影片
以上资料只供参考，请与餐厅确认详情
跟同事一齐去油塘搞船务工作, 到晚上走时, 大家都有点肚饿, 见对面有D露天食肆, 于是谂住求其走过去叫D嘢食饱个肚便走。去到见到坐满了人, 因疫情不可以搭抬, 所以走入一间工厦之类的商场, 入到最里面见到有间加友站, 有张两人枱, 于是入去坐低叫𩠌。呢间嘢睇落唔起眼, 细细间, 攞起餐牌, 每人点一个小吃及一个锅, 我点了炸虾饼、同事点了炸豆腐, 跟住叫了个肚牛粉丝煲一齐SHARE。上菜都几快, 其实都一心求其食饱就算, 点知D嘢又几好食, 个炸豆腐皮脆肉滑, 炸虾饼特别推介, 真系虾味十足, 非常好吃, 肥牛煲就适中, 唔算特别惊喜, 有D菠萝微酸带甜都唔错, 埋单连两碗白饭HK$210蚊, 觉得好抵食, 所以在此推介。
继续阅读
第一次写食评，食咗几个月，keep 到水准。所以决定支持下本地小店~~比我嘅第一次你啦家友站抵食午餐，$40 包 汽水及中汤（个汤仲要好好饮）午市套餐每星期都有改变，所以都唔会食到闷。今次食咗东坡肉，肥瘦适中。诚意推介
继续阅读
今日同大班朋友食开年饭，之前睇过介绍呢间隐世广东小菜，潮州卤水喺油塘中心，晚饭人比较多，由于等房，所以都等左一阵，坐低点左几味小菜，水准不俗，炖汤水准唔错，全枱一致赞好嘅豉汁蒸大鳝，真心吾错，可惜晚饭时间人数太多比较嘈，因为12人所以啲𩠌全部都要起孖上，个炸生蚝几考功夫，上枱热辣辣，跟生菜底，上粉渣嘅功夫控制得唔错，出边比较难食到，下次会试吓潮州卤水，见到其他枱，都有叫卤水拼盘，卖相几好，价钱唔算贵，可以接受。
继续阅读
天气突然冻咁多，又落雨，搞到个人唔想煮，㖊晚打完边炉，咁今晚食乜好呢？？行过闻到好香嘅卤水味，原来系新开，等我试下先⋯⋯我地坐著有电视位置，负责人好细心，见我地睇紧，即刻将声量较大小小比我地听，基本服务已经好好，佢仲介绍羊腩煲，标明用新鲜羊肉$288，另外叫咗一个套餐系三𩠌$198羊腩煲包一碟菜$288另一个特色系个背景，好有怀旧的感觉⋯⋯以大排档黎讲系一个特色有枝竹、马蹄、蒜仔、冬菇、荀，够晒足料卤水拼盘榄国肉松炒四季豆粉丝肉松蒸水蛋套餐包括呢三个𩠌，水准平均，不会肥腻！羊腩煲食咗个人暖笠笠正⋯⋯总括来讲，服务、价钱、卫生、食物都可以下次一定会再帮衬
继续阅读
竟然我系第一个写😳可能大家都好想秘藏呢间正野，但系好野都系要同大家分享😁呢间野神神秘秘匿埋喺商场地库，正所谓宝物沉归底，难揾啲都要黎，因为坚正👍🏻地方就冇乜装修其貌不扬，周围贴晒啲撚手小菜，见到Menu价钱唔贵，好似系家庭式经营，传菜落单见到有老有嫩，成家笑笑口好有爱呢。唔知食乜好就问问周围招呼人既靓仔哥哥有乜好介绍。靓仔哥哥介绍话落咗个冬瓜盅先啦因为限量嘅，咁我哋一行五人当然毫不犹豫啦。冬瓜盅中间窿仔细细，但材料满满，移开面头啲草菇胜瓜粒发现内有干坤，又金华火腿又瑶柱又带子，真系不惜工本，唔怪得知个汤咁鲜味又甜，充满海味嘅咸香，瓜肉够厚刮极都有。口痕就叫左几个前菜试下，一口脆豆腐，细粒啲椒盐豆腐仔层炸皮够薄松脆有质感，内里豆腐软滑形成对比，唔咸味道啱啱好。见到有潮州卤水档当然唔执输，好贪心叫卤水三拼墨鱼片、猪耳仔、猪大肠。当日太好生意，原属意生肠、红肠、鹅肾都卖晒好墨鱼片都几厚身，猪耳仔爽脆，猪大肠（我本人系唔食嘅）不过朋友仔话好味。好彩仲保得住我哋钟意食嘅卤水鹅片🤤鸭油嘅香味～肥美厚身啖啖肉嘅鹅肉片，一口咬落去肉软味浓油香四溢。韮菜猪红～满满的一碟，筷子夹落去唔散，都有啲惊系好似坊间嘅猪红咁系鸡血加粟粉（中央屠宰就梗系冇晒啲好嘢食so sad)，点知一咬即破开😳久违了的质感主菜黎喇～靓哥仔推介啫啫芥兰猪颈肉煲，好远已经闻到𠮶种香味，食落口惹味到呢。🤤真系知道乜嘢叫齿颊留香，回味无穷。菜嫩猪颈肉爽脆最犀利都系𠮶个汁嘅味道。真心正👍🏻当日不幸遇到个蒸笼坏咗🙈所以好多野都冇得食～蒸海鲜肉饼👋🏻👋🏻咁想食鱼既我地都叫个煎封仓鱼顶住先。压轴麻辣鸡煲，热辣辣嘅烟刺激五官就知道正野黎喇🤤干葱香蒜辣椒干花椒映入眼帘，麻辣最紧要嘅麻、辛、香有齐。鸡肉入味得黎无鞋，肉质弹性，配菜蒜头同干葱真系一绝😋蒜头油炸过黎起镬又松化香口，洋葱片半熟带辣劲，干葱个芯甜得黎又够麻中和左啲辣，令到呢个麻辣鸡煲增加左辣嘅层次。总评，坚好食，价格合理，下次要黎试埋啲蒸野🤤希望多人左都会保持水准用心制作。
继续阅读