孖啡 (已結業)

好耐無黎孖啡，今日經開呢頭，同剛新婚朋友相約呢個聚腳點傾下計，聚聚舊。 呢度依舊係個談心好地方，慢慢坐慢慢傾，時常讓人忘卻時間。 雖然餐牌選擇好似唔多，但每樣食物都好專。 黑松露軟殻蟹意大利粉，好高質。黑松露同意大利粉完全融合，仲有小小食緊卡邦尼感覺。 軟殻蟹即叫即炸，好鬆脆。 龍蝦汁海鮮天使麵，個汁調到甜甜的，好易入口，無龍蝦腥味，配上幼細天使麵真係好唔錯。 不得不提佢飲品選擇都好多， 好特別。冷薄荷朱古力有忌廉搭配，好豐富。 估唔到我既熱朱古力都有，好滿足既飯後飲品。 可以慢慢hea同玩既聚腳點，去到呢個地方覺得自己都後生左。 同埋好細心既單據，會為大家計埋人均要俾幾錢，好細心，抵讚。

今日嚟到呢間旺角嘅樓上cafe，位置好方便，好易搵到。上到餐廳燈光偏暗，裝修尚算有特色，門口仲擺咗好多board game比客人玩，適合鍾意坐得耐嘅朋友。我哋四個人叫咗三個主食，一個小食拼盤，同埋四杯特飲。下面逐一介紹芝士黑松露意大利飯，個人覺得呢個係四個主食入邊最好食～飯同汁嘅比例掌握得唔錯，亦都唔會太咸，一個人食晒可能會有啲heavy，所以一班朋友share就最好！😆煙三文魚白汁意粉，煙三文魚夠煙熏味，仲砌左朵花，賣相不錯🍝 鹹鹹地嘅煙三文魚再加甜甜地嘅白汁，呢個配搭幾時都係咁好味😋焗白汁吞拿魚意粉，依個就熱辣辣幾開胃，吞拿魚嘅份量亦都唔算少，鍾意食焗野嘅朋友可以試吓。小食拼盤，全部都係炸嘅香口野，而且性價比幾高，下次有機會的話會試埋其他小食。👍🏼嘢飲我哋叫咗凍朱古力，凍咖啡，同熱柚子蜜，味道唔會太甜，cafe嘅野飲係真係好飲啲🍹想同朋友聯誼下，呢間樓上cafe都係唔錯嘅選擇～

今日同朋友嚟到旺角一間樓上cafe，地點非常方便，好近地鐵站，行幾步就到啦。呢幢大廈有好多食肆，特別係樓上cafe，我哋揀咗間double Cafe，上到去，非常闊落，可以裝到幾十個人，好多一班朋友， 三五成群，一齊上嚟傾計食嘢，呢間Cafe仲有好多卡game玩呀！我哋叫咗幾個dinner set，分別係黑松露意大利飯，黑松露味濃，飯粒咬落去粒粒分明；黑椒牛柳粒飯，牛柳粒份量都好多，忌廉白汁煙肉天使麵，好match；每個set都送一杯嘢飲。除咗一大班朋友有個聚腳點，可以一齊食下野之外，呢間及非仲提供左好多遊戲俾我哋玩，分別有大富翁、啤牌、棋類遊戲，紙牌遊戲⋯俾大家任君選擇。呢個價錢來講，可以一齊食嘢，又可以坐咁耐，仲有咁多遊戲可以揀，其實都幾合理架～

孖啡給我一種懷舊、青春的感覺。就在我初中的時候，樓上咖啡店剛開始流行，放學後總會流連登打士街一帶，跟朋友在咖啡店裏聊天，玩玩board game。而孖啡的格局跟當年的樓上咖啡店頗為相似，而且還提供各式各樣的桌上遊戲，把我一下子帶回中學的時光！餐牌上的食物選擇不算多，飲品卻是十分多元化，很符合樓上cafe的特色。我點了一杯蜜桃沙冰，取名為「星」，是本店的「塔羅特飲」。蜜桃沙冰入口十分清涼，傳來陣陣的鮮蜜桃香味，不會過於甜膩，我挺喜歡！食物方面，我和朋友點了一客特色拼盤。特色拼盤中大多為炸物，份量多，選擇豐富，我朋友分享也是不錯。拼盤包括有雞翼、咖喱角、春卷、炸魚、薯角等等，而我比較喜歡咖喱角，咬下去比較juicy，有滿滿的咖喱香氣，不錯好吃！邊吃邊聊天，原來已經十時多，但餐廳裏的歡笑聲仍是此起彼落。在這裏我們找到與朋友玩樂的愉快時光，一起傾訴着微不足道的無聊事，也是一種快樂。

約左朋友仔去旺角街吾知食咩好黑洞就帶佢黎encore食過一次覺得平靚正 座得又舒服我地吾太肚餓所以只係一人一個餐黑洞我揀蕃茄焗豬豬扒飯即叫即焗熱辣辣 面頭芝士仲有拉絲值得一讚個蕃茄勁開胃 黑洞食食下食左勁多豬扒切件一大塊 肉質好冧食落亦無任何雪味朋友仔叫左個凱撤沙律清清地岩晒想食健康點既女仔有煙肉碎 面包粒同芝麻沙律醬健康得黎又吾怕太單調而且都幾大份飲品方面我地都叫左花茶玫瑰花茶拼洋甘菊入口菊花味相對較出 清清地吾錯如果中意薰衣草香氣既朋友會中意呢杯薰衣草茶較多兩杯分別不大 睇番大家中意咩花特別一讚底部有蠟燭仔熱住吾怕杯茶會凍左 夠晒細心

一班朋友聚會梗係要揀Cafe，多數都會係喺旺角方便大家出入，呢家嗎啡已經係第二次去，今次係同一大班朋友happy Friday星期五唔知係咪因為特別為咗處理人流，冇得散叫只係可以叫餐，跟返人數叫餐，個餐入邊有雞翼、意粉兩個、一啲炸物等等，嘢飲可以無限任添，不過只係一啲好Basic嘅飲品，例如係乳酸。孖啡嘅場地都幾大，有分兩層添，今次我哋係喺下層，所以boardgame無乜，因為都喺晒上面嗰層，要麻煩職員幫你拎，係比較麻煩的。依個餐嘅價錢來講，大家都好滿意，因為食得飽之餘，嘢食唔係話難食嗰種，因為大家都知道Cafe啲食物質素唔係太好㗎啦，但係呢一間就價廉物美，食物質素有返咁上下，只係board game 唔太夠，如果唔係就完美喇!

小編好鐘意去樓上cafe同friend 吹水，今次就去咗間勁近地鐵站嘅cafe，都幾方便，尤其係旺角成日set做新界九龍香港嘅中心集合點🤣-龍蝦汁海鮮天使麵 $84（包$38飲品一杯）龍蝦汁幾香濃，同天使麵幾夾，份量剛好。雖然有齊青口、魷魚同蝦等不同海鮮類，但質素參差，感覺像急凍貨😢+$35 朱古力心太軟雪糕極級推介💛完整無缺，一切開朱古力漿湧現😋無奶粉味（小編之前食過其他店，啲漿係打得唔好）配埋雪糕，一暖一熱，值得比like👍🏻至於飲品方面，小編點咗蜜桃乳酪，補多幾蚊，飲落有啲似雪糕碎冰，凍凍凍..有啲水果味，可以減輕正餐同薯條嘅油膩。另外，還有一個小食好值得讚，就係黑松露薯條$48，雖然賣相比較普通，但係熱辣辣好脆，好香薯味，食到口停唔到😋

同朋友在旺角四圍行，睇吓東睇吓西不知不覺又到晚餐的時候，在旺角寸金尺土的地方食飯又嘈吵呢樣果樣煩到死，一於孖住朋友一齊上樓上這間位於旺角的「孖啡」，慢慢食飲杯嘢吹下水休息下。卡邦尼煙肉意大利粉 $98卡邦尼煙肉意大利粉，意大利粉煮得較為硬身，不會過腍大片的煙肉鹹鮮味，滲入到意大利粉內，加上濃滑的芝士味道，奇夾無比。全日早餐 $128全日早餐令人看見也開心，有煙三文魚、薯餅、兵家腸、茄汁焗豆、炒蛋、沙律和牛角酥，實在是一個令人難以忘記的早餐，尤其當中的煙三文魚，煙熏味道和三文魚的油香實在冇得輸。力量（士多啤梨，菠蘿梳打）$48塔羅特飲力量，菠蘿味濃郁入口香甜非常開胃。命運之輪（士多啤梨，橙梳打）$48塔羅特飲命運之輪，士多啤梨加橙梳打，橙味出眾。朱古力心太軟雪糕 $35自家製的朱古力心太軟雪糕，把心太軟切開立時流出大量的朱古力，睇見都開心，流心朱古力香脆外皮和雪糕，一熱一凍一脆一軟實在令人無法忘記，我的心也跟隨着心太軟一起走了。

星期日喺旺角買完玩具，行吓行吓已到兩點，係時候醫肚啦！無意中見到信和斜對面大廈4樓「孖啡」二字，一於上去食晏飲嘢+hea吓先！一出𨋢就見「孖啡」，招牌下介紹“孖啡”for cafe·dinning·games·party，原來同層仲有兩間Party House。入到「孖啡」環境果然開揚舒服，全都係軟軟梳化，又有好多卡位，之前完全無發現喺旺角鬧市中有咁休閒舒適嘅cafe餐廳。經過門口時發現兩個架，放滿好多唔同種類嘅card game、群體消遣遊戲等玩意，俾我哋一邊飲食、一邊玩，超細心周到呀！飲品、小食種類選擇好多，剛好午餐時段有lunch set，A-J有十款揀再包一杯$38飲品，以優惠價追加龍蝦湯、蛋糕or朱古力心太軟雪糕，超抵食！我哋叫左兩個Set，再加配龍蝦湯&蛋糕各一客：<< 薄荷咖啡 & 蜜桃紅茶 >>～ 飲品賣相吸引，上層軟滑忌廉，薄荷與咖啡比例剛剛好；蜜桃味香配上紅茶，解渴一流，兩款都好好飲。<< 龍蝦湯 >>～ 香濃幼滑龍蝦湯，只係加$18，絕對超值又好飲。<< 卡邦尼煙肉意大利粉 >

今晚同一班朋友黎到呢間位於旺角鬧市既樓上Cafe，地點非常易找，就係潮流特區的斜對面!預先已經係Openrice訂左位，亦有職員會係食飯當日電話confirm。我們大概7點左右就到Cafe，5個人安排了卡位位置。Cafe除左有電視可以睇，仲有不同的棋類俾大家隨便拎黎玩!我們點了dinner set同埋小食!dinner set包一杯$38的飲品，不過我地全部最後都補錢飲其他野!月亮，是荔枝菠蘿味的沙冰，不過荔枝味較重，不會好甜!審判，這款有青蘋果、菠蘿、檸檬及薄荷味的沙冰，可能太多種味道了，所以飲落個味有點怪，同埋比起月亮較甜!芝士焗薯條，薯條有一些溶了的芝士係面，外脆內軟，鹽度適中，是一個不錯的小食!黑松露野菌意大利飯，黑松露味都幾濃，意大利飯不會太稀，而且上菜時還是熱辣辣的!軟殼蟹黑松露意粉，軟殼蟹脆卜卜，不會太油!意粉應該是炒過的，有點碎，黑松露味唔出，但因為有炒過，所以是有味的!總括黎講，侍應服務都不錯，一叫即到，環境都算舒適，而且不會趕你走，可以慢慢同朋友傾計玩game!食物味道都OK，下次應該會揀party set黎食，好似感覺抵D，因為飲品任飲!係同朋友聚會的不錯選擇!

今次去左好多好多年無去過既樓上cafe孖啡，數數手指，可能真係有十年八年無去過。原來而家佢仲多左隔離鋪位，令我搵人個陣仲搵錯地方！簡簡單單叫左個set同埋小食，另外叫左杯叫惡魔既藍莓沙冰飲品，平復一下剛剛跑過黎既氣來氣喘。小食併盤比以前大份！多左野食！如果以前都咁多野食應該個時就唔使爭野食爭得咁辛苦！春卷、咖喱角呢D香口野，當年一下就俾人食哂啦！哈哈！朋友點了瘦身餐，食左個煙三文魚意大利包。我就點左個Carbonara。好懷念當年既學生時間呢！

放工後同朋友食飯，為咗方便食完搭車返屋企就揀咗旺角，去旺角要搵一間唔限時又唔太嘈嘅餐廳食飯傾下計，樓上café都係一個選擇!今次就揀咗一間喺潮流特區對面嘅樓上café, 地點好方便，上到去，全層都係同一間café，分咗幾間房，枱同枱之間都唔會太迫，唔會全餐飯聽到隔離枱講嘅嘢，慢慢睇完menu，可以㩒枱面個鐘，就有waiter黎幫我哋落單! 😬叫咗兩個dinner set , 再加兩個小食~凱撒沙律🥗個醬好好味，仲有好多麵包粒。黑松露野菌忌廉意大利飯份量都好多，夠兩個人食，意大利飯個軟硬度啱啱好，黑松露味仲好香。🤩黑松露醬薯條🍟脆卜卜熱辣辣嘅薯條點埋個個黑松露醬真係好好味! 停唔到口! 最啱一邊玩card games一邊食。😋😋黑椒燒牛肉牛角酥🥐好足料，每一啖都會食到燒牛肉，個牛角包好似啱啱焗出黎咁，熱辣辣。🤪我朋友點嘅Earl Grey TeaMocha唔太甜，又夠朱古力味叫dinner set 仲可以加$35有心太軟，不過因為太飽，唔可以再叫黎食~😓食飯嘅時候見到隔離枱一班人玩card games, 有好多唔同嘅games 玩，下次再黎一定要玩card games! 🧐

晚上相約很久不見朋友來到位處人流旺區的彌敦道與登打士街，樓上咖啡店「孖啡」食晚餐兼聊天，「孖啡」面積佔據全層，十分寬敞，「孖啡」也劃分另一個「只招待會員」大廳房，可作包場舉辦私人派對或公司聯誼。入門後可見寬敞的沙發座位排列整齊，玻璃窗和牆上均貼有獨特的剪影裝飾，也別有一番趣味景緻，門口處放有一個櫃，有不少個桌上玩樂遊戲，給客人提供玩樂遊戲。卡邦尼意粉$98，包一杯$38餐飲，如選擇超出$38可補差價，朋友楝選塔羅牌特飲系列的「太陽」$48，跟餐加$28加一件芝士蛋糕。我試過帶芝士味道的卡邦尼意粉少許，味道不錯，煙肉份量頗多。我的龍蝦汁海鮮天使麵$122，芒果乳酪特飲$46，意式蛋糕$28。龍蝦汁很清淡，但又不是淡而無味，是恰到好處，吃過沒有口乾感覺。青口、魷魚圈、蝦仁，三款海鮮都有鮮味。芒果乳酪，芒果味道不算突出，乳酪和意式蛋糕味道可口。兩款小吃：雞翼出前一丁$48，朋友太肚餓，要多碗麵。芝士焗薯條$46，又香又熱騰騰的香脆薯條，雖然舖上芝士，芝士味道不濃烈，我是可以接受。今晚消費是$388另加一小費，由於我是OpenRice 會員， 經由OpenRice 網上訂座時可享79折優惠，所

隠藏於彌敦道高氏大樓有好多食肆，我哋大夥兒也很喜歡去覓食。今天我又去了 孖啡 歎我的午餐。如果下午二時前離座，全單有75拆🤗🤗🤗，好化算。叫了一個香濃的龍蝦湯，配合我的 E set lunch 煙三文魚意大利烘包，好喜歡這個包的質感，烘得脆脆的，包內又有生菜、青瓜、蕃茄、煙三文魚及醬汁，這使整個午餐不會太heavy，加上伴碟的 沙律菜及薯條，成為一個開心的午餐。係時間嘆番杯咖啡，今天點了榛子風味朱古力咖啡，好香滑，Mocha配襯今天比較清淡的午餐，提升整個餐的和諧感。這裡的咖啡很不錯的，因為是由兩位愛cafe的人開設的，所以命名為「孖啡」。

軟殼蟹黑松露意大利粉 實在有驚喜，軟殼蟹被薄薄的炸醬包圍着，外層很乾身，內𥚃還是軟綿綿的，有肉汁。個黑松露意粉 好香好香黑松露味道，忌廉白汁很滑，粘在意大利粉上 但一點也不膩，配上些少雜菌和沙律菜，這就是美味的主食。餐飲選擇很多，我選了「塔羅特飲」之「月亮」是荔枝和菠蘿鮮打沙冰，非常香甜和濃濃的水果味，清新好味。Lunch set 只需要加$18就可配上龍蝦湯，太美味了，龍蝦湯香濃好味，不要錯過此物超所值的餐湯。今天我有充足時間 所以我叫了一個飯後甜品,就是朱古力心太軟雪糕,套餐配就只需要加$35。心太軟蛋糕 跟其他朱古力蛋糕用料其實差不多, 但是奧妙之處是 當一刀切下去的時候,裏面的朱古力漿流出,有如熔岩般。熱的、暖的 再加上冷的雲呢拿雪糕，奇妙的組合。但依個人而言，覺得朱古力蛋糕甜了一些，下次唔知可唔可以叫甜品師替我減糖呢!