安南 (又一城) (已結業)

上星期去又一城行街，行到溜冰場附近發現了一間越南餐廳，見有小小肚餓，就入左去試下，原本想試下撈檬，但見到炒金邊粉好吸引😋所以就試了佢地嘅越式炒金邊粉，雖然食落有小小淡，但都可以接受。我地仲叫了兩款小食，安南春卷和蒜蓉牛油雞翼，春卷外脆內軟加上佢地嘅汁再配埋生菜😍好味。至於雞翼個皮好脆仲好夠熱添👍🏻最後叫埋杯芒果沙冰飲下😋餐廳環境十分優雅，令人感覺好舒服，服務態度又好好，食物又好食，下次會再去食。

仲沒食完直接收走餐具，剩下的讓人用手咩？雪糕盤燙手，配湯的炸麵包焦黑油膩有怪味，態度惡劣至極，食材不新鮮，烹調也不入味，實在不值得嘗試，難怪又一城唯其無需排隊，差差差

同朋友傾計係唔錯嘅環境，舒服做好耐都唔趕人。食物質素高，不過價錢都頗高。三個人lunch人均400幾。牛肉青木瓜沙律，唔錯，辣辣地，牛肉juicy，有少少少少韌。沙律好味，不過份量有啲少。招牌火車頭河，冇咩特別。熟牛肉好厚，少hi。馬拉盞牛肉炒飯都唔錯大頭蝦幾貴下，兩隻好似200幾不過令我驚豔嘅係個配菜米粉餅，點埋個汁，好好味又唔乾又唔韌。最失望係杯滴漏咖啡，唔係好香都偏甜又唔係好濃。仲有個米紙卷冇影，差唔多100蚊得四舊仔，不過都好味嘅！

在又一城行街，冇意中經過睇到這間越南嘢，勇敢一試！喜歡它的裝修，簡單舒服，可以坐住看樓下的人練習溜冰，好捨意！不捨得走！那位男服務生非常好態度！好有禮及笑容！又即時協助！值得加人工啦！沙律好清新！小食拼盤都幾好味，海鮮湯好鮮味，芥蘭苗好新鮮翠綠，椰青大蜆的湯底好清甜！椰青蒸蟹是驚喜所在！好好味！蟹夠鮮甜，有香甜椰青肉，食不停口！可惜我們不喜歡薄荷葉的味道，如果唔係就完美了！仲有好味的俗稱三色冰！甜度剛好！好喜歡！

一坐底就叫左炭燒豬肉粉包, 豬肉份量多同埋個包皮唔會厚，牛油雞翼就牛油，蕉葉糯米飯食物可以，味道偏重，環境可以但比較嘈，服務有點慢，可能因為唔係叫餐，好耐先有得食

讀書年代都在九龍塘渡過，所以對這區很有情意結。有天在附近處理完事務，便一個人去又一城逛逛。在這炎熱的天氣想吃點醒胃的東西。以前經常去EXP吃喇沙, 想回味一下但可惜餐廳已沒有再提供。 再上一層, 以前是「Rice paper」, 現在是賣高檔越南菜的「安南」。一向覺得銅鑼灣店只屬不過不失,但吸睛的是餐廳有數張望著溜冰場的1-2人抬, 覺得很自癒。跟自己說如餐牌沒有牛油雞翼和雞絲湯河便去另一間, 結果有, 於是便坐下。牛油雞翼是我最喜愛的越南菜式之一, 做得好的不算很多。這裡的很做得很不錯, 炸漿鬆化不油, 雞肉嫩滑,醃得入味。$98五隻我覺得物有所值。讚。雞肉湯河則強差人意, 賣相有點混亂, 香料配菜有點寒酸。清雞湯確實有清雞味, 但雞肉有點鞋, 亦沒有魚露提供。同樣是$98, 但我覺得性價比很低。只論湯河只有50分, 但雞翼,環境和服務挽回不小分數，變返笑面。

特登落嚟又一城因為商場好行，但係星期日真係好多人黃金時間想搵地方食個晚飯⋯⋯行左幾層排隊排到痴線，雖然我喺銅鑼灣食過，因為朋友未黎過就幫趁下。人肉排隊冇得攞飛，排左三個字就有位⋯⋯精選拼盤298～貴普通拼盤100，就係咁既樣，炸蝦餅得一舊正常味，軟腳蟹米紙卷同粉卷差唔多樣，青新既，串燒似炸多啲⋯⋯個沙嗲醬好流下，貴到一個點蟹肉炒粉絲，正常味，魚露味唔出。配菜多但係蟹肉就得一小茶匙⋯⋯上菜仲放響面唔幫你炒均，因驚你少到見唔到⋯⋯番茄牛腩配飯，哈哈正所謂妹仔大過主人婆，蘿蔔都係好味個汁餸飯一流，攪到我地兩個想添飯，牛腩細細舊無筋都，呢個係成餐飯最好同最抵食馬拉盞通菜，通菜好平既啫，唔使咁少呀，唔油都好，咸咸地咁，都叫多馬拉盞既菠蘿mojito同無酒精飲品差唔多價就叫酒，但無酒味既又無菠蘿塊得啲碎仲要少，好露⋯⋯都幾薄荷青新裝備靚靚地，入面有法式既grand D但佢地無俾我地，叫我地坐近冰場位，枱又細張，枱與枱間又窄，雖然附近啲呀太講野斯文唔大聲但都係聽晒。野食正常味唔難食亦唔算特別好食。埋單要成900，我不如去食buffet…

又係一年一度嘅朋友生日飯局，今次揀咗呢間越南餐廳，叫咗幾款菜式！要咗個燒雞，都ok，肉質無好乾身！有個朋友叫咗個雜菜煲，呢個冇乜驚喜都係一般！咖喱牛腩味道都幾惹味！但最好食嘅就係個炒蟹，個汁酸酸甜甜咁好開胃，個蟹肉真係一梳梳，好新鮮，個個都讚好食！

兩個女仔叫左一碟沙律🥗，但略嫌口感有些「鞋」，但味道尚算可以。另外一碟雙拼扎肉扎肉十分爽口，不錯最令我驚喜既係佢既南越咖喱牛筋腩，咖喱味濃郁，牛腩入味，法包加埋咖喱汁食，一流

一早訂咗枱，同朋友聚舊，諗住環境清靜一些竟然安排一張死角，十分擠迫，要求轉抬， 帶防煙門竟然長開，看來要消防人員來巡邏一下吧！位服務員竟然講大話full of booking 最後咪空枱處處之後轉了一張廚房門口十分嘈雜環境差劣的枱十分失望

晚上光顧，本限時吃一個半小時。兩人進食，點了餐牌的套餐，結果上菜的迅速度比吃快餐更快，當你未吃完這道菜，服務員已沒收你的食物，立刻上下一道菜。整個晚餐過程，就好像被服務員監視，務求在你一放下食具，就立刻收碗碟，真係要高歌「追追趕趕」。但是要付中高的價錢來吃快餐呢！

順化鮮蝦湯河- 湯底香甜，牛肉味濃，微辣- 配料豐富惹味，有香甜的炸乾蔥片和鹹香的蝦乾碎，新鮮清香的青蔥和芫茜，看得見但已味道已全入湯中的香茅粒、檸檬葉絲、甘草果，及爽脆吸湯的芽菜- 蝦球彈牙但近乎無味- 河粉腍滑吸湯- 首次看到連花帶莖奉上的金不換。葉片咬落爽脆帶濃郁香氣，多嚼幾口，滲出輕微甘苦味。金不換的花，比葉幼嫰，香氣依舊，但多了一份清香，久嚼亦不苦澀

與久未相見的大學同學相約晚飯，便選了交通方便的又一城内的越南餐廳。餐廳環境闊落，坐位不少，店員安排我們坐在四人卡位，相當舒適。就座後先點了鮮蝦豬肉米紙卷及青木瓜牛肉沙律作前菜。前者配上酸甜的醬汁，十分開胃。後者牛肉份量不少，與青木瓜同吃能有助減輕油膩的感覺。再來點了沙嗲雞串，沙嗲醬香甜惹味，雞肉亦相當嫩滑，惟分量較少。再來點了蟹肉炒粉絲。廚師加入了不少配菜，例如芽菜、蛋絲及魚蛋片等，能夠增添味道及口感。

又一城睇完戲，想同家人食餐飯，剛好經過餐廳門口，有家人被餐廳旁邊嘅溜冰場吸引，建議食呢間就响正溜冰場隔離，可以睇到人溜冰嘅餐廳。本身對越南嘢冇乜期望，但今次有好大嘅改觀。寫食評之前，有睇返餐廳其他嘅食評，好多都有提及餐廳服務態度麻麻，我都有同樣感覺，但又未至於趕客嗰種，職員安排客人入座嘅安排好古怪，可能下次打電話訂位會好啲。至於食物，以越南嘢嚟講價錢的確唔平，但我個人覺得佢嘅食物質素、餐廳環境，絕對值得收呢個價錢。食越南嘢有人鍾意食完碗pho起身就走，平靚正，但呢間餐廳就可以俾多一種你食越南嘅選擇。

本人都好喜歡食越南菜，都試均香港好多間。但好似呢間又貴又難食真係前無古人我地5個人，叫咗4個小食，2個主菜，其中荀殻魚賣$398/條。好似蒸完條魚淋d柚子汁上去咁！賣相核突、相都唔想影，浪費我memory! 而且味道唔夾，近乎難食！跟條魚仲有個泰式芒果雞絲沙律，呢個就不過不失越式糯米飯，好普通，一pat pat嘅糯米飯加唔知咩臘腸，一d都唔越式！味道叫入得口但唔算好食札肉卷，似現成貨工場交比餐廳嗰種，無特式蒜蓉牛油雞翼，厚厚的粉，食唔出有牛油味越式安格斯牛柳粒，似黑椒牛柳粒，成碟唔知有無10粒Total埋單$15xx! 分量唔係大，又唔好食，完全唔值！無下次兼black list