孖寶車仔麵

营业中

休息中

逛街逛到很累，見到地道小店人頭湧湧，二話不說試下，味道好性價比又高，真不錯👍🏻👍🏻。✨三餸麵套餐✨餸菜款式非常多，選了雞中翼、牛腩及蘿白。雞翼滷得非常岀色，賣相好吸引。牛腩炆得軟稔，十分入味。蘿白大塊無渣，吸滿湯汁，非常清甜。湯底加腩汁，搭配粗麵，妥妥的港式味道，滋味又滿足。✨爽滑腸粉、燒賣✨小食必須叫上，腸粉滑得來很有彈性，入口爽滑，配上麻醬、甜醬及辣醬，暖笠笠，好吃。而燒賣飽滿，頗為彈牙。這間街坊食堂價錢實惠，質素及份量也不錯，難怪經常坐滿👍🏻👍🏻想睇更多介紹，馬上Follow我啦😁。 # 孖寶車仔麵 #車仔麵 #港式味道 #big_big_foodie #big_big_foodie食勻葵涌 #big_big_foodie食勻香港

久唔久就去新都會一帶行下，有時諗唔到食乜就會去呢度，地道港式野，食左好多年😆lunch time 都要等位，今日非繁忙時間去食下先：🍴豬皮、魚蛋、冬菇 配 粗麵 ：豬皮索哂啲汁，炆到好腍身，而冬菇都夠香夠軟熟，算係不錯既味道。而魚蛋係港人最愛的陳皮魚蛋，好彈牙，最襯車仔麵啦！而我就加左辣汁，佢係特製的辣汁，少少咖哩味配埋香蒜味，呢個超襯。而蛋麵都好彈牙👍🏼🍴腸粉：必點項目，腸粉夠滑仲熱，啲醬汁先係精粹，完全冇溝過水。

孖寶車仔麵位於葵涌廣場，經常都好多人光顧，堂食位置都好滿。店內有多款好好食既野，例如：車仔麵、飯，經典小食有碗仔翅、生菜魚肉湯、腸粉、燒賣等。車仔麵：自己剔紙又得，直接選配好既😉又得。我叫左個「招牌」車仔麵，懶人之選唔需要選擇。都幾多款配料，有雞翼、大腸、豬紅、豬皮、魚蛋同蘿蔔。全部都係車仔麵界既經典，款式好豐富。湯底清甜，加埋佢個秘製辣椒油更好味😋～小食：腸粉、燒賣：最鍾意甜、辣、麻醬三醬都一齊落，超惹味。魚肉燒賣好香。仲有碗仔翅，我加咗墨魚條。大大條好彈牙。碗仔翅好足料。

去親葵廣行街，都會去呢間食碗仔翅，今次試埋車仔麵，都幾高CP。未到晚市時段，都幾多食客幫襯，友人第一次食，我推薦碗仔翅，佢話就算飽，都覺得味道唔錯，難怪我會encore三餸車仔麵 $54蘿蔔｜冬菇｜滷水豆腐冬菇軟腍入味，蘿蔔清甜無渣，滷水豆腐都好入味，餸既質素唔差，仲有幾片生菜，配埋腩汁湯底，份量十足，幾抵食金牌碗仔翅 $23水準如一，未食已經聞到好香麻油味🤤粉絲、冬菇、蛋花、木耳口感豐富，食落香口，加埋香辣菜脯更惹味凍檸茶+$3茶膽唔苦，味道正常

係葵芳新都會返工，今日無帶飯是但揾間試，點知中曬伏。。。呢碗咁嘅車仔麵收我57！！3餸餐加凍飲（未食嘅)花枝條，牛肚，咖哩魷魚每款得3小舊碟咖哩魷魚先嚇我一跳🙅‍♀️一粒粒嘅秘製汁--淡茂茂🙅米線份量已經好少食完好似食空氣咁仲要漏單等左我20分鐘竟然可以咁多人幫襯

想食返個懷舊味？孖寶車仔麵絕對係你嘅comfort food首選！小編今次試咗佢哋兩款沙嗲汁撈麵，每啖都係熟悉嘅幸福感！沙嗲汁撈粗麵配魚蛋、魚肉春捲和冬菇 $57粗麵爽滑有咬口，吸收咗沙嗲汁嘅濃郁香味，魚蛋彈牙、魚肉春捲香脆，冬菇鮮甜，每樣配菜都係車仔麵嘅靈魂～沙嗲汁撈公仔麵配魚蛋、牛肉和冬菇 $57公仔麵控必試！熟悉嘅即食麵條配埋濃郁沙嗲汁，加埋軟腍牛肉同彈牙魚蛋，呢個組合充滿香港street food嘅authentic味道丫套餐仲附送熱飲熱檸水，食完濃味撈麵配杯熱檸水，清清爽爽又暖胃

 佢哋最正就係可以自由配搭，可以Mix & Match到一碗屬於自己嘅完美車仔麵！🤩今次我就叫咗個孖寶精選車仔麵，配料有齊晒我最愛嘅嘢！🤤 🐮牛腩：佢哋嘅牛腩炆得好入味，軟腍得嚟又帶點嚼勁，唔會太肥膩，真係食到停唔到口！ 🐔雞中翼：雞中翼都好驚喜，炆到好入味，肉質嫩滑，一咬就離骨，香到震！ 🦀包心蟹籽丸：呢個蟹籽丸必點！咬開中間啲蟹籽卜卜脆，口感層次豐富，真係食到上癮！ 🍽️燒賣：聽講佢哋嘅燒賣好出名，果然冇介紹錯！熱辣辣，真心係勁好食，有驚喜！ 🍜公仔麵/米線：麵底方面，我試咗公仔麵同米線，兩個都索晒啲湯底精華！ 🥢🍲湯底方面，清湯夠晒清甜，想濃味啲可以揀腩汁，牛味更出！再加埋啲菜脯、蔥同辣菜脯，成碗麵即刻level up！✨🥤飲品緊係要叫返杯凍檸水啦，少冰走甜，夠晒解渴！🧊

今日放lunch衝咗去葵廣食野，孖寶車仔麵童年回憶，由學生時期食到宜家～車仔麵自由配搭超正🍜！揀咗河粉麵底，配腩汁、菜肉雲吞同咖哩魷魚！菜肉雲吞皮薄餡靚，咬開爆肉汁💥！咖哩魷魚爽口彈牙，咖哩汁香濃帶微辣，份量就粉左D ！仲有必嗌嘅雞中翼🐔！滷得入味，肉質嫩滑到「離譜」，一啜就骨肉分離，食完仲要啜手指先安樂👍！一定要瘋狂加辣菜甫🌶️加咗落河粉度，辣辣哋又爽脆，即刻令成碗粉「醒神晒」🌶️！鍾意食辣嘅朋友一定要試，保證「食過返尋味」🔥！lunch time雖然多人，但等陣都值得～食左咁多年都係同樣味道

✨ 葵廣除左掃街，仲要食車仔麵！✨ 認住葵廣地下呢間車仔麵！✨ 汁、餸、麵全部都好多選擇！🌟 3餸 車仔撈麵---呢間車仔麵嘅醬汁真係招牌‼️揀左腩汁、沙嗲汁、秘製醬汁撈埋手打麵食落好惹味😈揀左醬爆肉丸、包心蟹籽丸、麻吉燒~🌟 3餸 湯車仔麵---而湯麵就揀左加辣汁🔥香香辣辣嘅湯底，河粉好索湯五香肉丁加埋五香豬頸肉，夠灑足料🥰🌟 凍港式奶茶---食完咁多濃味野辣野，飲返兩杯凍奶茶就爽灑🙂‍↔️可以揀多奶少奶，茶味夠香🫶🏻整體黎講幾滿意，成個環境幾有人情味

葵廣出名都平靚正嘅嘢買，掃街之外，孖寶車仔麵都出色。講真車仔麵周圍都有，但係好食嘅車仔麵就真係唔係咁易遇到。首先，滷水要入味。其次，肉類要煎香或軟腍。最後菜類就梗係要大大份。😂孖寶已經幫襯咗好多年，而家喺葵芳嘅舖位越嚟越大，受歡迎真係有原因嘅。特別讚嘅係🐷豬頸肉，軟腍得黎又爽口（好似好矛盾😂）。我嗰碗係腩汁加沙嗲汁，沙嗲汁濃郁勁好味！🦑咖喱魷魚係另外一碟上，都幾大分，而且非常入味。蘿蔔又清甜無渣，韮菜都俾得得大方慷慨。推介！

呢排成日放工都去葵廣掃街，嚟嚟去去淨係識得喺二三樓food court來回掃。原來地下都好多嘢食。見到呢間車仔麵規模好大，坐滿晒人，即係質素有保證啦，一於試試新嘢.見到對面姨姨嗌咗個魚蛋燒賣腸粉，雖然好吸引，但我比佢車仔麵個秘製醬汁嘅神秘感吸引咗，一於就要個車仔麵. 個秘製汁味道同沙嗲醬似曾相識，帶甜小辣，幾特別。加少少唔辣菜譜，增添鹹香，湯底非常不錯. 豬紅蘿蔔係我嘅車仔麵常客，夠晒入味。五香豬頸肉意外地出色，魚蛋都非常紮實入味，仲有一條菜送～ 難怪我食完碗麵，對面已經換左兩、三個客人👍

呢間車仔麵藏身喺葵涌廣場，係一間呢間車仔麵藏身喺葵涌廣場，係一間超人氣街坊小店！環境簡單樸實，乾淨企理，充滿地道風情 💛。喺附近返工嘅我都食過好多次😋每次都會叫豬紅、雞中翼同魚蛋河粉，加埋沙嗲汁，沙嗲汁香濃惹味，微辣好開胃，襯托河粉嘅爽滑彈牙，食落超滿足 😋。豬紅軟嫩入味，雞中翼大隻又香口，魚蛋就彈牙鮮甜。 😋。另一碗就叫咗水魷魚、豬大腸同菜肉雲吞。水魷魚爽脆有咬口，豬大腸軟腍入味，肥瘦適中，菜肉雲吞餡料鮮甜多汁幼麵掛汁一流，食落好滿足 🍴。仲有辣菜浦等醬料任揀，增添層次感！每款配料都新鮮，湯底濃而不膩，完美呈現車仔麵嘅正宗滋味。

以前喺葵芳返工嗰陣，每日早上都會嚟呢度買腸粉、魚蛋、燒賣、或炒麵做早餐，每次都要排隊買，除咗份量多，味道都好正！🍽️3餸麵套餐$48送熱餐飲三個餸揀咗豬紅、金針菇同蘿蔔。蘿蔔煮到都好入味，金針菇嘅份量都幾多。佢呢度啲滷水都好出名㗎，滷水可以揀雞翼、鳳爪、雞腎、雞蛋、雞翼尖、豆腐。今日揀咗滷水豆腐同滷水雞髀大大隻！👍👍👍堅正💯💯💯重點咗掃街必食嘅腸粉$12同埋燒賣$12埋單$115，人均約$58，食到飽飽，真係快靚正😚

Ooo老字號車仔麵ooO行葵廣必會經過地下既呢間車仔麵 次次都坐滿人 亦好多人買外賣此店已經很多年歷史 三餸車仔麵餐 $45菜肉雲吞: 外皮偏厚 菜肉扎實豐富 滷水豆腐：非常入味又不會太咸 要選 唔錯 龍蝦丸：很特別 好有口感 個人覺得似加了八爪魚係丸入面 比一般的好食選了祕製汁 唔辣 幾好另一碗選了撈麵 是比較濕既撈麵牛腩: 份量幾多 而且好入味雞翼: 車仔麵經典配搭 毎次都選雞蛋: 荷包蛋汁可撈麵當然唔少得凍檸茶 少甜少冰下次可以食下佢既腸粉

今日經過葵廣俾陣香味扯咗入去！豬大腸痴線鬼咁香 即刻叫兩碗試真啲睇下係咪真係咁好味🍜🔥 第1碗：豬大腸+牛腩+水餃 配河粉牛腩汁一淋落去——嘩！個味濃到癲啊😱 豬大腸洗得超乾淨 但咬落去又keep到啲肥膏 正到痺！牛腩就鬆化得嚟有嚼勁 水餃爆餡仲有原隻蝦仁🦐 河粉索哂啲汁 一啖粉一啖餸 食到唔捨得吞！#邪惡到極點 第2碗 豬大腸+雞翼尖+牛肚 配米線牛腩汁真係神助攻💪 雞翼尖滷到一啜就骨肉分離 正過晒酒吧嗰啲！牛肚爽脆到似食緊彈簧 加埋招牌豬大腸 三種口感打交 個汁仲越食越上頭 食完成嘴都係滷水香👄✨兩碗都冇得輸！牛腩汁係靈魂 建議加辣菜脯更癲喪🌶️ 📍孖寶車仔麵 (葵芳)葵芳葵富路7-11號葵涌廣場地下A15號舖