家家戶戶

营业中

休息中

周六中午趕時間隨意入了就近的韓食店店內多數是年輕或文青類食客午市餐牌有兩個價錢，分別是正價和學生價可能這是多學生客源的原因之一身邊大部分人都點泡菜炒飯和公仔麵但作為食肉獸的我二話不說點了多肉的牛肋骨set上菜時間快鐵板牛肋骨熱騰騰我非常快手影相但因鐵板與肉之間沒有配菜最底的兩塊肉都燙焦了不可食用鐵板上很多油但仍可接受牛肋骨有典型的甜甜韓汁醃過微甜減膩、肉不至juicy但也不乾身韓國小碟的泡菜偏酸個人不太喜歡燉薯仔味道很好而韮菜花則是雞肋另，微妙的是那雙黑色筷子用起來不方便將牛肋骨夾在咀邊時總是冼開肉夾不穩很難扯開真是從未遇過這種情況不收加一

家家戶戶—位於尖沙咀「韓國街」街頭的一間韓國料理餐廳。韓國菜，通常香港人都大多數只會想到韓國燒烤，醬油蟹及炸雞等食物，但於短短的金巴利街當中，還有著很多不同的選擇。人篸雞湯套餐—熱燙燙的湯煲中，有著一隻內裡釀着糯米的一隻全雞，再加上紅棗、人蔘段及蒜粒，雞湯清而不油膩。但不似其他的韓國料理一盤，雞骨會煲至入口溶化，而且雞湯味道不太濃郁。海鮮炸醬麵—麵條配上典型的韓式炸醬，洋蔥及海鮮配料；但可惜所謂的「海鮮」配料當中，只有魷魚及少量的蜆肉，所以有點兒失望。味道尚可，只是價錢吸引而已。

餐廳俾人一種住家菜嘅感覺同啲名家家戶戶好吻合☺️心血來潮想食韓國公仔麵叫咗個芝士公仔麵SET$65韓國公仔麵同屋企自己煮既差唔多湯底芝士味重 想飲多幾啖😋小食簡單得來豐富 有青瓜香腸泡菜同韓式壽司咁就可以咩都食少少😆價錢算平性價比都幾高👍🏻

第一次寫食評食物一般，所以無影過相。同朋友食左牛肉石頭飯同炸醬面。牛肉石頭飯既牛肉都幾少下，不過味道正常。炸醬面都係一般，算正常。另外侍應態度真係唔掂，佢唔夠位入去比張單個客，睇住佢就咁飛張單入去，張單仲連住個托底膠板，咁都得，唔小心會飛中人囉食完個肚仲要唔舒服，無下次

今日得10度.....同朋友黎韓國街搵食，早啲食6點就黎到，好處係周圍都多位坐，唔洗等👍🏻行到街尾見到門口放左餐單，價錢唔貴，裝修都幾warm, 小磚屋甘韓式牛肉炒粉絲 set $78, 都幾大碟，唔算辣，幾好豆腐豬肉湯 set $82, 冇咩辣味，普通啦芝士年糕$63，份量足，不錯整體不錯，食到一半，間鋪已經坐滿人不過味道可以再辣啲😌

跟同事去尖沙咀出名嘅韓國街食lunch，依間餐廳好細間，毫不起眼，入到去座位都唔係好多。午市套餐嘅選擇都好多，有幾十款，一定揀到啱你心水嘅食物！店員會俾幾張紙仔你，自己寫低要點既嘅食物號碼，其實都幾方便。之後發現原來佢哋都係韓國人， 只係講韓文。叫咗個泡菜年糕湯拉麵。一黎到已經覺得好吸引，有好幾碟前菜、壽司等，非常滿足！😬 味道方面，我鍾意佢唔係太濃味，唔會太咸，好有家庭式食物嘅感覺！😝同事叫咗炒飯，都好似好唔錯。睇落好大碟， 但最後都食晒！😄😄

Just went to gagahoho in tsim sha tsui with one of my friends. Is is not near to mtr so you better locate it first in map and find the way to the restaurant.Along the street, you may find other korea restaurant and supermarket, just go there if you wish to eat korea cusine. And gagahoho is one of your choice.We dont have to wait and was arranged to sit along a long shared table. We have to write the order ourselves on a piece of paper they provided, just write the number (as numbered in the menu

第一次寫食評就係比呢間野 野唔係話好難食 但啲因為啲南亞裔服務員係唔會再食呢間 個個服務員都黑口黑面 態度晦氣 完全唔識得serve客 覺得自己高高在上 沒禮貌 原本好心情都被佢搞鍋

夜晚約左幾個舊朋友係尖沙咀食飯，大家都冇咩目標想食啲咩，只係想搵個地方吹下水咁。其中一個朋友就建議去韓國街食，希望星期五的晚上都唔洗等位啦。韓國街顧名思義即係成條街都係食韓國菜，我地求其入左一間，唔洗等位。一睇個menu,比我想像中平wor, 因為我成日覺得係香港食韓國菜係好貴的。個menu上差不多全部一人套餐都係一百蚊有找。我叫左個石鍋飯套餐，除左石鍋飯外，仲有湯同4碟小菜等，都幾豐富！個石鍋飯都好入味，比我想像中有驚喜！

放工同同事行完街買野，梗係食埋飯先返屋企啦～同事無意見，我就提議不如去韓國街太耐無黎，我都唔記得對上個時係邊間食，所以我地搵左間門面幾nice既餐廳入左去我地黎到，只淨返對住街既窗位，我幾鍾意呢～感覺開揚，望到出面，但又坐係裡面我同同事都想食紫菜包飯，餡料都係腸仔、紅蘿蔔、雞蛋等。不過我地都覺得味道淡左d...可以做返重少少調味。再黎韓式豬肉伴飯，同事一見到就問：「點解係熟蛋既？」其實熟蛋，半熟蛋我都食過，我個人唔鍾意食生蛋，所以熟蛋岩我多d。有人鍾意食半熟蛋，而且伴飯時滑d, 所以都係睇個人喜好。我伴完時，先試一啖無辣醬既伴飯，唔...所有配料和飯都好淡味。所以一定要用辣醬黎伴，吊起味道再黎個烤醬麵套餐，之前係香港某間食既有粒粒豬肉，佢依度食到既係粒粒肥豬肉！味道都唔差。同事話旁邊既餃子好好食，但我個人覺得一般。不過佢旁邊既辣湯好重八爪魚味，都唔錯👍🏻

Visited here for dinner. Had kimchi fried rice and cheese tteokbokki - both were very tasty, neither were particularly spicy (good or bad dep on your preference). Restaurant was quiet, but had a nice atmosphere.

星期六晚上8點唔洗等位不過待應全程黑面，只會點頭擰頭同埋絕對唔望人成個set上枱果陣都係凍既包括飯同湯好彩而家係夏天，硬食都可以有少少食隔夜飯feel囉只可以話冇第二次完全不推薦

職員唔醒目,頭先大約8點到,滿座無位唯有出面等,前面本來有兩母女,後來唔想等走左,咁我好自然行前啲,店員之前明明都見到我,後尾有2公婆黎到,老婆話唔知洗唔洗攞飛就叫老公入去問,點知個店員就打算安排一張岩岩執好既台比佢地,我即刻入去講其實我黎先,點知個老婆就想發爛炸,嘈左2句,不過都比我坐先點知個店員仲奇怪佢地做乜唔坐...未坐低先燥底好,講番食物,我兩個人叫左個辣海鮮公仔麵少辣,牛肉炒年糕,同一份壽司,公仔麵正常,係啲麵“林”左啲可以接受,至於壽司,就咁食無乜味,最好加塊泡菜,牛肉炒年糕,甜牛肉都唔錯不過重點係啲年糕唔熟,實心的...下次可以唔黎

是日星期六放工收早，又好想食韓國野，就去韓國街睇下有咩岩食，唔知做咩事，特別想食人參雞 同埋紫菜包飯 。見到呢間野菜單望落都好似ok,又合乎要求，所以就入咗去食嘢，見唔駛等，但其實入面，好多人已經食緊所以覺得好吸引😋❤️喺鋪頭入邊坐唔係話太大，唔係好坐，但坐落好仔細望下啲裝修其實都好有心嘅😌😌去相又唔貴，又好食，雖然食落見到有成半條人參係入面，但人蔘味都係唔夠出，不過個湯底好飲，雞又夠大隻，多肉，另外佢會比鹽同黑胡椒粉另上，落晒黑胡椒粉個感覺啲湯，更加好飲 再黎個炸醬面，其實我覺得個炸醬麵唔錯嘅😆雖然味道唔係話太特別，但係我覺得佢好足料同埋價錢唔貴好抵食👍🏼價值一般，比較細份，味道普通 價錢都唔貴，野食都快上，下次會再同朋友黎試吓其他野🤗

今晚又嚟到韓國街塭食💃🏻🎉，未食之前已經喺街頭嗰間韓式手卷外賣店食咗個泡菜牛肉卷🌯🌯頂下肚先，因為食過好多間韓式料理餐廳嘅卷物，但都不及嗰間外賣店好食！🤣🤣🤣😅😅😅好！講返呢間，叫家家户户，今次揀邊間純粹係因為環境乾淨同好似坐得舒服啲！呢間同其他附近嘅餐廳都一樣，一坐低，服務員會叫你用紙寫低你要嘅order number, 跟住就好快上菜。一入到餐廳見到左右兩邊枱都叫咗炸醬麵食，仲以為好正啦 ？😋🤤跟住一齊叫冇死啦😑點知中咗伏！呢碟炸醬麵極為普通，好多汁同洋蔥但係原來係完全無味嘅，個麵又太淋，不願置評！🤢🙄錯晒。☠️好在我哋另外在叫咗個海鮮煎餅同簡簡單單嘅牛肉炒粉絲，呢兩個就好食好多正正常常！👍🏻😌價錢都算OK幾十蚊一個set... 唔貴，快餐嚟講可以一試ga...😅😅😌😌