影片
咁大个女未食过咁难食嘅生菜鱼肉，一摆落口系淋到飞起，唔知点形容，完全冇平时正常生菜鱼肉𠮶种烟靭大牙，佢系淋到好似变坏咗、糜烂、未煮熟咁样嘅生菜鱼肉。呢本嘢$20 ，真系$5都比多佢。完全食唔到，直接掉咗落垃圾桶。个肠粉啲酱劲稀，好似沟咗水咁，仲要个肠粉系一早已经入晒盒，啲肠粉嘅表面系肝硬化，完全唔够酱汁，劲难食。完全唔明白一啲咁普通嘅香港小食，点解佢哋可以整到咁难食，然后呢间舖头仲可以生存咁耐，我真系完全唔了解，我以后都唔会食。
继续阅读
今日系运动场做完运动，行行吓就嚟咗呢度。呢度嘅menu话俾我听，你哋谂到嘅小食佢都有，由煎酿三宝去到粉面饭鸡蛋仔糯米鸡糖水豆腐花都有，唔系间间小食店都有咁多种类架。我太肚饿，所以叫左$30煎酿三宝再加$12牛肉球。煎酿三宝$30有16件，可以要求佢翻炸。个薯饼同蟹柳最好味🥰 牛肉球就大大粒咁，都几吸引，加埋喼汁食一流😋
继续阅读