安安燒 (染布房街) (已結業)

早前，與朋友在餐廳食完串燒，誰料，二人在旺角多行一會，卻又開始出現飢餓感呢！是行得倦了？還是因我倆太耐沒相見，說話太多呢？本打算在友人家附近的《安安燒》再燒一遍，但踏入晚飯時段，餐廳也滿座了，唯有外賣回家繼續吃。這個份量，相信今次一定足夠吧！惹味蒜蓉生燒茄子原條入盒，因為太大條，所以要對摺才能放進盒內。 茄子搭配上大量的蒜蓉，還有辣粉及孜然粉，相當惹味！絲絲茄子肉，入口軟腍，非常味美。蒜蓉燒扇貝，不用 $50有4隻，相當超值，而且鮮味，加上蒜蓉與扇貝一向是最佳組合，甜美可口，怎能抗拒!?單看外表，色澤鮮艷的灸燒海中蝦真的十分吸引，食落乾身爽口，頭大肉厚，適度調味，香口之餘還保留了蝦的鮮味。    另外數款串燒：燒鹿兒鳥豚肉串、燒孜然羊肉串 、安格斯肉眼牛柳串，都用上孜然粉及黑椒調味，份外惹味，尤其安格斯肉眼牛柳串，肉質軟稔，灸燒後令外層微燶，輕焦感覺更為味美，加上濃濃的肉汁，絕對不可不吃！秘製沙爹醬燒豬頸肉，肥瘦均勻，嫩中帶脆，油脂香氣迷人滋味，配上香濃惹味的沙爹醬，香口惹味！最後，我倆一邊喝啤酒；一邊品嚐燒惹味雞泡魚干，雞泡魚干燒得乾身，味帶鮮甜，又富嚼勁，絕對是佐酒皆品！

食咗好多野都係每人$178!真係好好好好食，係街尾咁遠都聞到串燒味！每一樣都咁好食！啲撈麵用好香嘅cheese同蒜好香好濃味！啲丸超流心！不過呢兩樣cheese 就真係少少濟啦，雖然都會想再試。蔬菜方面，連啲娃娃菜都唔會烤到乾晒，同埋佢哋自己炮製嘅涼茶都非常清熱，都冇咩食完生青春痘之類嘅問題。另外建議點嘅係茄子，超多蒜，亦都冇燒焦，成條絲咁夾起唔斷係超正。環境係坐得少少迫咁，不過都唔會話坐得唔舒服！

呢排興食串燒，可以慢慢坐下飲下酒，有兩間都食過幾次可以推薦下。 是晚太多人，結果買外賣就算，對上一次來應該五年前。而家因為顏色關係，安安燒燒得好出名，經常爆場爆到傻。外賣左幾樣野，點了脆皮燒滑雞片和秘製醬燒雞中翼，個人特別愛雞片，就如其名，滑到不得了。 燒雞翼就辣左少少，但雞皮特別迷人。皇牌燒牛舌真心係皇牌，大大塊又好食，燒到剛剛好。 擺外賣嘅惹味蒜蓉生燒茄子都不失禮，蒜蓉味勁重，茄子都真心幾精彩。 烤雞腎串，點會唔食呢啲重口味野，正呀喂。 叫人想起大陸嘅燒蠔又點可以唔食，金銀蒜蓉燒生蠔四隻相對價錢就有點貴，但的確吃到真功夫。 尾聲的美國牛小排，完美吃到飽飽。 加個燒超甜菠蘿做甜品，我吃過最好的係夜館，呢個有番個度七成水準。 燒得安心又價錢不貴，要一去再去，下次要坐底飲下啤酒送串燒。 安安燒 旺角染布房街6號地舖

身為火鍋撚同楚撚記嘅頭號粉絲 又點可以唔試埋集團旗下另一間餐廳 - 安安燒!!! 🔥 呢間舖比較細 同好full book左位都被告知只可以食1小時🥲 為左食 無辦法啦😂As a die-hard fan of Hotpot Land and ChorLand, I’m trying another restaurant under the same group - On On BBQ! This shop is pretty small, meaning you can be very close to the next table. And it’s full all the time, so I was told i only had an hour to eat despite the fact that I made a reservation in advance. Well, I really wanted to give it a shot, so deal 😂海螺: 幾爽口 不過偏鹹Whelk: Bouncy in texture, but a little too

🦪燒原隻鮑魚 ⭐️⭐️⭐️⭐️⭐️肉質彈牙 生熟程度適中 唔會太硬 🍆惹味蒜蓉生燒茄子 ⭐️⭐️⭐️⭐️⭐️茄子好大隻好多肉 超濃蒜香 正呀😍🌶燒蟶子皇 ⭐️⭐️⭐️⭐️⭐️又肥美又彈牙 鍾意食海鮮嘅千祈唔好錯過👅🦑沙茶醬燒原隻墨魚仔 ⭐️⭐️⭐️⭐️口感好好 咬落去啲汁咇哂出嚟🤤不過有少少唔入味😌🐚燒超鮮味海螺串 ⭐️⭐️⭐️食落去有啲硬 有少少唔知自己食緊啲乜🥲🍢串燒蜜糖燒賣 ⭐️⭐️⭐️見佢側邊有隻👍🏻應該係推薦款 但有啲普通 我諗平時bbq開嘅人都可以燒得到😂🐓脆皮燒滑雞片 ⭐️⭐️⭐️雞都算滑嘅 面頭果層味道都唔錯 不過咬完層皮之後 入面啲肉就唔夠味😕🍄沙茶醬燒雞脾菇 ⭐️⭐️⭐️⭐️沙茶醬用嚟燒烤真係好正 雞脾菇好滑好爽口 好入味 不過再淋啲會更好🤔🥬燒娃娃菜 ⭐️⭐️⭐️⭐️⭐️每次嚟都一定會嗌會 勁多孜然粉同辣粉 娃娃菜雖然燒咗 但都keep到好爽脆 咬落去chop chop聲🤓🍝溏心波蛋脆脆煙肉碎三重芝士撈丁 ⭐️⭐️⭐️⭐️呢個撈丁要趁熱食 好多芝士味 加埋蛋同煙肉碎 口感豐富 一啲都唔覺膩🤪不過真係要趁熱死 攤凍咗會變硬的！

唔係第一次食，以前都唔係咁難食唔知依家係多客左定咩食材變得好唔新鮮蠔🦪同扇貝嚴重難食，好腥，食得出擺左好耐有d野食拎出來係凍嘅仲要所有嘢食都好咸！又貴又唔好食地方又壁真心唔知點解越做越多人但係越做越難食

疫情前其實耐唔耐都會同朋友一齊食安安燒,當中最鍾意就係食物即叫即燒熱辣辣, 食住串燒送酒真係一流,今次就新嘗試叫佢嘅串燒外賣同朋友一齊食.安安燒餐牌選擇其實都好多, 最重要外賣時間非常準確, 真係保持到佢嘅水準,食完其實都會覺得好滿足.燒超甜菠蘿, 燒超美味一口甜薯每次食串燒都少不了食菠蘿, 而且每次都相當甜,省卻食串燒的油膩感, 一口甜薯燒得剛好水準亦不錯, 超美味玉子燒玉子燒充滿蛋香帶丁點甜香,每一口玉子都相當嫩滑, 不錯.皇牌燒牛舌, 烤雞腎串惹味嘅厚切牛舌真係值得推介, 牛味濃郁之餘,咬開中間好軟腍腍, 而雞腎亦相當爽口,送酒一流.金銀蒜蓉燒生蠔 $79.5生蠔鮮甜多汁, 整體都好新鮮,如果鍾意超多蒜蓉嘅朋友亦唔好錯過.惹味蒜蓉生燒茄子 $43原條燒茄子好足料, 表面鋪滿蒜蓉燒出嚟好香口茄子多肉多汁, 真完真係好滿足.美國牛小排 $47呢個真算抵食, 而且外賣亦唔會好乾,最重要呢個價錢嚟講份量都算多.

餐牌有海鮮、肉類、蔬菜瓜果等等, 仲有必試推介, 串燒選擇好多呢! 雖然今次買咗串燒外賣返屋企食, 但係因為佢個包裝夠保溫, 所以返到去仲食到暖嘅串燒~水菓牛肋骨 - 牛肉味濃, 燒得啱啱好, 仍留有肉汁, 一啲都唔乾身! 🍠燒一口甜薯 - 外皮燒至乾身, 內裡係軟綿嘅甜薯, 好香甜呢! 白汁芝士煙肉碎烤大蘑菇 - 大蘑菇上佈滿邪惡嘅半溶芝士🧀, 加上煙肉碎🥓, 非常juicy! 玉子燒 - 蛋味好香!秘製醬燒雞中翼 - 醃醬好香好入味😋!蒜蓉燒扇貝 - 扇貝上加咗大量蒜蓉、蔥花、辣椒絲, 入口有好香嘅蒜味🧄。燒扇貝大大粒, 咬落新鮮多汁, 肉質爽彈。🦪芝士蒜蓉燒生蠔 - 生蠔肥嫩新鮮,佐以香濃芝士同蒜蓉, 口感濃郁又鮮美。

約朋友食想食好耐嘅安安燒，提前bk咗，去到唔洗等就入得，食個半鐘，好彩有bk, 坐一陣出邊已經排緊條大長龍！舖頭真係唔大，但都坐得算舒服，嘢食選擇頗多，串燒種類齊全，肚餓到個人都薄咗兩個size, 連餐牌都想食落肚，個結果就自然係眼闊肚窄😂！牛脷: 稱得上係厚切，口感一流，唔會太淋，調味又正，啖啖肉！豬頸肉: 沙嗲汁好ok，同豬勁肉perfect match, 少少油膩，幾個人share 啱好！雞泡魚: 餸酒必叫，味道正正常常，同日式拉麵店果啲一樣！花枝丸: 又係食串燒必嗌，正正堂常，好味！蟹柳: 純粹貪得意，冇咩特別！金菇: 好大兜，cp value 高，嚟到超熱辣辣，仲見到水滾啲bubble, openrice 幾時有得upload gif, 引下大家！🤣原條燒茄子: 好大條，燒得好透，調味略鹹，但可接受，必試！娃娃菜: 食第一條ok，第二三條好鹹，調味唔均勻，但味道ok！四季豆: 好正，燒到啱好，唔會太淋，爽爽感覺，食到停唔到！燒牛羊豬串: 正正常常，調味好正，燒得都啱好！粟米: 好大條，一定要搵人share! 燒蠔: 普普通通燒菠蘿: 最尾必食，當甜品🤣！總括嚟講，完全冇失望，

旺角染布房街安安燒長期爆滿次次要排隊！今日同老友再去品嚐排咗半個鐘但因為食物質素好所以值得等待🕰今日叫咗佢哋嘅燒芝士餈飯每次去必叫🤤煙煙韌韌💯再加埋芝士其他店舖好小有包你食過返尋味😍另外佢哋嘅金銀蒜蓉燒🦪$79.5有四隻蒜蓉勁多𧐢鮮味一樣唔會令你失望😬蔬菜類我比較欣賞燒茄子大大份夠入味都係值得推介👍🏼至於香辣雞翼、鹿兒島豚肉串、芝士翠玉瓜、四季豆、雞肉軟骨棒、秘製沙嗲醬燒豬頸肉及陳皮魚蛋都有返咁上下水準🙂今次兩個人叫咗十樣嘢飽到上心口🤣再加埋食串燒梗係要啤啤佢🍻埋單都係四百蚊抵到爛🤗

個職員態度超差，有次8點幾去排隊，拎咗張飛等，等咗一陣之後行開去廁所，返黎問職員張飛到咗未，佢check都唔check就話冇ga啦，冇檯ga啦，9:15要截單。派咗飛又話冇ga啦，唔使等ga啦，咁我一開始拎咗飛有咩用？唔會再幫襯

喺openrice訂咗枱，等咗幾分鐘佢執好枱，我地填完資料就入得去，一坐低已經有店員快快提我地餐牌上有咩今日未有提供，第一次落單到上菜等了約幾分鐘已經上菜，非常快手! 用餐時間1.5小時，因上菜快而變得綽綽有餘!必食推介:秘製三重芝士撈丁 $48每次來都必定會食，十分貼心附上提示要趁熱食! 一定一定要快啲食，以免錯過最好食既時候，凍咗會比較乾，但味道依然惹味，所以真係令人食過返尋味!焦糖脆番茄 $19本身對呢類蔬菜燒烤興趣不太，但呢個番茄完全改變我既諗法，焦糖完美中和番茄的酸味，加上番茄十分清爽，可為串燒肉解解油膩感沙茶醬燒龍脷柳 $40雖然影到佢其貌不揚，但配上沙茶醬非常惹味，香味濃郁!惹味蒜蓉生燒茄子 $43一上菜比舊茄子既厚度嚇親，成塊扒咁大，蒜蓉十分香，配上辣椒吊味一流!皇牌燒牛舌 $37推介菜式之一，沒有失望，牛舌十分厚!正!杞子龍眼菊花蜜 $68一壺3個人分剛好，加上不會加太多甜味，唔想飲酒可以試下其他串燒味道也不錯，係一間充滿港式味道的串燒店

我係呢度食度我呢世人食過最難食嘅芝心丸，我本身幾鍾意食芝心丸，由叫到送上枱我一直都好期待，但當我放入口嘅一刻⋯⋯咀嚼嘅第一啖，我喺度諗係咪我之前食咗其他嘢所以啲味有少少怪怪地，第二啖，我開始諗係咪因為調味料太多所以唔好食，第三啖，我開始懷疑係咪粒芝心丸放太耐變咗質，第四啖，我每一個細胞都抗拒緊嗰一種味道，我飲咗啖菊花蜜打算沖一沖啲味，一瞬間嗰一種難以形容嘅味道充斥係我嘅口腔，我好辛苦咁逼自己吞落去，始終係廚師嘅心血，我唔想吐出嚟，男朋友就係隔離唔想咁樣衰，而且佢以為我會覺得好好味一直用期待嘅目光望住我。我吞咗落去，嗰種味道依然未散去，我好努力忍住想嘔嘅感覺，繼續飲嘢想沖淡啲嗰隻味⋯⋯然後「嘔———」我真係忍唔到，我嘅大腦強烈反對我食啲咁嘅嘢落肚，要我嘔返出嚟，好彩無咩人留意到。可以將一樣用滾水淥都好食嘅嘢煮成咁，個廚師真係一個人才，粒芝士丸可以加入十大酷刑入面，我感覺自己嘅味蕾受到虐待，眼淚都流埋出嚟，我從來都唔知芝士丸可以咁難食，明明唔落咁多調味料加少少蜜糖燒已經可以好好食，但呢度每一樣嘢我都食到好重調味料味，連芝士丸嘅表層都充滿調味粉，希望大家去食嘅時候千祈唔好叫芝士丸，食其他嘢太

只要同朋友講起食串燒，大家都一定會諗起食安安燒，一年至少食十幾次都有😋。鋪位偏旺角東位置，每次去到都一定要排隊等位，今次就足足等咗差唔多半粒鐘先有得食，不過每次食完都會覺得好滿足。調味料可以自由任加孜然粉或者辣粉。飲品方面建議配搭甜甜地嘅菠蘿啤🍍，酒精成份超低，好啱女仔飲，當係菠蘿汁汽水咁🤣。🦑 沙茶醬燒原隻墨魚仔 $28.5呢個墨魚仔係第一次食，一份有5隻，可以話粒粒都幾飽滿。味道都幾有海鮮嘅鮮味，反而沙茶醬味比較淡，都係當試吓新嘢。👅評分：6.5/10🍅 焦糖脆脆大番茄 $19
番茄真係每次嘅必點👍🏻！番茄真係大大粒，表面灑滿糖然後燒出焦糖，有陣焦香之外，更加襯托出番茄嘅甜，真係好好食，口感又有少少脆脆地幾特別。👅評分：8.5/10🥚 超美味玉子燒 $26玉子燒都係推介之一，每一塊都好嫩好滑，充滿蛋香同甜味，鍾意玉子燒嘅朋友千其唔好錯過。👅評分：8/10🐷 秘製沙爹醬烤豬頸肉 $29.5豬頸肉可以點黃芥末，但個人覺得唔點都可以，可以食得出個豬頸肉本身嘅炭烤味。同樣地個沙爹醬都唔太突出，豬頸肉份量唔多，CP值唔算好高，個人覺得不太抵食。👅評分：6/10🐓 烤雞腎串 $24.5/2串就

好鍾意食串燒，加上見到呢間好多人介紹，決定試吓。鋪面唔大，啲枱都擺得比較密，所以坐得唔算話好舒服。食物種類都算多，但係價錢唔算特別經濟，整體而言，各樣食物嘅味道都較一般。燒蒜香茄子比較出色，好多蒜蓉。肉類來講，豬肉同埋羊肉都笑得比較乾身，玉子燒就好似買返嚟嗰啲咁樣，真係唔係太推介。最推介嘅就係佢嘅腐竹雞蛋糖水沙冰，每次去隔離火鍋撚打邊爐，都一定會叫，喺呢間安安燒都有得飲！提提大家，一定要訂位，因為晚市都比較多人。