影片
招牌菜
今日想食下烧卖肠粉，新搬嚟大埔都唔知边间好食🙈 我朋友就介绍系大埔大元邨街市入面嘅街坊小店 。去到见到超爆满，所以我买咗番屋企食 。我叫咗个烧卖肠粉鱼蛋餐同碗仔翅 。首先，我想讲门口收钱姨姨几礼貌同几好人，我唔系成日买呢啲嚟食，所以唔系好识叫咩酱多啲同少啲，我净系知自己唔要芝麻😆姨姨好有礼貌问我要咩酱，鱼蛋要唔要辣，我话要少辣，跟住我心谂：死喇。 。。实俾人串到上天花，鱼蛋边有少辣呢样野😓点知！姨姨好细心讲咗句：咁一半辣一半唔辣啦☺️个心即刻有被暖到🥰🥰谂住叫个细碗仔翅试下，点知姨姨话差5蚊大碗大好多㖞，我望一望个碗嘅size，我就叫大碗。其实佢可以唔洗讲俾我听，等舖头赚多少少🤏所以我话佢好人🥹肠粉真系几滑，鱼蛋弹牙，烧卖好咬口，买番屋企都唔会硬哂。碗仔翅抵食，好大碗，入面好多料，劲多云耳，煮到入哂味，好食，成碗唔会杰挞挞😋香港人真系要支持下本地小店，保存香港地道食物同文化❣️Joyfoodstop心动值:💓💓💓/5宜升美食(香港)地址: 香港大埔汀角路10号大元街市地下410号舖电话: +852 36909806
继续阅读
大埔街坊推介嘅呢间小食店真系几掂㖞，难怪短短20分钟左右食个肠粉同个碗仔翅嘅时间，keep住都有人嚟帮衬。听讲呢度肠粉最出名，仲有餐可以叫，于是我就叫咗个大嘅肠粉餐，有埋鱼蛋同埋烧卖，有四条肠粉六粒鱼蛋同埋四粒烧卖，鱼蛋可以拣辣或者唔辣，三样嘢都系肠粉最好食，又爽又滑。另外再叫咗一碗碗仔翅，大同细只系差五蚊，所以就叫咗碗大嘅，味道都唔错，个宪唔会太杰，唔会食到浆住个口咁样，入面啲粉丝好粗，如果云耳丝同埋冬菇丝嘅量多啲应该会好食啲。
继续阅读
街市寻宝揾到呢一间小食店，主要系食肠粉嘅，因为我见差唔多个个都系食肠粉，我都唔执输啦，叫咗一个细肠粉餐同埋一碗碗仔翅，两样都几好食。呢个细嘅肠粉餐有两条肠粉三粒鱼蛋再加两粒烧卖，我好钟意芝麻嘅香味所以叫佢多麻酱多芝麻，真心正，$17都真系几抵食，另外佢有个大嘅肠粉餐，$27，咁份量自然多好多啦。佢呢度嘅碗仔翅非常足料，猪皮丝、木耳丝、鸡肉丝等等，呢碗系细size，$20，畀想像中大碗，加埋胡椒粉同埋醋就非常正。
继续阅读
早餐时间黎到大元邨街市见到呢间小食店好似好多人帮衬(差唔多坐满)于是就入去坐底，佢有个肠粉餐有大同细分，我大食D所以叫咗个大Size的，$27，再加咗支$8的豆浆。个大Size肠粉餐除咗肠粉之外仲有鱼蛋同烧卖，个胶粉好好食，蒸得够弹牙而且又够滑，仲有佢个麻酱沟埋花生酱所以真系特别香。鱼蛋同烧卖都OK正常水准咁啦，支豆浆系壹品豆浆黎嘅，整体觉得唔错，值得一试。
继续阅读
呢间D肠粉真系几好食，其实烧卖同鱼蛋嘅味道都唔错，于是我就叫咗个大肠粉餐，实行一次过满足晒三个愿望。呢个餐唔经唔觉已经加到$27，入面包括有4条肠粉、6粒鱼蛋同埋4粒烧卖，我自己就比较钟意多麻酱多芝麻，因为感觉上好似会香D，甜酱就要少少就OK了。佢呢度D肠粉都算爽口，唔会黐埋一Pat，捞埋个酱真系无得输嘅人间美食。
继续阅读