學記麵家 (已結業)

食過一次,覺得好好食~今次又食同一樣野~就係肉片煲仔粥啦~$28~我覺得好食係因為肉片很多,粥唔會食到最尾o個陣變稀左~~tst新港都有一間學記,我都試過,完全唔同呢間,又無肉片粥,食食下又會變稀....呢度貴d都值呀~

口淡淡的，於是想吃一碗熱騰騰的粥。點了一碗皮蛋瘦肉粥，不消一會就可以上桌了。用上煲仔盛著的粥最能討我歡心，雖然明知不是生滾粥也一樣開心。粥底不算十分綿，但皮蛋和瘦肉的份量都很多，味道卻不太突出。差不多要$30一碗，我覺得有點貴了。不過此刻我要的是一碗粥，滿足了願望又是值得的。

前2晚諗起好耐都無食牛肚河,附近又無乜似樣的牛什店,呢間都OK啦.點知食完好失望,因為D牛肚又韌(未燜淋)又無牛香!而D雲吞得個大字,除左蝦,沒有其他 ... 呀!還有蝦殼。

7/6(六) 7:30pm混合吃的最終回--學記粥麵;來自元朗的麵家.嚐了$24套餐:細蓉加油菜.細蓉加了蝦子,不以為然.幼麵底黏牙沒幹勁,眼鏡跌碎了...五粒巧手蝦仁豬肉雲吞純屬寄望過甚;雲吞皮委實薄滑,內裏三大隻蝦仁爽是爽,但沒啥鮮度,豬肉餡未能替其起死回生,湯頭亦然.此外,菜心乃大堆頭製作,相當豪爽!遺憾地灼得過時,口感略遜,嫩度等閒的油菜.份量及價錢或許是其唯一出奇制勝之略罷了!

自從大病之後愛上食粥。就算一日三餐食粥都完全無怨言。(其實是lur飯應)於是就開始o左漫長o既尋粥之旅。而太古就順利成章做o左首個停站。數數o下﹐其實成個太古食粥o既確實無乜幾間。除o左N年無去過o既華昌粥麵之外﹐有粥食o既最近應該要數到去大食代o既學記。雖然無去過學記o既本鋪﹐不過叫到明粥麵﹐心言念應該無死啦掛...於是就叫o左個白粥。粥底本身算綿﹐食到有少少味﹐而且唔算多味精。但係點知我竟然越食越覺得唔對路﹐比我食到陣洗潔精味!!!本身以為係隻羹有問題﹐於是就去換過隻。最後發現原來係隻碗出事!!同男朋友仔推斷係隻碗洗完之後無抹乾...搞到o的粥同o的洗潔精撈埋一碟...望望週圍﹐其實都唔太乾淨。心言念city個canteen乾淨得多...總括o黎講﹐如果o的碗碟洗得乾乾淨淨o既話﹐都可以試o下學記o既粥底。

撤出大西北後，竟在太古城再遇上它…學記麵家。心想，唉，又多一間「空殼公司」。不過，怔著年輕師傅煮麵，一發一打一烚，又似乎有版有眼。由大西北來到港島東的「雜麵」（牛雜幼麵），身價當然矜貴了不少：骨子的上場，恭恭整整的；肺、肚、腸、膀，切得細薄，也切得多刀，當然是出術至勝之道。洗得乾淨，煮得乾淨，上得乾淨，美食廣場，還投訴啥？

開大食會，去太古城日資超市入點整日本料理的材料，打道回府前，大包小包的去找吃的。這個美食廣場，選擇幾多，行過學記，見佢個豬潤粥是生滾的，幾有誠意，就掏26蚊買了飛，找個位置坐下來吃。粥底偏稀，不太綿滑，亦沒有什麼米香，可幸也不太發現味精的踪跡；豬潤都幾多，有八、九片，厚薄適中，當中幾片有點韌，但都幾鮮甜，而有幾片是爽口的，新鮮程度令人滿意；蔥花任加，我當然是加個不易樂乎。在美食廣場吃到生滾粥，都算不錯。

在太古城睇完戲，打算簡單食ｄ嘢，所以嚟呢到要個牛雜撈麵加個油菜就算。麵嘅份量比比想像中大，不欺場；麵身都算爽口但有梘水味，牛雜唔錯，幾香口，材料唔似係雪到無晒味道個隻，算ｏｋ．油菜無特別．

餓了結果走進foodcourt看看有甚麼吃的因為是下午茶時段的關係,就算其餘檔口的食品有多吸引都提不起興趣品嘗結果還是tea set 片頭河+油菜$20 搞掂和街外的10蚊粉麵沒甚分別,但油菜很爽很甜,抵讚食用期間有位中年婦人「一抽二能」的倒翻了少許雲吞麵(已回到座位,在店前不遠),店員即時向婦人提議免費幫佢整過碗估唔到當值的幾位後生仔雖然有點惡形惡相,卻比其他食店多了一份人情味.