12月份好评餐厅十强
2017-01-09

12月圣诞佳节刚过,大家去咗边度搵「好西」?开饭仔唔直接答你,开饭仔用12月嘅10强榜答你。10强入面有7间新上榜,当中最啱Gathering嘅西餐同香港人几时都咁钟意嘅日本菜平分秋色。不过得到2016年最後一个冠军宝座嘅,唔系抹茶亦唔系紫薯,而系新晋嘅龙虾包!
 

第10位 好烧式串烧专门店(*新上榜)

旺角呢间串烧店厉害之处有二:一,串烧选择多元化,由肉类、海鲜、蔬菜等食材,到原味、蜜糖、孜然粉、辣粉等调味,辣味甚至仲有得拣小辣到大辣,最啱钟意「有得拣你至系老板」嘅香港人。二,除咗串烧出色,餐厅嘅意粉同小食都相当有板有眼,皆因厨师系酒店出身,一间舖头可以满足几个愿望,CP值甚高。


图:相机食先
 

第9位 Starry Night(*新上榜)

听到个名咁浪漫,相信你都估到大角咀呢间餐厅系食好西...餐嘅。食肉兽必试重量级1公斤美国牛肋眼扒,唔单止分量够大咁简单,而且食落特别Juicy,肉味浓郁。怕食唔哂嘅话,澳洲5星鲜嫩羊架同9安士美国西冷扒都系推介。另外呢度仲有手工啤酒供应,嗌返碟香肠拼盘或者滋味水牛香辣鸡翼送啤酒,爽歪歪。


图:Bob Tsang
 

第8位 The BASE

呢间观塘工厦西餐厅继9月之後再次登上10强榜,相信应该系同唔少人同朋友一齐嚟食圣诞大餐有关喇。因为佢地嘅菜式非常用心又有新意,例如小食炸虾肉酿鸡翼珍宝珠就系将鸡翼先去一条骨,酿入虾肉再炸至金黄香脆,方便食之余又过瘾。三层芝士大啡菇堡货真价实有三只Juicy大啡菇,中间仲有半融芝士同太阳蛋,邪恶惹味。


图:<IVY>小诗...
 

第7位 味道乐居酒屋

长沙湾呢间日式居酒屋亦系再次上榜,最出名而且卖相最呃Like嘅原条成田酱炭火烧鳗鱼饭同味道乐特选九品料理当然继续受到唔少食客追捧,前者鳗鱼外焦香内软绵,炭烧风味配埋鳗鱼汁就最啱送饭;後者用木架奉上二人份各式小食同迷你丼饭,精致得嚟又满足到试多几样嘅心态。佢地嘅烧物亦相当好味。


图:MelodyWong5016mjqueen7e
 

第6位 琥酌

能够成为11月榜上唯一留低嘅餐厅,太子呢间日本餐厅靠嘅当然系人气吉列牛啦!无论你拣高级嘅日本A5和牛,又或者价钱比较相宜嘅美国安格斯牛肉,套餐里面都包哂渍物、温泉玉子、赤味噌汤、珍珠米饭、椰菜丝、特选调料等,当然仲有主角吉列牛同烧炉,三成熟嘅吉列牛自己再烧到理想嘅熟度,无论唔点任何酱料,定加温泉玉子配饭食都一样咁夹。


图:sukichoy0921
 

 第5位  宫叶 パフェ(*新上榜)

早排大受欢迎嘅太子抹茶芭菲店终於上榜,个个去到最关注嘅当然就系佢嘅日式精选乳酪芭菲,一杯有齐晒抹茶乳酪雪糕、厥餠、桃肉同火龙果等等,系吸引嘅。但佢嘅正餐都唔弱呀,照烧鳗鱼炸虾丼同日式猪扒拉面之类都叫得过呀。


图:Sumfoodsilverthoughts

第4位  K2 Kitchen(*新上榜)

观塘嘅工厦餐厅轮流上榜,今次轮到呢间食西餐同慢煮食物嘅餐厅。必须要介绍下佢嘅香芒鲜果虾沙律配青柠泡沫,作为前菜相当称职,由哈蜜瓜、菠萝、火龙果等等酸酸甜甜嘅生果合制好开胃,仲有面头堆到高一高嘅青柠泡沫,睇得又食得。另外慢煮牛肋骨腍得嚟都好有牛味,画碟仲好鬼靓!


图:JoannaxdFoodcaptain.hk

第3位  浜滝(*新上榜)

去九龙城唔食泰菜可以食呢间新上榜嘅日本菜呀,主打拉面同小食,其中热石拉面都几值得一试。每碗都有块黑色嘅热石,用嚟保温㗎,令到每碗面一路食都一路可以保持热度,特别天口冻嗰阵食真系几正。喜欢重口少少嘅朋友可以试黑蒜汤底呀,自家制㗎,味道几浓下,拉面索咗啲汤之後仲更加香口弹牙!


图:uniEATsity

第2位 三多炸肶(*新上榜)

呢间小食店嘅分店愈开愈多,今次入围嘅就系旺角分店。炸鸡脾做到外皮脆卜卜而内里鸡肉依然保留到嫩滑嘅口感,仲有够juicy嘅鸡汁,系抵佢上榜嘅。舖头仲有鱼蛋烧卖、薯条、肠粉,沙嗲猪颈肉捞公仔面等等嘅小食,唔系净系一味食鸡㗎!


图:chongjacky阿啦

第1位  Hungry Lobster(*新上榜)

12月嘅榜首位置系属於大热嘅龙虾包餐厅,面包软熟而龙虾肉鲜甜,仲有特浓龙虾汁点添,冇得输。全舖仲有好多龙虾嘢食,包括龙虾意粉、炸龙虾饼、法式龙虾汤等等,完全可以豪食一餐龙虾宴呀!


图:Beanie Foodie细 i




文:Kar、Cathy


随时接收最新资讯
赞好OpenRice专页!

关键字
排行榜
串烧
鳗鱼饭
龙虾包
拉面
开饭专题
开饭仔为你提供各类型最新饮食情报及优惠,全面照顾你的饮食喜好。
相关文章
3月份好评餐厅十强
2017-04-06
4月份好评餐厅十强
2017-05-10
【编辑推介】波士顿龙虾拉面大满足
2017-05-18
2月份好评餐厅十强
2017-03-06
【食尽鹿儿岛】道地灸烧黑豚拉面 我流风天文馆本店
2017-03-20
【当时得令】浓郁虾汤鸡汤拉面满足味蕾
2016-02-12
餐厅资料
更多
收起
本月热门
【随时更新】便利店寻宝 每周新品速报
2019-12-30
荃湾新开无敌海景日式放题 占地过万尺 新张期间88折!
2020-01-03
迎接全新2020 1-2月下午茶推介
2020-01-06
【2019回顾】 过江龙之年 逾50间海外人气店登陆 + 2020年预告 (有片)
2019-12-30
【特约分享】新年去始创 食尽中、日、国际贺年佳肴
2020-01-13