家嫂

营业中

休息中

家嫂唔係第一次食，但今次係第一次食晚餐，食3粒鐘，之前喺另一間分店食午餐就比較趕時間。以為啱啱放寬晚市會好多人m但係即日晏晝打去都book到夜晚嘅枱，而且留咗張八人嘅大圓枱，有好多位放野食，非常唔錯。都係平時咁，首先有刺身，有曬乾冰氣派非常。Quality就正常啦，唔算特別好，三文魚味道比較淡。小食今日就冇醉蝦，有酸薑皮蛋同紅糖糍粑都只有3件，明明我哋有四個人。但紅糖糍粑好好食，我哋本來想要當甜品咁最後再叫，未夠9pm叫佢已經冇曬，如果想要encore嘅人應該要早啲嗌。雞絲粉皮我冇試，但朋友話唔錯。另外仲有炸三文魚、 翡翠蚌沙律、清酒蜆。雞煲其實我哋唔係點樣食，我哋同咗個staff講可唔可以畀少啲雞，我哋係咁以試下，唔想浪費食物。我覺得要讚一下佢嘅服務，佢係有一個職員專係負責你個檯，然後我地 張台個staff非常之有禮貌同helpful!跟住戲肉打邊爐喇，打電話book時佢同我哋講有得免費升級一個蜜瓜花膠湯底，啲花膠食過係冇咩味嘅，入面仲有啲蜜瓜、桂圓、紅蘿蔔等等， 所以湯底主要係靠另外呢啲桂圓肉提味，但隨住你落好多海鮮佢個湯底就變得鮮甜。呢到打邊爐收$368再加一嘅價格就當然係因為佢

旺角呢間雞煲海鮮火鍋放題近期好多朋友食完都對佢讚不絕口，講到咁正真係好想試，終於成功book到枱等𨋢都等左一陣先上到去，我食7:30個時段，一坐低姐姐已經好快送上一盆刺身，刺身都好新鮮，之後再上左好多碟小食，有酸薑皮蛋、話梅醉蝦、麻醬雞絲粉皮、蝦多士等等既小食，仲可以無限添加，全部都非常唔錯惹味雞煲雞煲香噴噴的，但食落又無我想像中咁惹味，個雞煲醬味道較單調，只得辣同咸，如果多返d甜味會更好食火鍋姐姐一黎就問洗唔洗留家嫂花膠老火湯鍋，我諗應該最出名，但真係同我想像有d出入，飲落完全都唔係個回事，任食質素不要諗太多了環遊海鮮船有蜆、肉蟹、沙白、魷魚、魚片、蝦，菇釀蝦滑，任食黎講真係好多海鮮選擇，海鮮都新鮮肉只得兩款肉類選擇，極上牛肉同豚肉卷，對比海鮮，得兩款肉真係好少，打邊爐牛肉都係其中一個主角，但只得一款，同埋質素好一般，肥多過肉，有點失望手工火鍋配料有3款丸、餃、枝竹、菜、魚皮、麵既配料，基本火鍋必備既配料，唔算太有驚喜飲品 & 醬料有幾款自家製既飲品，解熱氣岩晒，仲有汽水、茶供應，食食下會有姐姐推住架閃燈車，成車都係紅酒白酒，幾搞笑，而醬料亦都有好多款選擇甜品東南亞味道既雪條，有紫米

現在6點後冇堂食，全都係外賣… 剛試完家嫂外賣 ，6-8人 火鍋餐早2日網上訂左餐，今日再問餐廳，要下午3/4點後先可以取，因為即日準備的以2000蚊+ 8個人，人均250，性價比還可以魚生拼盤都好新鮮，係海膽差少少石斑起片，好滑好新鮮的鮑魚都新鮮，牛肉係手切 略厚，不過好淋有牛味，亦唔算太肥，good!蝦滑爽甜，枝竹都好食! 唯一唔好係2隻蟹，原來好細好細… 係BB蟹，半隻手板大都冇。另外菜- 係2棵生菜，似未洗的… 還好在家，洗洗便可以了，不過如果多啲菜會健康啲😋我哋8個人有男女老幼，有大有細，自己加了粟米蓮藕，就飽到反肚另外加左翅，不過太飽，所以未試… 總括來說質數還可以，可以下次再叫的

環境舒適，火鍋個盅打卡一流 侍應態度良好,上菜快（睇之前的食評講到好差，初時都有些擔心）刺身：（只出一次）甜蝦，帶子，三文魚，油甘魚，八爪魚，北寄貝 各項都不錯 前菜：蝦多士（忘記了影相），酸薑皮蛋，好好味，雞絲粉皮一般，麻辣花生菜脯香口雞煲：無試（由於食量唔大，情願留位食火鍋料）火鍋：椰子湯底，鮮甜 蝦，鮑魚，新鮮 貝類有部份有沙 手打墨魚丸，牛肉都唔錯飲品：多款自家製茶飲（推介桂圓紅棗水）,汽水醬料：多款選擇，任君配搭

首先係 刺身船，我哋6個人食，就6人份量~無得添加，其他野食可以無限追加~~然後係一堆小食 （沙律/熟食）其中蝦多士我哋再嗌再6個，好味雞煲可以揀辣道，我哋有孕婦，微辣好啦有蜆既雞煲，豐富~~食完就起火鍋啦~~一堆海鮮~新鮮既，鮑魚識郁~可惜貝類有D沙，明白平安夜太忙，吐唔切沙，唔緊要啦~豬好味過牛~~腐竹好新鮮好食~~第二次食家嫂，仍然好鐘意佢D涼茶大大杯唔太甜~最鐘意薏米果杯另外有紅白酒任飲，整體上好抵，雖然對比上次加左少少價，我哋又加多左一隻 象拔蚌$2百幾，平均每人$440，食到飽飽飽

家嫂呢間嘢成日聽，終於有機會試，同事一大堆book房黎食，要提前book房同埋要超過 6000蚊先可以有房，同留1千蚊訂金咁流程。 咁上次就十幾個人去食，個個差唔多有針卡就去試下，敘下😋 一黎到就比櫃嘅野飲吸引住，d自家制野飲好健康同幾好飲，仲有熱嘅提供真係貼心🤩 到小食方面，小食推薦：黑松露蝦多士，真係正到呢，我一個都食左4舊🤣仲有醉蝦，好入味，好正🥳仲有雞翼，皮蛋等好多唔同小食，任君選擇🥳 刺身除左新鮮之外，打卡都一流，勁大個刺身船🤩 仲有雞煲，d雞滑到呢，肉質鮮嫩，唔係老雞要唔郁😆同埋入味，仲有海鮮任食，完全就係大胃王必去🤣🤣🤣仲有雪條，不過普通雪條，無特別 仲有仲有，有個d紅酒白酒任飲，適合埋鍾意飲酒嘅朋友😆 整體黎講，四百幾蚊一位，超級多野食，真係性價比高，但真係要大食嘅去🤩

終於平日黎到旺角去尋找美食的日子，心思思又想食雞煲又想食日式刺身（甜蝦、帶子等等）諗起到流口水，上網搵到呢間叫家嫂既餐廳。叫埋同行朋友一齊去試試佢，放題呢間餐廳整體上不錯，而且所有食物都幾足料，我地4個大男人都一round 都差唔多飽飽地（可能戰鬥力差左😂😂）。刺身質素尚算幾新鮮，蝦🦐的鮮味比我想像中好。雞煲都幾夠材料，大家都食得幾滋味。熟食方面，花甲都幾甜味而且又無沙，對呢個菜式都已算加哂分，整體感覺比我想像中更加好，所以我都推薦呢間餐廳俾大家嘗試。

食過任食之中，呢間真心吾錯，時間又吾限.可以慢慢食，食物都幾新新鮮，吾洗落單自己會上菜，喜歡食海鮮可以試下.賣相又好，而且服務好好，食到好飽，興祝或成班朋友食食好適合，.

🇭🇰旺角刺身海鮮雞煲火鍋放題【#家嫂 】環遊海鮮火鍋放題 $348🍣直送刺身盛宴呢個就無得再添嘅 想再食就要加錢再嗌啦每次食都有唔同嘅驚喜，時令嘅新鮮刺身，每一款都係佢哋揀個最新鮮最好味！最緊要仲有海膽真係一流！另外加價嗌象拔蚌刺身（$228）呢個價錢食象拔蚌刺身簡直係超值超推介，新鮮到一個點甜美一流，完全係個個都要爭住食！不過呢個記得大家要訂位嘅時候訂定啊如果唔係就冇晒㗎喇！🐣雞煲🍲四季湯底（花膠湯底）🦪環遊海鮮船🥩極上牛肉🍲手工火鍋配料跟住直落雞煲一條龍既上菜服務，真係會食到你飽住走，呢個甜美嘅花膠湯底一定要飲咗湯先，真心推介，拎黎牛肉火鍋又甜又鮮味！仲有海鮮船可以不停加單，真係挑戰你嘅食量！記得一定要叫小食，蝦餅同皮蛋都係必食推介！📍家嫂 (旺角)旺角西洋菜南街74-84號旺角城市中心4樓

有花心思的裝飾，食物水準新鮮。服務員態度好好，加單食物黎得快費用可以接受合理，目前是可以encore的地點，建議不要享用特價時段，因為2小時有點太趕感覺了，未能完全真正好好地亨受。

成件事受氣到爆，慘過同佢乞食！又痾又嘔，賠錢買難受！呢間家嫂招呼勁差，食物係多、質數可以，不過食完簡直係貼錢買難受，又痾又嘔🤮🤢19:45 坐低唔夠5分鐘已經上食物，食物亦同我一行4人份量相同，正唸住食果陣有個待應阿姐（下稱無禮貌阿姐）衝埋黎話碟嘢唔係你地架，跟住就問都無問就拎走🤬🤬完全唔知咩事。唔夠1分鐘又上一碟相同既食物，問第二個待應阿姐（下稱新手有禮貌阿姐）呢碟係咪我地，佢先話係，頭先果碟係之前坐我地張枱轉咗枱🤬🤬前後唔夠1分鐘，都唔知果條無禮貌阿姐勞嘈啲乜！ 頭round魚生小食好豐富，一大盤魚生同8碟小食，上咗菜又要出去攪醬碟，加埋食咗未夠15分鐘，條無禮貌阿姐出場掉個骨盤係中間打邊爐位叫我地倒骨，我問佢未食完倒咩骨。佢話叫你倒就倒啦，上雞煲呀。我話都未食完頭盤，上咩雞煲，佢話食唔切呀，要咩辣呀。呢一下，真心想爆粗，不過比啲朋友襟住，唔明咩事未食晒就迫你要上雞煲！好啦，雞煲未食完，條無禮貌阿姐又出場，又叫你倒骨上火鍋，當時雞煲仲有40%、魚生50%、小食50%，時間為20:15。話住唔要上火鍋，條無禮貌阿姐根本彩你都儍，淨係問你要咩湯底🤬我話有人唔食得海鮮，份海鮮唔好出住，淨

家嫂 海鮮雞煲火鍋放題🦐🦀🐟🐔🐮🐷已經係第二次去！真係超正！食物選擇多，質素高環境靚又乾淨，服務一流👍🏻👍🏻👍🏻我哋兩個人，由前菜已經好吸引好味，尤其係炸蝦多士🦐幾飽都忍唔住encore咗！🐟刺身併盤好新鮮😍，冇雪味，不過刺身只得一round之後到雞煲好惹味🐔，豬皮入曬味好正，仲可以自己揀辣度，啲雞肉好嫩一啲都唔鞋👍🏻👍🏻🍲然後就用另一個鍋打邊爐，湯底我哋揀咗野菌花膠養生鍋，湯底好味😋，就咁飲都正！打邊爐嘅🐟🦀🦐海鮮拼盤好新鮮，材料多到自己睇相la🤩, 魚除咗泥鯭仔仲有好多片龍躉！好新鮮！但真係一round已經好飽食唔曬🙈🥤🧋飲品選擇唔淨係罐庄，都好多其他嘢，最後每人一支雪條完美作結😌總結：好好食😋好抵食！值得再去！

難得一間有大量花茶飲嘅火鍋 ，當然要試下啦！想試酸菜魚，但點解唔可以少辣或者唔辣啫，其實知唔可以嘅，咁就只可選無激素原味雞同埋美國豚肉卷（唔食牛之過）。個雞無乜特別，因為無激素，我真係食唔出囉。個豚肉卷夠薄好快熟，不過耐左都仲夠肉嫩，記住每款得一碟咋，佢寫明嘅。可能叫芫荽皮蛋湯底啦，無乜特別。佢個醬汁柜又係一絕，款式都多嫁，任你溝，仲有自家制嘅醬汁，不能不試。最出色係花茶款式多多多。柑桔芒果幾好味。山楂珍珠，淡得黎少酸，但無乜山楂味，我情願佢山楂味出D。個竹蔗茅根麥冬水都幾夠味，似街買好飲過超巿一支支個D。石榴薏米都普通同偏淡，但去濕，要飲。雪燕桂花好淡嘅，不過整體花茶類都偏淡，係啱嫁啦，你飲3，4杯，甜咪即飲好多糖落肚。而有2款飲品係要即叫嘅，飲品雪柜無嘅，一款蜜桃爆珠之類，一般，飲唔個爆珠就無味咁。其中一款就係話梅鹹檸七，呢個真心好味，完全無可能淡，有粒話梅再配咸檸個感覺絕配，好輕微酸，呢個一定要叫黎飲。其實仲有其他汽水嫁，但飲花茶都夠飽啦！而任食嘅，就係出面嘅配菜。配菜方面，少囉，菜少，瓜少，無麵，因為佢話飽肚有麵或者餃子，今次係餃子，個餃係幾好味嘅，但選擇真心少。黎呢到，主要

今次去旺角食一個海鮮火鍋放題，7點半前離座$298加一，基本上大部分既食物都係任食，唯獨係刺身冇得再叫，由前菜食到落甜品，一round已經飽哂😂🐽前菜 每日都會唔同款式，最好食係松露蝦多士，香脆可口，蝦肉彈牙，加埋上面既松露沙律醬，好好食🤤，encore左一次，另外蜜糖雞翼都唔錯，雞肉嫩滑，都幾惹味😋，其他個幾款包括沙律、涼拌蓮藕同咸菜豬肚豬紅就普普通通🐽直送刺身盛宴係一次性既，刺身款式都幾多，最鮮味係帶子、油甘魚同牡丹蝦😋，隔離仲有包紫菜可以包住啲海膽食🐽原隻鮑魚花膠雞煲 唔見有鮑魚，但就多左兩隻大蝦，唔知係咪轉左，而且都會有少量花膠，整體都尚算夠味，雞件都幾多🤔🐽花膠老火湯鍋要早啲預訂，湯底清甜，好足料，打邊爐前可以飲返碗湯先🤣🐽環球海鮮船 有8-10款海鮮，有蟹、蠔、花膠、蜆等等，都算新鮮，但食落冇覺得好驚喜，唔係去到好鮮甜既程度，之前食過一間既海鮮火鍋仲好味🤔🐽極上牛肉 油脂分布幾靚，牛味濃，但其實食到呢度，都飽左6、7成，所以都冇再encore🐽手工火鍋配料 有手打三色丸、水餃、響鈴、魚皮同烏冬，全部都正常味道，係魚皮淋左😔🐽花之藝術是一個蔬菜籃，幾款菜都幾新鮮😎🐽芝士蛋糕蛋

今日屋企人生日有朋友介紹咗呢間餐廳 佢話食過都覺得唔錯嘅所以就即刻book咗呢間啦本身以為佢係任食打邊爐放題啦係自助自己出去攞嘢食嘅但係原來唔係佢好衛生嘅係逐碟逐碟菜咁樣上俾你食我覺得咁樣安排唔錯前菜係可以俾你任食嘅我覺得辣汁配西瓜係好驚喜我覺得好好食好夾 芝士蝦餅 蜆 雞翼都吾錯食完前菜就開始食刺身估唔到佢呢個價錢都仲有海膽食都幾新鮮嘅 仲配埋紫菜添佢嘅甜蝦同埋魚刺身係最好食之後就係雞煲啦始終佢唔係專做雞煲所以冇出面啲雞煲專門店咁入味咁惹味同埋本身都係得半隻雞 偏瘦多骨冇乜肉食食完雞煲之後就打邊爐非常之多配菜好多海鮮 🦞有鮑魚仔成件事覺得好抵成間餐廳嘅服務態度都非常好真係有專人幫你跟進你枱嘅食物同埋定時定候就會拎個盤俾你到咗啲骨同垃圾我覺得非常之好嘅值得一讚