宇治園 (已結業)

之前係日本食過宇治園嘅抹茶雪糕，對佢念念不忘。但香港分店定價比較高，所以遲遲都未試。今日行開海港城又想坐坐，就過黎食杯雪糕。一坐低侍應會拿來綠茶，但原來會收返茶費，所以記住飲多d。而且這裡設最低消費，每人都要叫一樣野，本身念住share個沙冰都唔得。抹茶芭菲係好食嘅，食到每新一層都好開心抹茶漂浮個糖漿另外上，可以自己調教個甜度，我就淨係落少少已經夠啦。不過我覺得唔值68蚊，個杯本身已經唔大，上面個雪糕仲要細的可憐。味道係唔差嘅，不過性價比就唔多高啦。

海港城食lunch真係林唔到可以食咩，同個frd就貪佢近公司，又唔洗等位就黎左食。佢個menu真係無乜選擇，全部都係茶麵。個麵質都好幾煙韌，唔會太林，只係厭佢無乜肉食，不過清清地食個麵，飲杯茶傾下計都ok既。

大年初二，訓醒唔知食咩好，又過左早餐時間，加上初一食得太油膩，記諗起呢間既生茶麵，清清地，一於嚟食個brunch。可能我早，係佢地第一枱客，坐低後職員比左部餐牌我，好快就知道自己想食咩就叫喇。日本腐皮生茶麵，加25蚊可配一款飯團同埋迷你擽茶啫喱，我再叫多隻10蚊既溏心蛋，飲品就叫左熱既焙茶鮮奶。（飯團就揀左日式燒飯團）其實碗生茶麵份量唔算多，但食埋飯團，蛋，又有個甜品作結，真係好夠，不過杯焙茶鮮奶，唔夠熱呀！茶味爭左D，但我記得以前嚟飲好夠焙茶香同好夠熱架。

好早去食，所以冇乜人。亦可能價錢偏貴，見好幾個人經過門口睇完 menu 就走，但其實定價同同區另一間差唔多。舖頭位於海港城，位置有少少隱蔽，上網睇咗段縮時影片兩次先出發 環境都幾日式，只係旁邊就係扶手電梯，有點大煞風景。又係一坐低有壺茶，茶錢盛惠 $10。腐皮生茶麵 - 叫呢款主要係因為其他款比較貴 。味道 OK，仲有抹茶味蛋卷一支。 抹茶脆脆杯 - 食完碗麵再飲幾杯茶都幾飽，但一場嚟到點可以唔試埋甜品。款式好多，所以會有選擇困難，結果揀咗呢款。雪糕抹茶味濃，個杯堅脆，夾埋一齊有啲似食雪糕 cone。以 $70 嚟講份量似乎少咗啲，我諗加多廿蚊食杯芭菲會更開心!!

之前去大阪嘅時候睇旅遊書，有介紹過有一間百年老店食綠茶產品嘅餐廳，咁啱朋友同我講原來香港都有分店，而分店就係起海港城入邊。位置雖然比較夾攝同偏僻4/F「宇 治 園 」綠茶🍵軟雪糕🍦$48HKD公認是從日本🇯🇵150年茶室烘培地方引入的，而軟雪糕有3款味道。焙茶及抹茶🍵牛乳，可選單味甚至兩溝-性價比不算太高，主打綠茶的產品，但茶味未算去到很濃郁，茶味苦澀度全靠雪糕面上的綠茶粉。雖然奶味偏重，但雪糕的回甘後蠻不錯。

係尖沙嘴行到好攰諗住搵個地方坐低休息下，奈何海港城既Starbucks間間都咁full，買野條隊長到排到出面，咁唯有另覓地方。行過見到間抹茶甜品鋪無乜人就去hea下，一坐低就有熱茶，而且個茶壺又幾特別，覺得幾好。但後來發現係有茶位費既，雖然都算合理既。其實我地只係想休息下都唔餓，所以原本諗住2個人share一款甜品，但最低消費係每人要叫一樣單品，咁都無辦法啦。我叫左個抹茶餡蜜，蜜糖係另外比你既，根據自己既喜好倒落抹茶雪糕上面。雪糕抹茶味道1d都唔濃郁，而且好明顯製作雪糕既時候加左好多水，所以個雪糕都幾快溶。下面有d小丸子、紅豆蓉同生果(奇異果、藍莓、橙等)，食完係覺得幾清新既。價錢黎講並唔平，但質素又唔算話好高，只能說呢個價錢有其他更好既選擇。

😍😍😍😍😍環境，服務，食物都好正呀～環境，雖然係好pop up,但響海港城muji旁既角位，星期五晚上食甜品，靜靜的，舒服的，同朋友傾下計好舒服.服務一流，承傳日本文化，首先台上奉上兩壺唔同既靚茶(茶介$10/位），waiters好有禮貌，介紹埋甜品👍🏼👍🏼食物抹茶/焙茶雪糕正呀（個人like 焙茶多d),雪糕旁既配料白玉，紅豆， jelly好正同雪糕一齊食真係好好味道😋😋

雖然剛剛才跟好友吃過了晚飯，但由於她的心情太好了，所以特意叫了我陪她嚐嚐「宇治園」的甜品。之前雖有經過「宇治園」，但是一直未有在此吃甜品，今次才是第一次，想不到這裏的裝潢充滿着和風氣息。這裏木製品多之餘，又以綠色和earth tone為主色，看上去特別舒服，而當然環境亦十分舒服!抹茶芭菲老實說，自己不算是抹茶控，但好友卻十分喜歡抹茶的甜品，所以選的甜品也當然是抹茶甜品。抹茶芭菲的賣相非常吸睛，一層抹茶雪糕夾着一層紅豆，一層抹茶雪糕又夾着抹茶海棉蛋糕，最後一層抹茶雪糕就夾抺茶啫喱，芭菲裏還添加了小丸子、粟米片和曲奇餅，感覺相當豐富! 幼滑的抹茶雪糕、軟綿綿的紅豆、煙靭的小丸子、香脆的粟米片、鬆化的曲奇餅、鬆軟的抹茶海棉蛋糕和QQ的抺茶啫喱不但為芭菲增添了不同種類的口感，而且還令芭菲吃上去特別美味! 除此之外，整個芭菲的抹茶味也頗濃郁，而且不會過甜，相當不錯!吃着美味的甜品，又置身於充滿和風氣息的環境，感覺特別舒服，我們都十分高興!

星期日相約在下午，三人中二人已食午飯，肚子餓著嘅朋友即時提議「宇治園 」，佢可以輕食湯麵，我倆又可以甜品下午茶，一舉兩得。「宇治園 」位於商場二角，前身亦係cafe甜品店，以為等第三張枱唔會太耐，結果都係一等再等，只因店舖面積細，另一邊為零售店，就正因是商場一角，枱位較密又沒有景觀。同樣要收取茶費，第一壺茶都算清香抹茶味，但第二沖已淡而無味了。三人各有選了如下：《焙茶芭菲》我嘅選擇，芭菲賣相非常吸引，每層配搭分明，似一杯圖畫。焙茶雪糕無想像中香濃，奶味比較重，反而上層塊茶餅乾仲香濃，又有紅豆+丸子配雪糕。中層忌廉、脆脆粒+焙茶蛋糕一齊食，好味。最下層係焙茶啫喱，比較淡無咩焙茶味。整體係賣相豐富吸引、味道不過不失。《焙茶啫喱》焙茶啫喱嘅內容喺芭菲已包括在內，感覺一樣雪糕不夠焙茶香濃、啫喱味淡。《日本野菌雞肉生茶麵》朋友話ok，生茶麵微微茶味，伴上一點雞肉野菌，清清湯底，算係咁喎！「宇治園 」整體感覺名過於實，論環境和食物質素，性價比的確好一般，今次一食後，暫時未有下次再來打算！

喺尖沙咀...嚟到宇治園，今日點左個豚肉麵，味道唔錯...不過佢跟餐嘅甜品好食啲可惜得自己一個人食...如果有人陪...一定可以再叫多啲野食餐飲叫左一杯熱嘅抺茶👍👍

依間位置有d難搵…我係偶然係un____出黎見到先知佢存在😂食物價錢偏貴 熟食都無抵食既套餐散叫一個麵要80蚊以上咁我就叫左個黑豚肉生茶麵$108生茶麵既麵條其實無茶味不過都預期之內~湯頭不算太油太鹹 可以一啖湯一啖麵對女仔黎講份量剛剛好吧 感覺男生會唔夠…另外叫左個焙茶芭菲$88焙茶雪糕好有焙茶香👍🏻第一口幾驚喜 貴點也值得食完有滿足感架如果唔坐底食都可以出面買雪糕感覺抵d!😋 味道：★★★★☆💰 價錢：$$🌈 環境：★★★★★

作為一位抹茶控, 就是那裡有抹茶的甜品出現就飛撲埋去。 襯平日放假來到海港城純粹為了百年老店      位於某角落內都唔係咁易搵到, 好彩皇天不負有心有， 最終我們找到它 。 店鋪面積不大， 如果假日都應該要等下，平日來可以直入。當日九成九都是強國自由行客人， 隨即店員遞上 ipad 點菜，感覺和百年老店的形象有點格格不入。 一枱一壺茶  $20 /位 (貴)每人點了一款甜品 $88   SET  $106   最令人著迷的地方是當然是層次分明；繽紛搶眼；更重要是它可以給予人開心。  出品的芭菲層次也不小， 包括了抹茶蛋卷、抹茶軟雪糕 、白玉、紅豆 、粟米片，抹茶蛋糕，忌廉和抹茶寒天，很豐富呢，未嚐已肯定抹茶控一定大滿足。先試了一口抹茶軟雪糕，口感滑 ；抹茶香是有的但濃度有點不足。無奈我喜歡較深度的苦味，最好帶點回甘, 這款抹茶略力不從心。當所有食材加在一起時， 便會有協同效應，單純的幸福感湧現出來，甜而美味。 喜歡 的朋友, 也值得一試的。 接著是   套餐，配一款自選茶 , 可選煎茶、冰抹茶、 焙茶或咖啡。 套餐內的三點甜品， 分別是抹茶大福、寒天、抹茶軟雪糕。大福抹香軟黏糯，

去尖沙咀行街，見到有新開主打抹茶甜品店，當然一定去試一試。$48買咗一個抹茶加牛奶味，完全唔覚得好食。主打日本抹茶但完全無抹茶香味，而且牛奶亦無牛奶味，非常失望！☹️ 甜度適中，唔算太甜，唔會喧賓奪主。但係雪糕尚算軟滑，亦都冇冰粒。威化筒香脆，幾好！

下雨的星期六，似乎成了最近的開場白，差不多每隔幾天都下雨，只好室內活動了，到海港城行下，順便去宇治園，百年老字號抹茶店進駐香港，記得上年到大阪旅行錯過了，趁今日可一試了。 店子分了三個部分，先看到禮品店，主要售賣抹茶及相關產品。 之後是雪糕甜點外賣部。 轉角位就是喫茶店。 餐牌，除喫茶外，還有熟食、雪糕及甜點等。 內堂不大，茶室設計，位子不多，假日的晚上不太多人，有種寧靜休閒的感覺。 熱茶。 鹿兒島黑豚肉生茶麵，108，有興趣生茶麵的味道，宇治抹茶麵，有微微清淡的茶味，湯底是鰹魚湯及焙茶混合而成，不油膩，黑豚肉份量適中，味道鮮甜，都不俗呀。 焙茶芭菲，$88，糾結於抹茶及焙茶之間，揀了焙茶，葉形曲奇口感脆，茶味香，焙茶軟雪糕，茶味濃厚又軟滑，好味，仲有香甜的紅豆、糯軟的白玉、脆片、脆粒、焙茶蛋糕、忌廉同淡淡清香的焙茶啫喱，口感豐富有層次，充滿焙茶香氣的甜品。 芭菲好味，下次要試抹茶。

係海港城行到好累，見字治園有位坐，之前想試好耐，即入。原來宇治園限時90分鐘，又有最低消費，趕絕霸佔座位既人，令有心想吃野的人有位坐，安排好好。每位收十蚊茶位，提供的綠茶超好飲，涼涼的好易入口。因為太累了，不想吃午餐，所以叫了烙茶提拉米蘇套餐。套餐包括了一杯飲品，我點了冰甜抺茶。精緻的餐具，見到食慾大開。烙茶提拉米蘇 好香滑，配合底部蛋糕，口感及甜度剛好。但綠茶比起另外二家出名日本綠茶，還是有差。—————————————如果喜歡我嘅文章，請喺下邊襟個心俾我，鼓勵下我繼續寫食評。多謝你。❤️