宜家家居餐廳及咖啡室

营业中

休息中

琴日lunch黎左呢度食叫左10粒肉丸+一份炸薯條+可樂=$34今次見到有幾種新野食不過太掛住肉丸下次先試啦肉丸 真係超好味加埋d紅莓醬係勁正=v=薯條 如果可以熱到辣手就好啦~不過都ok啦 好過m記汽水...飲左4杯

同媽媽行而家,想買張梳化,行到有點累,於是到了小吃站吃東西我地不約而同都揀左熱狗餐食,因為只係九蚊,真係好平,益食家既樣!如果以味道計就一般,無咩特別,都係要自己加茄汁芥辣調味,而條香腸肉質就比較實,不過就好大條另外爆谷,鬆餅都係好平好拭食,只係如果食正餐又好似唔係好合適!

這天跟tenny 來到ikea 逛逛，走著走著，看到這裡人很多。這餐廳是有名的，而且好評如潮，以肉丸最受歡迎，不過不是常有，像這天便沒得買了。這裡是自助的，有食物手推車（見圖），當爸爸要替一家四口買四個餐，一個人捧不了，便可把四個餐都安放上車，再推回座位去。這設計很方便食客呀，很體貼的安排嘛。除了這裡，應該沒有別的地方有這手推車了吧？有不同座位選擇，可坐普通table 和chairs，也可坐這些高椅，另外還有benches。 鮮茄海鮮意粉 $29：份量多，味道好~~~ 雜菜salad $9：很衛生的，有保鮮紙緊裹著。

人人都話好吃，今天特登去試吓。叫了肉丸拼薯仔同茄汁意粉，肉丸好食唔會死實實配薯仔吃一流茄汁意粉，意粉太淋同碎濕濕嗰汁偏酸離開前係出口再吃多隻hot dog，雖然隻狗唔可以話好好吃，條長起碼8、9吋長，＄5真係抵到爛，仲有爆谷＄3，軟雪糕＄2 又有嘢食又有嘢睇，假期又多個好去處

日前跟同事到宜家食lunch,食咗個白汁火腿長通粉,雖然白汁味不夠濃,但廿幾蚊,份量卻好多,味道整體ok!!再叫了肉丸,水準依然不變!好好食!!因為不是假日,環境清靜,坐位舒適!!

今日同妹黎食lunch佢先係美食站整左個熱狗set+popcorn再黎呢度坐低食佢要5粒肉丸+意粉我要茄汁意粉肉丸 一貫的好吃每個食家都形容過,不多說了但係個茄汁意真係好好食!佢個汁真係有蕃茄粒!!好好食!!!見到藍莓cheesecake$12下次試試~

姑公過海運輸處贖車牌﹐ 一肚氣。 姑公在番邦生活多年﹐ 睇下港式公務員辦事態度﹐ 個的所謂當值主任﹐ 僵化官腔。 係番邦十分鐘搞贖牌工作﹐ 港式公務員要成個鐘頭﹐ 成瘩文件﹐ 決一不可。 過期又要罰。 公務員呀﹐ 公務員﹐ 現今係電腦年代﹐ 所有車輛登記﹐ 保險﹐ 驗車 等等可以連線處理。 車輛牌照到期前﹐ 電腦會自動寄出贖牌通知書﹐ 保險驗車報告自動連線運輸處。 只要擰張通知書到郵局 7-11 交錢﹐佢地電腦即時 print 張 licence 比你。 一肚氣後到隔離宜家食D野。第一印像價錢無乜點貴。 任飲咖啡 free refill 六蚊加到七蚊﹐肉丸$29﹐ 燒牛肉$29 肉丸依然好食﹐ 燒牛肉太熟﹐ 太乾咖啡 $7 free refill, 無乜要求哪

放 lunch 想行下街要快手就喺呢度0食食過兩次第一次食白汁 mushroom 意今次食咗個肉丸意白汁 mushroom 意 -- so so la肉丸意 -- 最初見到佢落好似 jam ge 嘢覺得好奇怪，不過又真係好好味wor好抵食

不說客套話...肉丸普通, 但醬汁好好味, 配得一絕.薯蓉普通, 但發覺其他人會揀薯仔.雞脾普通, 但薯條更差....飲朱古力, 原來都係要自己沖....凱撒沙律, ........ 普通論價錢而言, 除了第一種抵食外, 其他又似乎... 我會揀茶餐廳呢 ...

其實好多人都講左, 不過為表支持都講多次,佢ge 肉丸真係好好食! 果隻汁配果醬好似好怪, 但食落其實係好match!個人最鐘意配baby potatoes, mash 都好, 但千祈唔好配意粉, 唔好食 - -"o係佢個餐廳食完仲可以去出口收銀處食個$3 爆谷/ $5 hotdog,我覺得講到又平又正冇乜邊度可以拍得住.

上星期日來沙田逛逛兼吃晚飯, 去了宜家餐廳吃, 因為之前見 Openrice 既口碑好好, 所以特登過來試試, 6:30pm 都已經好多人, 可能同當日宜家傢俬大特價有關係, 不過好好彩, 我地兩人好快搵到位了!排隊買食物的人龍都幾長, 排左 10 -15 分鐘先買到食物, 我地食左:香草三文魚 (幾新鮮, 醬汁都好好味!)瑞典肉丸 + 薯條 (肉丸真係好得, 好好食, 有肉味得黎又夠嫩! )西梅釀豬柳 + 意大利粉 (最貴的食物, 但最唔好食, 豬柳略鞋, 又唔夠熱, 醬汁又冇味!)藍草莓芝士餅 (飯後甜品, 略甜了, 但都好好味, 芝士味夾藍莓味好好!) 雖然人較為多, 座位也略窄, 不過食物味道好, 而且價錢唔貴, 今餐食左 $104, 仲飲左一支果汁, 真係幾滿意!照片可參考:http://hk.myblog.yahoo.com/thxdtsdd/article?mid=1285

其實ikea既肉丸真係好正, 只可惜只有沙田店先有得食..無計啦自己又唔係沙田友真係好少專登入去食...咁岩上星期五要入去沙田做野, 更係唔錯過這次機會入去食肉丸..自己一個人所以只係叫左5粒肉丸再加個凱撒沙律...肉丸依舊都係咁正配埋個汁同埋酸酸地既醬真係無得彈反而個沙律就麻麻可能d菜唔新鮮既關係...不過只係食個肉丸都值得一讚啦.另外值得推介係ikea既杏仁餅,唔算太甜加埋d杏仁片作為一個甜品真係好滿足

今日終於都有機會試下瑞典肉丸la...睇倒咁多好評！今次係第二次響IEKA cafe 食野....第一次係響kowloon Bay ge IEKAo個度冇肉丸食，食物ge款式亦都較少...只有鬆餅、意粉....沙田呢間相對地多好多選擇~當然一定要試下瑞典肉丸la~$ 19 (10粒)之後仲叫左茄汁意粉$ 12同埋瑞典凍蝦$ 22瑞典肉丸D汁幾好，唔會太咸，仲有D strawberry ge 果醬..初頭我都覺得呢個配搭有D奇怪，但係試落又幾得意味道都唔錯wo~今次冇焗薯配，得薯蓉....味道一般la~之於茄汁意粉....咁ge價錢...都OK ge~又唔係十分好味....不過好抵食...瑞典凍蝦都幾新鮮.....好鮮甜...份量都幾多ga~

肉丸真好吃啊仲要好抵啊,$19/10pieces,仲配其他野我就配了意粉下樓加番個熱狗,arm arm夠吃夠飽在衣家通脹之下二十幾蚊吃到quality都好ok的野吃抵晒啦!阿蘇介紹得對,宜家的restaurant同snack bar其實不會賺你好多銭的啦環境仲要ok好只是衣家多左人去,有d嘈

之前睇過電視阿蘇介紹過這裡的燒牛肉及肉丸, 來過幾次都撞唔啱, 是日餐單終於俾我見到燒牛肉了.三個人叫了瑞典肉丸, 燒牛肉, 凱撒沙律, 餐湯, 果汁同汽水, 兩片燒牛肉配焗新薯賣$39, 雖然唔係高質素, 但這個價錢給你這檔次的食物, 夫復何求?