孖寶 (已結業)

今日同個朋友去開上水, 上水真係好多人人, 又唔想食譚仔, 有人提意去食西餐~ 我突然醒起係石湖墟有一間叫"孖寶小館 (TWINS BISTRO) " 聽個名以為係食小菜, 但實質係食西餐既餐廳, 今日就同朋友一於去食啦~ 星期一下午2點~ , 去到孖寶小館, 人唔算多~ 可能啱啱過咗食飯時間, GOOD GOOD~ 可以輕輕鬆鬆咁吹住水食個LUNCH了 實在係太好了~ 坐底睇下個餐牌又唔貴喎~ 我地叫咗兩個LUNCH SET 一個紐西蘭肉眼(7安士)配黑椒汁$98 一個烤豬仔髀配BBQ醬$72。紐西蘭肉眼--- 我覺得SIZE係多過7安士, 好大一塊, 好有牛肉味~ 無用梳打粉醃過，要比個讚佢~ 薯條係連皮既粗薯條, 內軟外脆, 好好食, 另外豬仔髀都值得一讚, 份量相當多，有3支骨，可以同朋友開心share，而且煮得好林好入味, 食到手指都Lam 埋呀~ 估唔到全部食物都有水準，服務也不錯，也關心環保，愛護海洋生物，值得推介~ GOOD~

今日去食個午餐，豬扒薯菜，味道正常，配杯凍咖啡。埋單走人，見到人地午餐原來有餐湯同麵包，問返負責找錢個女店員，佢用惡劣不耐煩嘅態度加眼神答我：「冇呀？咁你又唔追？」原來上湯同麵包係要食客追，亦都係食客嘅責任。飲少一碗湯其實好閒，冇都冇所謂，我亦唔係要上返，你答我漏咗就ok。漏上食物再用咁嘅態度回應，我點解要嚟受氣？有個男經理/老闆嘅人比較正常，有話退返錢，我都廢事浪費時間響呢間餐廳入面，頭也不回走了。食物普通+惡劣店員，冇理由再幫襯，永久blacklist。見之前都有網友批評店員態度，似乎唔係偶然問題。未寫過食評嘅我忍唔住留言，大家可以參考一下。

喺上水附近放工就搵地方醫下肚，見到孖寶小館西餐廳門口已經有錶位可以泊車，就順道入去試一試。店員態度殷勤親切，隨即安排我哋坐四人枱嘅梳化位置，仲俾咗兩杯暖水我哋。餐牌一本黑色厚厚的，入面嘅食物圖片圖文並茂，樣樣都好想試吓。首先叫了小食-炸薯條配黑松露醬，薯條好大條，而且即叫即炸，所以食落去香脆可口，點埋茄汁食一流。主菜方面，分別叫咗輕煎比目魚烤甜椒汁同埋黑松露卡邦尼意粉。另外我哋再加錢轉套餐，套餐包括有餐湯。比目魚煎得外皮香脆，食落去魚肉好滑溜，簡直有入口即溶嘅口感，再點小小甜椒汁，有一點酸酸甜甜味道好開胃。再配以一些蔬菜，包括西蘭花、番茄仔、蘆筍同埋薯仔等，食完已經好飽肚了。最後埋單都只係$400有找，每人平均消費$170左右，已經可以享用到咁高質素、高水準、高服務嘅西餐，必定會再試。

很久沒見的好姊妹終於可以碰面，帶佢去我好愛既西式小店-孖寶小館。 最好笑既係佢兩個都以為呢間係中式野，所以黎到 呢度佢地話好驚喜😂舖頭細細，就算坐滿人，都依然保持到寧靜舒服既感覺，岩晒我地慢慢傾下計。 每個主菜都會有湯同餐包及餅乾條跟，包係小店自家製香草餐包，餅乾條有咸香好岩點埋個湯食。 個湯高質，打到料好滑好溶。 叫左香煎牛脷，朋友話牛脷份量好多，好正，煎得好香。比目魚扒，煎得好香，魚油濃、魚肉唔會煎到鞋晒。 配菜都好有牛油香。 辣椒白酒白蜆意粉，暫時係我食過最好食既意粉，蒜容同白酒都整到好入味，意粉乾身小小，但唔知咩原因好香，吸引我好快食完又再夾。 意式海鮮意大利飯，海鮮好香，意大利飯好juicy,芝味濃。 配料：帶子、青口、蝦、魷魚，每樣都燒得好香。紅棗桂圓茶，好濃好甜好香，女生們都話真係老了要飲養生野，眼見隔離桌既冷朱古力好靚，都無福享受。 欣賞這間小店愈做愈好，會繼續帶朋友黎享受食物。

喺上水讀書嘅A姐，因為今日係校友重聚日，所以我就陪佢返去佢嘅母校，了解佢少女時期嘅校園生活。參觀完之後，佢話要帶我去回味以前嘅味道，跟住佢去尋味，點知好多餐廳都已經無咗喇，或者呢啲只可以喺記憶中回味。行到去呢間孖寶小館，裝修設計都唔錯，一於試試！是日餐湯今日係意式雜菜湯，香濃嘅蕃茄味，再加埋大量雜菜同香草，好足料，特別鍾意佢有香草麵包同餅乾條，正！美國厚切穀飼豬肉眼配燒汁嘩！舊豬肉眼真係好厚身，非常大份，外面煎到香脆，裏面仲Keep到好多肉汁，豬味豐富，最正係一啲都唔嚡身，特別一讚係嗰香草意粉，好香橄欖油味，一啲都唔馬虎。紐西蘭肉眼(7安士)配黑椒汁肉眼3成熟啱啱好，唔會太老，肉質鮮嫩，牛味濃郁，配埋黑椒汁，好惹味！餐飲是日梳打係提子梳打，冰凍解渴；熱薑茶好清新，啱晒A姐！By A姐M佬 玩樂日記

難得放假，輕輕鬆鬆食個late lunch。特登同屋企人2點幾過黎，無咁多人。我地每人叫咗個lunch set，先黎個餐湯，係薯仔忌廉湯，都幾香幾好飲。有即焗香草麵包，配湯啱哂！先係紐西蘭肉眼配黑椒汁，跟薯菜。肉質較腍，啱哂我呢d無乜牙力嘅人。肉眼中間有少少肥油，食起黎更香。而另一個set就係香草燒春雞，雞比較細，肉質幾嫩，如果可以燒得耐d就會更香。飲品有花茶，我地點咗玫瑰同桂圓紅棗，好飲又健康另外值得一讚嘅係店員服務態度好好，對客人好nice好親切

今日返上水探一班舊同事，係上水返工返咗咁多年都唔知有間西餐廳係度，今日舊同事講起先知道，就同佢哋嚟聚聚餐廳環境好舒服，真係好適合我哋聚聚聊天的好地方同埋有啲寫意，好慢活嘅感覺係呢區做咗咁多年都好大壓力，呢個環境真係好令人放鬆減壓餐牌餐湯好香滑同濃郁個湯雖然跟餐，但一啲都唔求其還配上餐包和餅乾條餐包似係自家制，好鬆軟紐西蘭肉眼（7安士）配黑椒汁肉質好嫩滑，好有肉味，配上黑椒汁，完美點了7成熟，熟到配合得相當好美國厚切穀飼豬肉眼配燒汁其實我一向對豬嘅好感一定比牛低，但呢個豬肉眼簡直另眼相看，我嘅睇法又唔同咗，竟然出奇地好食好食好好食，真係重要嘢要講3次，肉質鮮美，每啖都鎖住水分，肉汁完全冇流失，正嚟個近鏡睇到真係勁厚切，真係咁平價嘅價錢食到咁優質嘅扒，簡直超值價，抵食餐茶熱咖啡凍檸茶呢點要讚讚，職員會詢問客人要唔要飲管，為地球為環保出一分力，當然客人選擇要飲管也好，餐廳採用嘅係紙飲管，一樣可以循環再造整體來說，以西餐餐廳價錢算平民，係上水區一帶所有食店都唔平，但呢度有服務、有環境、有高水準食物實屬難得後悔咁遲才發現這優質餐廳，但我已經離開了上水區工作，下次回來一定要再食過

之前都有期待過，但去到食就並非網上所言，個個讚。查實寧願去間食普通野但服務好啲，食得開心啲既餐廳。呢間雖然野食係幾好味，午餐有餐包、湯、餐飲，熱茶係用茶葉非茶包抵讚，本來都冇咩野。但後來發現員工對客態度勁差，食個午餐不斷趕我地走，同朋友好耐冇見實會影下相，想幫忙影張合照，男員工黑晒面，又唔願影咁，影完已叫埋單走，個男員工都仲要晌度俾說話我地聽摧我地走。好啦，到我地走了，出門口睇錶，其實都只係一小時，

呢日帶咗阿媽去食大餐，揀左呢間餐廳，佢嘅裝修好闊落，坐得好舒服，氣氛仲有少少浪漫，我覺得好適合情侶同埋家庭朋友聚會！尼哥斯沙律我哋點咗個尼哥斯沙律做頭盤，佢有啲蜜糖芥末子汁食落去甜甜地好得意呀！仲有啲紅菜頭同埋小蕃茄感覺好清新！吞拿魚嘅份量都仲唔少添！安格斯牛肉芝士漢堡之後仲叫咗個8安士嘅安格斯牛肉芝士漢堡，呢個係侍應哥哥嘅推介，佢話啲牛肉係師父親手打，一上到桌真係嚇親！因為真係好大個，有我塊面咁大！佢嘅肉味好濃，面包外脆內軟上面仲好多芝麻好香口，如果鍾意食牛嘅人一定會鍾意食呢一個！香蒜辣椒白酒鮮蜆肉扁意粉香蒜辣椒白酒鮮蜆肉扁意粉嘅蜆肉都幾多下，仲要隻隻都幾大隻，意粉係嘅味道適合一啲鍾意食清淡啲嘅朋友！輕煎比目魚配烤甜椒汁侍應哥哥仲極力推介呢個輕煎比目魚配烤甜椒汁，其實我哋兩個人嗌兩個主菜已經夠曬㗎啦，不過見佢推介好似好好味咁，我哋再嗌多一個主菜！魚的份量都幾大，而且煎得都真係好嫩口，魚味都幾濃，油魚的魚份都好多，聽講食多啲女仔會靚啲！最有驚喜嘅係餐飲！我哋點咗一個茉莉綠茶同埋加勒比之夢～～係水果茶嚟嘅，我覺得整體感覺很好好暖胃（唔知點解　哈哈）因為啲水好夠熱，啲味好出，加勒比之夢味道

星期六早上，同事陪我從國內回港去銀行處理一些事宜，時間緊迫關係就到上水分行， 經過一輪排隊……等侯……終於辦理完畢。我平時到上水只在商場逛逛，依家到街道上真係發現有超多藥房及藥粧， 亦有許多的人及喼 ，為了擺脫人群， 所以行落一條街揾食肆吃午餐。見呢間套餐都不錯，便入去喇！餐廳面積不太大 ，座位數量太约廿多個，在牆壁上貼上推介美食嘅相片，環境令人感覺舒服！我們叫了兩個套餐 一齊share食，揀了紐西蘭肉眼(7安士)及鮮蝦刁草扁意粉，已包括湯，餐包及飲品。羅宋湯 - 用紅蘿蔔，椰菜及蕃茄，比較清，酸酸地好開胃，配上麵包(有香草味)及餅乾條。鮮蝦刁草忌廉汁扁意粉扁意粉口感軟硬適中，鮮蝦彈牙爽口， 雜菌味濃，蒜香刁草味出，忌廉汁剛好掛著每條麵，入口層次分明，口感豐富😋。紐西蘭肉眼扒(7安士)配意粉牛扒份量足，大火煎香鎖住肉汁，肉質軟嫩 ，牛味濃，配橄欖油扁意粉，伴菜有紅蘿蔔洋蔥椰菜，整個配搭美味極了。凍檸茶及檸水各一杯 。餐廳亦推行環保不用膠飲管， 不習慣的食客可選用紙飲管， 愛護地捄出一分力，抵讚👍。臨走前見隔離枱的蒜香蜜汁豬仔髀，賣相吸引再加上他們食得滋味，下次一定會再來吃，'豬仔髀'等

星期六假期, 和家人去食午飯, 路經這間餐廳, 平時想找機會試一下, 今日見不用等位就試一試.餐廳裝修很簡約, 播放柔和的音樂, 和外邊吵鬧的水貨店成很大對比. 雖然是午餐, 但配餐是晚餐的級數, 麵包餐湯一應俱全. 周打魚湯口感濃厚, 材料十足, 麵包少少一片但小麥香十足.餐點了一客海鮮意大利飯 和 肉眼扒配薯菜海鮮意大利飯每一口都充滿忌廉香味, 飯的軟硬度適中, 飯芯煙韌有咬口. 海鮮新鮮甜美, 略厭份量不足, 只有2,3隻蝦仁, 幾粒細元貝和一隻青口. 但因應只是6,70元的價錢, 個人覺得已經是物超所值, 味道也是上佳.肉眼扒叫了7成熟, 切開仍然有不少血水, 家母比較怕食生肉所以覺得太生, 我本人會選擇5成熟, 大概感覺也是5成熟會比較鮮嫩. 牛扒味道十足, 就算不點黑椒汁也很夠味. 薯條也是鮮炸, 不覺得油膩. 家母最讚揚的是配菜, 我試了一口果然好味, 不會因是配菜而hea做.在水貨圍城的上水有高質素的西餐廳, 真的要多嘗幾遍用行動來支持

今日同身邊人出咗上水搵食，上水真係一個神奇地方，好食既餐廳係要人傳人介紹先會知，今次呢個孖寶都係朋友介紹。入到餐廳，已經幾full下。好彩仲有位！餐湯好濃香，飲得過！墨魚汁海鮮扁意粉，墨魚汁濃濃既，好入味，不過留意會食到個嘴好似中毒咁哈哈！帶子煎得超香，好女新鮮，蝦都唔錯，火候剛好唔會鞋晒。清湯火腿雲吞，湯底咸咸地，配上細細隻小雲吞，小清新之作～香煎美國豬鞍，好大一舊呢！夠晒抵食，豬鞍熟得夠熟唔會生，點汁食幾有肉感！

之前已經同男朋友嚟過呢度食Lunch，但聽朋友講佢嘅晚餐仲好食，所以尋晚就去試吓啦。上次去食Set lunch，選擇比較少；但今晚望佢本Menu，嘢食嘅選擇真係好多。我男朋友想食佢嘅豬手好耐，所以就點黎試吓，果然好出色！佢嘅豬手肥瘦適中，又脆口、又彈牙，但一啲都唔肥膩，加埋佢秘製嘅醬汁，真係食到停唔到口。我哋另外仲叫咗好多嘢食，例如：水牛城雞翼、香煎牛脷，同埋大蝦夏威夷pizza。除咗個豬手，我同男朋友第二個欣賞就係佢個Pizza，好香嘅千島醬，薄薄嘅Pizza，除得來唔會話好硬，芝士仲多到可以拉絲！兩個人都食晒，就知佢幾好味啦。

上水區西餐食肆佔很少數，質素好的更少，可謂一個西餐沙漠。這間西餐廳位處上水舊墟的一個比較僻靜的地點，人流不算多，屬這區難得寧靜的一角。這西餐小店，裝潢沒甚特別，比較平民，但食物質素卻拍得住市區西餐的質素，在上水區實屬難得。今晚帶了爸爸媽媽來吃飯，自稱食慣好野的媽媽，都大讚食物質素佳。食物的價錢亦相當親民，最便宜的一碟意粉只需$64，晚上7:30 前下單還可以免費轉成套餐，包湯和飲品，相當實惠。南瓜甘筍湯是日跟餐湯品為南瓜甘筍湯，金黃色的湯味道甜甜地，又帶少少甘筍的香，味道有驚喜。餐包是意式香草包，質地鬆軟。黑松露雜菌意大利飯意大利飯一上桌就聞到好香的黑松露味。醬汁緊緊地鎖著每一飯粒，醬汁味道調味適中，creamy 得來，奶油味不會泛濫，吃完不會有太大膩感。雜菌加上黑松露，味道很匹配。黑松露卡邦尼意粉接連點了兩款黑松露的菜式，這款的味道更勝前者。卡邦尼醬汁質地好creamy，奶油味很香濃，非常不錯。再加上穿梭其中的黑松露醬，松露的清香令醬汁品味加以提昇。香煎比目魚配烤甜椒汁比目魚煎得很香，魚皮都帶焦脆。魚肉又滑又嫩，很高質素。比目魚本身只用少少鹽醃過，絕對原汁原味。烤甜椒汁只帶甜不帶辣，

本來見到孖寶小館，仲以為食中菜，入到去先知原來食扒食burger，哈哈。星期日晏晝兩點幾去到，間餐廳都仲係好full，佢個lunch set同T石係同一個，都算多選擇，最欣賞佢嘅餐飲可揀herbal tea😍我同朋友叫咗個豬仔脾同肉眼扒，首先嚟咗個餐湯同餐包。個餐湯係粟米湯，好香濃嘅粟米味，仲好有口感，因為有啲粟米渣，好香甜，好鍾意。至於個餐包，一啲都唔馬虎，係香草麵包，職員仲好好攞咗油醋俾我哋點嚟食，香好多。至於個主菜，我自己覺得個意粉好有驚喜，因為我鍾意硬身嘅意粉，估唔到佢仲好有誠意地整香草意粉。嘢飲我自己叫咗個桂圓紅棗茶，簡直係女人恩物。