孖啡 (已結業)

之前有朋友帶我來主打西式餐飲的 孖啡Double Cafe，我比較鍾意佢有大梳化座位，寬敞又舒服的環境，喺旺角行到攰上嚟食個便飯就最啱啦！晚餐有多種好味道選擇，念念不忘其招牌美食心太軟拼雪糕，而且消費又親民，抵食！我就要左個芝士焗吞拿魚天使麵 $94，一層厚厚的芝士鋪面，都幾多吞拿魚肉，天使麵入口彈牙柔滑。Baby就食咗個 all day breakfast $128，煙三文魚卷成玫瑰花形狀，有心機有賣相，炒蛋都好滑溜啊！拍得住出名嘅澳牛，食晒成碟好滿足，男士都唔會肚餓。餐牌仲有數十款飲品任揀，比較有興趣以塔羅牌命名的塔羅特飲，正義 味道清新！Oreo 奶昔 味道比較朱古力，啱晒想食甜嘅我！最後叫多個甜品 share 心太軟拼雪糕，因為即叫即整要啲時間，所以就索性玩下Cardgames / Boardgames，不過我哋都唔係好識玩，都係一個與朋友共享 happy time。心太軟外脆內鬆軟，有流心感覺拼好大球嘅雪糕, so sweet!

旺角雖然是個鬧市地方, 但當中也有些氣氛休閒舒適的樓上餐廳，而最近在飲食網站看到風評唔錯的孖啡, 這晚就上來試試。步入餐廳, 環境令人有休閒舒適的感覺。看看餐牌，飲品選擇了芒果梳打, 芒果味道濃郁。再來龍蝦湯，湯是夠熱的，龍蝦湯味道非常濃郁而且鮮甜，當然要把它喝清。餐牌上有一味令我有興趣的小食蒜香雞翼，炸得外層香脆無比, 但內裡的雞肉還是嫩滑和肉汁豐富，用上蒜香來調味, 效果唔錯。主菜選了龍蝦汁海鮮天使麵, 青口和蝦肉都是很鮮甜，麵條煮得很有咬口，吃起來亦滿有麥香，配合龍蝦汁同吃, 就更加滋味。甜品是心太軟+雪糕，要先看看這個心太軟的「流心程度」如何, 首先將外殼分開，外殼焗得微脆，吃起來朱古力味道香濃,切開後朱古力熔漿流出，配合雲尼拿雪糕，這個心太軟已交足功課了。總體而言，餐廳的環境和氣氛休閒舒適, 食物水準也是合理的。

朋友用左openrice book位, 好方便!去到感覺環境都幾寬闊, 座位都坐得幾舒服.有D 2-3人既卡位, 亦有岩大group朋友既座位~餐廳入面已經有D聖誕佈置~黑松露野菌意大利飯意大利飯口感OK~ 個汁都唔錯, 唔會太膩~芝士焗吞拿魚天使麵面頭佈滿芝士! 而且都有好多吞拿魚鬆.蒜香雞翼雞翼控朋友大讚! 雞翼外皮好脆, 而且唔會太乾.帶有D蒜粒, 好香!薯條份量OK, 而且都夠咸.野飲方面叫左個花茶同杯熱薑蜜~天氣凍左, 飲返D熱野個人舒服哂~

同成班frd出旺角食野，想坐耐啲唔俾人趕，所以決定去樓上Cafe，有朋友推介孖啡Cafe，話可以任坐，野食又好食，一於試試佢！大約7pm上到去，個場冇咩人，唔使等位～Cafe環境幾舒服，大部分座位都係類似卡位形式，唔使驚同其他枱好近，啱晒成班女仔講秘密。Dinner Set Menu有成10款選擇，好多款式。最後我地叫咗幾Set Share，有香蒜白酒蜆意大利粉，黑松露野菌意大利飯，All day breakfast 同軟殼蟹黑松露意大利粉。另外加多個小食芝士焗薯條。Set價錢仲包咗杯$38樓下嘅野飲，我地就決定補價試試啲特飲。Order完野飲好快上咗，我地叫咗力量(士多啤梨,菠蘿梳打)、星星(蜜桃鮮打沙冰)、月亮(荔枝,菠蘿鮮打沙冰)同蜂蜜梳打。沙冰賣相唔錯，飲落好有生果味，唔會太甜夠晒冰凍，正。另外兩杯梳打都唔錯，完全冇伏。開始期待啲野食了，再等多一陣，野食來了！軟殼蟹黑松露意大利粉：原隻軟殻蟹鋪係意粉面，聞落好大陣黑松露味，賣相相當吸引！軟殻蟹夠晒脆卜卜，意粉好入味，醬汁非常Creamy，食落好惹味！香蒜白酒蜆意大利粉：蒜香白酒汁撈埋意粉基本上已經好好食，最驚得幾粒蜆食落唔夠喉。

來到旺搵食第一時間會諗到cafe油麻地高紙大廈附近都有好幾間選擇朋友介紹左呢間話價錢同食物皆合理上到四樓原來全層都係佢地 分左兩邊餐廳都幾大但好細心安上叫人鐘有需要就可以叫侍應環境好寧靜吾嘈吵人流都好多即係食物都新鮮叫左兩個餐可加錢要龍蝦🦞湯味香滑流香蒜蜆肉意大利粉勁好食好香口味膿而不咸意粉軟硬合格三文魚角包 稍為多醬左少少 抵食仲有薯條🍟岩哂大食朋友仔甜品結尾就吾少得Cheese 🧀 cake 好有芝士味心太軟外脆內軟 100分滿足哂每位$150 到真不錯之選朋友冇介紹錯

呢排工作好忙，日日都要OT, 當收左工既時候已經係8點幾既事。係我仲煩惱緊食咩Dinner 之際，男朋友提醒左我，去返之前去過既好食又好玩既餐廳-Double Cafe 啦🙆🏻‍♀️Double Cafe 位置都幾方便又易搵，由創興廣場直行兩個街口轉右就已經係高氏大樓了。再次上黎食，先發覺到原來另一邊廳既卡game 多好多，起碼成3倍以上😍有啤牌，Uno,麻雀，大富翁。。。。。。真係好多❗️仲有好幾隻game,我直頭未見過tim~好想快d 醫好個肚就去玩🙈全日早餐 $128估吾到咁夜都仲有全日餐，咁就一於叫一碟啦🙈全日早餐有煙三文魚，薯餅，茄汁焗豆，沙律，炒蛋，牛角酥。岩哂我呢d 食得吾多既女仔😂薯餅薯餅炸至金黃色，外脆內軟，比較上中意食呢款既薯餅，因為夠厚夠薯🙈炒蛋口感香滑，啖啖都有濃郁蛋香味，好正🙈兵加腸英式香腸既一種，口感彈牙，肉汁澎湃，香濃滋味縈繞不散，香腸控必食呀😍鮮茄焗豬扒飯 $112鮮茄令人胃口大開，豬肉有特別炸過後再切成5~6塊，放上飯上，灑上芝士。豬扒厚身又實肉，又吾帶一點雪藏味，不錯👍芝士焗薯條 $46大大既一碗，好足料。焗熔既芝士鋪係厚切薯條上，多一分芝士濃香味😋薯條

孖啡已經係第2次幫襯之前同幾個朋友黎聚下傾下計今次就係約了朋友傾旅行行程，所以我又建議黎double cafe又可以慢慢坐慢慢食呢到職員好有禮貌，一上到黎就企晒係門口serve你係座位附近有bell, 方便你點餐同搵職員幫手晚上我地叫了兩個set, 套餐跟$38或以下的飲品，多了就補差額食物方面亦好有水準、值得推薦係黑松露野菌意大利飯黑松露好香，夠creamy, 野菌份量亦配合得好好Cafe來說是很有水準另外點了芝士焗吞拿魚天使麵同芝士焗薯條，都好好食

呢間餐廳有最低消息, 但作為正餐來說又不算太貴大部份都係100左右, 而且仲送一杯野飲係旺角黎講呢個價都未必食到晚餐鮮茄焗豬扒飯等左呢個飯都幾耐下，朋友既都到齊就差我，原來是因爲係即叫即焗，係要返咁上下時間整的原本看這個飯的size不算大，但原來都幾飽肚，豬扒可說是king size的！又幾嫩滑入味，整體來說不錯蒜香雞翼叫左個小食吃，炸到好香口，蒜香味濃，而且外脆內嫩！一流蜜桃乳酪只係需要補幾蚊就可以飲到，除左呢個仲有超多選擇，蜜桃味都算濃既！個口感幾特別!!

CAFE比人既感覺都係聚會既多野食既品質真係好差下今次我同班FD去呢間係旺角既咖啡店只要買左野食/野飲就可以係度冇人理咁自成一咁玩估唔到食物既品質都幾高質黑椒牛柳粒飯想不到一家咖啡店竟然會有如此中式的食材，但味道也的確不錯，黑椒牛柳粒在水準之上，一咬落去多汁又香口，黑椒汁都值得加分！整個飯色香味俱全戰車一個餐是包一杯野飲的，可以選擇指定價錢以內的或是補錢就可以選擇貴一點的野飲！呢個戰車份量誇張！但味道又不錯，又可以當做甜品吃

人约黃昏後係一件最開心嘅事，好耐未試過係旺角街頭等人嘅滋味，約咗一嗰多年冇見，但係前兩日偶然撞到嘅朋友，就約咗係今日聚吓，好在大家都係守時嘅人，見面後就一齊去咗一間係旺角高氏大樓4樓嘅Double Cafe孖啡，坐下睇吓歺牌，我叫咗一個鲜茄焗豬扒反同埋檸檬梳打，朋友叫咗芝士焗呑拿魚天使麵和柑桔梳打，甜品佢話要心太軟，我要雪糕得啦，簡单啲，歺湯係羅宋湯，羅宋湯和兩杯飲品先到，羅宋湯味道有少少辣啱我。檸檬梳打酸酸地，飲咗兩啖，即時開胃哂，朋友嘅柑桔梳打，佢話味道OK，跟住豬扒飯和天使麵都一齊上，我地大家都分享咗些少比对方。豬扒好冧，飯配埋個鮮茄汁，十分之夾，呑拿魚天使麵，勁多芝士汁，超好味，最後上埋兩個甜品，朋友盛贊嗰心太軟，十分好味，我忍唔住食咗少少，味道果然唔錯，一流，比起我嗰雪糕，好好多，一路食一路倾，不知道已經九点幾，因明天要返早更，所以快啲埋单，再约下次聚过。

今日去咗旺角行街，想搵間Cafe食飯同埋傾吓計，上網就搵到係高氏大廈4樓嘅孖啡，未夠七點去到已經差不多坐滿，所以最好訂定位入到去就見到啲card game 同玩具，不過今日主要都係同朋友聚下，所以就冇玩同朋友叫咗一個全日早餐同一個軟殼蟹黑松露意大利粉😋😋全日早餐都幾好食，個蛋都炒得幾香，不過分量唔算好多，如果男仔嘅話可能要加埋個甜品先夠飽😂個軟殼蟹麵好有黑松露味👍個軟殼蟹都炸得幾好，仲有少少膏😋套餐包左一杯$38以下嘅飲品，就算轉飲特飲都只係補差價，不過天氣咁凍我都係叫咗一杯熱嘅柚子蜜，朋友就叫咗一個蜂蜜綠茶總括而言，以樓上cafe來說，飲品選擇都算幾多，食物都唔錯，而且坐好耐都得👍👍同朋友過嚟聚下，傾吓計都幾好

朋友推薦我到這家位於油麻地的樓上cafe。因為我最近喜歡全日早餐，所以就算是晚餐時間，我亦要吃早餐！全日早餐食物包羅萬有，十分適合我這種胃部空間有限，但食慾無限的人。其實全日早餐食物不外乎是腸仔、煙燻食品、薯餅、炒蛋、茄汁豆、沙律及包類。雖大同小異，但要各款食物均美味，亦須花點心思！套餐亦包括飲品，我選了藍莓茶。餐廳用上立頓紅茶包，加上藍莓醬，甜度適中，美味可口！另外，餐廳提供多款board game，跟好友邊玩邊吃，真的愉快！

尋晚9大7小的聚會，揾地方真係唔容易，最後其中一個朋友推薦這個地方，尋晚大約6：30到，侍應好快安排我哋坐好，安排的位置好好，好確坐。食物方便我本人最欣賞意大利飯，好好味道，連小朋友都食左好多。小朋友食完嘢，就走左去拎board games玩，我哋差唔多10：45先離開，食連玩足足4個鐘，正！

後生仔傾吓偈最啱就係去樓上cafe 邊傾邊食，慢慢坐住食之餘又冇咁局促食得開心D，就今次去呢度一樣咁最緊要地點就腳夠方便，一出𨋢口已聽到陣歡笑聲就知好feel，再搵個位坐下就可以點餐，餐牌有多款菜式提供，已包括一杯飲品又可以補差價，飲番杯特色飲品各有捧場客，而且仲可以升級有埋龍蝦湯，連甜品都可以有朱古力心太軟雪糕超值優惠組合我就當然點晒佢可以慢慢嘆，先來有升級龍蝦湯入口夠香濃又鮮甜，再來到主菜香蒜白酒蜆意大利粉，已聞到陣陣香味四溢，每啖都會食到香蒜氣味食落特別香口，蜆肉啖啖鮮甜又多汁，簡直越食越惹味再飲杯特飲香滑拖肥朱古力，又繼續品嚐其他美食，仲有小食拼盤又估唔到份量足，有齊六款口味雞翼、炸魚、春卷、炸角，薯角同丸子最啱一班人一齊食，入囗熱辣辣夠晒香脆食得滋味最後壓軸有甜品朱古力心太軟雪糕，食到濃郁朱古力再配啖雪糕簡直完美，開心食住繼續傾

經OpenRice 訂座及入座，但沒發覺有任何特惠，所有價錢都是依據餐牌上一樣，還有的是....完全沒有提供免費小食，若當時已經沒有優惠或活動已完結，亦需要向客人通知一聲，令客人不致向餐廳給了負評。雖然餐廳的食物味道和品質也唔錯，但由於上述的問題令我的確有點失望，若能夠改善這問題，我相信你們會做得更加好。同時，因當日附近有一班女仔同時食飯，人數若為6人但餐廳容許她們在餐廳內大聲叫喊，玩遊戲的時候實在聲浪太大，影響全餐廳的人，餐廳完全沒有意識去著她們減低聲浪，這一點亦很需要改善的，希望能多加注意及盡快改善。