影片
营业时间
今日营业
10:00 - 14:30
15:30 - 19:30
星期一至日
10:00 - 14:30
15:30 - 19:30
以上资料只供参考，请与餐厅确认详情
问你「官燕栈」卖乜？相信大部份都会答喺卖参茸、海味、鲍鱼、燕窝……等等，除此，仲有好多中式养生保健产品，如即食燕窝、滋补汤包，真喺唔上一上佢哋官网睇睇，都唔知原来佢哋有咁多产品。其实无啦啦真喺唔会走上去睇，皆因早前同好友食饭，好友送小弟一盒「官燕栈」出品嘅「鲍鱼礼盒」，虽然唔知价值，但既来自「官燕栈」，又喺一份「礼盒」，相信唔平，老友实在太客气了。个「鲍鱼礼盒」嘅包装都几大体吓，米白色硬盒再加点熨花，而盒内除咗有鲍鱼（4件），睇盒面就知包埋虾子面（4个）及元贝酱（小樽80克），打开睇睇，就见全部独立包装好晒。两公婆，专登揾晚试试佢，再加啲金菇及西兰花伴一伴，等卖相变得靓仔啲。啲虾子面无建议煮几耐，我哋煮散咗就上碗，口感都唔错，但虾子味就唔重，而鲍鱼即开即食，细细只如两个五蚊银大小，都几有鲍味，口感又几柔韧；此外，落咗唔少元贝酱作调味，少少辣，味道极似平时食开嘅XO酱之类，如果用嚟捞面就仲好。晌度再次多谢老友，让我哋晌屋企都食到碗咁富贵嘅汤面！
继续阅读