孖啡 (已結業)

真係好鍾意呢間Cafe，地點方便，環境舒適，食物質素性價比高，嚟幫襯一次又一次🤤！呢次係lunch時段過嚟，佢嘅lunch set價錢合理，嘢食質素不錯，而且仲可以有唔同嘅Board game玩，係假日打躉嘅好去處。✅炸軟殼蟹黑松露意粉 🍝 $108炸原隻軟殼蟹，炸得好香脆，但係唔會油膩，軟殼蟹有蟹味，仲有滿滿嘅蟹肉。黑松露忌廉意粉，唔會乾身，有滿滿嘅忌廉， 雖然邪惡，但好滿足。佢仲有好多蘑菇片，同埋一啲都唔孤寒嘅黑松露醬，每一啖都覺得好好食！✅飲品：荔枝梳打 （少甜少冰）因為食忌廉意粉，所以揀咗一個比較清新嘅飲品，就係荔枝梳打，再特登叫咗少甜，突出番荔枝本身嘅味道，而唔會太甜，加上梳打水嘅氣泡，解油膩，亦都好清新。飲品底部仲有一啲蒟蒻，好有口感。✅甜品：雲呢拿雪糕配生心太軟 （+$38）擺盤好有心機，有牌仔，亦都擠咗朱古力醬，好睇又好食。朱古力心太軟有香濃嘅朱古力味，中間做到流心，配埋簡單嘅雲呢拿雪糕，非常之夾，大推呢個甜品🤤🤤。總結嚟講，呢間Cafe值得一去再去，適合上去食個飯、飲杯嘢，食個甜品。

《孖啡 - 旺角》前幾日接個朋友收工食飯，佢好好咁揀左間樓上cafe諗住可以同我坐底傾下計，我地選擇左一間都幾多人介紹既，聽講大件夾抵食🤭果日我地巨肚餓，叫左太多野食最後淨左好多，勁唔好意思🫣所以你地去的話記住注意份量或者叫多一兩個朋友呀😝💁🏻‍♀️明太子海蝦意大利粉 $136我個人最推介呢個意大利粉👍🏻明太子嘅鹹香同忌廉好合拍，基本上每一口意粉都食到啖啖嘅明太子，醬汁包住海蝦同啲意粉，食落好滑溜之餘味道都好濃郁💁🏻‍♀️軟殼蟹黑松露意大利粉 $148原隻軟殻蟹放上黑松露意粉上面，又係好creamy既菜式，松露醬都落得幾多咼，仲食到不少菇菌添，不過個粉真心好大，兩個人兩個粉係食唔曬的💁🏻‍♀️心太軟+雪糕 $38女人就係咁😹眼闊肚窄，本來我哋覺得自己超肚餓，所以叫咗主食之後仲要叫埋兩個甜品🍮心太軟切開咗之後呈現流心狀態，配雲呢拿雪糕呢種冰火交融嘅感覺好特別💁🏻‍♀️芝士蛋糕 $48芝士蛋糕充滿奶香，質地結實，似係美式嗰一種芝士蛋糕，口感有點偏甜，適合配番杯咖啡啦💁🏻‍♀️香蕉奶昔 跟餐優惠飲品方面，只要點左Menu set入面既主食，就可以跟配$38以下既飲品，點貴啲嘅只要補返差額就可以啦，都算

🐾孖啡🐈一向鐘意樓上cafe~今次就同朋友試下呢間係公司附近既cafe~ 餐廳幾大間，用餐環境不錯~✨明太子意粉明太子味唔會太出，醬汁香滑，大蝦調味不錯✨軟殼蟹黑松露意粉軟殼蟹炸粉唔厚唔腥不錯~ 黑松露醬汁濃厚creany，好食✨軟黑松露薯條粗身薯條口感一流，黑松露醬濃味，整體不錯✨芝士蛋糕軟嫰香滑，輕香芝士味，唔會流✨心太軟做到流心効果，朱古力味濃，配上雪糕食更正✨泡沫咖啡拉花圖案好靚，咖啡味香濃，大大杯正✨香蕉奶昔新鮮香蕉味，唔會太甜

已經好耐無嚟小编的食堂，今次經過旺角又就嚟試下餐廳食物質素有冇改變到。上到餐廳門面依舊，都係走簡約路線，去到餐廳已經係6點人唔多，職員好快安排座位。晚餐都頗多選擇，套餐已經係包飲品$38一杯，如果要加湯/甜品要另外加錢。飲品叫咗凍芒果梳打，同熱蜜糖紅茶，芒果梳打普通正常，蜜糖紅茶真係有驚喜喎，好滋潤好適合喉嚨乾涸🥳三文魚烘包配薯條同沙律菜，法包夾住三文魚蕃茄生菜，法包好軟熟加上三文魚超新鮮，感覺好fresh😋焗吞拿魚天使麵，都ok好味可惜不太熱，廚師真係要留意下食物溫度，有改進空間。當然唔可以唔叫小編至愛心太軟加朱古力雪糕，心太軟上枱時都熱熱地，切開係流心朱古力，超濃郁朱古力味，甜度適中好味😋😋😋

同朋友好耐冇見，有大把野傾，搵間好坐又坐得耐既餐廳真係好重要!!呢間係旺角既樓上cafe就啱曬我地要求，仲有埋board game玩，正啦😂🔆白酒忌廉煮藍青口白酒同忌廉既獨特風味同藍青口好夾，口感豐富🔆BBQ烤豬仔骨配薯條豬仔骨非常嫩，一切就甩骨，帶有炭烤獨特香氣，配上脆炸薯條非常滿足🔆脆炸軟殼蟹軟殼蟹新鮮，炸得非常酥脆，口感十分不錯。🔆士多啤梨乳酪士多啤梨味唔會假，甜度啱啱好，乳酪酸酸地好fresh！

一陣都好想試呢間餐廳，今日經過終於有機會食到，位置好方便就係信和附近，地鐵站行過黎都係10分鐘今日一開始叫左龍蝦湯，味道鮮美口感豐富，湯汁就會更加鮮甜。食出濃濃既龍蝦膏香之後叫左個白酒忌廉煮藍青口，非常精緻的海鮮料理，藍青口的味道和口感都非常好，加上白酒和忌廉的烹調，讓整道菜色更加濃郁。BBQ烤豬仔骨配薯條，豬肉的口感鮮嫩，醬汁味道適中唔會死咸，搭配上薯條讓整道菜色的口感更加豐富。脆炸軟殼蟹，蟹肉的口感鮮美，加上酥脆的外皮，讓整道菜色的口感非常好最後叫左杯士多啤梨奶昔，非常清涼的飲品，士多啤梨和牛奶的搭配非常好，口感清香甜美，是夏天消暑的不二之選

今日係旺角行左一陣街, 有D肚餓, 就見到有呢間餐廳廣告, 係樓上舖, 地方都好寬敞, 而且佢有獨立Party Room, 一班朋友可以有獨立空間玩到癲!香草醬海蝦意大利粉香草味濃郁, 海蝦非常爽口彈牙, 意粉煮到啱啱好, 唔會過份冧同軟身, 令人食慾大增!炸魚薯條熱辣辣, 上枱已經飄出香氣, 即叫即炸, 魚同薯條外皮都炸到脆卜卜, 裡面魚肉廷身啖啖肉, 薯條裡面軟綿綿, 茄汁係永遠既絕配!心太軟+雪糕心太軟即叫即製, 外層濃濃朱古力味, 裡面超級流心, 好似朱古力醬咁! 配雲呢拿雪糕, 凍加熱混合, 雙重口味!月亮 (荔枝, 菠蘿鮮打沙冰)超級冰凍既鮮打沙冰, 飲一啖, 個腦都凍結左, 荔枝味濃, 微微菠蘿味, 消暑解喝必飲!

同朋友食飯，一定坐耐啲又可以傾下計，咁就去Cafe餐廳《孖啡》就岩晒啦，想傾幾耐都唔會有人趕，餐廳入面仲有boardgame 可以玩添！我哋擇左太子海蝦意粉-口感，明太子味道都幾出，岩岩好唔會好咸，成個份量都好多，而且海蝦都大大隻的，爽口彈牙黑松露野菌意大利飯-意大利飯同菇菇超入味，仲配合埋芝士加松露，呢個組合簡直係perfect ！香蒜白洒蜆意大利粉- 系好香蒜味意大利粉，D蜆肉超多，又好乾淨唔會食到沙

今晚同舊同事聚舊，所以又上黎孖啡到食飯吹水，全梳化位，感覺優閒舒適，聚舊傾計就岩哂，呢度仲有card game提供俾客人隨便玩。香草醬海蝦意大利粉香草醬唔會太膩，感覺幾清新，海蝦爽口彈牙，都幾大隻，數量都唔少，意大利粉煮到軟硬適中。炸魚薯條炸魚粉漿夠薄，炸到外脆內軟，魚肉嫩滑。心太軟+雪糕朱古力心太軟製作需時，需要提早15分鐘通知，上檯時外脆內軟，剛好是流心狀態，切開後朱古力漿不斷流出來，不會太甜，配雲呢雪糕食剛剛好。紅莓果冰茶紅莓唔會太酸，帶少少甜味，仲有個花茶底，有消滯解脂功效。

旺角想搵地方坐一坐，同朋友玩下Board Game，呢間Cafe都係一個唔錯嘅選擇😛食物份量多，價錢合理，都幾抵食！✨香蒜白酒蜆意大利粉 $74-味道比我想像中好，好過好多同價位嘅連鎖店-淡淡酒香點綴，整體唔濃味，但唔係淡而無味-味道舒服，唔會有太大膩感-蜆肉肉質飽滿，唔會瘦到成支柴咁✨蒜香雞翼 $52-粉團感唔重-口感香脆，仍然保留到肉汁-蒜蓉味再濃啲就更好✨心太軟-切開係流心狀態-朱古力味香濃，外層較脆-冰涼嘅雪糕加新鮮出爐嘅心太軟，唔錯，不過當然冇得搵甜品舖嘅嚟比較啦😆

第一次寫的負評1. 品質:只能以茶餐廳質素對比,焗豬扒飯仲差過大家樂2.服務: 零服務,埋單時直接丟張單係台,然後講:現金定支付寶.就走了3.環境:食過樓上cafe/餐廳 中最差我見有好多好評,點知「伏」到不能形容

上星期晚同fd去咗mk 樓上cafe 玩board game，食物質素都幾好，好啱同一大班朋友玩。٩(˃̶͈̀௰˂̶͈́)و  🦞龍蝦湯 Set +$28龍蝦湯好大碗味道濃郁，不過如果有龍蝦肉就更好🥲🍝明太子海蝦意大利粉 $128呢個明太子fans一定鍾意，有差唔多8件大蝦球，份量好多🤣 明太子好creamy，意粉都掛汁，每啖都食到明太子，蝦肉爽口彈牙，好抵食。(⁎⁍̴̛ᴗ⁍̴̛⁎) 🍰牛角窩夫配雪糕 +$48呢個窩夫有驚喜🤣 係Croffle 配雲呢拿雪糕🍦窩夫酥脆，雲呢拿雪糕好大球，再淋上朱古力醬，一冷一熱好夾。🥰

慢活生活～旺角抵食Cafe˙Ⱉ˙ฅ支持小店系列，發掘到一間抵食又可以慢慢坐嘅Cafe。午餐可以選擇意粉、麵包薯條同全日早餐，價錢都係$100內。份量多，男仔都一定會夠飽🙈✐ 黑松露野菌意大利飯 $80❍ 醬汁奶香味濃，濃稠度剛剛好❍ 黑松露口味唔算突出，但整體味道唔差❍ 意大利飯口感唔會過份硬或者太淋身✐ 焗英式魷魚圈 $53❍ 外層薄脆❍ 魷魚圈味道不算重❍ 蘸沙律醬更惹味✐ 龍蝦湯 (+$28)❍ 味道濃郁，不過有少少偏鹹✐ 蒜香雞翼 $52❍ 脆卜卜，面頭有大量蒜粒❍ 幾香口嘅小食呢度仲有唔同款式嘅Board Game，同朋友聚會係一個好地方。

最近，去咗孖啡呢一間樓上Cafe，本身以為佢係一間主打board game嘅餐廳嘢食唔會好食，結果完全相反😳佢哋嘅香蒜白酒蜆意大利粉實在係太好吃！啲蜆新鮮又大顆，湯汁濃郁，再加上香蒜同白酒嘅調味，實作令人回味無窮😋同埋佢哋嘅黑松露野菌意大利飯，味道都正超級正！個飯煮到恰到好處，配合埋黑松露和野菌，味道更加濃郁🤪除了主餐，佢哋嘅拼盤都係值得一提。有雞翼、洋蔥圈、魷魚圈、咖喱角同薯角，每一樣都係經典小食，最啱傾住計玩住game食✌️

位於樓上舖的孖啡空間比較狹窄，𝐰𝐞𝐞𝐤𝐝𝐚𝐲 𝐝𝐢𝐧𝐧𝐞𝐫都頗多人來吃飯，勝在有𝐛𝐨𝐚𝐫𝐝 𝐠𝐚𝐦𝐞可以玩玩、下班後與朋友敘敘舊，實在是一個好地方👍🏻𝐖𝐞𝐞𝐤𝐝𝐚𝐲 𝐝𝐢𝐧𝐧𝐞𝐫更設𝐝𝐢𝐧𝐧𝐞𝐫 𝐬𝐞𝐭，實在優惠呢🤑 ——— ✤ 三文魚烘包｜$𝟏𝟏𝟐 意大利烘包鬆軟無比，夾雜住蕃茄片🍅、為數不少的煙三文魚片、青瓜片🥒、生菜🥬、沙拉醬。整體𝐫𝐞𝐟𝐫𝐞𝐬𝐡，𝐜𝐨𝐦𝐛𝐢𝐧𝐚𝐭𝐢𝐨𝐧很滿足！ ✤ 鮮茄焗豬扒飯｜$𝟏𝟏𝟒 烤焦的𝐦𝐨𝐳𝐚𝐫𝐞𝐥𝐥𝐚 𝐜𝐡𝐞𝐞𝐬𝐞鋪滿整個豬扒飯👍🏻香甜濃郁的蕃茄醬汁下是軟稔的豬扒，厚肉的豬扒已經切好小塊實在貼心，底層的飯底略為炒過少許濕潤。 ✤ 蒜香雞翼｜$𝟓𝟐 撒上海量炸蒜包裹住雞翼，但略為整體少許不夠味。 ✤ 朱古力心太軟蛋糕｜+$𝟑𝟖 恰好友人生日🎂想不到臨時還可以安排店員幫忙寫上𝐇𝐚𝐩𝐩𝐲 𝐛𝐢𝐫𝐭𝐡𝐝𝐚𝐲字句在盤子上呢🤤朱古力心太軟流心、朱古力醬濃郁。 ✤ 薄荷朱古力｜+$𝟕 朱古力🍫味道不算太過濃郁，面頭是薄荷醬𝐦𝐢𝐱 忌廉。 -✤ 藍莓果冰茶｜+$𝟔香甜藍莓果茶不過不失🫐