宜家家居餐廳及咖啡室

营业中

休息中

今日閒日黎左megabox 既ikea睇野。難得黎到緊係要去佢個餐廳食下野。貪佢夠哂平呀麻！上次黎食都想試下佢個芝士龍蝦，好似幾正咁。又平。但上次餐廳太多人喇。無位坐費事等。今日見無咩人一於試一試先！一個人去買餐，最緊要就係拎車喇！夠哂方便！😎兩條友叫左三樣野。小食併盤：有腸仔 薯角同雞翼。幾十蚊，有三種野食。都幾抵。味道正正常常，無話咩驚喜。燒汁烤羊架併牛扒呢個羊架都唔差，唔會好大陣騷味。食落都多熱。配埋燒汁都唔錯！而佢塊牛就普通喇。唔夠嫩。食落有d韌。個薯蓉都ok,薯味夠重。芝士焗龍蝦意粉。賣相唔錯。但質素就一般喇！唔夠新鮮。所以肉質唔會話好彈牙。但個汁既味道都ok.幾濃芝士味。其實野食質素真係一般，但呢個價錢都唔要求d咩。正正常常 唔太差都接受到既

每次去Megabox都會食IKEA 今次都唔例外🤣 但朋友竟然冇食過 今次就帶佢黎試下有一段時間冇食IKEA menu都有啲唔同 多咗啲新野 我地毫不猶豫地揀咗龍蝦扁意粉我地就叫咗多汁 其實個汁同意粉都冇咩特別而龍蝦雖然唔係好大隻 但唔洗擔心冇肉食🤣🤣 不過個人就認為啲肉有啲乾 同埋冇鮮味可言 本身都冇抱好大期望 算係咁 冇咩特別雞翼怪咁就梗係要嗌雞翼啦個人認雞翼唔錯朋友第一次食IKEA 梗係要比佢試下IKEA既招牌肉丸 朋友就覺得...嗯...就係肉丸囉冇咩特別🤣🤣 咁我就幾中意食既....仲有必食既薯格 好脆好好味非常推薦薯格

燒全雞🐔：$90蚊唔駛有成隻雞，價錢黎講係好抵，味道方面，好香口，肉肉還可以，始終冰鮮雞黎，燒汁都尚可雞肉🐔菠蘿🍍薄餅🍕：賣相唔吸引，而且好薄底，而且好硬，雞肉唔太多，但$30幾蚊黎講都唔可以要求咁多香烤三文魚柳：至愛三文魚😍，好味，有營養，義大利飯唔會硬身同易入口小食拼盤：相同現象對比，落差較大，不過$30幾蚊又冇計較太多菠菜薯餅：食上癮既，因為菠菜係本人至愛，加埋薯餅，好正好味😍唔知係咪現場環境冷氣比較冷定點，啲食物好快凍

Ikea 價錢親民, 而且性價比高!每次去都會叫肉丸同薯容, 因為真係好好食! 特別鍾意肉丸配苺醬, 酸酸甜甜,好味!今次仲食左三文魚同芝士龍蝦意粉,佢個龍蝦啖啖肉,好有口感, 值得一試!三文魚都好新鮮, 配檸檬汁一流! 總括黎講, 用呢個價錢去食,係抵既!

黎到就好似食自助餐甘見到咩岩食就話要黎ikea食野係平，推著車仔食埋氣氛，好似開心餐甘😂😂小食拼盤（冇相）係好食同下次會再叫😍😍牛肋骨配薯格，勁大份，薯格夠脆！牛肋骨個汁似燒汁甘，我個人就覺得麻麻地龍蝦意粉，叫左多汁，粉就冇咩特別，有龍蝦食都抵嘅招牌肉丸，必食！！啲汁又好味😍😍藍莓紅莓芝士餅，啲莓好似藥水味....最後提大家呢度係自助形式，食完記得乖乖地收拾一下你的餐具餐盤，希望大家唔好食到張台太污糟🙊，甘大家都食得開心啦

宜家傢俬相信唔會未食過掛？係大學既時候無咩錢，拍拖想食好d，有時都會揀去宜家傢俬餐廳，因為佢既價錢夠親民，而且味道幾好，食飽仲可去隔離既陳列室睇傢俬，坐下談下心，幻想下第時屋企既擺設！到大個左，揾到少少錢，都仲係會番黎食，除左好味，仲多左一份回憶。今日，同friend子一齊，黎到九龍灣megabox既宜家傢俬，食個下午茶，消磨下時間。我地黎既時間尚早，輕易找到位置坐下，然後馬上去拎野食。來過既都知，好似去飯堂咁，推架手推車，想要咩食物就同店員講，先後一次過去賣單。我們三人唔想食太飽，只係點左三樣小食。瑞典肉丸無食過呢度既肉丸，唔好話自己黎過宜家家居。瑞典肉丸可以話係宜家家居既招牌，肉丸外面煎香，食落口感軟腍，充滿肉味，配上秘製醬汁，一個人食十五粒都得呀!亦可以點果醬，酸甜開胃，薯泥大大球，增加飽肚感。小食拼盤小食拼盤就唔係好大驚喜，都係d快餐食物，但係係好食既。腸仔爽口彈牙帶點甜味，薯角擺得耐左少少，有點乾身，雞翼煎得好香，肉質嫩滑，配點粟米減低油膩感。鮮蝦盤咁大盒蝦都係29元，食過一次之後，每次都會點，唔好睇佢用個膠盒裝住，好似無咩吸引力，食落有驚喜！凍蝦肉質爽嫩，每隻蝦都有勁多蝦籽

諗起ikea岀左聖誕餐就黎試下😶--🦐芝士龍蝦配扁意粉 $59🍟小食拼盤 $39🍢瑞典肉丸5粒 $10🍗香草烤雞腿 $15--個意粉唔錯喎 之前佢都岀過小龍蝦意粉個個係伏既 呢個好食 芝士汁幾濃龍蝦好多膏 撈埋落個麵到好味😘

今日同屋企人去左行宜家諗住買下家居 行到累咁就要去食D野啦 醫醫肚 我地就搵左位坐底叫左個肉丸 肉丸都幾彈牙架 同埋佢個醬汁好好食 之後最鐘意就係食佢個熱狗 因為D醬可以自己落 幾好 熱狗腸夠長

十次去megabox的話，應該有九次會去宜家咖啡廳開餐，無他的，夠平又有質量，汽水任喝，地方任坐，依個地方真係無歒煙三文魚沙律，塊魚大大塊又夠香滑，加小小檸檬汁已經一流，加埋沙律菜真係好健康肉丸又係另一必點食物！！雖然已經無以前咁好食，但還是好吃的！雞翼燒得夠香口，外層脆脆的龍蝦意粉就。。。一般啦，龍蝦係有肉的，加埋醬汁撈個意粉，不過不失吧不過個烤全雞就麻麻，肉有點乾和柴，唔夠嫩滑同多汁。都係果句啦，抵食又無限任飲任坐，點可以唔俾〈笑臉〉！

宜家家居的咖啡廳一直令我又愛又恨。愛它當然係因為抵食夾大件，唔收加一又環境幾好。恨就是未必款款食物都ok要撞手神，仲要自己執枱凍蝦杯當然係必食經典，我次次來都必定要自己點一盒蝦雖然不大隻，但肉質爽口彈牙，味道鮮爽，在我心目中是宜家的皇牌牛扒既生熟程度掌握得幾好，不老不柴，牛味濃郁試了新出現的雞肉丸。嗯。。。。。。。一粒肉丸囉，唔會特別有雞味，但質地和口感都是正常的肉丸，所以ok啦！講完好食同ok的就要講差既野。依個三文魚不合格！首先醬汁太重手，大家都有眼見。而三文魚柳好乾無乜油份，所以肉質好硬。最出事就係個湯，水流流稀稀的，味道平庸到只係過左兩日的我已經唔記得係蕃茄定龍蝦湯。綜合呢講，價錢夠抵，環境ok，食物有好有唔好，但員工的服務態度好好，所以綜合評分就俾(ok)啦。

megabox 最出名ikea! 去ikea其實除左買家具用品仲有另外一個最大目的，就係平平地醫飽個肚！今日同屋企人去ikea買野，餓餓地乜都未食，決定去出面cafe食件包飲個啡先。好多人黎到ikea都直接入餐廳，唔記得其實出面仲有位食野，今日我就淨係係出面食個brunch!呢份係小龍蝦蛋沙律意式軟包同mocca!個包hkd 26, 幾多料下，上之前會整熱比你，味道唔會太咸，個餐加mocca 都係比$10 咁抵，緊係比啦！要求唔高既係呢到食個brunch一定抵食過去連鎖coffee shop!

同屋企人去左宜家買屋企野，行到咁上下，口痕想吃東西，去左呢度食下野，次次行宜家都見到勁多人食野我地買左個熱狗、芝士薯波、蔬菜薯餅和汽水，十蚊隻熱狗，好鬼抵，但係個包唔夠熱，又唔鬆軟，條熱狗腸好長，都熱，但如果煎下會好吃D，加埋D茄醬、芥醬都OK，醫肚OK，但好好味就不算，10蚊無要求啦。另外芝士薯波都好味，芝士味唔算好重，但蔬菜薯餅，基覺得加了蔬菜口感不太好，齋食薯餅重好食啦！汽水得個凍字，糖水咁，好難飲。基評分: *味道(基基)**外貌*(基基)*抵食(基基基基)**服務(基基)*最後基言:平係咁架啦(重衰過M字頭嗰間)

來到 Megabox 睇戲，一個人想快快手手食完，宜家永遠係最佳選擇。每次去到宜家都會有選擇困難症，樣樣都好想食咁，但今次一去到餐廳就望到呢個特價意粉只係需要19蚊，豪不猶疑就點啦。三文魚意粉份量算大碟，白汁味道亦夠濃，雖然三文魚份量唔多，但以19蚊呢個價錢黎講可以話係超值。去宜家又點可以唔食肉丸呢？今日唔想食太飽，所以只係叫咗五粒。肉丸配埋我最愛嘅紅果醬，話咁快就食晒，而薯蓉唔會太重牛油味，相當唔錯。宜家都可算係我最愛飯堂，一個人平平地唔駛等位又夠多選擇，簡直係糧尾快食之選。

同親愛的行完婚展會後，時間都吾早，梗係近近地揾野食醫肚。不嬲都有食開宜家傢俬既飯堂既，不過九龍灣呢間就真係第1次試啦～20:00左右去到，哇～好多人啊～周圍都無位坐爆曬，當然平啊ma，等下都要嫁啦～親愛的簡左好多野食脆豬手伴薯仔好大隻豬手，但個皮吾脆而且重有d硬，肉質有d鞋口，應該係過左火有點失望牛扒伴薯菜牛扒都算嫩，但同個汁吾太夾，而且薯菜d西蘭花吾好食雞亦不過不失，一般般，其中有2隻雞亦吾夠熟，重有小小血小食拼盤- 薯角吾脆，已經淋曬- 粟米就係粟米，無咩特別好食吾食好- 腸仔，係呢個拼盤最好食既野，只係脆皮腸瑞士肉丸配薯蓉伴紅莓汁個人認為紅莓汁真係吾夾，肉丸無咩特別，一般般，反而係個薯蓉就幾滑幾好食既

hot doggie the most popular food there. a new usa style hot dog $10only ,so I changed my mind. the sausages think but shorter. strong favour and not dried. the sausages coasted with bread. the bread is Softbank sweet that taste like sponge cake. deep fried b4 serve. I can add dressing like ketchup and mustard .I like Ikea mustard that do not taste strong and mind spicy