安利魚蛋粉麵

营业中

休息中

需要肯定的一點就是安利的出品卻比同業略勝一籌，價錢亦合理，也許東主也明白憑着這一個優勢而收到食客追捧，就可以對客囂張無禮，咁呢位老細就要諗錯咗嘞！ 但對於食客來說，外邊並非沒有其他食肆比他做得更好的，只是人們對安利的招牌及號召力而去幫襯！ 但係如果一邊食一邊受氣嘅話，就不如唔幫襯喇 😡，呢個就係我今日下晝不愉快嘅經歷，坐低咗之後想落單，但係夥計都很忙，好不容易見到一位夥計得閑，我便上前搵佢落單，旁邊突然有一位坐住喺度唔係着制服嘅人士問我做啲乜，我就會答佢，我想要A B C D呢幾樣項目， 我仲以為佢會幫我落單，點知佢叫我坐返埋去， 同我就回贈佢一句，你又幫唔到我落單咁你出乜嘢聲呢。

Throwback to the last time l ate, according to my camera roll, was on 19Mar 2022……..I went at around 12pm,no one was here🤣There was a super great variety to choose from,ranging from sandwiches,noodles and toppings.😉"Tossed Noodles In Soy Sauce With Fish Balls&Fish Cakes’’The texture of fish balls were bouncy.Fish cakes were quite fresh,with chili oil.🤪Tossed noodles were nice.

呢間位於筲箕灣食街，經常都排到水蛇春咁長👯‍♀️👯‍♀️👯‍♀️宜家多人買外賣，所以唔洗排隊就入得。片頭切腩撈粗😋😋片頭好爽脆彈牙，撈粗啲醬汁調配得岩岩好。再加上一碗暖湯，都好清甜唔咸。雲吞河既雲吞有四粒，入面嘅蝦好彈牙，味道唔錯😍湯底好飲，忍唔住飲幾啖。。。然後我加左辣同醋，佢啲辣油唔係紅色果啲，所以我以為唔太辣加左好多🔥🥵點知最後辣爆最後食左個鮮油奶醬多😻secret menu 咁，餐牌無寫3個餡，貴少少$19。好邪惡，但件牛油好厚好好味😋

聽聞位於筲箕灣的筲箕灣東大街是一條食街，有兩間街知巷聞的人氣粉麵店 <王林記> 及 <安利>！ 我首選幫襯 <王林記>，次選才是 <安利>！聽住在筲箕灣多年的朋友講，一條筲箕灣東大街，有兩間兄弟店 <安利>，分別是 <安利魚蛋粉麵> 及 <安利大排檔>； 他教我怎樣分辨：門面舊的是 <安利大排檔>，門面新的才是舊店 <安利魚蛋粉麵> ；所以，他推介我幫襯 <安利魚蛋粉麵>！早前元旦 Staycation 的一個星期六，我第一次走到 <安利魚蛋粉麵>， 疫情及限聚令之下，依然好多人排隊等！  當日，是限聚令的安排下，餐廳每枱最多只限2人，我自己一個人等足45分鐘才被安排入座！ 我被安排到3 張2人枱拍埋的2人枱，以透明膠板分隔，為保持社交距離！桌上備有調味料、糖漿及餐具...等！ 餐牌 切腩魚蛋河 $48湯底鹹度適中，爽彈的魚片頭比較魚蛋彈牙，魚蛋有3粒口感稍遜，味道不腥全靠味精掩蓋！ 切腩猶如湯渣！肉質略嚡！ 雪

筲箕灣安利相信冇乜人唔識，但係你會幫襯邊間安利呢？眾說紛紜。其實兩間我都由細去到大，直至較早前有位好朋友同我講去安利粉面有個口訣就會有好嘢、就係「跟跟佢」，只要你order 好，最後加可「跟跟佢」佢哋就會識做，碗嘢特別靚，我聽完覺得好正好好笑，所以我特登用咗兩日時間分別去兩次一次講懶係嘢扮熟，一次咩都唔講睇吓有咩分別。第一日去叫碗爽腩墨丸撈粗「跟跟佢」，唔知係咪心理影響，個碗嘢真係有啲唔同，爽腩切到乾乾淨淨，以前切幼絲，又或者唔一定全部都係爽、今次切條，豉油味道剛剛好，面中帶點爽，真係好正。 隔兩日，今次唔講叫碗牛筋坑腩撈，一定唔係心理作用 ，真係好鹹，鹹濕過鹹濕，本身係炆牛筋，再配合豉油撈粗真係鹹上加鹹，可能我嗌錯，蛋係正常都應該知道唔應該落咁多豉油咁樣味道是能夠中和，而且坑腩全部肥膏，食完就要睇醫生啊🩺，雖然兩次實驗不能夠代表什麼，但係朋友們下次老虎蟹點都講呢句「跟跟佢」（笑）

約左人行山，黎安利先食啲嘢先出發。我10點半到，朋友遲到所以行左一陣睇吓食咩。呢間安利同隔離王林記係成條街最多人等位嘅店鋪。我地2個人都要攞飛等一陣不過好快大概10分鐘就有位。入面地方幾大，都乾淨。堂食同外賣都好忙，生意好好。不過出菜都幾快。我叫左個切腩魚片頭撈粗，同一份奶油多share. 奶油多正常好食。個撈粗都好食，自己加左小小辣油落去撈仲好食。唯一切腩有啲失望，個樣望落已經覺得乾嘅感覺，食落都係。我叫呢款係standard切腩，無加$10要坑腩其他果啲。可能要加果啲先好食，下次試吓。

嬲到第一次打食評，估唔到可以退步到咁衰到無人有，牛腩柴到餵狗都唔食完全咬唔到，魚旦魚片無鮮味剩係得味精，未試過咁差！真係想拎落黎比你食比我睇！一碗雙拼撈粗一碗魚旦河….差到不得了！可能因為老字號每日做唔停所以好唔好食都唔重要，因為都賺到夠！失望！由細到大幫襯佢同王林記，人地同你真係好大分別！

我寫食店從不用"伏"這個字。因口味各不同，不可只用一個伏字判食店生死。但今天我若不寫這個‘伏‘’’字，我真的不懂形容今日吃的懲罰。🤬🤬🤬多年前在港島區工作總是愛驅車往東大街還是舊店的安利吃魚蛋粉。因那時食物出品真的不錯。多年後的今天再尋舊味卻學懂甚麼叫伏，今天於筲箕灣安利新店吃淨魚蛋，雲吞牛腩河。魚蛋咬口徧硬卻無彈性，没有魚味只有腥味。魚片頭則咬口削感覺像霉，沒有魚味還有重腥味，魚片皮韌也腥，像放了雪櫃千年急速解凍將味道流失。比那些廠多的還要差多倍雲吞皮厚，蝦肉發泡過份，只得爽和脆，調味就是蝦，肉皆無味，只得雲吞皮味。牛腩對我這些食肉獸真的不可或决，但這裡的牛腩就只得淋，非常淋，吃下我還不知是吃牛。本想再吃鮮油多我也放棄了食店不只装修得好就可以，最重要還是食物質素，這店到現在仍可有人幫襯卻不執笠真是奇跡，究竟是現在的人味覺失衡還是巳習了劣質食店的味道？

我們星期六中午去排隊食，叫左切腩撈粗同魚蛋河。切腩真心好鞋 ，好似煲湯淨左既肉。撈粗係可以，有啲特別。另外，叫左魚蛋頭河，普通料。總結，食物唔係好出色，好一般，不過唔會再食！

逢星期四放假嘅熱門店去親門口都企滿晒人由其星期日lunch足足等咗半個鐘四寶撈粗 $56（炆腩 魚蛋魚片 牛丸 雲吞）其實叫錯咗應該係要叫切腩四寶撈粗炆腩覺得太乾啦 痴牙魚片頭特別好味 可以單叫切腩魚片撈粗切腩好味得多 撈粗麵亦都調味好 無梘水味 實在唔夠喉鮮油多 $18切到大細邊咗多士面薄脆再咬落去係鬆軟麵包加埋常溫牛油 入到口度先開始溶依個簡單配搭 係耐唔耐會掛住安利嘅原因依度伙記雖然有啲粗聲粗氣但係好醒目見隔離枱坐三個人叫一份多士會等廚房開三份出嚟

心血來潮突然間想食鮮油多就即刻去食真係好好味牛腩魚蛋撈基本上每次都唔駛唸食乜。必食呢兩個平日去會比較好D。唔駛排長龍。又唔會坐得太擠迫因為都好怕太迫。同埋搭枱不過每次食完自己都係快閃啦

來吃安利必嗌撈粗和鮮油奶多，尤其鮮油奶多真係世界第一。一塊凍鮮牛油配上煉奶，再加上新鮮烘好的鬆軟多士，一咬下去幸福感爆滿！難怪午餐時間weekend總是排滿人龍～

去到筲箕灣， 好多人都鍾意去東大街食嘢🍜， 除咗有很多街頭小食🍢🍡之外， 嗰度食肆林立， 大家可以慢慢選擇😋。 沿住東大街行入去， 在天后古廟⛩️斜對面， 有一間餐廳成日排長龍 ～ 安利魚蛋🐟粉麵。 條龍好長， 不過好彩條隊去得快， 等咗大約20分鐘就有位了。 今次試咗佢哋幾款推介食物😊： 🦬牛腩 ～ 牛味濃， 炆得好稔好入味，正！🦐雲吞 ～ 乾淨， 食唔到蝦殼， 啲蝦新鮮彈牙。🧈鮮奶油多 ～ 鬆脆多士夾住一嚿冰凍丶厚厚的牛油， 有冰火交融的感覺， 喜歡吃牛油麵包的， 一定會喜歡。🍡魚蛋 ～ 有幾重嘅腥味， 感覺不太新鮮🐟魚片頭 ～ 爽脆， 但是普通

今天早收工，特登去左筲箕灣東大街安利，下午5點幾去到，店員話仲有爽腩，就點了爽腩魚蛋魚片米。店員服務態度幾好，見我點爽腩就提醒說：爽腩只是根膜沒有肉的，和我平時食的爽腩有所不同。腩食起來是爽口的但牛味及鮮味欠奉。魚蛋及魚片比較腍及鬆散，完全不彈牙，魚味及鮮味也欠奉，屬一般貨色，反而隔離嗰間王林記的魚蛋魚片好食多了。湯底也沒有特別鮮甜，反而佢個米粉幾好食，不會太腍，整體來說安利蛋粉只是普通的魚蛋粉，性價比較低，要排隊就更加不了。

筲箕灣東大街多美食就係人都知!今日阿姐由大西北去到港島搵食實行要用最短時間塞爆個胃去完王林記係時候行番前些少去到其實知道安利既撈粗都好出色,但係已經食左王林記既我地已經食唔落正餐><安利門口又係人山人海,今次我地既TARGET只係鮮油多同鮮油奶多!所以為左唔想等位,我地決定外賣!!!!!去隔離公園仔坐低食!PPP鮮油多入口即溶同鮮油奶多加埋練奶既甜味,好正呀!!!!!如果你同我一樣黎食鮮油奶多又唔想排隊!非常之推薦大家買外賣企埋一邊食!因為排太耐隊會阻礙我地食下一個美食既戰鬥力架嘛!!!仲要記得同朋友仔開心SHARE 呀!筲箕灣筲箕灣東大街22號22 Shau Kei Wan Main Street East, Shau Kei Wan