宜家家居餐廳及咖啡室

营业中

休息中

大約夜晚七點，我同朋友一心諗住晚餐去宜家餐廳，去到已經見到人山人海，好難搵位，等左半個鐘左右先等到位。排隊買野食都排左好耐，最後終於買到肉丸薯蓉同小食拼盤。肉丸薯蓉：呢個菜以前可以配意粉，但原來依家已經唔可以再將薯蓉轉做意粉喇，我有少少失望>_< 而且肉丸感覺上比以前細粒左，質素一般，有點過鹹，不過咁便宜既價錢可以有十粒肉丸都算叫做好抵食。小食拼盤：食物種類普通，有不同的炸物，包括：薯格、雞翼及腸仔，比較唔健康既食物，都幾熱氣，但好好食，而且份量算多，要兩個人share先食得曬，一個人叫既話就太heavy喇！總括而言，沙田宜家餐廳食物質素一般，其他地方的宜家餐廳質素好似比較好，而且呢到晚餐時間真係激多人，等位排隊需時較耐，加上環境很嘈吵，只適宜食快餐，未能慢慢享受。

發現漏買了一些明天要用工具，想起應該 Ikea 會有。 放工即時跑去宜家買，在ikea 行了兩轉，終於買齊要用東西。 既然辦妥工作，也好應該吃番餐慰勞一下自己。 在店內已選了一大堆物件，如果出去吃一袋二袋有點不方便。 好在ikea 店內有一間自助餐廳，在ikea 餐廳食物價錢唔貴，但就可吃到方便美食。瑞典肉丸超抵食，每次來到必吃。 今天太奔跑一碟不滿足，叫多一碟小食拼盤，內有腸仔丶炸雞翼丶粟米丶炸薯條，夠邪惡吃完心情也好起來。

同老公行完文化博物館大約5點啫 , 咁就行埋IKEA , 有三層慢慢行 , 行到7點幾老公開始肚餓要去IKEA餐廳 , 入到餐廳大堂張張枱坐滿之餘 , 仲有好多人企喺度等枱 , 我提議8點先黎可能少D人易搵枱 , 佢話等得黎都8點啦.....結果等左廿分鐘有枱 , 都未到8點.....老公要龍蝦 , 我對蝦敏感所以無得試 , 佢話好鮮味好彈牙 , 我要燒牛仔柳 , 好林好入味 , 老公因為鍾意食薯蓉所以叫埋肉丸 , 不過我覺得肉丸太"漏" , 好濟咁....用餐大約9個字 , 當時8點9左右 , 但都仲有人等緊枱 !

如果你係宜家行到累.又有少少肚饿，想平平地坐下，食下小吃，不防可幫襯宜家裡面的餐廳。我用餐個日係星期日，同友人行到累，去左宜家入面間餐廳，叫了瑞士小肉丸（$20）及小食拼盤（$43)十分便宜。小肉丸中規中舉但只係二十蚊不能要求太多。另小食拼盤的格格薯如果脆d便好.有d偏乾。可能是因為星期日，實在太多人，找位置坐也要段時間。

Ikea係北歐瑞典公司就大家都知，但香港Ikea嘅餐廳又做唔做到北歐嘅水準呢？其實除左個價錢，其他野係做唔到的點解呢？今日去Ikea買傢私，順便食個午餐，買左蔬菜餅、10粒瑞典肉丸、忌廉粟米湯、千層麵。瑞典肉丸：溫度不夠熱，薯蓉可能做起太耐了，都有啲過實，而且份量只有一小球蔬菜餅：如果能夠再煎脆點就好了！忌廉粟米湯：粟米味、忌廉味完全欠奉，像粟米羹多一點千層麵：麵質過軟了再看看我系芬蘭Ikea食嘅牛扒（11.5€ ~102HKD）無論味道定個份量（例如薯蓉）都更勝一籌

今日行完IKEA見，攰攰地所以就決定順便食埋晚餐先至走。而佢仲做緊一啲瑞典嘅節慶，所以個餐牌都有少少同平時唔同的。我哋今日兩個人就叫咗三碟菜:1) 瑞典凍蝦配羽衣甘藍及薯仔沙律 (4/5)呢一個十開胃，加埋少少薯仔沙律，其實一個人食呢一個沙律都已經飽飽地㗎啦。不過佢個沙律醬就只係得一個選擇，就係千島醬。2) 肉醬千層麵 (2.5/5) 呢度千層麵同出邊嘅有少少唔同就係佢有一層口口嘅芝士係面, 所以食落有啲溜。同埋肉醬稍為有啲少，唔係幾夠。3) 肉丸配薯蓉 (4/5)呢個每一次嚟到都必食嘅，現而家都仲係咁抵食$20有10粒。抵過出面食魚蛋啊！

我同個friend真係好夾，我地大家都好鐘意行宜家傢俬， 尤其是沙田嗰間宜家傢俬，嗰度好好很架，又大又舒服，又多野睇，每次睇完我地都會去IKEA Restaurant & Cafe度食野，佢度又有得比小朋友玩既地方，所以我地都好鐘意去嗰度食野，佢地個度既凍鲜蝦盤真係一流，每次去食一人一盤都唔夠喉，D蝦真係好美味，加埋醬汁簡直一流。仲有一個瑞典肉丸拼著仔，D肉丸野味，薯仔又爽口。仲有D雞翼， 簡直lam lam脷， 真係食極都唔厭。 仲有汽水任斟任飲，簡直好抵呀！

今日要去沙田home square嘅lkea，因為屋企飯廳個燈罩爛咗，需要買番個。平日都好多人，今日係星期日更厲害，簡直人迫人👩‍👩‍👧👨‍👨‍👧行到攰，想係宜加餐廳食d野，飲杯啡，抖一抖，然後才繼續購物。出盡九牛二虎之力，排除萬難終於搵到位了🤪重點係想飲杯咖啡$7，另外叫咗小食：宜家四寶丸$9及脆炸黃金雞翼$16。🔸咖啡甘香，自助吧自己㩒製👌🏻🔸宜家四寶丸，一份有4粒不同嘅肉丸，但唔知係邊四種😅，一般。🔸脆炸黃金雞翼，點了四隻份，炸得比較乾身🤨不過埋單只是$32，好便宜👍🏻還有咖啡仲可以有得添飲😃行到攰休息一下👌🏻

見到Ikea出返豆腐花味雪糕, 即刻約埋朋友去試。 但食雪糕之前都要食晚餐先, 我哋三個都好耐冇食Ikea餐廳, 就一齊去重溫一下久違嘅味道啦😋😋    同以前一樣, Ikea餐廳都係滿座要等位。我哋好好彩,等左大概5-10分鐘就有位。但排隊揀野食就排好長龍, 排左大概15-20分鐘。我哋叫左三文魚鱈魚丸伴番茄燴雜菜及薯蓉($33), 15粒瑞典肉丸($32), 蔬菜薯餅($18), 海蝦班戟配乳酪及龍蝦汁($29), 小食拼盤($43), 粟米周打湯($13)。冷氣有啲涼, 飲個湯暖暖身先。粟米周打湯個質地偏稠身, 似某品牌盒裝嗰隻粟米蓉嘅味, 但好少粟米粒, 味道一般。飲完湯, 其他食物都開始凍啦🙈🙈 朋友都讚個鱈魚丸好味, 令我抱有期望, 但我食嗰陣已經凍左, 食落去較乾身同有少少腥味, 加埋個醬個味似係中東嘅食物, 我個人唔太喜歡🙁瑞典肉丸保持水準, 薯蓉醬加紅莓醬真係絕配😋😋😋蔬菜薯餅比以前多左個醬同啲菇菌, 個醬有少少咸, 但味道都夾到。小食拼盤, 除左雞翼太咸之外,其他都維持水準。最失望嘅係個海蝦班戟, 班戟皮有啲過厚, 入面包住啲蝦同醬, 蝦嘅size可以用蝦米嚟形容🙈

今次去食嗌左10粒肉丸同埋蔬菜薯餅伴牛肝菌汁肉丸永遠係必食自選 平靚正又唔駛講 個蔬菜薯餅反而俾到驚喜我 薯餅質感鬆軟 我覺得會連啲唔鍾意食菜嘅人都會鍾意食呢個薯餅牛肝菌汁做得好出色我甚至用呢個汁去點肉丸嚟食 因為個汁真係太好味啦 甚至連薯蓉都係點呢個汁嚟食

原來宜家家俬喺復活節有復活節限定嘅嘢食，所以就過嚟試吓，但係發現好多都已經賣晒，只係剩低呢一個薯仔沙律，咁就唯有照試吓啦。呢一個薯仔沙律，我就覺得佢唔係好夠沙律醬，啲沙律醬只係得薯仔有，其他食材嘅部份因為冇醬所以非常之清淡，尤其係菜，所以我唔係太鐘意呢份沙津喇。如果有下次，我應該唔會再嗌。至於呢一塊餅，我相信係用黎配湯用，但係我今次就冇嗌到，所以只係乾爭爭咁食呢塊餅。我覺得呢塊餅比較硬同埋乾，所以下一次試吓配湯食，應該會有唔同嘅感受。

每次行完Ikea，點都會去小賣部買d野食。今日買左好多野🤣 行完已經到晚飯時間，就直頭去Ikea餐坐低，食埋dinner😁Weekend好多人，全場full哂要等位🙈肉丸應該都係必叫🤣🤣 $20有10粒係抵食既😂我以前唔太中意佢既果醬，覺得又甜又鹹好古怪。但我今次加埋d芥末醬，mix埋幾特別😂😂見到其他人食小食拼盤，我地都叫返個🤓 有我中意食嘅薯格，可惜炸得唔夠脆。雞翼反而OK👍🏼臨俾錢時叫多個煙三文魚沙律！作為前菜都唔錯🙃

五一假期最好當然係去到附近商場逛街休息，再順路食個飯放鬆一下😋😋居住沙田，當然要到大型商場中心行下，IKEA 絕對係我既首選。是日與家人來到沙田ikea，大概花了兩個小時慢慢欣賞附近傢私、坐坐沙發，感受自我置業既感覺，之後當要醫醫肚☺️☺️甘岩ikea最近推出「蝦串磨菇芝士闊條麵🦐🦐」，蝦仔夠大隻，爽口的，不是死蝦口感，而且足十隻分量。而醬汁則選擇經典磨菇芝士忌廉汁，芝士忌廉絕對是沒有得輸，味道濃郁呈漿狀，並不是求其溝水就算🥰🥰埋單連新鮮西柚汁都只是$62，一個晚餐價錢來說絕對優惠😎😎

今天要去宜家傢俬購物，結帳後看見他們的小食店，當然要光顧一下。我們買了一包細爆谷（$7），另外一份薯仔魚塊配他他醬（$13一盒）。爆谷抵食好味，想不到細爆谷的份量也有這麼多。而炸魚塊的味道一般，但是$13 有三塊，以這個價錢已經真的很抵食。其實宜家傢俬的小食店一向以價錢平出名，行得累了，以這個價錢吃一些小食其實真的很愉快。

打算到宜家傢俬買東西，所以今早先來到位於五樓的餐廳吃個快的早餐先。$26 早餐精選雞肉腸和車打芝士腸非常爽口，炒蛋加鹽和胡椒吃更佳，煙肉不會太多肥肉，雞肉薯仔粒切得細小但味美，那半個烤番茄味道亦清新。這豐富早餐配埋熱咖啡，是最好不過。$24 早餐精選烤雞扒入味，滑滑炒蛋和茄汁焗豆是好配搭，火腿是全瘦並無一點肥，班戟是甜甜的，也不用加糖醬。今天我配了一杯清清的Lipton茶，確實令人滿足。不可不提的是這裏早餐的咖啡或茶是可免費添飲的。做一個好食客，除了要珍惜食物，還要記得將用完的餐具放回餐盤回收處。