孖啡 (已結業)

Very good 我一家人都十分喜歡在這個地方用餐，這裡的員工都非常友善。當然，餐廳的食物質數也很高，食物非常美味，很完美，士多啤梨梳打沙冰也很好吃，強烈推薦！這杯是塔羅特飲系列中的塔

首先，係門口已經覺得環境好差，一入到嚟更加係心入面嘩咗一聲，燈光昏暗，日光日白都搞到似係盲人體驗餐廳入面體驗緊咁，心平氣和下來以為啲嘢食會幾好味可以彌補這些不足。所以我們決定叫返兩個人氣最高嘅嘢食先，煙三文魚天使麵、鮮茄焗豬扒飯、一杯士多啤梨奶昔同孖啡。啲嘢食一嚟到…我對呢間嘢嘅期望值又跌咗一半，天使麵入面啲洋蔥酸到冇人有，煙三文魚入面有碎骨，應該是cheap嘢吧。其次，鮮茄焗豬扒？啲鮮茄去咗邊，得嗰幾粒就扮係鮮茄，全部都係茄汁嚟，茄汁仲多過啲飯，下面啲炒底根本就唔係炒底，我估應該係炒咗啲蛋然後撈入啲白飯入面，完全食到冇胃口，唔講政治，連大x樂嘅焗豬飯都好食過佢100倍。最後喇，呢間都算係café，誰知啲嘢飲勁重香精，杯孖啡仲話係推薦，明明就係用雀巢咖啡沖出嚟嘅，杯milkshake更加唔使講，落啲奶精落啲士多啤梨醬溝冰用blender搞兩嘢就話係奶昔，同five guys嘅milkshake相比真係爭得太遠。5粒星比半粒都嫌多呀！埋單竟然仲要222，真係寧願去食茶餐廳都唔會再揀呢間！😤😤

We decided to try this cute little cafe tucked at Mongkok for lunch. We really like the ambience of the cafe and they had a number of board games available for customers to play. We tried their lunch set and went for their: 1. Mushroom Risotto with Black Truffle Cream SauceAll their lunch set came with a free drink worth HKD 38. We were given the option to order any drinks from the menu, and would just need to make up for the difference. We ordered a hot mocha together with this set. Their mushr

孖啡 (旺角)🍾用餐體驗上次食過呢到的dinner，今日經過又上嚟試下個lunch先！🖼環境上到去都幾多人😳，好彩未使等位。本身坐正風口位，好凍🥶😣，後來有人走左後我地問店員可唔可以換枱，佢都好友善咁答可以。☺️另外真心幾鍾意佢ｄ吊燈，好靚。主食：🦀軟殼蟹黑松露意大利粉 $92意粉夠creamy，😘加埋黑松露真係好香！軟殼蟹炸得好酥脆，仲鎖到入面啲肉汁添🤭🤭。🌮煙三文魚意大利烘包 $74由於我地唔太肚餓，所以另一款就叫左個包類嚟食，估唔到佢有薯條同沙律🤪其實都好豐富！煙三文魚基本上都係信心保證，佢加左番茄🍅、青瓜🥒同生菜🥬令成件事好清新好fresh。😋好味！飲料：☕西班牙咖啡 +$12上面個雲呢拿雪糕好滑好香🍦，溶左落杯咖啡到令杯咖啡好滑好好味。同埋食左好耐粒雪糕都未溶晒，先發現原來鋪頭好細心咁喺粒雪糕中間加左粒大冰，減慢雪糕溶的速度，🥰非常之細心！☕鹹柑橘蜜+$2朋友喉嚨有少少唔舒服叫咗杯鹹柑橘，😮比較淡，唔鍾意太鹹可以試試。/整體評分：味道 🌟🌟🌟🌟🌟環境 🌟🌟🌟🌟服務 🌟🌟🌟🌟🌟衛生 🌟🌟🌟🌟🌟抵食 🌟🌟🌟🌟.....#doublecafe#mk #mongkok #mkfood

🔺 孖啡 (旺角)第二次黎呢到食野同老公撐枱腳，由於疫情關係e+冇得借table games, 但係呢到既氣氛仍然好好，好岩一班朋友仔黎傾計，黎小聚會一下～🔻全日早餐（$88)入面有煙三文魚，薯餅，紐倫堡腸，茄汁焗豆，炒蛋，牛角酥，沙律～好豐富😍而且樣樣都夠熱，沙律都好新鮮～仲有三文魚好抵食😋🔻黑松露野菌意大利飯（$80)黎到已經聞到好大陣黑松露味好香，野菌份量都唔少，啖啖都食到菇。意大利飯做得好creamy ,面頭仲有芝士碎更香濃～🔻熱蜂蜜綠茶（跟餐）茶底用阻lipton 綠茶包，再加蜂蜜，好清甜，唔會好濃，適合中意飲淡茶既朋友仔～🔻凍西柚綠茶（跟餐+$2)清新西柚味，飲落酸酸甜甜好解渴～

疫情下沒有晚市唯有捉緊時間跟朋友食午餐今天我哋去了平常我們比較少去的cafe佢仲有broadgame 可以玩的我連午餐都比較大突破今日食墨汁墨魚汁意粉明知食完啲牙同嘴都會黑黑的但係就是想試吓另外就是點煙三文魚烘包，比較驚喜的是這個烘包很軟熟，夾著三文魚同有青瓜在內挺好食的另外就是有Oreo 奶昔同藍莓乳酪凍飲輕輕鬆鬆過一午、同時亦有很多人來食嘢原來食慶祝生日的客都多，這裡環境很舒服坐入點仲可坐在開着窗的那邊座位，感覺好舒服空氣流通食物嘅質素都比想像中好，不過肉類不算太多

之前嚟親都係夜晚，估唔到晏就黎靜靜地之餘仲有啲包呀個啲食～🍴龍蝦湯（餐＋$25)又濃又滑嘅湯，啖啖都係龍蝦味但亦唔會太咸🥰而且個碗嘅size有啲大，25蚊咁大碗都幾抵～🍴煙三文魚意大利烘包 $74就咁睇menu嘅時間以為得個包，點知嚟到又有包又有沙律又有薯條😆　沙律菜都幾新鮮，再加上芝麻醬，無得輸！仲有薯條新解炸好，上到枱都仲係脆卜卜咖，好正🥺　仲有主角包包都好好食，煙三文魚一樣好鮮，裡面啲醬勁多，一路食一路跌出嚟haha🍴鮮茄焗豬扒飯 $76估唔到竟然係炒飯底～正！面頭極多芝士同茄醬，塊豬扒極大塊之餘仲要切好曬，好抵讚！而且豬扒做到好淋身，同時唔會有鬆肉粉／梳打粉味～不過唯一美中不足就係如果可以焗耐少少，令到啲芝士脆卜卜就正啦😻🍴西柚梳打 (餐 + $6)西柚味重但又唔係死甜，唔知點做到的😻😻好有以前去neway飲fruit punch嘅感覺～

今日去咗旺角人氣高企嘅Cafe，入去裝修企理，四四方方，都有好多座位！入邊見到lunch set，價錢好抵食試咗個H 餐：墨魚汁魷魚🦑意大利粉大膽嘗試左墨魚汁意大利粉，墨魚汁醬深透左意粉🍝，煙煙韌韌嘅魷魚，仲有蘑菇，成碟嘢食落好有層次，口感分明！鹹鹹嘅墨魚汁香味值得一試😎G餐：黑松露野菌意大利飯濃濃嘅黑松露配上奶白色嘅忌廉湯汁，口感非常軟滑，再配上放軟硬適中粒粒分明！蘑菇，芝士，蕃茄各種材料混合在一起，非常好食😋跟餐可以揀$38嘅嘢飲，今次我加錢揀咗兩杯特飲，oreo 奶昔 and士多啤梨奶昔食完飯梗係飲兩杯特飲來完結個午餐啦😀

伏到pk…本來以為係普通樓上cafe睇埋其他食評都好有期待。 點知野飲嚟到已經伏到爆，個蜜桃紅茶都知係溝水㗎啦 但係竟然有啲似洗野污糟水既味，真係接受唔到。2個意粉嚟到之後，個軟殼蟹意粉一陣酸酸地既味，我真係燥咗。龍蝦意粉雖然都有酸味但都叫正正常常，成餐最好竟然係個蜂蜜綠茶，心太軟就一般般不過不失。優惠又fake 款色又少，不過呢樣其他comment都有講就唔重複了。我覺得自己平時食嘢都要求幾低，但係呢間嘢真係完全接受唔到。喺mk，200幾真係攞去掃街好過！

趁封晚市堂食之前，即刻趕DEADLINE約朋友黎CAFE傾下計😆呢到晚市SET MENU會包1杯$38飲品，或者$38以上飲品就補差價。今次叫左 芝士焗吞拿魚天使麵($98)、鮮茄焗豬扒飯($114)、朱古力心太軟雪糕(+$35)、星星(原價$52, 現補$14)、榛子風味朱古力咖啡(原價$46, 現補$8)內裡環境簡約榛子風味朱古力咖啡：佢D味道平衝得好好，飲落幾香榛子同朱古力咖啡味道，唔會蓋過晒對方😋星星：即係蜜桃鮮打沙冰，甜度剛好，啱晒我口味，沙冰都打碎晒，飲落幾綿下😉鮮茄焗豬扒飯：焗得幾有水準，表層微微焦香，茄味香甜唔會酸，而豬扒已經切左件方便食用，肉質幾嫩唔會鞋😋芝士焗吞拿魚天使麵：同樣地焗得幾好，吞拿魚份量都唔少，天使麵幾幼身口感唔錯，芝士帶點拉絲效果，整體味道配合得唔錯👍🏻大合照😍朱古力心太軟雪糕：落單時職員會問即時上或者後上，而後上嘅話會提醒製作需時，預早15分鐘通知職員，好細心👍🏻切開後裡面D朱古力漿流出黎，好治癒😆朱古力香濃郁，配合埋雲尼拿雪糕一齊食幾正👍🏻食完除左傾計之外，呢到仲有好多款式嘅BOARD GAME或者遊戲玩具可以玩，諗返起以前中學時期同朋友仔一齊HE

今日放假同朋友黎到旺角買野唔經唔覺行到左下午茶時間就黎左呢間之前食過嘅樓上cafeCafe嘅格局比較西式 有些少復古味位於樓上 人流較少 所以都比較寧靜1. 龍蝦焗青口天使麵我朋友叫左個龍蝦天使麵D龍蝦同青口都唔錯 唔會有陣雪藏味有足夠醬汁 食落唔會覺得乾係份量比較細2. 蜂蜜綠茶朋友叫嘅餐飲 不過不失3. 鮮茄焗豬排飯我叫嘅焗飯芝士可以拉絲 豬排香口 炒蛋飯底粒粒分明而且冇普遍茶餐廳咁有過咸嘅問題不過同樣都係份量較少4. 孖啡我叫嘅招牌咖啡餐飲咖啡唔錯 甜度適中係面果浸cream唔太溶到落杯啡度所以飲落個感覺差少少最後埋單有加一我覺得個食物質素係幾好味不過通病係份量都比較細份同埋價錢都偏貴 有少少覺得唔抵食

重要事情講三次一定要book枱!一定要book枱!一定要book 枱!同朋友三個人一齊想搵間無限時嘅Cafe食飯，就揀到呢間，全部人都係有訂枱入座，所以一定要book枱用openrice book枱送的小食香蒜白酒蜆意粉~好多蜆，有十幾隻明太子海蝦意大利粉薄荷朱古力好好彩，同日上午book都仲有位，waiter 安排左靠窗單邊枱，坐得好舒服，但要留意成棟大廈都係餐廳，好多人等𨋢，部𨋢又細只入到6,7人，所以預留番10分鐘等𨋢

今日同個朋友去咗旺角呢一間嘅cafe食嘢~ 其實好耐之前都去過一次，不過覺得佢食物麻麻。首先，講下個小食拼盤先， 炸嘢其實都好難會難食， 不過本身50幾蚊就一碟雞翼， 而家80幾蚊一個拼盤都稍為化算~ 不過期望唔好過大😂其次講下嗰個海鮮龍蝦汁意粉， 龍蝦汁水咗少少，唔太粘同一般~~野飲就係綠茶再加番相應嘅調味果汁，好正常嘅嘢飲，冇咩出色~~ 不過小食拼盤同飲品都係畀正價， 完全都冇畀折我哋， 當時又唔記得咗問佢~ 去食嘅話要睇清楚張單呀

今日同朋友行油麻地睇玩具，夜晚一齊食埋飯，介紹左去彌敦道近油麻地出口登打士街的高氏大樓4樓的樓上Cafe，孖啡Double Cafe。上到餐廳人都好多，原來還分開有幾個單元，地方都幾大，坐得舒服，還有好多款Board Game玩添。有Set Menu最好不過，還有小食、多款不同類的飲品：有咖啡、朱古力、奶昔、乳酪、特飲、花茶系列等水牛城雞翼 $58味道香濃惹味，肉質軟腍，佐酒一流。看到有BBQ烤豬仔骨配薯條$158好吸引，可以Share食，醬烤味好香濃十分掛汁，鮮炸香脆薯條鋪底好邪惡，每條骨都好容易切，剛好離骨，夠爽嫩，好高質。鮮茄焗豬扒飯 $114，焗豬賣相吸引，滿滿的芝士鮮茄醬汁，酸甜開胃，豬扒嫩腍，整體不錯。套餐包一杯$38飲品，$38以上補差價，我點了士多啤梨乳酪 +$8，甜品再可以+$35有朱古力心太軟雪糕，怎能忍得住唔點呢。

今晚朋友帶路, 去左樓上舖食晚飯, 估唔到咁多人識食, 坐左一陣已經差唔多滿座. 地方寬闊舒服, 可以慢慢傾計吹水.龍蝦湯濃郁龍蝦味, 香味撲鼻, 越飲越停唔到口.煙三文魚意大利烘飽意大利烘飽香軟, 配三文魚好夾, 有沙律菜伴碟, 其實沙律菜可以夾埋落個飽一齊食, 更好味.BBQ烤豬仔骨配薯條烤豬仔骨配上秘製醬汁, 酸酸甜甜, 好醒胃! 肉質嫩滑, 完全唔使用力咬. 薯條脆卜卜, 熱辣辣, 炸得啱啱好.朱古力心太軟雪糕即叫即製, 裡面流心朱古力, 一切開就流晒出來, 熱辣辣, 加凍冰冰雪糕一齊食最正!拖肥朱古力淡淡朱古力香, 加上忌廉同朱古力醬, 雙重朱古力味覺.