安東尼

在澳門試了葡國菜，環境方面，餐廳環境充滿葡式小館氣氛，打卡一流。食物方面．炭燒葡國黑毛豬扒配薯條半沙律、葡式蟹肉釀蟹蓋都值得推薦。服務方面，非常細心，禮貌周到。價錢雖稍高，但物有所值。絕對推薦想感受澳門中西文化交融味道的朋友來試！ …查看更多

食物多元化，多選擇，環境很好，好食！食左一個套餐，蟹蓋配麵包，鴨肉飯，炒雜菜，木糠布甸，另外叫左一份黑毛豬配薯條，賣相好靚~ 麵包外脆內軟，黑毛豬肉質好，薯條好食，推薦！…查看更多

在澳門吃過 Antonio 的葡式餐廳，真係一絕。招牌葡式焗鴨飯香氣撲鼻，外皮脆而不油膩，鴨肉保持鮮甜，肉與米飯吸滿酒香與香草氣息，層次分明。焗飯粒粒分明，汁液恰到好處，唇齒間留有微妙的葡萄牙香料尾韻。整體呈現傳統與現代的完美融合，服務親切細膩，氣氛又帶點海風的悠然。真正值得一試，前菜、甜品和沙律都一絕，特別是前菜crab meat，膏蟹肉配香軟脆麵包，配搭一流，服務周到，還可以幫忙手機免費叉電，無得彈呀！…查看更多

Antonio 呢間餐廳真係值得推薦。餐牌上嘅菜式多元，無論前菜、主菜定甜品，每道都非常用心，味道同擺盤都好有水準，食物質素穩定，確實配得上米芝蓮餐廳嘅稱號。其中特別推介葡式焗鴨飯。環境方面，店內裝潢舒適，燈光同音樂氛圍都營造出放鬆嘅用餐體驗。服務方面，工作人員效率高，禮貌周到，尤其喺Facebook inbox嘅預約回覆，速度好快。整體嚟講，呢度係想慶祝特別日子或想好好效勞自己嘅時候嘅不二之選，下一次還會想試試其他菜式。…查看更多

在澳门寻觅美味时，安东尼奥餐厅无疑是惊喜之选。作为米芝林推荐餐厅，它从踏入的那一刻便展现出不凡——暖黄灯光勾勒出复古木质装潢的质感，墙上的葡式瓷砖画与轻柔的法多音乐交织，瞬间将人拉入南欧风情的氛围里。菜品更是不负期待。招牌的葡式烤乳猪外皮酥脆如薄纸，内里肉质鲜嫩多汁，搭配酸香的梅子酱，油脂的丰腴被巧妙中和。海鲜烩饭铺满大虾、青口和鱿鱼，藏红花赋予米饭金黄色泽，每一口都裹挟着海洋的鲜甜与藏红花的独特香气。服务员态度很好，很有礼貌，添水换碟的时机恰到好处，既周到又不打扰用餐节奏。离开时回望，窗外的澳门街景与餐厅的暖光相映，这不仅是一顿美食，更是一场关于味觉与氛围的完美协作，难怪能在米芝林的榜单上占据一席之地。…查看更多

🧆 頭盤：炸馬介休球、蟹肉釀蟹蓋- 炸馬介休球 ：外酥內嫩，鹹香鮮明。馬介休（葡式鹹鱈魚）經過細緻處理，混入薯泥搓成球狀炸至金黃，咬下去飽滿濕潤且層次分明，沒有一絲魚腥味，只餘海的清爽。- 蟹肉釀蟹蓋：這道經典之作毫不馬虎。蟹蓋中填入飽滿蟹肉、洋蔥與忌廉，焗至微微焦香。入口鮮味四溢，忌廉的濃郁與蟹肉的鮮甜形成完美平衡，彷彿在舌尖跳起了法朵舞。🍖 主菜：特色燒焗乳豬、龍蝦飯- 特色燒焗乳豬：這道乳豬是全場焦點。豬皮烤得香脆，肉質細嫩多汁，佐以特製香草醬汁，每一口都是酥脆與軟嫩的交響樂。搭配的焗薯與橄欖亦是畫龍點睛，完整地襯托出主菜的層次。- 龍蝦飯：這道堪稱海味之最。米飯吸收了龍蝦湯與番茄的精華，米粒飽滿濕潤卻不失彈性，搭配鮮嫩龍蝦肉，每一口都是海洋的擁抱。若說葡菜是藝術，這道龍蝦飯就是最動人的畫筆。🍮 甜品：木糠布丁餐後的木糠布丁是甜美的句點。柔滑奶凍與層層木糠餅乾粉相疊，入口即化，香甜而不膩。那微妙的焦糖香與奶味在口中纏綿，彷彿讓人再次回味整場盛宴的餘韻。🌟 總結評語安東尼葡國菜不僅還原了葡萄牙菜的靈魂，更結合了澳門在地風情，從前菜到甜品皆精緻出色，是一場色香味俱全的文化饗宴。若你在官也街漫步，千萬不要錯過這間令人念念不忘的寶藏餐廳。…查看更多

今次喺朋友推介下，嚟到氹仔舊城區呢間超有口碑嘅葡國餐廳 Antonio。一入去就感受到傳統葡萄牙風格裝潢，加上窗邊擺滿葡萄酒，氣氛非常歐陸，幾適合慶祝或者想靜靜地嘆一餐精緻晚餐。🥘 主菜推介：龍蝦燴飯一上枱已經香氣撲鼻，成鍋係用海鮮高湯慢火煮成，飯粒吸收晒蝦頭精華，非常入味。蝦大隻爽口，仲有隻巨型龍蝦鉗做點綴，打卡一流。味道唔會過鹹，反而好有層次感。🥗 配菜：炒菠菜簡單清炒，保留到菜嘅鮮甜，係個好清新又健康嘅配搭。🦀 冷盤推薦：葡式釀蟹蓋（Sapateira Recheada）好驚喜！蟹肉混合蛋黃、芝士、香草等材料，再釀返入蟹蓋，香濃得嚟又唔膩，配埋烘到啱啱脆嘅麵包片，真係會令人一片接一片。🍨 甜品不能錯過：葡式木糠布甸（Serradura）外表睇落簡單，但味道好有層次。奶香濃郁但唔會太甜，上面灑滿餅乾碎再加新鮮莓果，入口冰冰涼涼、滑到不得了，絕對係完美收尾。💰 價錢方面人均消費大約 $200–300 l，唔算平，但以食材質素同整體體驗嚟講係物有所值。🎯 整體評價：Antonio 絕對係澳門數一數二嘅葡國菜餐廳，服務親切，環境靚，味道又有驚喜。建議提前訂位，尤其週末晚市幾爆。…查看更多

综合來說，食物質素不錯，可以一試💫三人吃了一個2 人餐加招牌乳豬。上菜都很快，食物温度很夠熱。乳豬除了脆皮，也很有肉。海鮮飯的龍蝦和大蝦肉質緊實，很新鮮，飯亦很入味。馬介休球肉質綿密，不錯！…查看更多

朋友成日話氹仔官也街呢間葡國菜好出名，終於搵晚去試。 白酒煮蜆 (Amêijoas à Bulhão Pato)呢個真係全晚最得我心！蜆肉算大隻，個汁係精華——蒜蓉、橄欖油、芫荽同白酒煮到好香，啱啱好吊到鮮味。我哋追加多份包嚟點汁，清晒。🦐 蒜片虎蝦 (Camarão Tigre ao Alhinho)蝦夠大隻，肉質爽，蒜片炸得脆但略油。抵讚係用橄欖油煮，唔會膩。 🐙 八爪魚沙律 (Salada de Polvo)正常發揮，八爪魚煮得淋，檸檬汁開胃🐟 薯絲馬介休 (Bacalhau à Brás)傳統口味，鹹魚味濃，薯絲脆脆地有口感。 🦞 龍蝦海鮮飯 (Arroz de Lagosta com Camarões)貴價菜，龍蝦肉算彈牙，份量夠3-4人share。 🦆 葡國鴨飯 (Arroz de Pato à Portuguesa)鴨肉香，飯有少少飯焦，幾香口。 🐖 燒乳豬 (Leitão Assado)皮脆，肉質嫩，配芥辣醬解膩，可以一試。 …查看更多

安東尼餐廳是一家地道澳門葡國餐廳，以其獨特的口味和精湛的廚藝吸引了眾多食客。這裡的菜色不僅新鮮美味，而且擁有濃郁的葡式風味，令人回味無窮。安東尼的廚師們將傳統葡式料理演繹得淋漓盡致，每一道菜都充滿著濃濃的家鄉味道。他們的招牌菜色無一不讓人驚艷，無論是著名的葡國燴牛肉、海鮮燉飯還是香濃的葡式海鮮湯，每一道菜都散發著誘人的香氣。安東尼餐廳不負米芝蓮之名，以其優質的食材和精心烹製的菜品贏得了食客們的一致好評。總的來說，安東尼絕對是一家值得一試的餐廳，如果你想要品嚐正宗的澳門葡國美食，這裡絕對是你的不二之選。…查看更多

:)第一次同朋友到澳門舊區，嘗試品嚐一下有美芝蓮獎項嘅真正葡國菜式店舖；食落真係有驚喜！因為在進食過程中，冷氣機水從我頭頂滴落我手上，我向女服務員反映後，女店員同我講因為開了冷氣後會漏水，所以她將冷氣機關了，我於是叫了服務員替我轉枱也不轉枱；人生第一次在米之蓮餐廳，遭遇到這個服務！！邊食邊流大汗！！！💦💦💦…查看更多

這區有很多葡國餐廳，五花八門，經一位香港朋友介紹來到這間安東尼奧餐廳，果然沒有令我失望。我們一行四人，點了最經典的烤乳豬、白洒炒蜆、葡式燒腸、八爪魚及龍蝦🦞濃湯，味道正宗，烤乳豬外脆內軟，肉質鮮嫩，絕對是必點之選，會有下次！…查看更多

🥕炸馬介油球：6/10 （$180）好嘅馬介油最緊要係食得出鱈魚嘅香味，呢間餐廳呢方面做得唔錯，魚同薯仔份量平衡得相當好，能同時帶出魚香同埋薯味。口感方面亦做到外皮焦黃脆口，內裡絲質幼滑，沾上少少蛋黃醬後，更能提升口感層次。雖然🙎🏻‍♀️同🙍🏻‍♂️都覺得呢間餐廳嘅馬介油球幾好食，但係其實以澳門黎講，食同樣質素嘅馬介油球絕對唔需要咁高嘅價錢，所以衡量完cp值之後，我地只能夠比6分。🥕特色燒焗乳豬：6/10 （$390）佢嘅乳豬屬中上水平，豬皮非常香脆，咬落去非常crispy，豬肉亦都好鮮嫩。但係呢個乳豬係偏肥偏油，如果鍾意食肥啲嘅乳豬，呢個就幾啱食。整體黎講，佢嘅乳豬係幾好味，但係都係嗰句，以390蚊嘅價錢黎講真係唔太抵食。薯條方面都有少少失望😔😔，佢嘅薯條好淋，唔係好脆身，而且唔夠熱，調味亦到太淡，唯一一個值得欣賞嘅地方係佢嘅薯味幾香幾重。🥕碳燒葡國入口豬脊里配炸薯條及沙律：5.5/10 （$265）肉質挺鮮嫩，咬落去好多汁，口感唔錯。但係呢個豬脊里好油，食落好膩，食左幾塊之後已經覺得有啲滯。🥕紅飯 ：3/10 （$45）🙎🏻‍♀️係個好鍾意食紅飯嘅人🤩，叫完呢個飯之後，佢仲好期待🙈，點知黎到嘅係好水嘅番茄汁飯。味道方面，食落去都同我地想像中有啲出入，係酸酸鹹鹹，而唔係酸酸甜甜。最後，因為我哋覺得個飯怪怪哋🤢🤢，所以淨係食左一半就無再食落去啦。…查看更多

3月中，各地剛剛放寬出入境沒幾耐，同朋友們去澳門兩日一晚，第一晚我哋去咗呢間餐廳，booking 已經full 曬，所以朋友決定5點幾到餐廳博可以walk in，好彩餐廳俾枱我哋，就係要求7:30之前還枱快食。我哋叫咗5個菜，非洲雞係雞扒，都幾辣，啖啖肉，味道可以。海鮮燉飯，啲海鮮唔太出色，可能時間尚早，燉飯唔夠入味。橄欖油蔬菜就如其名，菜比較硬身，係清淡嘅⋯⋯。馬介休係比較好味，炸粉薄，夠咸香，份量較少。乳豬價錢唔平不過有啲豬肉so味，薯條就好味嘅。…查看更多

食物質素下降，服務員九唔搭八，咩都唔知，冇鴨飯，冇非洲雞，我哋已經食第一輪6點，有蚊咬，仍然保持到嘅喺價錢，一樣咁貴，不要去食，垃圾！本身喺訂7號舖，去到叫咗我去9號舖，話喺同一間，坐低後眼見7號舖排曬隧，我哋呢邊有位冇人坐，應該係唔同廚師，唔老實………但對面舖就咩餸都有，失望…查看更多