家後

营业中

休息中

🥟爆汁煎餃 • 香滑日式芝士蛋糕。呢間餃子店喺深水埗，係一間有住家風味嘅小店。今次試咗佢最出名嘅煎餃同芝士蛋糕。我哋揀咗洋蔥豬肉餃同韮菜豬肉餃。外皮煎得金黃香脆，一咬落去，即刻爆哂汁，熱辣辣，好多餡，係我食過最好味嘅餃子😍🥟芝士蛋糕都好驚艷！食落口好軟滑，買返屋企俾屋企人食，佢哋都讚不絕口。有興趣仲可以整個蛋糕買！另外小食試咗酥脆炸肉丸，細細粒，好香口😋小店老闆亦都如有人情味，服務態度非常友善親切

深水埗呢間餃子店都幾有人氣🥟餃子皮薄餡靚 食落係住家嘅味道🥰餐廳比較細 所以長期都爆曬人🤣除咗餃子之外 最正一定係佢哋老闆娘自己親手整嘅巴斯克芝士蛋糕🍰食完餃子 再食個甜品夠晒滿足😌

相信最近大家會幫襯家後，都係被佢嘅巴斯克所吸引🤭適逢紅日嚟試，係門口都等咗十五分鐘左右。鋪內位置都係典型小店，較為狹窄。我哋被安排坐最入的房仔。先嗌一份芫茜湯飲。湯底因為係無味精嘅赤小豆粉葛豬骨，味偏淡，但飲得出係心機嘢。餃子芫茜十足，不過皮略厚。而厚皮餃子正正啱晒煎餃，新鮮煎起嘅餃子脆卜卜，咬落係咔咔聲，配埋肉餡熱辣辣，係幾好食，如果內餡可以再多啲就更完美。成餐飯嘅主角就係呢一個開心果巴斯克蛋糕，誇張到係喺門口排隊嘅時候已經不斷喺度望仲有冇。而我亦都可以好肯定咁講，呢一個巴斯克蛋糕真係家後嘅招牌菜，蛋糕開心果味勁濃，中間仲要做到流心，加上唔會太甜太膩，開心果迷真係要嚟試試佢🤭

係深水埗有一間好出名食餃子同日式芝士蛋糕嘅小店，就算今日落住大雨都好多人黎排隊食同買外賣！今日午餐時段等咗兩張枱就入到去坐低，等位嘅時候記得喺門口嘅紙仔填上人數同電話號碼頭四位數字，舖頭入面有位就會安排入座㗎啦，座位雖然唔算多但好乾淨同舒服。洋葱豬肉餃（煎餃）（$42）每一粒餃子大小都好均勻，一面煮到焦香，加上超juicy既新鮮紫洋蔥同豬肉，一上枱一定要趁熱食，蘸少少醋更惹味！雲耳椰菜豬肉餃（湯餃）（$38）粉葛湯湯底煮清新湯餃，就算飲埋成碗湯都唔覺得heavy，配上特別既雲耳椰菜餡，入口爽脆清甜。跟餐日本飯糰/鹵水鷄翼兩隻及飲品（+$16）飯糰有漬物同豬肉餡，啖啖日本味，如果驚淨食餃子唔夠飽，推薦加呢款日式住家飯糰！津白（$20）熱辣辣又煮到好既津白，食完都覺得養生，另外是日油菜仲可以揀菜心或者生菜。日式手作芝士蛋糕（$28）& 開心果味芝士蛋糕（$33）鍾意食甜品嘅客人記得要留肚食埋芝士蛋糕，原味係好濃郁嘅蛋香同芝士香，開心果味一入口係極香nut味，口感超滑，加埋蛋糕邊、面同底既焦香味，真係食到停唔到口！老闆非常親切，仲介紹返推出日式芝士蛋糕既奮鬥史，如果想訂蛋糕嘅記得提早兩三日打

 家後地址：深水埗基隆街211號地舖估唔到原來深水埗人氣餃子店最出名係日式手作芝士蛋糕 🍰$25，今次就試咗原味同開心果味芝士蛋糕，兩種芝士蛋糕都好滑😍好濃芝士味😍，而且每一啖都入口即化好creamy又唔會太甜，係大滿足！正！大滿足！正！#nicefoodie深水埗

呢間餃子店人氣好高，今日下午茶時間黎到，都要等一陣先入座。🔸雲耳椰菜豬肉煎餃(💰$42/8隻)(8.5/10)佢仲有湯餃，不過我覺得煎餃比較吸引。的確無令我失望！煎餃隻隻一樣大細，煎到金黃色！皮脆餡多，熱辣辣，仲有肉汁滴出嚟。雲耳椰菜好爽口👍🏻🔸日式住家飯糰(💰$16)(8/10)的確係住家嘅味道！有牛蒡絲同少少肉碎。好似仲有啲菜脯。🔸日式手作芝士蛋糕(💰$28)(8.5/10)呢個價錢，做到呢個質素係唔錯嘅。蛋糕面唔會好濃。好軟滑，好香芝士味，仲有少少流心嘅口感👍🏻仲有開心果味下次可以一試！呢度真係有家的感覺，小店經營。最出色都係餃子🥟可以再來！😋Overall評分: 8.5/10

現在的餃子店越開越多，但是餃子店的質素有時都好參次，今次在深水埗平民地方發現新大陸，這間餃子店在星期六日都有好多人在店門外等位，鄰近的大排檔同樣好受歡迎，所以依個位置長期都好多人喺度泊車或者喺度等位。今次我試咗湯餃和煎餃，湯餃係用粉葛赤小豆湯做湯底, 無味精之餘, 食完餃子仲可以飲埋個湯, 好有益, 好有家既感覺。煎餃最出色嘅地方係唔會太油膩，唔會有煎到過火嘅感覺，感覺上好健康。湯餃 $36 /8隻 , 煎餃 $40 /8隻, 雙拼味道只需加$2。所以今次我就決定想平時多啲不同的味道。洋蔥豬肉餃 洋蔥既甜味配上豬肉既鮮味, 味道濃郁又多汁，好正。香菇粟米雞肉餃 粟米餃清淡得黎味道好清甜, 成日好快就賣晒雲耳椰菜豬肉餃 雲耳同椰菜好新鮮，入口爽脆日式手作芝士蛋糕原味同開心果口味，差唔多每一枱客人餐後都會點蛋糕，因為佢真係做得好出色，好香同好滑。開心果味道夠濃。

公眾假期嘅下晝 門口外排滿人幸運地被安排細房入面位置🍲湯餃 - 菲菜豬肉 (8隻) $38套餐併牛蒡雞肉飯糰, 熱飲 +$16某似平凡嘅飯糰🍙可能出自日本老闆娘手所以入口令我驚訝 係日本嘅味道啊!!清淡嘅醬油味 夾雜雞肉/菇菇粒🍗好似重温緊飛日本 落地就入便利店買飯糰嘅感覺🥹餃子皮薄 餡料份量適中湯係屋企湯嘅味🥘無味精令我好放心飲哂當日係粉葛湯🥟煎餃 - 白菜豬肉 (8隻) $42煎餃皮夠薄 底煎到金黃色 脆卜卜好怕有啲煎餃好似炸咁 太熱氣呢個就岩岩好👌🏻白菜好清甜 好juicy巴斯克芝士蛋糕 $33🍰開心果入口係開心果糊嘅口感所以係真材實料 用真開心果整軟心口感好幼滑呢個好值得試!!!焙茶🍵焙茶味都好夠但相比之下 更推薦開心果味😂😂

今日一點嚟到深水埗，前面都有大約10個人排隊，最後等咗大約20分鐘入座最後點左一個湯餃、一個牛腩飯、一個飯團同埋一個cheese cake見在場好多人食煎餃睇落都好似好好食但係因為驚熱氣食咗湯餃子餃子一份有八隻，個湯底係粉葛湯，揀咗雲耳椰菜豬肉餃，十分之好味，軟硬適中，個皮唔會好厚，個湯都非常之清甜，唔會好渾濁，八隻餃子啱啱好啱晒女士食，亦都唔會好味精食完唔會好口渴。但係上菜時間比較來都等咗大約差唔多30分鐘先有嘢食呢個飯團大家都會推介，係牛蒡醬油飯團有少少肉碎，味道啱啱好唔會好鹹，都幾大個㗎， $16。1個都值得一試呢個cheese cake都好多人推薦平時有幾個口味，但係嚟到已經剩返原味，個皮整得好好唔會好燶，整得好香中間亦都好滑， $28 1件都可以一試，希望下次可以試到出名嘅開心果味整體來講環境非常之乾淨衛生，食物嘅味道都係中上水平，價錢亦都合理，係食飯時間比較多人要等一下，絕對值得推介

今日請咗半日假同朋友去深水埗運輸署辦點事，排隊排左幾個鐘又攰又肚餓，朋友知道附近有間叫家後，手工水餃好好味，提議我去試吓！食店地方不大，但整潔乾淨。紅燒豬手上海麵，加滷水豬大腸和鮮蝦雲吞：豬手夠入味，林度剛剛，口感Q彈，豬腸洗得乾淨，滷得入味唔會韌。雲吞餡以豬肉加鮮蝦為主，調得味道都好好！上海麵也十分彈牙。韮菜豬肉湯餃：餃子足料夠大隻，菜和肉比例剛剛好，湯底係用老火湯，粉葛扁豆赤小豆等，味道香甜又有益。芫荽豬肉煎餃：餃子還可以選擇煎，煎到金黃色的餃子皮卜卜脆，餡料芫荽豬肉又香又鮮！麻辣、滷水雞翼各兩隻：雞翼大隻好入味，肉質鮮嫩，有辣有唔辣，各有特色！凍檸七跟餐只需加12蚊，凍豆漿加6蚊，真係好抵飲！

係深水埗呢邊原來有間街坊小店，星期日晚去都要排隊，仲要不停有外賣叫，老闆非常之忙碌😝我就期待嘅叫咗嘅餃子快啲到😍今日太遲食lunch所以唔算好餓🤣🤣一人8隻餃加個小食炸雞就算！！洋蔥豬肉dumpling $38/8隻要咗湯嘅！！個湯係粉葛紅豆赤小豆湯，好養生健康嘅感覺🤟🏼洋蔥豬肉真係第一次食🤣好特別！洋蔥好甜，見到佢係用紫洋蔥同白洋蔥溝埋一齊！！另外叫咗冬菇粟米雞餃 $42/8隻今次就揀咗煎嘅！佢煎很好靚，唔會好lone!!上色各方面都好似好正！冬菇味唔算好勁，粟米都唔係好出，成個味都偏淡嘅係健康🤣🤣最後叫咗個炸雞 $27/4舊wahh!! 想encore!!!超嫩滑！！！！佢調味調得啱啱好！！好好食！！！入面超juicy!!估計老闆係用雞髀肉去整👍🏼所以好食到暈底！！一路食老闆一路行黎行去落order送外賣！好忙！！果然係街坊小店！！！勁！！！我哋最後加咗6蚊要咗ooha 🤣🤣下次黎想試下飯😚

深水埗就出哂名係coffee shop嘅勝地，近年亦都開咗好多間新奇百怪嘅食店，有D係土耳其菜，仲有D裝修到成個太空倉咁。 但其實喺大南街西面行過南昌街就好似去咗另一個世界咁，有派飯碟頭飯嘅良心店，環境較為樸實，就似返現實嘅深水埗。而大南街對上嘅基隆街都係諸如此類，有唔同嘅大街小販同傳統港式食店，就好似呢一間咁。 家後以閩南語(主流於台灣/馬來西亞等國家嘅言語)解的話係指「妻子」。呢間餐廳其實係個家庭生意，老闆嘅父親本身喺做布行生意，但因疫情令事業前景變得唔明朗，所以就轉行試吓做飲食業，由零開始做起。 一開頭只有三款餃子賣，到而家有八款，同有D日式嘅野。講起日本野，老闆個妻子係個日本人，鍾意整甜品，其中basque Cheesecake係佢嘅拿手菜，於是就決定放喺店門外售賣。起初食堂令人以為只係賣D cheap野/急凍貨，所以一開始就賣得唔好。但好在老闆就响興cheese cake呢樣野之前佢就開始去賣，令店舖人氣急升。 裝修就冇特別嘅，並唔係行新潮嗰D，呢度就只係傳統白色裝修。食物就有港式嗰D飯餐/滷水小食，湯/煎餃其一，數量得八隻揀，可轉set。仲有日式飯糰/各種麵條/雞翅。甜品芝

<深水埗平民美食推介 必試芝士蛋糕>🔎: #drfood深水埗 #drfood餃子 #drfood甜品聽到太多人講要試下 @ 既芝士蛋糕🧀好好彩平日晏就𝟐點去到都仲有♥️餃子同蛋糕都相當出色😝拉到最後睇𝗠𝗲𝗻𝘂🥰佢地有其他小食呢➣湯餃-韭菜//白菜(💰𝟑𝟖+💰𝟐雙併)𝕽𝖆𝖙𝖎𝖓𝖌: 𝟑.𝟕/𝟓湯底係自家製既蓮藕湯好清甜☺️水餃唔係行爆餡路線但肉汁鮮甜，餃子皮厚薄適中🥰餡料每啖都有肉同菜好𝗯𝗮𝗹𝗮𝗻𝗰𝗲😆➣煎餃-香菇粟米雞肉+洋蔥豬肉(💰𝟒𝟐+💰𝟐雙併)𝕽𝖆𝖙𝖎𝖓𝖌: 𝟑.𝟖/𝟓餡皮脆身得黎係我食過煎餃中最唔油膩的✨餃子面完全唔油連隻碟都係一滴油都冇呢🤤特別推介香菇粟米雞肉🌽➣日式手作芝士蛋糕(💰𝟐𝟖)𝕽𝖆𝖙𝖎𝖓𝖌: 𝟒.𝟓/𝟱價錢好實惠仲要好高質🤤細細件𝟐個人𝘀𝗵𝗮𝗿𝗲岩哂啊✨芝士味香濃仲有少少軟心!下次試下其他口味♥️🔸𝙍𝙖𝙩𝙞𝙣𝙜: 𝟴/𝟭𝟬

星期五嘅夜晚放寬堂食嘅第二晚梗係想搵一間好嘅餐廳食今次就選擇左去家後冇諗過咁多人排隊相信都係因為食物出色一場嚟到梗係要使多啲特別野今次叫咗湯餃同埋煎餃湯餃分別叫咗香菇粟米雞肉餃同洋蔥豬肉餃個人比較喜歡洋蔥豬肉餃 因為係用咗紫洋蔥更能帶出香味 好食最有驚喜係個湯係自家煲並唔係落咗味精好有家的感覺之後試咗煎餃分別叫咗韭菜豬肉餃同埋菠菜豬肉餃估唔到煎餃非常好食係屋企都未必煎到甘香咁趣嘅效果唔怕熱氣嘅人一定一定要試煎餃兩隻餃子口味都好好食另外仲叫咗個飯團 分量唔算好多但味道有牛蒡味 幾特別見到呢度有豬肉丸 都叫咗碟試一試應該係用洋蔥再加豬肉拎炸 都係幾特別嘅一個選擇仲叫咗炸雞 炸雞唔會好油啖啖肉唔錯老闆推介必試豬手果然豬手炆得入味亦都唔會好硬而且份量都唔少好食最後亦都叫咗豆漿同埋熱杏霜餐廳整體嘅感覺都好好小店充滿家嘅味道下次亦都會再返呢度再試大腸米線

成日見到有人話家後嘅芝士蛋糕好好食，好奇明明佢係一間餃子店，點解大家都成日提佢嘅芝士蛋糕呢🤫 結果我自己食過一次之後都返唔到轉頭，每次去深水埗都忍唔住過一過去。咖啡味芝士蛋糕餐廳除咗原味之外，都會有一款特色味，而今日就係咖啡味，店員話呢款味好少整。咖啡味香濃，芝士蛋糕一如既往高質，好重芝士味，好滑，入口好有滿足感😋不過我都係中意原味多啲，會有啲流心感覺。白菜豬肉煎餃嚟到餃子店當然要試試佢嘅餃子，我地今次就嗌咗白菜豬肉煎餃，菜同肉比例同調味都唔錯，大大隻，不過煎得有少少乾，整體都好好味。聽說老闆娘係日本人，所以整咗啲日式芝士蛋糕賣，結果出哂名。想食記得早啲去！會賣哂！我仲打包咗兩件走添😂📍 家後 深水埗基隆街211號地舖