宜家家居餐廳及咖啡室

营业中

休息中

到底IKEA有幾多成收入係來自IKEA餐廳？今日行完IKEA諗住食埋IKEA餐廳做晚餐，點知唔夠7點，條隊已經排到入傢俬部， 等咗差唔多十五分鐘先買到嘢食。見有好多人嗌咗豬手，就決定今次試埋豬手。 我哋兩個人，嗌咗兩份十粒肉丸，同埋一份酥炸咸豬手， 仲加咗兩杯汽水。肉丸相信都唔使介紹，IKEA一年都唔知賣幾多十萬粒。 豬手比想像中大份，而且仲有蘿蔔絲同薯仔做伴碟。 豬手外皮炸得好香脆， 而肉質亦很鮮嫩。蘿蔔絲酸酸甜甜亦好開胃， 做伴碟一流。

畀大家望下而家宜家家居餐廳嘅餐牌， 熱門野食一定係宜家家居肉丸配薯蓉薯又香又滑。 有得買急凍的返屋企焗熱黎食，但係已經冇咗粗薯角，薯條，小食拼盤，雞翼呢類比較唔健康嘅食物。 唔知道係我太耐冇食宜家家居餐廳，呢啲唔健康嘅食物早就消失咗好耐，定係宜家家居現在就打算走健康路線唔提供呢類唔健康食物。 食咗肉丸蔬菜餅同埋闊條麵。 人流依然好多，依然一家大細都會喺宜家家居餐廳食嘢， 依然係晚餐抵食之選。不過，對我嚟講冇咗唔健康嘅食物，呢間餐廳吸引力大減

喺MegaBox行街行到攰，一定會入去IKEA的梳化坐下，但一入門口已經聞到餐廳傳來震震香味！點餐全自助形式，好似學校canteen，先攞手推車同餐盤排隊，然後橫掃美食，再去收銀署俾錢。全部份量大大件，免加一，經濟又實惠。豬手超大件，一個人一定食唔晒。豬皮炸得好脆，多骨膠原，內好淋，無得彈。底下仲好多酸菜，薯仔亦非常飽肚。三件羊架都好淋，食落去有少少羶味。最有心思係面頭的黑魚子醬，立即升級！二人份量拼盤包兩杯飲品任添，可以揀可樂、忌廉、芬達、七喜、檸檬茶。可能放得太來，雞鎚同魷魚圈已經唔熱，有點失色。總結：豬手最抵食，差不多枱枱都有一隻！🐷🐷🐷

午飯時間去到MegaBox內的宜家傢俬餐廳行吓見到有呢份羊架只賣59元最後用咗少過1秒嘅時間決定試一試畢竟$60就可以食到三舊羊架配上薯蓉喺出邊任何餐廳都絕對冇可能可以見到碟上面除咗三件羊架之外仲有三舊烤番茄同一球薯蓉我是一個羊肉嘅愛好者好希望食到有蘇味嘅羊好彩近油脂嘅位置都有樣嘅酥味所有配菜都配搭得恰到好處忍唔住講一句蔗渣嘅價錢食到羊架嘅味道

中午在附近遊蕩之時感到肚子發出打鼓聲,於是找吃,找到宜家來,不是買傢具用品,是先入餐廳方向拿個餐盤,到點餐處點了這雞扒薯餅,再點了小食拼盤,這拼盤大概是,香腸,炸薯角,雞翼及一些粟米,不錯,好香口,夠飽肚還點了一杯可樂,不是點,是拿一隻杯,到收銀處付過全部食品飲品費用後,自己去汽水機處自斟自飲,還可任斟任飲的。讓你任飲,也要知自己體質啊,我就告訴自己最好只喝一款,喝多幾多杯也最好是同一款,避免不必要的身體不適為上。這裏用餐環境舒適,吃完要自己收好餐盤餐具的,也是全盤放上回收車的架上 就是了一份餐盤放一格,很簡單的,店家說這可節省成本啊,也是餐品價錢會賣得便宜一些了。

平時無無聊料無野做都會去宜家傢俬度行下，看下野消磨一下時間。消磨到差不多就當然要去宜家傢俬餐廳及咖啡室，宜家餐廳簡直是竆人的恩物，可以座低食，又多選擇，最重要夠平，好適合我呢類長期糧尾的一族去。九龍灣的宜家都好大，但每次去都依然係人山人海！買野食排隊，比錢排隊，排得快的話就30分鐘左右就可以座低食野。瑞典肉丸每次都一定叫，宜家餐廳就有肉丸套餐，瑞典肉丸10粒可以加意粉或者薯茸都係18蚊！我覺得去宜家傢俬食野係唔使看價錢，點叫都好價錢都會係好抵。好快就叫到成枱。好滿足！

餐廳地方大、位置多，但人流真係幾時都咁多，要花D時間揾位都幾攰。去開宜家傢俬睇傢俱，行到有啲口渴又有啲肚餓，就會去個小食位，一來唔洗等位，二來真係好抵食，全部HKD10有交易，熱狗加汽水都係十蚊！黎IKEA, 一定要過來食肉丸同熱狗。肉丸有淡黃色肉丸醬同埋紅莓果醬，二選一都好好味。熱狗香腸啖啖肉, 茄汁芥辣自己加，麵包夠哂鬆軟!平價小食黎講ikea都做得好好味。

平民意大利菜，全自助形式，自選合適食物後，再到收銀處付款。這處最最吸引的地方，就是餐廳的飲品購買後是任飲的。每個食客都好自律，用餐後，每位自行交回回收餐具處，所以地方好整潔。地方好大好多位，有座位，吧枱位，還有立食位。食物由冷盤、小食到主菜熱食，還有餐包餐湯及甜品，冷熱飲品都有齊。今日食了蜜豬肋骨，醬汁味濃，豬肋骨燒得乾身，好惹味。意粉較為清淡，配一起食都可以。其實食物味道一般般，所以價錢較為經濟，這處除了一家大細，特別多學生或年青人到這裡食飯。

同個未夠3歲嘅女去食一餐有熟三文魚嘅晚飯, 諗下諗下, IKEA咪有得食囉, 仲係幾好食, 而且價錢平。餐廳嘅冷氣比較強, 食物凍得好快, 人都凍得好快。建議著件外套先好去食, 特別係小朋友。<三文魚柳伴薯蓉> 三文魚好味, 正正常常。個黃黃地色嘅汁都好好味。有啲好似鹹酸菜咁嘅嘢好得意, 但係又好好味喎。< 蝦串伴寬條麵>啲蝦應該係焗熟嘅, 都幾香幾好味。闊條麵好好食, 不過好飽肚。< 瑞典肉丸10粒>例行公事, 嚟親都必定會嗌。 ok呀, 冇乜特別, 正正常常。< 藍莓紅莓果昔> 盒裝飲品, 畀小朋友飲啱曬, 有益健康, 好過飲汽水。<汽水> 無限添飲, 我嘅。IKEA 係平、靚、正, 又冇乜idea嘅時候最好嘅選擇, 特別係有小朋友同行, 佢哋最開心。

週末想去九龍灣宜家行下逛街，順便係宜家餐廳🍴食晚飯。八點幾到達餐牌選擇所剩無幾了。幸好每次都一定會叫的瑞典🇸🇪丸子還有，我和男友叫了一份10粒，肉丸一如以往的好味，啖啖肉，夠香濃。唯一美中不足的是沒有了紅果子醬，最愛把丸子沾大量果醬和忌廉汁才吃下去，甜甜酸酸咸咸的，很開胃。實在是太懶，沒有回到counter補取回。在有限的選擇裡，我倆點了香烤三文魚柳ᴴᴷ$49和燒特級西冷ᴴᴷ$63。這兩個真是伏中之伏。我很少會覺得咁難食。先說說三文魚，真的很腥，未試過食腥得難以吞嚥的三文魚。而特級西冷的特色是塊扒硬得似我家裡那塊切肉的木‘針板’，放進口裡要非常大力的嘴嚼才勉強吞下，但是試了兩三小塊後已經無了食慾。雖然這裡的價錢的確夠平民化，但就不‘抵食’，食物味道不合格這次的經驗很不好。

今日要去九龍灣整回鄉証，等既期間去左mega box 搵早餐食。原來IKEA 都有早餐嫁！佢早餐menu 都幾好，原來全部野食都可以散叫。未試過有餐廳可以咁揀法，自由度非常之高。太多選擇了，諗左一陣，我最後叫左魚柳、烚蛋、煙肉 、雞肉薯仔粒同pancake, 價錢如下：魚柳$8烚蛋$3煙肉$3雞肉薯仔粒$6Pancake$4咁多野食加埋都只係$24蚊，如果想加埋咖啡或者茶都係$3 認真抵。 炸魚真心抵讚，炸粉唔厚，食落塊魚仲保留左啲汁，又冇腥味！雞肉薯仔粒都好味，雞肉無雪味又滑，係煙肉有小小油、烚蛋熟左小小，可以再控制得好d就更加好。有機會嘅話會再食。

IKEA餐廳出名好抵食，真正嘅平民飯堂，所以晚飯時間多數都要等位，今次黎到九龍灣分店，都一樣係採用自助式，自己拎完食物飲品就去比錢，食完都係自己清理番枱面，今次揀左5粒肉丸配薯蓉（$12），忌廉汁雜菌意粉（$33），招牌菜肉丸味道一流，薯蓉滑溜，同汁醬亦好夾，忌廉汁雜菌意粉好抵食，汁醬唔會太膩，意粉夠晒彈牙，平平地已經大滿足喇。

那天去了九龍灣宜家掃平貨，其中一個原因是那家宜家超級大，貨品齊，款式多，最重設有小吃外賣及自助餐廳醫肚，價錢經濟實惠。我到家居部買了許多家庭用品，好肚餓，打算買D外賣小吃醫肚，小吃店十元一支熱狗，真抵食，茄醬，芥醬自家任家，原來宜家D熱狗幾好吃，條腸好味，但如果稍煎重正。我也買了蔬菜薯餅和芝士薯波，蔬菜薯餅D薯仔是粒粒，夾埋D炸香外皮和內裏的蔬菜粒和薯蓉，真係勁香口，又不算大油。芝士薯波炸起熱辣辣，入面D芝士味都好濃，食落外脆內軟，都係好好吃，只售十元，薯餅大大塊只售八元，實在好抵食，勝價比高，平靚正。

睇完戲有少少肚餓又未夠鐘食晚飯, 去咗宜家傢俬行陣順便食個小小嘅下午茶。見到呢個煙三文魚沙律都幾多人叫。 $33 唔貴。 因為減緊肥，所以想食下午茶之餘都會避免食一啲澱粉質嘅嘢。食呢個煙三文魚沙律就啱曬喇。呢個價錢有兩片大大片嘅香草三文魚都真係唔錯。 三文魚有陣陣嘅香草味 ，肉質夠厚， 口感豐富。 味道又唔會話太鹹或者太重煙燻味 。 加埋少少檸檬汁就冇咁油膩。 個沙律醬我就冇點太多 ，試咗少少 ，有芥末同香草混合。 同煙三文魚都幾夾。 沙律菜方面我覺得分量少咗啲， 同埋部分菜有少少唔新鮮，變左色。如果份量多啲同埋啲菜新鮮啲 可能會更好食。

I had no idea Ikea has been here for 75 years! WOW! In celebration, they have some food items that have a discounted price.\One of them is this cake. The princess cake that comes with coffee or tea for $17. And the coffee or tea has unlimited refills.The cake was not too bad. I liked it more than boyfriend. It was had a soft marzipan coating and stuffed with cream. It was so soft and fluffy. There was a chocolate with the words Ikea 75 on it to celebrate the anniversary. A pretty good deal if yo