影片
相关文章
经过太子想同老公食个Casual 晚餐，唔想食得太贵，上网揾见食评唔错，一于试试。黎到发现都几多人，6点半时间算早，等左唔使5 分钟就入得。叫左我钟意食既猪软骨拉面，猪软骨煮得非常䄒，好入味一咬就融咁，好好食。仲有只流心蛋真系加晒分。拉面佢整得偏软，如果喜欢硬身拉面既人记得落单个阵同佢讲声 ：）老公食左帆立贝滑蛋鸡肉饭，佢病病地无乜胃口，佢都话个饭够水份，好易入口。其实食完都好饱，但系见到隔离枱食紧甜品，好吸引，于是叫左寒天抺茶奶冻，细细杯岩岩好，重点系绿色既蕨饼，唔系度度有得食架～ 呢间餐厅虽然唔算大，同隔离位都几近，不过咁既价钱质素黎讲我觉得真系超值啦。
继续阅读
有期都多人排队，朋友话上次食过茶渍饭好食，想试拉面，所以建议黎呢度。我都点拉面，不过食左几啖忍唔住问同平时出*丁丁拉面有咩分别。。。。啲面淋到一pat野。。。。好彩有点好饮同靓嘅水果茶balance 返 (有玄米茶味）。。。。点解平时都有人排队。。。。至于甜品就。。。相同餐牌靓嘅，好唔好食就唔知。
继续阅读
礼拜日晏昼约朋友出黎去花园街买衫，买完衫行下行下已四半，够钟下午茶时间，揾个地方食下午茶hea下补充能量。行经呢间食店，门外有3,4个人排队，望一望店内装修走柔和日系风情，再望下门外个餐牌，价钱可以用抵黎形容，同朋友二话不说，食呢间。等左5分钟就已入座，店面长方形，坐左近收银柜的两人枱位置，店铺装潢用木同柔和既灯光互相映衬，有啲似日系西餐既CAFÉ店子格调。我地食果阵系下午茶时段，本餐牌入面有单张既menu，写住『超值套餐，全日优惠，不分时段』，好吸引，叫个拉面加大大杯果茶先$52+$8，仲有个底部写住下午茶时段(2:30-6)所有甜品8折，野食种类太多，产生左选择障碍症，经过5分钟迟疑，终于拣到各人各点一个拉面+果茶，再黎点多两份甜品。点左个日式猪扒拉面+芒果青柠果茶，朋友就点左关西义烧拉面+樱花苹果果茶。餐饮先上枱，霹雳大杯，SIZE直情媲美7仔既自由斟大杯装既容量，入面装住好多生果，打开盖边食生果边饮，生果好新鲜&甜，带微甜果香，饮完无口渴或偏甜感，呢个价钱+包装+容量+味道，真系性价超乎想像。日式猪扒拉面味道唔错，汤底有点似猪骨浓汤&麻油香味，拉面口感颇弹，有咬口，煮既面质软硬度刚好，吉烈猪扒亦系新鲜炸分开上，炸物香口，整体唔错。关西义烧拉面个汤底都系猪骨浓汤+麻油香味，义烧腌制过颇入味，肥瘦度适中，热爱日本义烧配拉面既吃货应该都会钟意。食完正餐，其实个肚已有8成饱肚，个拉面同果茶份量颇多，但眼见下午茶时段所有甜品8折咁抵，实在系不可不试，不吃不可，于是就点左个抹茶窝夫&抹茶雪榚芭菲。抹茶窝夫好大份(共四件窝夫)，窝夫与窝夫之间有一大坨”抹茶吉士”，可以自行选择窝夫夹抹茶雪糕食，或沾抹茶吉士。抹茶吉士质感细滑，抹茶味浓，微甜带甘。抹茶雪榚好清甜，抹茶味亦重。绿茶甜品基本上无得输，呢个窝夫坚抵到核爆，下午茶仲打埋8折，$40蚊松啲就食到，抵到喊左。另外一个系抹茶雪榚芭菲，佢既高度等同埋杯果茶一样咁高&大杯，抹茶软雪榚量亦多，重抹茶味&口感颇细滑，呢一杯芭菲性价好高，有齐丸子、蕨饼、寒天啫喱、甘栗&威化。(呢杯雪榚芭菲打左折之后好似40蚊都唔使)，都系果句，抵到再一次流泪。总的来说，餐厅装潢舒适，食物有质素&好味道，咁既食物水准配合抵到核爆级别既价钱(埋单无收加一，食咁多野都系共埋$199)，实属真心抵&好食系列之选，呢获真系开心大发现，唔黎多转帮衬都对自己唔住。仲有其他款甜品，琳琅满目到好似母亲的抉择一样咁难选择，如果好似我咁有选择障碍症既话，拣绿茶甜品试试，包保无得输
继续阅读
见客之前去食啲嘢就谂起附近有一间主打日本菜嘅餐厅，但系价钱好抵食，就一个人去食日本菜，＄100搞掂。天气开始热，想食一啲冻小小嘅嘢食，就选择咗荞麦面。荞麦冷面＄60冷面表面已经有好多胡麻酱，所以未到已经好够香浓，酱汁方面就比较有咸味，所以如果唔需要食好重口味嘅可以唔需要点太多酱汁，否则就可能会有啲咸。配料方面亦都非常丰富，包括有鲜虾、调味带子、蟹柳、青瓜、萝卜丝。沟埋一齐食都真系几正㗎 ！特别系啲鲜真系好爽口。寒天抺茶奶冻＄32食完主菜，甜品第二个胃，又可以再食。奶粉方面除咗寒天同埋抺茶之外仲有红豆，味道非常丰富，甜甜地而且又清新！隔离仲有啲芋圆真系几唔错。虽然唔甜但系有咬口，仲有焦糖脆～白桃西柚果茶＄28 (跟嘢食只系加$8）本身仲以为要比正价去买咁丰富水果嘅水果茶，原来只要惠顾任何主食都可以加＄8就有得饮！唔怪得知台台都有水果茶！个白桃同埋西柚味都几清新，白桃味道比较突出，而且里面仲有啲哈密瓜和其他少少水果，好丰富，个杯可以一路攞走一路饮。
继续阅读
呢间甜品非常出名，今日终于有时间黎试下啦！中午时间好多人，好彩吧台仲有位唔洗等~ 食紧既时候出面排晒队，要等叫号码。menu 既图全部都好吸引！！！ 只熊猫好得意呀！选择困难症又发作啦！连店名都叫芭菲就当然一定要叫芭菲啦！最终叫左日式精选抹茶芭菲同埋宇治抹茶心太软。日式精选抹茶芭菲有好多toppings 呀！！！抹茶软雪糕好浓抹茶味，奶香重，好滑！软雪糕下面有好多脆米同生果！抹茶海绵蛋糕松软唔算好浓抹茶味，但好有蛋香。抹茶蕨饼烟韧，抹茶味较浓。最底仲有抹茶啫喱添！赞！三色小丸子好烟韧，好有咬口！宇治抹茶心太软卖相好靓呀！！！ 呢度既心太软系心型架！ 中间用水果砌成一朵花，好有心思！！！呢个抹茶雪糕同芭菲既软雪糕唔同，呢个系雪糕球所以硬身D，但都好重抹茶味！主角心太软外皮脆脆地，里面松软，好容易切开，抹茶馅立即流晒出黎份量好多！！抹茶味好浓！！！整体来说，甜品性价比高，满足度爆灯！ 今日主要想食甜品冇叫热食，旁边几枱都叫热食，下次可以再战热食！
继续阅读