媽咪雞蛋仔

营业中

休息中

我講咗成個禮拜想食嘅雞蛋仔，終於食到啦😍 諗起雞蛋仔，就會令我諗起細細個嘅時候，爺爺帶我經過小販檔，炭燒雞蛋仔嘅味道。依家香港真係冇乜幾可見到有小販檔賣雞蛋仔，不過唔緊要，媽咪雞蛋仔，我諗大家都唔陌生。經過舖頭就會聞到一陣嘅蛋香，雞蛋仔即叫即整，拎上手仲係熱辣辣㗎😍等咗10分鐘左右，終於有得食🤤原味雞蛋仔 $20黎到鋪頭有時都會想試吓啲新味道，但諗諗吓，我都係叫返原味雞蛋仔，因為總係覺得原味係最好味🙈，雞蛋仔外面好香脆，而裏面亦都好煙韌，整嘅時候用足料，裏面先至唔會好似食空殼咁。搣吓搣下🤏🏻，一底雞蛋仔我好快就食晒了。👐🏻細個食雞蛋仔，我記得好平，$10內就買到。呢份雞蛋仔雖然要$20，但以好食嘅雞蛋仔來講佢係值得嘅。😎🫶🏻

雞蛋仔伯爵茶朱古力$36第一次食咁貴雞蛋仔，但又估佢唔到咁好食😜見到個紙袋就知好講究，買到返屋企先食，雖然凍左，但外層都是脆的，無變死實；入口就食到好濃烈的伯爵茶味道🥰内裡軟棉棉的口感，食到朱古力味，即兩者味道分明，沒有混合後變成得返一隻味，值得一讚👍🏻👍🏻格仔餅抹茶味$33話真係厚到可以當飯食，好足料，好有口感，不是薄薄的蛋漿；花生醬和抹茶好夾，好好食😋兩者個人較喜歡雞蛋仔，覺得口感層次較豐富，食多幾粒都又唔覺膩😆會繼續試其他口味比較下😎

咁多年黎我始終都係咁中意食媽咪雞蛋仔，即叫即整，熱辣辣新鮮出爐個刻，雞蛋仔好香蛋香味，粒粒外脆內軟，正到爆！今次我叫左香蕉朱古力雞蛋仔，甜甜地，一如既往外脆內軟，好好食，就算拎到返屋企淋左都好食😋😋😋

今日同男朋友係紅磡個邊行下，行行下好想食雞蛋仔，於是就喺附近搵吓邊度有雞蛋仔店啦，跟住就見到依間媽咪雞蛋仔，真係好似周圍都會有一間係附近咁。 由於真係好想食，所以諗都唔諗就去排隊買啦！我同男朋友最鍾意食原味雞蛋仔，因為最經典既款式就最試到佢既真材實料😜😜原味雞蛋仔 $20即叫即整，等左10分鐘都唔使，真係好夠熱，而且咬落去外脆內軟，裡面粒粒都有7成滿，好有蛋同吉士既香味，十分足料，整體我地都非常滿意。 我地既原味雞蛋仔係用普通薄紙袋載, 但我覺得夠方便，而且可以直接咬舊雞蛋仔，唔使整到隻手污糟晒。 不過見到其他人食特別味道既呢，亦會用硬卡紙袋載，咁睇落外觀係靚d，影相都靚啲嘅。佢地全店的產品除咗有雞蛋仔之外，仲有得買格仔餅，同埋好多各式各樣嘅港式飲品！

愈來愈多的媽咪雞蛋仔，好似區區梗有一間係附近。全店的產品主要有3種：雞蛋仔、格仔餅、港式飲品🕵🏻我係神秘食客，想知一家店的食物水平，最緊要試下她的經典款式，通常餐牌試的左上角的頭三款(根據我的非正式統計)。「要有好基本，方可發展出更多好味道。」“𝐴 𝑔𝑜𝑜𝑑 𝑏𝑎𝑠𝑒 𝑖𝑠 𝑒𝑠𝑠𝑒𝑛𝑡𝑖𝑎𝑙 𝑓𝑜𝑟 𝑏𝑢𝑖𝑙𝑑𝑖𝑛𝑔 𝑜𝑛 𝑚𝑜𝑟𝑒 𝑣𝑎𝑟𝑖𝑒𝑡𝑦“ Yes, I said that!!!🧇<原味雞蛋仔 $20>即叫即整，等左10分鐘左右。夠熱，夠外脆內軟，裡面粒粒都有7成滿，算幾重手。蛋和吉士都幾香，整體我都滿意。👀我的原味是用普通薄紙袋載，方便捉住，直接咬、撕。見到其他人食特別味道，會用硬卡紙袋載，睇落外觀靚啲啲 😂

只賣雞蛋仔同格仔餅嘅外賣自取店雞蛋仔有21種口味可以揀～有甜有咸～+$20仲可以揀兩球雪糕加埋一齊食～格仔餅就8種口味任君選擇～不過個人鍾意食原味嘅雞蛋仔多D先傳統好味即叫即整等10分鐘就可以攞～雙重芝士可能都幾吸引～應該幾香唔知會唔會膩呢～之前食過咖啡、朱古力味之類食落有D苦～好似燶味咁～一D都唔好食都係皮脆內軟同其他街坊雞蛋仔店好似冇咩唔同～不過就比人貴幾蚊～如果想食其他味道都可以嘅～食原味都係街坊雞蛋仔店蛋味香濃

今日好早來買，唔洗排隊，即時製作，好快可以有得食。口感一流，食落去感覺到好實在的感覺。而且外皮爽脆，內心香軟。蛋漿同朱古力的分量比例恰當好處，兩者唔會搶大家的味道。今日仲知道原來加一杯野飲可以即時減4蚊!

雞蛋仔新鮮即制美味！價錢合理！雖然非繁忙時間購買都要等，但是值得的。我喜歡原味雞蛋仔及格仔餅！奶油花生醬比例合適，沙糖不是太多。朱古力雞蛋仔亦不是太甜，十分喜歡！

媽咪雞蛋仔，相信又係唔使多介紹，街頭小食當中連續五年獲推介，口味之多，同行之冠，次次去望住個餐牌都有選擇困難症，仲要成日有新口味，真係搞唔掂🤣🤣，另外佢個包裝都好靚同埋好用心，紙盒加咗個小手抽同埋有啲窿窿防止佢變淋👍🏻，如果係外賣拎返屋企食就可以叫佢俾個膠袋，防止雞蛋仔沿途食塵 ，今次左諗右諗終於食咗，雙重芝士雞蛋仔😋▪️雙重芝士雞蛋仔 $35雞蛋仔即點即製，一如以往外脆內軟，食到最尾差唔多凍哂都仍然保持香脆，用上車打芝士和水牛芝士味道濃厚，邊位有如芝士脆片一樣，但當然比其他雞蛋仔口味相對較油膩，食得鹹魚抵得渴，太好味🤣🤣

行過幾次今日見唔算好多人就order左抹茶格仔餅個樣好足料因為避免過甜我叫左每種醬料減啲啲效果不錯熱辣辣好腍軟我鐘意個格仔餅好厚身同個花生醬好夾下次等我試吓加埋紫菜先

今日胃口唔太好，所以諗住食一個雞蛋仔就當午餐。媽咪雞蛋仔真係食過數十次以上，之前一直都食開粒粒朱古力味。但佢改革之後，多咗好多口味。我今次叫左伯爵茶朱古力雞蛋仔，再加一杯鹹檸七沙冰。佢而家做緊優惠，買雞蛋仔叫嘢飲，可以減$4。媽咪雞蛋仔呢個品牌其實係有質素，不過用3x元去食一個雞蛋仔，值五值就真係見仁見智。加埋杯嘢飲$51，其實可以去餐廳食到個lunch😆😆本身自己好鍾意伯爵茶，呢間雞蛋仔真係做到有茶香味。所以推介一下👍🏼👍🏼

今日叫左朱古力雞蛋仔，$25, 價錢都幾合理，大概等六分鐘就有熱辣辣雞蛋仔食！朱古力粒都幾多，粒粒雞蛋仔都有朱古力粒，蛋味幾濃又有蛋香，略嫌朱古力味太甜，如果可以做dark chocolate 味應該會正好多！

見到媽咪雞蛋仔最近新出咗紫菜格仔餅 於是就去買嚟試下！入面加咗韓國 🎎 直送嘅超級大紫菜 只要買格仔餅就可以免費升級👏🏻今次試咗抹茶口味 食落外脆內軟😍 入面有滿滿嘅花生醬 紫菜嘅鹹香味大大減輕甜膩感 亦令口感豐富咗好多👏🏻 除咗格仔餅 我仲試咗港式奶茶 好好飲啊 大力推介！奶茶茶味好濃郁 連一向嘴刁嘅媽咪都讚不絕口 就知佢咩料啦🤣一場嚟到 點可以唔試埋雞蛋仔呢🤣 光顧當日正好係父親節 見到店鋪推出咗一日限定嘅豆腐火腩雞蛋仔 男人的浪漫喎 梗係要買嚟畀爸爸試下啦😍每粒雞蛋仔入面都有豆腐火腩 味道新奇得嚟又唔會有違和感 原來鹹味嘅雞蛋仔係咁特別㗎😆

抹茶格仔餅，好食既，鍾意食脆d既可以唔該佢地整耐少少，即叫即整，格仔餅外脆內軟，仲好多餡☺️☺️☺️☺️☺️朱古力雞蛋仔，都好既，又係外脆內軟，每粒入面都滿滿架🤩🤩🤩🤩🤩🤩🤩

呢間雞蛋仔已經連續五年話說咪知蓮街頭小食推介，我一直都好鍾意佢哋嘅雞蛋仔，佢哋而家出咗好多唔同嘅味道我都未試過，今日咁啱Tea time有機會經過就買咗兩底試吓我哋揀咗伯爵茶朱古力雞蛋仔仲有牛油果朱古力雞蛋仔。我就鍾意佢哋嘅伯爵茶朱古力雞蛋仔多啲，因為佢哋嘅伯爵茶同朱古力平衡得啱啱好，兩樣食材嘅味道好夾。至於牛油果方面佢哋落咗大量嘅牛油果蓉，都食得出牛油果味但係我就略嫌朱古力味太重有少少搶咗牛油果嘅味道