媽咪雞蛋仔 (已搬遷) 新店位置

同男朋友一齊去食, 一人食一底. 原味同朱古力. 第一次! 真係第一次食到真正有朱古力味的雞蛋仔. 唔再係只係得個色 or 得陣味!!! 我估佢入面有d 朱古力粒粒, 所以可以咁. 不過一到手真係要立即食, 一凍左就會"林"但面脆~~~ 我估我以後經過都會買. 同埋都係同出面個價差唔多 $14.

諗住去時新吃漢堡包，見到隔離間細店都排滿人龍，傳出陣陣雞蛋仔香味，個個圍住媽咪流口水，我要了原味，女友要了朱古力味，朱古力味好濃，脆脆的外皮，香滑的內涵，誘人的香味，快些在最熱的時時進食，等了10分鐘是值得。

之前去時新食野都聞到好香雞蛋仔味但唔知舖頭係邊..今日又路經...一路聞就一路追蹤雞蛋仔舖頭...原來遠在天邊近在眼前...因為見到舖頭有幾個人係到等呀~有個好細牌仔寫左價錢係到..其實都幾貴woo~46號牌仔...竟然要拎牌仔等~不過好彩都唔係等左好耐先由外講到內...1. 紙袋..個袋係同平時街邊食既雞蛋仔唔同..係有窿ga..我估係有空氣入去唔會焗到底雞蛋仔淋左仍可保住外脆...2. 熱度..實好熱la因為多人買根本上就唔會整好一陣先比你..加上佢全部都係即叫即整.所以熱度一定冇問題..3. 外皮..係脆脆的..但唔會有燶既情況出現.4. 內涵..內裏d蛋係好軟身..香好滑..亦唔覺好甜..真係一流~~本身想叫檸檬汁但已經賣哂..所以叫左檸檬茶.點為知自制呢...係有檸檬肉係入面ga...同一般茶餐廳檸檬茶係唔同..老闆娘好細心咁問如果夠甜可以問佢地再加糖..佢咁問係因為有檸檬肉係入面比平時d檸檬茶係偏酸ga.但我地覺得接受到仲好得意tim..希望下次有檸檬汁試下.其實係理解到點解佢地做得咁出色..因為真係同而家d雞蛋仔唔同..咁可能會話緊係la一底一底咁快賣出去根本上就唔會放係

上次睇sammi演唱會已經黎過,點知無開-口-今次睇ekin有開喇~叫左朱古力雞蛋仔,我原本以為佢1係落蛋漿後再放朱古力粒,原來係朱古力碎條撈蛋漿等左近2個字到~一上手~好熱呀~即刻meet粒食,好脆呀,入面d朱古力都幾多,好味! 不過要陣快食,因為好快淋!

今晚經過, 終於見到只得3小堆人在等, 明明好飽, 見到咁少人, 都忍不住走去買來吃~ 其實係好事~ 等叫號碼, 唔洗好似其他雞蛋仔咁, 迫哂係鋪頭, 又唔認錯左, 拎錯人地果底雞蛋仔~ 熱辣辣出爐, 香啊~ 正啊~ 果然真係粒粒都有少少朱古力醬, 唔太甜, 正啊~ 對於我鍾意朱古力味食物的人來講, 係超正~ 建議2-3個人吃一底, 仲要盡快吃, 因為凍左會覺得個皮較其他雞蛋仔厚身, 相信應該係因為要令粒粒都有朱古力醬, 所以先會厚身D~下次我想試下芝麻味~

星期日有事去紅磡...難得機會一定要試下呢區著名既雞蛋仔..下午2時多去到, 門口已有7-8人輪候..掛了號, 一底原味$12...店內大約有4-5人, 比起skw 的低調兄算人手多...這裡唯一不同是有塊膠兜套在紙袋口, 把雞蛋仔滑入袋中, 應該減少用手拈到的情況吧!感覺衛生一點..等了5分鐘...見99%人都是買雞蛋仔...似乎格仔餅不是首選..雞蛋仔份量跟其他店差不多..不覺得特別大份..口感很脆口, 亦不是空心..可能本人吃得較淡..覺得味道甜了少許, 而且椰子味太濃, 蓋了蛋味..蛋香..我還是喜歡沒有椰子味的雞蛋仔, 才原汁原味..要讚的是質感,服務, 衛生方面

我住了在紅磡很多年, 經過那裏很多次, 以前看到那麼多人排隊就沒有試過.加入了open rice後, 我終於知道原來那裏那麼出名, 就當然去試試啦~真的很好吃!!!!!! ><雖然比我以前吃過的貴一點點(現在已不算貴了, 已經是average price, 所有地方都加價),但十分值得~~~我吃了巧克力雞蛋仔, 就像之前的食評說過, 每一粒雞蛋仔裏都有一粒巧克力,我自己本來不太喜歡吃苦的巧克力, 但這裏的巧克力不太苦(一點點苦而已,但恰當好處), 而且那個味道跟雞蛋仔很配.巧克力很均勻, 不會說有些地方有, 有些地方完全沒有.買的時候那員工會給你一張等候牌, 而且會告訴你要等甚麼時候, 很好的arrangement!而且雖然多人買, 也不會等很久呢~拿到手的時候我第一個感覺是: 很大!那雞蛋仔比我以前吃過的大了有30%!我吃著它回到家還未吃完呢~ (大概10分鐘)很值得推薦的美食也~

見到門口排長龍, 又成日聽佢個名...所以諗住試下....點知好disappointed!D雞蛋仔好似麵粉味...無MUD味道..will never visit again ! once is more than enough!

次次行過條天橋...都聞到好香既雞蛋仔味...但次次見到好多人..都無去買....但今次因為要等朋友既關係...就一於等埋雞蛋仔啦..!今次就叫左底朱古力味既雞蛋仔...俾錢既時候..個職員話要等三分鐘...好快...我的雞蛋仔便出爐了..真的不錯...雖然D雞蛋仔既蛋味唔算太濃...但係配合埋個朱古力味就岩岩好了...加上佢每一粒雞蛋仔既朱古力分布都好平均...無話一粒多,一粒少...正

媽咪雞蛋仔真係好旺, 每次行過都見有人等食, 咁又難怪既, 佢果陣蛋香味, 係橋既樓梯到都聞到, 又香又見到好多人排緊, 或多或少令人心思思想買番底黎食,雖然排4底之後, 但其實好快就有, 淨係雞蛋仔爐眼見 就有3個, 5分鐘左右整好是日, 一底白芝麻雞蛋仔,一口脆脆地, 2/3 實心, 好香芝麻味, 有d似懷舊小食糖葱餅隻味,因為好食, 所以貴都係抵食既星期六行呢條黃埔街, 單單一行就有3 個熱買食點, 真係人氣旺盛。

第一次黎食我覺得好有驚喜!!我叫左個朱古力雞蛋仔食落去有朱古力碎~~好鐘意~~又新鮮出爐熱辣辣!!!超讚!!可能係因為我好鐘意食朱古力~~不過我試過佢杯檸檬汁..味道就一般~

一行五人的下一站就是食雞蛋仔. 上次來的時候已經關門, 這次來就有得食了, 等的人不少, 我們都要等幾分鐘先有得食.白芝麻味雞蛋仔 $14: 8分, 雞蛋仔焗得香脆, 味道方面, 加入了白芝麻, 是幾香口, 跟雞蛋味都幾夾. 人流旺, 出品當然是即整即食, 效果自然好. 吸收上次教訓, 五個人只要一底, 份量剛剛好.這個母親, 是有水準的母親.

食飯之前見到呢間野 朋友話好好味一定要試下就去買泥試下lu第1次食買原味,比較安全 haha即叫即整,等左大概5分鐘度就有得食啦第一啖食 真係外脆內軟 熱辣辣 好好味下次去開紅磡都會再食過 ! ：）

吃完糖蓮子三個甜品，其實感覺還未100%滿足..... 結果，臨離開紅磡前，再與老公食埋媽咪雞蛋仔! 其實有時我都幾out，這店開業那麼久，我也只是第一次來食，連老公也爬了我頭.... 店內現供應原味／朱古力／白芝麻雞蛋仔，以及夾餅，原味雞蛋仔及夾餅$12，其他則$14一底。作為朱古力迷，我當然揀朱古力雞蛋仔($14)啦! 由於幫襯人數眾多，付款後還要拎籌等叫，店員告之約需5分鐘左右。無聊等待之際，就八卦一下店內的製作過程；其實店內已經三部機同時發功焗野，在等待的5分鐘內，見到小店至少賣出一打雞蛋仔，以平均價$13計，即時賺$1,872元!? 而且收的全是現金，真厲害! 5分鐘過去，數計完，朱古力雞蛋仔也到手了，趕快趁熱與老公邊行邊吃了!其實此店的雞蛋仔較為稔身，中間朱古力的含量並不太平均，而且朱古力的濃度也不高，不會有甚麼甘濃的感受啦；然而添加朱古力夾心的效果，的確比一般的雞蛋仔香甜美味，有創意也抵它賺的!而據早前幫襯過白芝麻味的老公講，後者其實更香更好吃，一於下次再來試食吧；雖然$14一底雞蛋仔是比街價貴，但它比起其他甜品仍是很相宜，也值得一來品嚐其創意的!

今日有幾處食唔到唔好浪費遠出搵食既機會所以來了紅磡區暫時唯一想去吃的地方: 媽咪雞蛋仔買雞蛋仔都要拎籌是日下午5點幾來到已有數人排緊籌但製作倘有效率即叫即烤等6分鐘就有得食喇 粒粒朱古力雞蛋仔係這裡既招牌必食前相:烤成焦金黃色 卜卜脆, 熱辣辣中間夾雜著半溶朱古力粒粒味道簡直係完美雖然有朱古力粒粒但朱古力味完全無蓋過蛋香味後相有軟綿綿既感覺最巧妙係做到每一粒雞蛋仔都有肉心再三強調, 係粒粒都有肉心猶如外脆內軟既小蛋糕仔大大讚溫馨提示: 要享受脆卜卜既感覺, 就要襯熱辣辣快d食因為涼左會略淋食過媽咪雞蛋仔後, 我諗唔會再食其他雞蛋仔了因為應該無乜邊到地方可以做到磇美於媽咪雞蛋仔兩個字: 無敵!再兩個字: 出色!服務好態度好一落order就立即告訴客人預計要等既時間抵讚雖然$14一底, 比出面既價錢高了一點點但能夠製作出咁高質素既雞蛋仔絕對係受之無愧爆分