早前約老公姑媽前日（30-11-2025 Sun）行荃灣，我哋先喺呢喥飲個茶，老公去接姑媽，我就先等位，等咗9分鐘就有位，嚟到睇，枱上有電水壺嘅水，開茶就俾包茶葉，自己倒入壺中沖，睇完menu，我哋要咗：1. 中點芋蓉綠茶餅賣相同青葉嘅一樣（食評係2023年1月7日提交嘅呢篇：https://www.openrice.com/zh/hongkong/review/%E4%BB%8A%E6%AC%A1%E5%B7%AE-e4673279），食落，熱騰騰，外脆內軟，但兩樣嘢嘅味道欠奉，最出嘅係芝麻味。2分2. 小點眉豆鹹茶粿一客四個，軟綿綿，眉豆味道唔太濃亦唔太鹹。2.5分3. 中點時菜鯪魚球同樣一客四個，冇問要唔要胡椒粉，但已落，食到有陳皮味，口感彈牙。娃娃菜味道卻有啲怪。3.5分4. 大點開胃山楂糕呢個係凍食，但佢哋都有放暖至俾客人食，口感都算唔太腍，唔多食得出山楂嘅味道，亦唔酸唔甜，唔多解膩。1分5. 特點魚肚鹹雞粥上嚟時有問要唔要胡椒粉，呢個好熱，撩吓睇，見到都有幾件“魚肚”，食落，“魚肚”好熱，口感係粉，其實唔係魚肚，係淮山，成碗我同老公食，就只有我食到一件唔夠腍，仍有啲海味㗎嘅魚肚，極有被呃嘅感覺。鹹雞唔鹹，而且全部係骨位，冇乜肉。粥係夠綿。1.5分6. 優點嘅韭黃鮮蝦腸每條腸粉內都有兩隻鮮蝦，而爽口嘅鮮蝦大大隻，腸粉厚身。4分7. 大點醬汁蒸鳳爪呢個口感味道都正常，但花生夠腍。3分環境：一定新淨，亦給予比較現代同年輕嘅感覺。抵食：星期日茶芥每位$12.00，而連加一$283.50。2.4分其他：撳飛時可以揀搭唔搭格，我揀唔搭枱。除咗環境外，所有員工都要戴帽，給予年輕同活力感，而呢喥員工嘅年齡都唔係大。…查看更多
