宜家家居美食站

营业中

休息中

經過IKEA無理由唔幫襯下小食既~~~ 好少過到黎銅鑼灣, 唔知呢間IKEA同九龍灣既有無唔同呢....答案係...... 應該差唔多...... 因為都是同一間食材公司的食物, 煮法一致, 最多係煮好放左幾耐, 夠唔夠熱架啫~地方就好鬼多人(~6pm)~ 唔多揾到位企響度食~  不過排隊買就好快既~肉丸: 正正常常~試新野 炸南瓜: 南瓜饀甜甜的, 係幾好味, 但個皮太厚了, 而且唔熱, 顯得個皮又乾又韌, 好一般.....

Went here again because the veggie balls were sold out last time.On the last visit, I was puzzled why people kept pouring liquid from the metal flask when there was hot water in the machine.I finally found out why when someone used a clear bottle and it turned out to be milk they were pouring so you can get free milk here lol!!!New items:++++++++++++Veggie balls with big couscous pearls:Tried this before and I hated the sauce. On this visit, I forgot to ask them not to put it in.Anyway, the the

真心 如果咁岩路過想醫下肚仔 IKEA真係無得輸二十幾蚊飽肚之餘仲過到口癮特別推介個人喜好蔬菜薯餅只係8蚊雞真係好味得黎又唔貴雖然成日都會好多人排隊，甚至會迫到無位食，不過咁多款小食比你慢慢揀其實都真係抵返哂！

輪候時間同服務：如果趕時間ge朋友，想快速醫肚，可以黎哩到! 食物品質唔差，重幾好添開頭見到好長龍覺得一定排好耐，原來好快，一個cashier服務員對每個客查唔多只需30秒ge時間，d食物又出得快，所以唔需要擔心要排好耐 咁我就叫左：1) 薯格 2) 素菜薯餅 3) 素菜肉丸1) 薯格： 本身我好中意食薯條薯格，哩個薯格幾唔錯，好食過KFC小小 如果熱小小就更好味!2) 素菜薯餅： 哩個真心唔錯! 好香牛油同薯仔味，小小素菜，外脆內軟，如果個分量大小小就更好啦 (唔好意思，差左d叉系上面)3)素菜肉丸：不過不失，都幾okay，幾香，同我想像中ge味差唔多Close up

Feeling peckish, I went here for a cheap fix.I was going to get the veggie balls but when I got nearer the till, there were some new items displayed on the screen.If the new items had been stuck on posters near the entrance I would have tried them earlier.Anyway, had the chicken fillets with lingonberries mayonnaise.The chicken was tender but unfortunately it was not hot enough and the mayonnaise was sweet and creamy tasting like strawberry yoghurt.

一向食物質素都唔錯呢個價錢真係物超所值啦窩夫配雪糕好夾啲窩夫仲係熱嘅肉丸亦都保持一向嘅質素香草黑糖雞翼亦都非常入味唔會過甜肉質亦都唔錯今日有買佢嘅藍莓汁瑞典製造唔會太甜入口好滑

三點三想食個下午茶尤其是想食一杯雪糕男朋友就帶咗我來呢度食我一路都唔知原來銅鑼灣有得甘平食到一杯雪糕嘅地方落到去都人山人海可能價錢真係太平太抵啦呢度係首先買咗飛先嘅跟住就行過去第張飛俾廚房杯軟雪糕奶味都幾香加上啲紅莓醬唔會太甜仲有果肉添上邊塊窩夫就偏硬但味道都可以接受講真＄6仲可以要求啲咩

每次去完宜家行完都忍唔住買少少野食，好掛住肉丸，仲有新既抹茶味新地筒未食過，當然唔少得飲品任添。汽水$7（任添），今次想食肉丸，又唔想食太飽，所以冇叫熱狗餐呢個至抵組合。汽水飲完仲可以添，真係超抵，一定夠解喝。肉丸 $9，有5粒肉丸加少少莓醬同肉汁，相信好多人都食過，但呢個止癮的份量少少就剛好，不過如果有埋少少薯蘑更完美，因為食淨肉汁好浪費，有薯蓉混來食埋更好。講返今次既新品，都出左一段時間，抹茶新地筒 $5，價錢平平地，抹茶味頗清淡，有陣陣清香，但就唔算重味，甘既價錢仲想點，都合理既。雪糕都溶得快，但奶香滑溜味道不錯，食完仲幾飽肚。

中午一個人行過Ikea附近，突然想食十蚊熱狗餐，就一枝箭衝去。銅鑼灣寸金尺土，宜家食品又以平、快、正見稱，所以絕對吸引不少學生哥、OL幫襯。排過五分鐘隊，點了熱狗餐+雞脾，盛惠$25，係翠X連一杯奶茶都買唔到既價錢，竟然有如此豐富熱狗烘熱了，皮帶脆但亦有少少乾。最重要既熱狗腸，同自助既芥末醬和茄醬，簡值係熱狗既靈魂。以包和腸黎講，新鮮熱辣辣，十蚊有汽水，再彈都唔好意思，我不知幾想公司黎理度攪個任食大賽，食盡都可能兩舊水攪惦雞皮有香草碎，真係唔健康既嘢通常都好好食。先食我最鐘意係尾果粒肉，好入味呀。再大啖咬去半隻脾，又嫩又淋又入味。飲飽食醉，唔好霸住學生哥個位。除左美食，我仲感受到離開時幾個學生妹望住我眼有淚光如拾至寶既心情，有錢買唔到。

喺附近放學，見肚餓梗係要食啲野啦， 咁就去宜家傢俬到買個熱狗黎食下，宜家傢俬的熱狗都幾抵食㗎，六蚊個 條熱狗腸都幾趣口，個包都唔會好林，最重要就係佢嗰啲黃芥辣同茄汁兩個撈埋一齊，就令到個熱狗更加錦上添花 幾蚊一個嚟講嘅熱狗，而且又咁好味絕對係抵食

抹茶雪糕甜筒 $5.平時夜晚去到宜家所有雪糕一定賣晒 每次我都心諗係咪咁好食🙈終於我今次下午去到就食到😂😂😂👍🏻.排隊條龍都幾長下 見係抹茶口味心諗咁正既 食落就😓好甜呢 友人話係綠茶拿鐵既味道 但我覺得仲甜過m記出品 即係牛奶綠茶糖咁❗️我覺得都係麻麻地 但係個甜筒係脆口係好味既 有緣再食啦

以前細細個行ikea係幾好行行一行又個幾鐘,做學生時代邊有咁多錢, 去ikea食個熱狗真係幾好叫埋個套餐的話,飲品是任飲,都只係10蚊!熱狗包外脆內軟,包又夠熱,唔會因為價錢平而hea整呢度係自助式,加埋茄汁同埋芥辣醬 ,自己想點加就點加,加完真係超好味

新出兩味雪糕食落好似有d伏D味怪怪地會似藥水味建議原味比較好熱狗變長左之後食完個包就好飽加埋芥末醬 超好味肉丸仍然係我fav😍😍配埋士多啤梨醬👍🏻👍🏻👍🏻

ikea 銅鑼灣每日放工時間依舊咁多人👨‍👨‍👧‍👧，最近就新裝修👍，更加多左人去，但買嘢快左 ，排隊只需要用五分鐘時間⏰，都非常方便，依舊叫咗個十蚊嘅熱狗餐🌭，熱狗包個包，外脆內軟，包又夠熱🔥， 腸仔一樣咬口咁爽脆， 加埋茄汁同埋芥辣醬，滋味無窮，夠晒 飽肚，滿足😋😋

喺銅仔行街，行行下又餓餓地，想快速叉下電，就會諗起宜家～一如以往叫左肉丸，今次無食熱狗同蔬菜薯餅，轉左雞脾同蜜糖腸，再加杯無限refill嘅汽水，正！肉丸大家食得多，好味程度就唔多講。蜜糖腸皮脆juicy，個人覺得濃味左啲，10蚊3大條泥講都ok啦。雞脾算係今餐比較貴嘅～要15蚊1隻，不過都幾大隻，一拎上手熱辣辣「咦幾滑喎～」又夠入味，確係有啲驚喜。同朋友嘆完個「high tea」又繼續行街lu～～～