家上海 (形點 I)

营业中

休息中

服務態度真的很差，晚上7:30等到9:00。入面有4、5張2人枱冇人也不安排入座!叫野食時，嗌餐牌有既上海粗炒，個著西裝既待應一句（無上海粗炒！），我心諗⋯洗唔洗咁呀,你話賣晒，叫第二樣都得掛😒之後黎野食啦，成隻匙羹放喺上海炒年糕上面，成隻匙羹都係汁，點拎喎，咪叫個侍應換隻匙羹，點知⋯⋯個侍應黑面好大動作咁拎起成碟野😔成碟攞走左，都唔知佢有無加料，之後都唔敢食嗰碟野。唉！真係以後都唔會幫襯！D野又唔好食，一肚氣呀！

燈光忽然轉暗，眼前出現彩色玻璃的窗，古典的中式木家具，青瓷款式的餐具，中山裝服飾的店員，時空交錯，傾刻，我們踏進了老上海......四喜烤麩一烤麩、竹筍、冬菇、木耳烤麩全不帶酸，不油膩，且吸滿了醬油香。丁香雞一雞去骨，鮮嫰，配淡淡的沙薑丁香醬，清清淡淡，夏天涼伴。咸肉津白一津白清甜，金華火腿熬的湯咸鮮，令人刮目相看。呷一口甘醇的香片，撲鼻之花香為今晚畫上完美的句號。

元朗yoho mall形點係今年9月終於都開喇，開左好多餐廳，第一間係yoho食既就係呢間“家上海”，岩家人口味。8點拎飛眼見入面有位但無人執枱同安排，都等左陣先入得。坐底左都無乜人理我地，落埋單食到一半先發現茶都無黎，仲有出菜真係好慢！！可能新開張所以運作唔太流暢。1.雞絲粉皮：我至愛，但好細碟所以我覺得唔抵食因為都要成＄58，不過好味。2.我哋仲叫一個湯＄98 ,我唔記得左叫咩名，個湯好濃，而且啲湯料幾有質素。3.上海小籠包：一籠有六粒，好多汁4.上海炒年糕：呢個真係好推介，年糕夠“林”同炒得好入味，好正！！5.擔擔麵：辣味同麻醬味（我唔太鍾意食）每樣餸都等左好耐，最後埋單嘅時候發現每位要收$10小食同$10茶芥，但我地根本無食過小食，好彩有睇下張單姐。 一共$418

黑豆豆腐花老到不斷出水，似食緊豆腐渣；醉雞唔夠味、完全食唔到紹酒及藥材味道；薰蛋冇蛋味，似食橡膠；炒飯海鮮唔夠新鮮，有陣鯹味；小籠包送過來已經有少許漏汁；只有龍井茶比較好飲！總之就小X國價錢，但好差嘅食物質素，以後唔會再幫襯！

形點新開張，我們行完街見到食肆都大排長龍，但仍然想嚐鮮，決定試試家上海。5:45攞完籌，再等5分鐘左右已經可以入座。餐廳內部清幽，坐得也萛舒適。因為餐廳新開，所以也不知什麼菜式好味，所以隨意叫了幾個菜式。茶和前菜沒有太特別。第一個餸係清滋小排骨，原本味道不錯，有鹵水和菜葉的香味，但入口非常硬，近乎咬唔開，好似嘴饞柴皮一樣，真的不是一個好的開始。第二樣黎既係蜜汁脆鱔，這個好很多，入口香脆，而且仲係暖既，明顯係新鮮做好上枱。第三樣係乾扁四季豆，肉碎和味道做得不錯，而且夠乾身，但略有些嫌油膩。第四樣就係金牌小籠包，這是全晚最好的菜。裡面的湯汁填滿兩個大湯匙。而且肉質鮮嫩，皮也夠薄。第五樣鍋塌豆腐，上枱賣相不錯，但略嫌凍左小小，豆味香濃，如果熱騰騰上枱，一定好好味。第六樣係八寶辣醬麵，但有一些名不副其實。因為絲毫沒有辣味，只能食到海鮮醬和甜醬的味道。麵質亦無甚特別，亦無一般拉麵煙韌的口感，而湯也像是減咸版出前一丁湯。最後一道菜係家傳丁香雞，值得一讚的是沒有骨，真的跟海南雞很像。肉質鮮嫩，香草醬汁卻沒有太大香味。總結的是家上海價錢偏貴，每位茶錢10蚊，前菜也要10蚊一碟，再加一之後，這一餐要六百