影片
相关文章
琴日食咗好嘢，今日要食啲简单啲啲平衡一下😆 宝生车仔面位于水边围邨附近，历史悠久， 每天早上开店 ,好多人都食完就返工、返学，初头有卖肠粉嘅，而家主攻车仔面嘞 简简单单叫咗三𩠌面🍲 猪肠~ 洗得干净，弹牙爽口，卤得入味 牛肚~ 腍得嚟带咬口，同样卤得入味 辣萝卜~ 炆得好腍， 萝卜甜味突出，好少带渣👩⚖ 三𩠌跟面总数26蚊，价钱都算平价，如果食得嘅辣嘅话，一定要加辣汁， 辣中带劲🌶🌶🌶🌶， 绝对会令你口水鼻涕齐放🤣🤣
继续阅读
食好西一定要贵？座落于不起眼的街角 在后行一个小房间 只有几张旧式折台折椅 没有华丽的装修 但他们的车仔面却吸引一班老街坊 学生排队买完面之后就要拎去后行的房仔食只需49蚊包饮料🥤，𩠌/面 -$4-7/ 一款对于食车仔面 我好怕个种碱水味 不过这家的面却一点都没有 正中我口味一般我都会叫幼面 感觉爽口 配上卤水牛腩汤底 不太咸及油腻 味道刚刚好 配菜是整个的重点: 陈皮鱼蛋, 爽口弹牙的猪肠(我同我同事从不吃猪肠的 都被其他同事推介 一试就爱上) , 仲有卤得入味的鸡翼 每次食我都会叫上一大堆配菜都系50蚊有找包野饮！
继续阅读
学生时代，真的价钱要平要饱肚！宝生，正正是在我学校附近的平价的小本经营的食店！由细食到大面店，细细个𠮶时仲有肠粉卖，依家主要系买面😭😭😭肠粉就冇咗啦铺头位置就唔系好吸引，得老板2人落手落脚做。光线够食既地方好干净，老细亲自洗肠，反而令我食得放心。佢又够平，但如果要用装修，佢个度一定会系五合格，佢个度猪血同猪肠干净，辣汁一定要食。🤤🤤🤤牛腩牛肚炆得又淋又好食，辣萝卜辣猪皮辣鱼蛋，萝白有拣过冇渣，掂！猪皮煮得爽脆，有咬口，掂！猪红唔会松泡泡，夹得到，非常之掂！鱼蛋系陈皮鱼蛋👍👍👍仲可以堂食，不过就细细间全部都系折台折櫈，小朋友就要小心佢主要做学生同家长生意，所以干净卫生，小朋友食唔会太大碗，大人要加$5面底会好D🤤最正系啲大肠，里面通得好干净唔会有屎！
继续阅读
辣汁好正猪肠干净 又好食辣罗白辣猪皮辣鱼旦必食推介虽然份量细细份 但加个面底咩都够哂𩠌个方面又5会少得好过份。牛肚牛腩炆得好入味又够冧猪红又靓 5会一夹就散鸡翼7蚊就有两只很正钟意食辣既人一定要试下个辣汁 个人认为好正老板又好好人 好有人情味面底5蚊个 𩠌有4蚊既又有7蚊既 睇自己钟意食咩我今日食两碗先70零蚊 抵呀开左咁多年，都依家冇变过值得一赞以前仲有得卖粉肠都好好食嫁，不过可惜冇得卖 很怀念呢种小店真系买少见少 希望长做长有
继续阅读
之前介绍过元朗咖哩汁杂锦车仔面，今日要介绍另一间价钱平民、水准适宜嘅车仔面。位于水边位邨对面嘅「宝生车仔面」，可能开得较近学校嘅关系，价钱一直都相当实惠，怀疑真系打后生仔市场生意，所以假日都会休息。事关之前揾工时期手紧成日都会帮衬，真系帮我悭咗唔少饭钱。呢度𩠌菜系逐份计，每款𩠌4蚊/6蚊、面底就5蚊，以我食量兼我照旧所叫嘅𩠌(猪肠、鸡翼、鱼蛋、猪红、油面)，加加埋埋都系27蚊咋！除咗够平之外，其实水准都非常稳定。家母就最钟意食猪肠，每次都会柯打两份，卤水够入味，同洗得干净唔会有奇怪味。鱼蛋有好多种，呢间用嘅陈皮鱼蛋系细个食开个种，个人觉得有味啲同有嚼劲。汤汁有卤水或腩汁拣，但我每次都系拣卤水汁，色水同味道好似浓啲。而且钟意食辣嘅你绝对要加辣汁啊！我虽然唔食得辣，但每次都会叫老板用汤羹比些少辣汁我，加辣汁后味道上会更有层次，食落比较过瘾同开胃。不过呢度嘅面，个人觉得份量系比较少，有时连我都会觉得唔够！所以自认胃量较大嘅你，就要谂谂计，决定要加底定加𩠌喇。另外呢度加菜系当一个𩠌，喜爱有条菜伴车仔面嘅你都要留意下。 最后温馨提及番关于卫生问题，其实旧街坊会知道宝生系夫妻档拍住上，而食堂要行过隔离铺位，有时忙系上泥，可能会无人执枱而吓亲慕名而来嘅新客仔。因为某程度上，对于旧客泥讲属于常见情况，所以有洁癖嘅你，或者要做好心理准备喇！
继续阅读