，非常吸引，餃子皮唔會太厚，有啲啲咬口，【小籠包豬肉餃】豬肉餡料肉嫩多汁，肉味香濃，真係好似食緊粒放大左嘅煎小籠包🤣【洋蔥豬肉餃】坊間比較少見嘅口味，粒粒洋蔥令豬肉更加鮮甜，唔會有辛辣感，味道好特別日式套餐跟昆布湯烏冬，湯底清甜，昆布量比較多，烏冬滑溜彈牙（灼）韭菜豬肉餃 + 雲耳椰菜豬肉餃+ 中式套餐灼餃食到餃子嘅原汁原味🥟揀返啲傳統口味，韭菜香氣十足，雲耳椰菜爽脆清新，更加襯托出豬肉鮮甜，加上餃子皮滑嘟嘟，食多幾隻都唔覺漏原味芝士蛋糕餃子店名物⭐️芝士蛋糕⭐️蛋糕芝士奶香濃滑，口感綿密，而且仲做到流心效果，果然好高質👍🏻

星期六熱屎辣辣跟友人行咇出去搵食，一直有間私心想食，今日係呢個緣份要去了。去到深水埗已經見到條長長人龍排隊🫨排咗大約20分鐘先入到間餃子店雲耳椰菜豬肉餃 （烚）菠菜豬肉餃 雙拼+$2 $42即下單即落水煮，等咗10分鐘左右熱辣辣上枱😍 餃子算大隻，餡料多，合格 今日是日靚湯係豬骨煲雜菇湯，濃郁菇香，飲得出係老媽靚湯芫荽豬肉餃 （烚）洋蔥豬肉餃（日式）是日住家麵+冷盤小食+烏龍茶 $72日式昆布湯烏冬+筍小食+熱烏龍茶烏冬十分彈牙，唔係cheap cheap平價烏冬👍🏻最有驚喜係芫荽豬肉餃🌿入口就好濃郁芫荽味🙌🏼 而友人十分喜愛洋蔥餃，係用白洋蔥🧅佢話估唔到洋蔥包餃都咁好味 。食完麵加餃子包到佢頂心口😂沙薑雞中翼$30都有4隻，大大隻幾靚仔 味道方面佢哋煮得好入味，連骨頭🦴都好輕易乾淨🤤🤤凍豆漿（枝）$12是日芝士蛋糕$35聽講呢到巴斯克好出名，長期買光，有唔少人專程嚟就係食佢cake先肯走原味豬屎味買晒，得返玫瑰味。表面有少少焦燶，所以有少少甘 入口第一啖有啲半熟質感，濕潤濕潤，其後就實返 ，不過玫瑰味可能係指個花香味 食落只係甜甜哋，相信原味好出色。大佬講緊呢個價錢，呢個size你

一直見到依間餃子店都好出名但都未試過，今日放工有空去到深水埗食，今次食一間應該係新開嘅，因為叫做2.0😆大約7:00來到，見到入邊已經坐滿，但係我就喺門外等候，等等咗大約10分鐘左右終於有位，店舖唔算好多位，但係乾淨而且唔算坐得好迫😆▶️煎芫荽豬肉餃 $44每一隻都煎得好脆口，咬落去好多汁滲透出嚟，而且由於煎得脆口，令到芫荽味非常出，再配上本身已經提供嘅唔同醬料，包括醋、辣菜脯等，更加提升味道🫠🫠▶️灼韭菜豬肉餃套餐+是日住家鹹飯+冷盤小食+熱茶$60灼餃亦是很出色，韭菜味亦是非常出，蝦皮薄薄，但係外皮都唔會爛，食落又好軟滑感覺😆兩款餃子完全唔同感覺，真係好值得試晒。另外行飯方面亦都好出色細細兜，而且每一啖都係鹹味，更加提升食慾🤤▶️豬骨湯上海麵 $16湯底唔似出邊濃烈味精味，配上餃子食落去飽到啱啱好▶️沙薑雞中翼$30呢款又係好值得試，雞翼應該用咗好多時間醃製，每一嚿都大大隻，而且非常之腍同埋入味。另外我再用沙薑汁配上海麵亦是非常匹配。🫠🫠▶️原味芝士蛋糕$30由於蛋糕數量有限，所以我一去到已經叫定，而最後都叫店員上，蛋糕真係非常值得一食，係巴克斯蛋糕，入面係有啲軟的質感，而外面係比較硬，食落

深水埗以巴斯克蛋糕打響名堂嘅餃子店，由1.0開到去對面2.0。短期內快速擴充，除咗做街坊生意之外，都吸引唔少外來客因為個芝士蛋糕慕名而來。價錢極親民，仲要有住家嘅味道，唔難知道點解有一批捧場客特登會嚟外賣個cheesecake 🧀梗係要試吓招牌雙拼煎餃: 芫荽豬肉餃, 小籠包豬肉餃(煎餃限定) 。大大隻，一邊煎得脆口，皮薄餡靚。小籠包皮薄多汁冇得頂👍除咗餃子之外，仲有幾款唔同住家飯選擇： 呢個必試!!⭐️蝦醬蒸豬腩片飯附送是日例湯和烏龍茶呢個真係冇得頂! 味道鹹香，好似喺大澳食嘅一樣。 但呢度以極親民價錢就食到，仲有埋無味精住家湯同一碗熱茶，咁嘅質素咁嘅價錢，邊度搵？最後梗係要食呢度最出名嘅cheese cake！今晚有幸運之神眷顧，有原味同開心果味。期待已久，超級Creamy，無敵好食！🤤開心果味仲要特濃！媽啊！真的是滿滿幸福的感覺💓💓💓📍家後2.0 (深水埗)深水埗汝州街131號地舖

想食巴斯克芝士蛋糕，但係又想食餃子，點算好呢?! 唔洗咁苦惱啦！位於深水埗嘅呢間家後2.0 就係一間可以食到巴斯克芝士蛋糕嘅餃子店，一次過滿足晒兩個願望！餐廳嘅裝修係走文青Cafe 風格，令人有種慢活悠閑嘅感覺～手工餃子套餐(灼)💰HK$72朋友簡咗灼菠菜豬肉餃拼灼韭菜豬肉餃，食灼餃子就係可以品嚐到餃子嘅原汁原味，韭菜豬肉餃味道經典！而主食就有日式昆布湯烏冬，湯底清甜，烏冬煙韌Q彈！另外仲有菠菜小菜、冬瓜老火湯同埋烏龍茶，加咗主食嘅套餐真係好抵啊～手工餃子套餐(煎)💰HK$46呢個餐就簡咗煎菠菜豬肉餃子拼煎雲耳椰菜豬肉餃！第一次食菠菜豬肉餃子，估唔到菠菜同豬肉嘅味道係咁夾，咁多餃子之中，個人最鍾意嘅款！😜而雲耳椰菜豬肉餃就口感多咗一種爽脆，層次感再豐富啲！煎餃粒粒都煎到外層好香脆，內裡充滿肉汁，仲有爆汁效果，令人好有驚喜～麻辣雞中翼💰HK$30炆到好入味，雞中翼一咬落去就好容易甩到骨出來，麻麻辣辣好惹味～凍 枝裝豆漿💰HK$12味道唔會太甜，而且豆味濃郁～原味芝士蛋糕💰HK$30充滿濃厚嘅芝士香味，中間仲有少少流心效果，好優秀😋～

深水埗 家後 餃子好出名，星期六午餐去左附近分店 家後2.0再試下水準。分店裝修走文青簡約風，店舖細細但位置好闊落，午餐時間都要等一等位。除左蛋糕之外，其他餐點都係用qrcode落單。我地試左唔同款色嘅餃子同一個日式住家飯團日式住家飯團真係好有家嘅味道，調左味嘅米飯加上魚乾，食落飯粒飽滿，味道舒服清香。餃子就有灼餃，有煎餃，味道都可以雙併，一碟8隻。煎餃 火喉控制得好好，煎到一邊金黃脆口，餃子皮厚度不厚不薄，有少少煙韌口感。各款菜用料新鮮，冇食到菜渣，味精味，肉饀有咬口，充滿肉汁，唔會太碎。韭菜豬肉餃x4韭菜味香濃，爽脆，點埋醋更香芫茜豬肉餃x4唔多餃子店會有嘅口味，芫茜處理得乾淨，用料新鮮，大啖咬落，食口會充滿清新嘅芫茜味，推薦比鐘意芫茜嘅食客。洋蔥豬肉餃x8同樣係市面極少餃子店嘅口味，粒粒洋蔥爽脆厚肉，鮮甜味食落令人驚艷。一d洋蔥嘅辛辣味都冇，必試！灼餃芹菜豬肉餃x4芹菜本身嘅味道濃同質地同肉饀好唔同，食落兩種食材口感分明，兩種味道獨立得黎都好夾，整體比較清香爽口。菠菜豬肉餃x4菠菜足料，淡香菠菜同肉饀完全融為一體，味道都唔錯。飲品叫左兩枝日本牌子樽裝茶。義大利泡沫咖啡，咖啡機沖，

已經有很長時間沒有吃餃子了，今天終於去了家後分店家後2.0吃餃子和芝士蛋糕。內面裝修很美又簡潔，而且座位亦很闊落，坐得行舒適。私心地點了雙拼餃子，煎雙拼芹菜豬肉餃和洋蔥豬肉餃。外面表皮煎得很金黃且香脆，他的皮帶點煙韌好咬。配搭滿滿的內餡🫶🏻。芹菜味亦很突出非常好吃！配搭頗有辣度的菜莆味道更有層次。洋蔥餃煎得很香甜不會因為太生而有辣味。灼餃即試了韮菜餃和是日精選餃子（即麻辣豬肉餃）。灼餃包一碗自家湯，非常舒適又不會有太多味精味！水餃的表皮亦是很嫩滑且軟熟又不會散。麻辣豬肉餃帶點辣味又不會太過，配水餃吃可以細味內餡味道。原味芝士蛋糕，表皮有焗烤的表面，配搭內裡軟熟帶微微濕潤的芝士蛋糕，很滿足。飲品可以點hot latte很特別，便點了一杯餃子配咖啡過癮！

今日和朋友去了深水埗電子特賣城行街，行完後去了這間餃子店吃晚餐。點了手工餃子🥟套餐：最先送的是冷盤前菜，幾清甜，不錯。小籠包豬肉煎餃，菠菜豬肉煎餃雙併🥟：這款小籠包豬肉煎餃非常美味！外皮煎得酥脆，內裡的豬肉餡料鮮嫩多汁，加上適中的香料調味，讓整個口感非常豐富。每一口咬下去都能感受到豬肉的鮮味和香氣，讓人食指大動。建議可以搭配餃子醋一起吃，提升整體的風味。另外菠菜豬肉煎餃是一道美味的中式小吃。這道菜有著脆口的外皮和鮮美的內餡，是許多人喜愛的美食之一。首先，外皮煎的金黃酥脆，口感十分誘人。內餡部分，豬肉和菠菜的搭配恰到好處。豬肉的肉質鮮嫩多汁，與菠菜的清香相互輝映，各自的味道都得到了很好的展現。小籠包豬肉煎餃，洋蔥🧅豬肉煎餃雙併🥟：洋蔥豬肉煎餃：煎餃上桌時，外皮金黃酥脆，內餡則是豬肉和洋蔥的絕妙組合。每口咬下去，都能感受到洋蔥的香甜和豬肉的鮮嫩口感，讓人越吃越上癮。

鍾意食餃子🥟的你一定聽過「家後」這個名字家後2.0係新店舖 店舖帶點文青裝潢😍我同豬仔🐽係餃子控 一人一碟餃子走唔甩🙌菠菜豬肉餃拼芫茜豬肉餃（左）菠菜豬肉餃拼雲耳椰菜豬肉餃（右）餃子皮薄餡鮮 可以雙拼口味 滿足心多多的我倆😃灼餃送埋燉湯 滿足👍🏿菠菜豬肉餃雲耳椰菜豬肉餃韮菜豬肉餃（煎）餃子煎得金黃香脆 一咬散發陣陣韮菜香氣 韮菜控like爆❤️小店主打餃子 原來芝士蛋糕亦係店鋪名物😋當日只剩下原味巴斯克芝士蛋糕 口感香滑芝味 下次有機會一定試吓其他口味

今日到深水埗，就係為左食依一間家後2.0既餃子店。到底有無辜付到我既期望呢？咁就要繼續睇埋佢。佢地既餃子種類非常多，主要分左灼餃同煎餃。重有唔同既小食可以食。首先係灼餃，今次叫左雲耳椰菜豬肉餃同韭菜豬肉餃食。簡單概括佢地手工餃既質素，皮薄餡靚，非常足料既餃子。食材都好新鮮，食到佢地既鮮味。而且灼餃會有限定既靚湯，完全飲得到全部親自料理，無其他加工，十分鮮甜由於灼餃已經咁好食。本人亦都好愛好香口既食物，所以煎餃我都必須要加碼的。今次就叫左韭菜豬肉餃同洋蔥豬肉餃。餃皮煎得岩岩好，夠脆又唔會老。餡料經過煎香後香氣四溢，食落重好突出配料既香味。小食見到有麻辣雞中翼就忍唔住叫埋。辣汁夠香，辣度又岩岩好，配埋雞翼十分之match。最後甜品埋尾，佢地有數量限定有芝士蛋糕，手快有手慢無。今日係旁晚時分去食，我已經係最後一個客人食到。今日係巴斯克蛋糕，甜味岩岩好。食落又香又好食。如果有機會食到佢地既蛋糕，一定要叫埋黎食。

在深水埗的一隅，原來有個家在等待著我，這個家系餃子🥟真的有很「家」的感覺手工餃子套餐(灼)菠菜豬肉餃(灼)(中式)是日住家鹹飯+$60.0冷盤小食 + 烏龍茶 @$20.0菠菜跟肉的比較剛好，入口帶菜爽而不膩，清淡不會鹹手工餃子套餐(煎)$46.0- 小籠包豬肉餃(煎)是日新款餃子- 麻辣白菜餃子(煎) @$2.0小籠包豬肉餃 賣相一般，但是裏面滿滿的肉汁，餃子皮明顯剛剛煎好，相當金黃，值得一讚的毅力麻辣恰如其分，帶少量椒麻香，小辣不刺激，正！手工餃子套餐(灼)$42.0韭菜豬肉餃(灼)芹菜豬肉餃(灼) @$2.0感覺芹菜餃子的存在感很強！俾韭菜餃更強！令人感覺到有在吃菜！非常健康日式住家飯團$16.9滿滿滷水雞肉的飯團，竟然還是自家製！$16.9，夫復何求？原味芝士蛋糕$30.0甜而不膩有層次，芝士🧀️香適中，入口順滑，絕對不像家庭餃子店的水準！家後2.0 (深水埗)深水埗汝州街131號地舖#家後2.0 #深水埗

位於深水埗的"餃子有道"餐廳,以其簡約而文青的裝潢風格成為附近街坊新寵兒。踏入這間餐廳,彷彿置身於一處文藝氛圍濃厚既小酒館,木質桌椅同溫暖既燈光營造出一種舒適悠閒既氛圍,令人不禁放下繁忙既都市生活,靜下心來細細品嚐眼前美食。今日,我攜同好友來到這裡一探究竟。餐廳主打餃子,共有七款基本口味,加上一些特色口味。作為餃子愛好者,我刂五朋友當然不能錯過這次大餐,各自點左兩款雙拼餃子品嚐。首先，我們點左雲耳椰菜餃同麻辣白菜餃。雲耳椰菜餃內餡鮮嫩多汁,椰菜清香同雲耳脆口完美融合。麻辣白菜餃則帶有一股微微既辣香,但並不過於強烈,反而令人上癮！接下來係芫荽餃同菠菜餃。芫荽餃散發著濃郁既香氣,餡料鮮嫩多汁,配合餐廳特製既醬料,口感鮮美而又不失清新。菠菜餃則以健康既蔬菜為餡,清新脆口。除左餃子,我們仲另外點左一客紅燒豬手同一個自製飯團。紅燒豬手肉質軟嫩,肥而不膩,入口即化,令人垂涎。自製飯團以飽滿既米粒同適當既鹹香味,搭配上別具特色既口味,讓人忍不住一口接一口。飲品方面,朋友選擇了套餐附送熱烏龍茶,清香醇厚,完美地中和左餐點既鹹香。而我則選擇了熱豆漿,濃郁既豆令人感到格外舒適同溫暖。總結,今次用餐經歷可謂