宮崎肉本舖

营业中

休息中

老友話天后重開《宮崎肉本鋪》日本烤肉店 ，有穿粉紅色和服店員增添日式風情，餐廳裝修新族美觀，座位舒適。我們點左鐵板牛舌拼A5宮崎牛定食嫩滑的牛舌& A5宮崎牛放在鐵板上，肉質鮮嫩，香氣四溢，配漬物、天然飯、味增魚湯，味道不錯👍鐵板牛舌芯定食牛舌芯色澤嫩紅盛在鐵板，肉質軟腍又滑，風味獨特，是老友至愛吃的首選，配漬物、天然飯、味增魚湯，好好食😋牛肉餃子2隻大大隻牛肉餃子，餡料十足脹卜卜，牛肉味香氣四溢，配特製醬汁，口感豐富。原味乳酸原味乳酸飲品清新爽口，酸甜適中。柚子雪葩清新的柚子雪葩，酸甜可口，清爽又涼快的甜品。

牛舌again！全集嘅私藏嘅牛舌推薦可以去返 入正題餐廳晚上食燒肉午市就專做定食當中有成頁紙嘅餐牌主打牛舌類定食！牛舌+A5宮崎牛定食一次過食到兩款前者係原塊厚牛舌做到全熟主要係食我騷香至於宮崎牛七成熟肉質軟嫩另一個set就啱晒牛舌控牛舌芯燒得剛好貴為成條牛舌最軟嫩嘅部份火候控制得宜就可以有滑嫩口感三款醬料：蒜蓉、青椒醬同燒汁都各有特色不過都係嗰句就係靚牛舌簡單加啲鹽都夠做！題外話呢間個店名我覺得其實有啲熟燒肉控們以幫襯過都唔奇因為餐廳本身係喺Cwb做樓上舖近期先搬嚟天后地舖重開

記得東京之旅去食出晒名既牛舌真係好高質，可惜番到香港之後都無再食到呢個感覺。最近終於可以回味一下。近近地唔駛飛日本，天后食街有一間燒肉店，門口有和服店員招呼，日式燒肉店既格局。中午入嚟就算唔開爐都有一系列燒肉餐。鐵板牛舌芯定食鐵板牛舌配 A5宮崎牛定食兩款都以鐵板，確保食物熱住食。除左主角之外，有菜有炒芽菜，味道香噴噴，跟餐配漬物、天然飯同味噌鮮魚湯。牛舌芯係牛舌中最軟腍又軟滑，厚切之下，口感一樣爽脆，彈牙又多汁，真係比到你日本既感覺。三款醬汁(蒜蓉、青椒、酸汁) 之中，青椒最有驚喜，令人開胃又同牛舌芯好夾，仲有埋炒洋蔥底，洋蔥牛舌芯又係另一個味道。另一款貪心啲，有齊牛舌同A5宮崎牛。呢款牛舌較重”肉感”，A5宮崎牛爽嫩，鐵板高溫之下，仍見到中間粉嫩的肉質。